阿女上堂俾老師話佢遊魂 - 幼教雜談 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼教雜談 › 阿女上堂俾老師話佢遊魂

發新帖

查看: 2810\|回覆: 18	go 阿女上堂俾老師話佢遊魂 [複製鏈接]

Rank: 4


	861

1^#

發表於 14-9-22 15:44 |只看該作者 |倒序瀏覽 |打印

阿女K2, 上年K1老師已經同我講佢試過成班坐定定聽緊老師講課, 佢無端端自己企起身, 問佢做咩又答唔出。我平日多提醒佢上堂要專心D聽指示, 今日同老師傾開, 個個同學仔係寫字角完成晒寫字, 但佢都無去做, 要老師多番提醒至識得走去做, 而家開學無耐咋喎, 我應該點好??

Rank: 5 Rank: 5


	3495

2^#

發表於 14-9-22 15:47 |只看該作者

回覆：cyheie 的帖子

專注力不足？

Rank: 4


	861

3^#

發表於 14-9-22 16:23 |只看該作者

濼晴發表於 14-9-22 15:47
專注力不足？

老師有提過, 叫我平日多俾指令要佢跟住做, 但都未見有起色, 請問仲有無咩方法?

Rank: 5 Rank: 5


	3495

4^#

發表於 14-9-22 16:37 |只看該作者

回覆：cyheie 的帖子

有冇平估過同屋企係點

Rank: 4


	861

5^#

發表於 14-9-22 17:01 |只看該作者

無做過評估。老師話佢係聽野方面專注較弱, k1完左知道個情況後, 係暑假我有同佢玩下摺紙同畫下畫, 佢都可以同我坐係度做45分鐘, 因為家中得佢一個小朋友, 我地都唔察覺到個問題, 而家夜晚唔會開電視, 覺得佢鐘意寫字, 好希望人讚, 寫完一個字就要即刻拎俾屋企人睇等人讚佢, 都會寫寫下俾其他野吸引而分心。
係屋企既指令, 叫佢幫我掉垃圾, 自己撇橙呢d都可以完成。
因為我在職媽媽, 每晚都好爭取時間同佢相處, 請指教下我可以點做

Rank: 3 Rank: 3


	216

6^#

發表於 14-9-22 17:02 |只看該作者

回覆：阿女上堂俾老師話佢遊魂

細b嗎？

Rank: 4


	861

7^#

發表於 14-9-22 17:08 |只看該作者

回覆 Annbaat 的帖子

3月出世

Rank: 3 Rank: 3


	216

8^#

發表於 14-9-22 23:45 |只看該作者

回覆：阿女上堂俾老師話佢遊魂

如果只是學校內才不集中，會否因為新學期，小朋友對環境要點時間適應？或新班主任未了解小朋友的情況？
我女之前在N班老師沒有說她有問題，但升了k1，新班主任對小朋友要求高了，加上多了些較學術嘅課堂，所以囡囡初期亦不習慣，常常提起n班班主任名字等等。現在開始投入一點，我亦每晚跟她玩認字，填色，唱歌review上課嘅東西。

Rank: 4


	861

9^#

發表於 14-9-23 10:27 |只看該作者

回覆 Annbaat 的帖子

好感謝你的回覆!! 你提及既新學期適應方面我回想都覺得有可能, 咁我再同佢多d傾下令佢明白要配合老師要求, 尋晚都講過, 又唔想太刻意怕佢覺得媽媽責備佢。
而老師方面佢地係兩位班主任, 進入新學年, 只換其中一位新既班主任, 而話我個女專注力問題既一位班主任係k1已經跟開, 我個女都好鐘意呢位老師, 應該唔關換老師事。
不過佢細個時, 我發覺佢填色係無咩心機, 成日用死一隻色同埋未能完成, 我仲以為佢只是對畫畫無興趣, 所以無同佢報畫班之類, 而家至知原來畫畫都同訓練耐性專注力有關係, 老師都話佢無咩創意,叫佢畫野, 畫左要畫既就算, 唔會自己再加入其他元素, 見咁樣我又買幾本簡單學畫畫既教學書, 佢都肯跟我一齊逐筆逐筆畫, 加上k2學術野多左, 時間分配方面都有d難度, 我同自己講, 做到幾多就幾多


