- 在線時間
- 312 小時
- 最後登錄
- 26-2-13
- 國民生產力
- 3710
- 附加生產力
- 46243
- 貢獻生產力
- 0
- 註冊時間
- 07-11-25
- 閱讀權限
- 10
- 帖子
- 27905
- 主題
- 12610
- 精華
- 0
- 積分
- 77858
- UID
- 168291
 
|
本帖最後由 elbar 於 15-8-24 09:09 編輯
【短片】鮮魚行新校長接棒 做足20年因部投影機
■鮮魚行學校新校長施志勁希望教懂學生感恩貢獻社會。
鮮魚行學校「校長爸爸」梁紀昌退休後，新學年起將由副校長施志勁帶領這間「鹹魚翻生」的基層學校。梁紀昌歷年吸金無數，「小金庫」滾存1,300萬元捐款，施校長說未來主力教學生感恩，十倍奉還給社會。這個愛逛深水埗高登的43歲新校長，20年來對學校矢志不移，緣起自一部投影機之恩，誓言無病無痛的話會做到退休。
■前任校長梁紀昌深受學生愛戴，施志勁稱要向他偷師，學習溝通技巧。
梁紀昌當了13年鮮魚行校長，學生都叫他做「校長爸爸」。梁校長口中的「阿施」施志勁，成了他的繼任人，「校長爸爸得一個，永遠得梁校長一個，我唔會係校長爸爸。我同小朋友關係都係咁，我同家長解釋都知，我唔鍾意自己咁老，叫我校長哥哥啦」。
除了1,300萬元捐款儲備，施校長說梁紀昌沒傳他「神功」，「佢係唔會刻意教你嘅人，但喺日常表現，你慢慢跟住、觀察係學到。我叫佢師父，好多時望住佢點樣對傳媒，點同社會人士溝通，點同家長傾偈，偷師學番嚟」。
這幾個月，施校長度了四大計劃：推動電子學習；繼續推行「摘星計劃」，即老師家訪學生；繼續推行摘星獎勵計劃，讓狀元、奮發之星和優異之星都可受到獎勵；尚有小學版生涯規劃，培育學生非學業興趣，同時服務社會。
盼學生「10倍奉還給社會」
梁校長給學校找來很多捐款，施校長說，要教學生不要只接受，還要施予，「我會要學生做多啲感恩，出去服務番社會。我同梁校長有個信念，我哋以前都好窮，今日搵到資源幫啲小朋友，希望我哋小朋友以後係十倍還番畀個社會，我唔係要個個做醫生、律師，個個做番個有用嘅人、唔使人擔心嘅公民，我覺得好好，當佢哋咁樣，一定有餘力去幫其他人，我要佢哋咁樣還」。
他在1995年10月6日加入鮮魚行學校，一做就20年，學校出現殺校危機，他沒跳槽。由首任校長麥思華至梁紀昌，四任校長都做到退休，現年43歲的他誓言會做到60歲，「我唔想係敗家仔打破呢個傳統，相信我會做到退休，除非我身體頂唔住。你哋唔會有機會聽到我轉去咩大校」。
即使他是一隻貓，但學校沒有魚腥味，留住他的是一份人情味。20年前新入職時，愛好科技的他想在歷史圖片中使用投影機，看中黃金商場有合適產品，但價錢高達一萬元，跟校董黃天雄說，「我講咗一句，點知佢就去用單車車返嚟畀我，嗰時剛入職，我只係講咗一句，佢就願意達成我夢想，呢啲老闆邊度搵？」
|
|
發表於 15-8-24 09:08
