- 在線時間
- 312 小時
- 最後登錄
- 26-2-13
- 國民生產力
- 3710
- 附加生產力
- 46243
- 貢獻生產力
- 0
- 註冊時間
- 07-11-25
- 閱讀權限
- 10
- 帖子
- 27905
- 主題
- 12610
- 精華
- 0
- 積分
- 77858
- UID
- 168291
 
|
幼稚園涉嫌無牌收生，教育局隻眼開隻眼閉。
香港地無奇不有，最近白牌車涉嫌非法載客引起爭議多多，原來呢啲仲係小事，連幼稚園都涉嫌無牌收生，先至令人嘆為觀止。最離譜嘅係，教育局明知有幼稚園違例，開頭仍闊佬懶理，直到傳媒揭發後至姍姍來遲巡查，問你服未。
件事係咁嘅，有間名牌私立幼稚園位於北角嘅新分校仲未完成註冊，已先收取學費及開班授課，二十幾名幼兒被安排分開時段返學，有家長聲稱已繳交七千多元學費及雜費添。最離奇嘅係，呢間幼稚園被質疑涉嫌無牌辦學，校方嘅解釋前後不一，最初承認幼稚園註冊仍「籌備緊」，後來又改口稱將轉型為教學中心，並隨即更改招牌，用紙將「幼稚園」等字眼遮蓋，改為「啟蒙園」。呢種掩眼法，係人都知道有問題喇。
本報記者向教育局查詢時，發言人證實仍然審核緊該校嘅註冊申請，而且重申根據《教育條例》，任何人如屬非註冊學校或非臨時註冊學校嘅擁有人或教員，管理或參與管理無牌學校，即屬犯法，一經定罪，可處罰款二十五萬元或監禁兩年喎。
好嘞，既然有呢條法例，教育局亦明知有幼稚園涉嫌無牌開班，點解遲遲唔執法呢？
即係咁，香港寸金尺土，唔少幼稚園為咗節省租金，都會揀選商住大廈嘅閣樓做校舍，弊就弊在呢啲地方未必有足夠嘅安全設施，尤其防火安全更係危機重重。所以咯喎，當局規定校舍必須先獲屋宇署發出證明書，證明適合作為校舍，例如需有兩條獨立樓梯等，至可以註冊開學。據講呢間幼稚園舊年已申請註冊，等咗一年仍未獲屋宇署發出證明書，搞到要涉嫌偷步開班，講起都幾無奈０架。
所以話，港產官僚做嘢拖拖拉拉，簡直累人累物。幼稚園申請註冊遲遲未獲批，屋宇署嘅理由係上址仍未符合幼稚園及補習社學校註冊申請嘅樓宇安全規定喎。既然係咁，就應該早啲話畀人知，等學校盡快改善，點解要拖拖拉拉，搞到幼稚園無所適從呢？
係人都知，任何無牌經營嘅商業活動都靠唔住。白牌車無第三者保險，乘客無保障；幼稚園無牌開課，學生同樣無保障，萬一發生意外，邊個孭鑊呢？香港話就話係法治之區，可惜官僚唔係有法不依，就係後知後覺，好多問題都係先由傳媒揭發，當局至被動跟進，簡直豈有此理！
|
|
發表於 15-8-15 12:23