	87

10^#

發表於 14-9-23 17:29 |只看該作者

提示: 作者被禁止或刪除內容自動屏蔽

Rank: 4


	861

11^#

發表於 14-9-24 10:57 |只看該作者

回覆 charl 的帖子

請問如果區分到顏色跟專注力有關係? 佢無色盲色弱, charl 可否講多少少, thanks!

Rank: 6 Rank: 6


	5702

12^#

發表於 14-9-25 10:02 |只看該作者

我個女而家8歲, 細個時又係唔專心, 上堂成日遊魂, 因為咁, 學野時間比其他小朋友起碼要用多一倍時間. 我帶佢做過therapy, 做過三次評估, 我唔覺得有物用. 錢同時間都用左好多, 屋企都會配合做d野, 如多d帶佢出去做公園跑, 特登買張彈床係屋企跳咁, 又帶佢去驗食物敏感, 試食療.

睇返轉頭, 只覺得當時太注重同其他人比. 每個人發展唔同, 佢唔係智力有問題就得. 而家佢好ok, 返學返返得好好, 睇書可以自己坐係到睇兩三個鐘, 係學校佢應該有中至中上程度, 佢好鍾意返學, 好聽先生講, 亦開始識自己跟功課 (當然佢功課唔多, 我地當時揀左國際學校, 因為覺得學校會等佢追上來, 唔會迫佢, 事實我地揀啱左, 不過呢d係後話).

我覺得最重要係確認小朋友智力冇問題就得, 屋企可以做d野去幫佢, 總之唔係真正嘅專注力不足就得, 因真嘅add/adhd係要食藥架, 而家個個開口埋口都話係add/adhd, 太廣了. 個時我都比老師話我個女add, 因為咁我帶左佢去check, but it is a long story.

Rank: 6 Rank: 6


	5702

13^#

發表於 14-9-25 10:06 |只看該作者

唔好同其他小朋友比, 我個女細時都唔太填色, 唔玩puzzle...每人興趣唔同, 冇得迫. 老師將小朋友定性為一年工廠產品, 佢心目中已set 左標準, 唔達標佢就覺得有defective, 但人唔係咁, 個個人都唔同. 發掘興趣係一件事, 但迫佢又係另一回事.

Rank: 11


	48936

14^#

發表於 14-9-25 11:31 |只看該作者

elmostoney 發表於 14-9-25 10:02
我個女而家8歲, 細個時又係唔專心, 上堂成日遊魂, 因為咁, 學野時間比其他小朋友起碼要用多一倍時間. 我帶 ...

同意樓上家長講，只要確定小朋友智力和聽力無問題就得，個個小朋友性情吾同，大d佢地自然做到應有的專注和跟指令。
我女細個去in pn，完全吾肯坐定聽故事、吾肯放低玩緊的新玩具，一去到新環境，就周圍探索周圍摸。我當時都好愁，見到其他女仔乖巧受教，咁佢點搵學校，最後帶佢去上了一輪專注力訓練....其實望番轉頭，這是佢的性情，大d講得明道理，佢就自會有合理的舉動。

