沙田蘇淅 - 升中派位

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 升中派位 › 沙田蘇淅

1 23

樓主: October	go 沙田蘇淅 [複製鏈接]

小師妹

大宅

Rank: 5 Rank: 5


	3927

41^#

發表於 13-4-10 01:05 |只看該作者

引用：小師妹,++我仔功課量真的不算多,+所以讀得

原帖由 正能量 於 13-04-09 發表
小師妹, 我仔功課量真的不算多, 所以讀得都幾開心架, 亞女都好LIKE KCC, 若培英INTERVIEW失敗, 入到KCC佢 ...

我囝晚晚做功課都做到11:00pm先瞓！佢都算乖，從不欠交功課的！課外活動學校規定至少要參加一項，佢則選了三項！

返回頂部

正能量

別墅

Rank: 4


	774

42^#

發表於 13-4-10 11:57 |只看該作者

嘩乜咁辛苦架!咁我希望亞女入沙蘇多d,其實亞女想參與培英兩年一度的英文歌劇,佢好好動鐘意唱歌跳舞畫畫同Csy ma女有d相似,我見佢女都話讀得ok,所以諗住亞女都會讀得開心,但咁多功課真系辛苦wor

點評

csy_ma 不過，培英確實沒有我們當初預計那麼少功課……好彩功課形式有趣，阿囡未有投訴發表於 13-4-11 11:06

csy_ma 不過，佢好鍾意做

發表於 13-4-11 11:05

csy_ma 另外，我囡好多要講既功課，佢好鍾意玩power point，所以呢類功課佢會俾好多心機同時間做，仲有小組填歌詞同寫小說/劇本咁(英文功課)，用最多時間發表於 13-4-11 11:03

csy_ma 我囡功課唔多，佢每日返黎瞓一兩個鐘至開工做功課，都不至太夜，倒係佢成日睇閒書或上沙培網，至遲瞓

發表於 13-4-11 11:01

返回頂部

正能量

別墅

Rank: 4


	774

43^#

發表於 13-4-10 12:01 |只看該作者

小師妹你仔真系好自覺,吾止乖仲成績好,真系羨慕死人

返回頂部

小師妹

大宅

Rank: 5 Rank: 5


	3927

44^#

發表於 13-4-10 17:46 |只看該作者

引用：小師妹你仔真系好自覺,吾止乖仲成績好,真系

原帖由 正能量 於 13-04-10 發表
小師妹你仔真系好自覺,吾止乖仲成績好,真系羨慕死人

唔係呀！佢都有成曰打機㗎！不過都有節制嘅！佢做功課都唔係連續不斷咁做到11：00pm嘅，有時喺度遊魂，有時又做定唔駛第二日交嘅功課！

點評

正能量 Csy ma我女同你女性格真系好相似,佢都好鍾意做d講既功課,仲好like小組呀寫稿呀既homework,但佢就無你女成績咁好啦,梗系啦有個咁叻既嗎媽! 發表於 13-4-11 13:33

csy_ma 呢點真係好難得

我都好想阿囡預做功課，但係佢總係拖到最後

發表於 13-4-11 11:12

返回頂部

正能量

別墅

Rank: 4


	774

45^#

發表於 13-4-10 21:11 |只看該作者

咁咪就系乖囉,吾會臨急抱佛脚,而家d細路好難得架,真系好好架啦
講番interview,亞女話出奇地培英題目比沙蘇易好多,点知佢而家又話想讀沙蘇同亞哥一齊,真系俾佢激死
不過培英收佢先算啦

返回頂部

小師妹

大宅

Rank: 5 Rank: 5


	3927

46^#

發表於 13-4-10 21:40 |只看該作者

引用：咁咪就系乖囉,吾會臨急抱佛脚,而家d細路好

原帖由 正能量 於 13-04-10 發表
咁咪就系乖囉,吾會臨急抱佛脚,而家d細路好難得架,真系好好架啦
講番interview,亞女話出奇地培英題目比沙蘇 ...

兩間都不錯，事但讀一間都OK!

