- 在線時間
- 312 小時
- 最後登錄
- 26-2-13
- 國民生產力
- 3710
- 附加生產力
- 46243
- 貢獻生產力
- 0
- 註冊時間
- 07-11-25
- 閱讀權限
- 10
- 帖子
- 27905
- 主題
- 12610
- 精華
- 0
- 積分
- 77858
- UID
- 168291
 
|
上星期日在家睇NOW635台直播NBA，由小牛對拓荒者，場波打到加時，小牛取勝。兩位中文評述員之中，左丁山認得徐嘉諾把聲，佢以前係好波之人，香港籃球隊選手。呢日聽佢講咗三四次：「某某閱讀球賽……某某閱讀到對方打法……」諸如此類，「閱讀」？你估係讀書咩，英文字read，有閱讀、洞識、了解嘅意思，所以美國球賽評述員不時講吓某位四分衛或控球後衛：he reads the game well，而今香港人可能懶於繙譯，索性就睇Google繙譯，「佢能閱讀球賽」，甚至在學院教書嘅講師，在評論版寫文章，也直寫「閱讀××」（××不是書本），果真是西方文化入侵，腐化中文字可也。
香港俾西方「腐化」咗170年以上，繼續「腐化」，不足為奇，但中國高唱四個現代化四十年之後，習近平政府突然由教育部部長袁貴仁領頭批評西方思想，西方價值觀入侵中國，中國嘅大學不容傳播西方價值觀，大學課本不能硬載西方思維，教室內教師不可教導西方理念。
呢位袁部長今年11月就65歲，北京師範大學哲學系畢業，讀埋碩士就在師範大學教書，然後做官，未曾浸過洋水，讀哲學時（1978-1982）係打倒四人幫，正常大學教育啱啱恢復之時，百廢待興，梗係死刨馬恩列史毛嘅哲學嘅嘞，無怪黨性甚強，排斥西方思想，由這樣的人做教育部長，中國大學想話真正進入世界先進行列，講吓笑話而已。
但另一方面，中國政府又拼命撥款俾名牌大學如北大、清華、復旦、浙大等大搞科研，誓要追上哈耶牛劍噃，「環球時報」又講到中國需要一流智庫為國家出謀獻策，深化經濟改革㖭，究竟北大清華及「智庫」等是否只需要精讀猶太人馬克思著作就可為中國解決所有問題？猶太人馬克思嘅思想係甜糖，猶太人佛利民嘅思想就係毒藥？崇拜猶太人耶穌嘅教堂更要拆除㖭！其實中國自從在80年代初，准許學生去美國讀書後，中國大陸已受西方思維腐化了。記得錢其琛個仔去密芝根大學留學，寫過一本留學見聞錄嘅書。內有講到去到密大之後，就去學生事務處查詢「我有甚麼可以做？」辦事人員答佢：「你自己鍾意做乜就做乜，我地唔會干涉。」錢公子吃了一驚，因為在中國，學生係要聽話辦事的，從那天起，他就要靠個人，不靠組織分配，思想就受美國方式腐化了。今日中國有無數海歸派，西毒入侵，根本無可挽救！
左丁山
|
|
發表於 15-2-12 09:07