Rank: 4


	861

15^#

發表於 14-9-25 15:04 |只看該作者

感謝兩位意見!! 兩位家長的回覆, 令我感受到你地小朋友好幸福, 最起碼家長都不為而家教育方針而動搖亦肯去欣賞小朋友獨特一面。

事情到左今日有少少發展, 剛剛同教我女彈琴位老師講開, 佢原來都一早發覺我個女係好喜歡發夢, 因為我係一班人一齊學連埋家長, 所以老師唔方便直接指出我個女既毛病, 頭先係電話度一講, 佢一d都唔驚訝班主任既comment, 佢鼓勵我如果一遇咁情形就直接叫佢唔好發夢, 令佢知道原來自己咁樣叫做發夢, 因為4歲小朋友發緊夢而不自知, 再解釋咁樣令佢學習上聽少好多野, 因為佢留意到我個女性格算係易教, 可以慢慢講道理個種, 我決定會嘗試做, 希望可以令佢學習得好一d。

Rank: 6 Rank: 6


	5702

16^#

發表於 14-9-26 09:52 |只看該作者

本帖最後由 elmostoney 於 14-9-26 10:06 編輯

你一路monitor 住就得.  亦唔好淨你聽我地一面之詞, 我識得有人到十幾歲上中學都仲發緊夢! 咁就係CONCERN啦.

我比較建議一個途徑係食療, 因為呢D試下無妨.  我幾信呢樣, 就等如一架汽油車入錯柴油, 架車唔壞都難.  如果你唔怕煩, 先戒左所有麥類 (麵包, 麵條, 餅干, 蛋糕), 戒一個月你已睇到有冇幫助, 佢未必係一下子完全扭轉, 但有機會會改善緊.  另外可考慮戒牛奶類製品, 當你知道完來一般人飲用嘅牛奶, 激素同抗生素之多, 牛因奶頭不斷被擠奶而發炎嘅癑細包, 仲有cancer causing嘅casien, 你就唔會想成日比小朋友飲.  casien係人體不能分解嘅, 激素係牛場要提高奶量同埋係乳牛即使係小牛出生好耐之後仍要KEEP住牛產奶打嘅, 抗生素係因為一般牛場都係GRAIN FED,唔係GRASS FED, 牛其實唔多消化GRAINS, 特別係粟米, 所以佢地成日胃酸倒流, 病, 咁就比佢地食抗生素.  我個仔BB時牛奶敏感, 要飲豆奶, 後來我個女比老師quantify做ADD, 所以我去測試食物敏感, 結果驗到佢對麥類同牛奶都過敏.  過敏唔一定定係身體有表徵, 如rash, 肚潟之類, 亦可以係情緒同專注力.  當時我同佢戒左半年好清, 而家就偶然比佢食, 當TUM下佢, 平均一星期唔超過一次, 有時兩次, 亦唔會好狂.  奶就唔會飲, 我留返個QUOTA比佢食芝士類食物, 唔係成塊食, 係食PIZZA呢D.  奶非常偶然會買(2 個月一次),但係我會睇清楚, 寫明係hormone free, anti-biotics free, pesticide free.

有冇幫助?  我都唔知佢係因為大大下, 定係食療.  不過麥有好多唔好處, 我都講唔哂, 所以我覺得戒左冇壞.  因為我個女嘅情況, 所以我都睇左呢方面D research或者書, 真係信不信由你.

Rank: 4


	861

17^#

發表於 14-9-26 17:07 |只看該作者

回覆 elmostoney 的帖子

thanks elmostoney 真係第一次聽原來小麥同牛奶會有呢d影響, 又知多樣野

日常飲食, 飽蛋榚呢d 都幾難避免, 亦都好多食品含有奶類架喎, 不過我會記住, 儘量避免食, 因為佢返全日, 學校餐單都會有呢兩類野, 我只可以從屋企飲食方面做d野啦, thanks你既意見!

Rank: 5 Rank: 5


	1514

18^#

發表於 14-9-27 03:11 |只看該作者

回覆：阿女上堂俾老師話佢遊魂

小朋友係咁架喇，慢慢來啦

Rank: 4


	861

19^#

發表於 14-10-3 14:24 |只看該作者

回覆爸爸愛您的帖子

謝謝提點 !

‹ 上一主題|下一主題 ›

發新帖

熱門主題

最高瀏覽主題