返回頂部

PingBBK

複式洋房

Rank: 3 Rank: 3


	130

47^#

發表於 13-4-11 13:06 |只看該作者

回復小師妹的帖子

小師妹及csy_ma, 你們好, 我都很想在此多謝你們的分享, 令我對培英及蘇浙多了很多認識. 因為其他考慮, 最後自行, 我們無選到這2間, 但在搞珠, 仍會以這二間為首選.

點評

csy_ma 補充：朋友囡囡自行既志願係HTC上智同荃官發表於 13-4-11 16:37

csy_ma 佢地唔揀培英作首位，理由係佢女係5號仔，唔係好鍾意公開講野……我想，就係少講，至要多訓練??揀校，背後各有價值觀，沒有最好，只有最適合的發表於 13-4-11 16:36

csy_ma 自行是跨區，抽獎是沙田區？唔緊要啦，我大學最好既同學，借我地址抽沙田（佢打算搬），都好似鍾意沙崇個校園多D 發表於 13-4-11 16:31

正能量你咁樣安排有d奇怪,自行兩間應該很心儀才揀佢,咁為何抽獎時又另揀其他排頭位,不過或許你自行時已收左,可吾可以講見左邊兩間? 發表於 13-4-11 13:24

返回頂部

csy_ma

子爵府

Rank: 7 Rank: 7 Rank: 7


	13222

48^#

發表於 13-4-11 15:40 |只看該作者

本帖最後由 csy_ma 於 13-4-11 21:49 編輯

正能量發
Csyma我女同你女性格真系好相似,佢都好鍾意做d講既功課,仲好like小組呀寫稿呀既homework,但佢就無你女成績咁好啦,梗系啦有個咁叻既嗎媽! 發表於半小時前
我好鍾意

正能量：

我好鍾意您個網名呀

我囡成績好似遠遜小師妹既囝囝？（佢唔肯讀書，中默曾低至3分，英默低至6分，好彩成績表只計英默唔計中默）佢既中文成績……以前響高小中英數常年代係最差既

您可以想像佢媽媽有幾叻

培英除咗有好多寫稿呀，做speech功課外，好老師比例多亦係其中賣點。我啱啱寫緊封多謝同請假電郵俾老師，點知愈寫愈長，跟住轉畫面話我上網太耐要再登入而消失咗

，好難有情緒重新寫過，先上黎EK透透氣。

其實，就功課量黎講，唔同老師有唔同風格。就算同班，唔同組上課既功課量都不同。以我囡果班為例，英文老師是自培英畢業既新老師，佢經驗可能唔夠，但好勤力，功課量多，看其工作紙和答案紙，可見其花了極大心思。

中文老師響同學中好出名，我囡曾話好攰好想瞓但係上佢堂會笑醒既，有同學投稿沙培網講老師課上趣事，獲大量迴響。呢位老師好少俾功課，我又唔太覺阿囡因此少學野？？

數學，我囡上既係補底班，即係PS1數學成績係全級最低果32名之一，先有幸分到去果兩組補底班上。數學老師亦為囡囡班主任，我覺得佢好有智慧：

情況一：開學後一個月既家長會，有家長擔心數學補底班功課少，子女更追不上，要求老師多布置作業，老師非常溫柔（佢係男老師）但堅定地拒絕。理由係，齋狂俾功課同學做，佢做到錯晒返黎都係冇意思既，補底組其實有很多功課，但會在堂上請同學出黑板做，咁至清楚佢地識唔識，咩唔識。

情況二：唔係好鬧人，但對多嘴既同學會俾quota佢，每日限制其發問時間

情況三：容許補底班學生循序漸進，在第一次統測時，測驗題目會較淺，到考試時才看齊，以免打擊同學自信。

情況四：在家長日，老師明確表示，如同學已明白該課內容，老師係容許同學自己做當課或之後的數學習題。

情況五：在家長日中，阿囡口中最多話、最頑皮，有老師曾謂對佢＂久聞大名＂既學生，負責接待家長，佢當日好有禮貌咁派糖同資料俾各位家長

結果，我囡考試時的數學排名是5X（X忘了，是前頭的)，進步了5X%

阿囡有次跟我說，有次數學測驗，小組最高分的不是她，雖然也自認為考得不好，她卻有點失望……後來發現老師計錯分，變回（補底班）第一名，才安樂。

我向來覺得阿囡較適合做小塘大魚，培英中英數分組小班教，令佢縱成績稍差也有學習動力，很好

仲有，你有冇想過小朋友缺席課外活動，老師會追call叫佢返校？我囡上周復活假就真係收到話劇老師電話

跟住阿囡仲唔知死，周一放學又冇去排練，結果老師特登去佢課室搵佢，告誡佢唔好再唔珍惜機會勒，搞到阿囡自動話我知再唔敢……

我一直覺得，阿囡咁辛苦至爭取得參與音樂劇（要經過唔只一次試演），成日缺席排練好有問題（佢以前未致咁冇責任感，六七歲時，發燒都要起身上課排舞），但佢好多時都係返緊屋企或事後至通知我，都好頭痛

因為老師既著緊，俾佢一個教訓，我諗呢D會遠較佢上課學既知識深刻……

我見阿囡幾少做其他科功課，唔係太清楚佢有幾多（佢好鍾意在校時做盡量多功課，以便回家有自由玩或看書）？

另外，我真係好鍾意沙培網既學習環境，又好彩囡囡肯俾佢個密碼我，等我得知好多佢上課既情況（佢果班有同學幾鍾意寫課堂趣事）……

總之，我鍾意培英既各方面，都唔係指向成績，但係，無論係學演說/溝通技巧，定係做一件事要有始有終，有團隊精神，都係將來工作時最需要學的。而家，入大學既機會好多，香港讀唔到，去其他地方讀都未必係咁困難，所以我情願佢兼顧一下其他方面，尤其係責任感。

我囡至今都唔會自動自覺溫書（我亦叫唔郁），都曾有少少擔心，但好多位高年級既家長都話俾我聽，佢地既小朋友都係到咗S3-4左右，就會自動緊張成績，S6同學高考前日日返學校溫書既，更佔大部分，所以我都繼績偷懶一下。

仲有樣野，係我無意中由第一屆培英師姐度得知：邱校長以前係教宗教既，所以，校長最著重既，似乎係學校既校風。佢請我地新舊PTA食飯，飯前都有祈禱，中間要各人分享（尤其已畢業/離校留學的，想知其發展），每次家長講座或溝通，目的都係請家長留返個空間俾子女，信任佢地，讓他們在青春期、適應其心身突變既短短幾年，可作較自由的探索……總之係讓家長偷懶既方法吧？所以我喜歡

返回頂部

正能量

別墅

Rank: 4


	774

49^#

發表於 13-4-17 23:45 |只看該作者

Csy ma
吾好意思!好多日無上EK,所以而家先回應!
你真系好犀利,短時間內可以寫到咁長篇大論,仲咁有見地,仲話吾叻,你吾止有學識,仲系一個高質數的媽咪,從字裏行間可清楚得知! 至於你女其實系可以更好,只系你放手俾佢自由發揮,你都從來無插手她的學業,否則成績一定不止於此,對嗎?

我同其他家長一樣,之前一直為子女升中選校而煩惱,亦經常瀏覽EK,看看各家長對各中學的睇法,從中汲取經

驗!

其實在選校過程中,亞女都一直心儀好幾所中學,一直拿不定主意,直到臨近截止交表日期,才決定了培英和沙蘇,但仍未能清晰排先後,因眼見哥讀沙蘇比較輕鬆,功課量不多,而每年見沙蘇的入大學率卻和培英相若,做父母的都只想仔女能愉快學習,終点都是入大學而已,既然如此為何要揀間讀得辛苦的學校呢?
我一直都是這樣諗,倒是亞女比較進取,她認為培英較多人揀,一定有其過人之處,她喜歡向難度挑戰,再者她是真心喜歡此校,所以就將此校放首位!

多得你的分享,才明白選校除了考慮入大學的可能性,還要顧及很多其他元素,衷心感謝你的分享!!