請大家分享或訴說一些旁人地眼光及言語的傷害經歷 - 自閉寶寶

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 自閉寶寶 › 請大家分享或訴說一些旁人地眼光及言語的傷害經歷 ...

樓主: xixi1218	go 請大家分享或訴說一些旁人地眼光及言語的傷害經歷 [複製鏈接]

anan3388

別墅

Rank: 4


	669

21^#

發表於 12-9-18 12:59 |只看該作者

仔坐巴士踢到阿叔，阿叔怪我唔教佢，我話，佢係自閉既，跟住佢話: 自閉都要教! 我話，我都幫佢脫左對鞋，咁你仲想點呢? 佢收聲但個樣衰衰咁，當時我講緊電話，朋友都明白我委屈，我咪話: 算啦，個世界咩人都有，總有人明，有人唔明。

人地總覺得父母要負責孩子一切行為，孩子有行為必是管教不善。其實背後付出幾多，外人係唔明既，所以，唔期望人明，自己問心無愧，當佢地只係唔理解，一般都係d人自己煩躁理解唔到別人，無謂為佢地影響自己心情。自己明自己最緊要!

返回頂部

ming3

大宅

Rank: 5 Rank: 5


	2162

22^#

發表於 12-9-18 14:30 |只看該作者

我剛剛星期六去順利協康會報課程, 因沒有堂要上, 而且亦有時間, 個女想係度玩下咁玩一陣, 咁我就同姑娘係隔離傾計, 點知有家人係房到出黎, 應該係見完中心姑娘, 點知個小朋友(約歲幾)突然走過黎攞我個女玩梗既玩具, 咁我個女唔鍾意, 用手擋住係隻手, 點知佢阿婆究竟話: "你咁野蠻架, 你都有3歲啦, 你真係野蠻." , 係咁用手指住我個女話, 個時因為掛住安撫我個女, 無同佢嘈.
其實你都黎得協康就知d小朋友比較固執, 有時唔鍾意同人分享, 而且你個孫突然走埋黎攞人d玩具, 佢都有唔對, 點解你只係講我個女

返回頂部

annaanna

大宅

Rank: 5 Rank: 5


	1824

23^#

發表於 12-9-18 15:24 |只看該作者

我都試過，同阿仔經過D賣米、賣豆O既雜貨舖，我仔多手，攪到人地D 米掉左，我估半碗左右啦.... 我已經即刻講對唔住，個老闆見到，就話佢咁大個仔都咁(我仔高度十歲，但當年係6歲)，之後個老闆轉身拎掃帚掃番個地，就話個仔咁大都唔教，整到佢D 野掉晒落地，咩都唔做當冇事﹗
個伙記見到，我話我有道歉呀，不如計番幾多錢，我賠錢﹗之後個伙記話算啦，老闆係咁喇，你地走啦﹗
我再講唔好意思，話比錢，但佢冇收就叫我地走﹗
之後我一路行一路喊，你估我唔想教到個乖仔出黎咩？佢係多手，係唔O岩，但唔代表我冇教喎~ 果次真係好HURT呀....

返回頂部

chlohong

別墅

Rank: 4


	516

24^#

發表於 12-9-18 21:22 |只看該作者

好明白大家的感受, 其他人唔會明我地的辛酸

我會叫自己睇開D, 把口生係人地到, 佢地要講乜隋便佢地.
雖然我仍未完全做到, 但我盡力叫自己睇開D, 加油

返回頂部

kaka1128

大宅

Rank: 5 Rank: 5


	1455

25^#

發表於 12-9-18 22:20 |只看該作者

我囝好唔好彩跌斷左手骨, 要開刀+加網線+打石膏, 佢自己一個人入手術室, 出返黎又插左喉, 又打晒石膏咁, 我地大人見到佢都覺得辛苦啦, 可況係一個小朋友....佢超驚, 好痛,佢以為D醫生姑娘經過係要掂佢, 一有姑娘行過就大叫, 當然醫生姑娘真係要幫佢果陣, 就無合作啦. 有一晚, 有個姑娘經過, 我囝好驚又大叫, 個姑娘竟然話: "我都未見過D小朋友咁無禮貌咁大脾氣架.." 之後又話:"你一定係好種佢啦, 有D小朋友跌得再傷過佢都唔會係咁..." 下刪幾百字.... 我心諗, 宜家斷手骨喎, 斷骨叫下都好正常啫, 真係好痛架.

返回頂部

xixi1218

別墅

Rank: 4


	716

26^#

發表於 12-9-22 23:00 |只看該作者

其實有些人想幫人教仔，語氣好點，我是不介意的。有次，阿仔問了我好多次同一個問題，去到搭電梯，他又問，我就叫他不要吵到人，出了電梯再講。旁邊的婆婆就很認真回答他的問題，教他。其實我又不介意，我知道那個婆婆是不瞭解他的情況，亦不知道爲什麽我不回答孩子的問題。可能她覺得孩子問問題很正常，要回答，所以她幫我回答了。其實，旁人是一個態度和語氣的問題，如果處理得好，大家都開心，如果態度和語氣傷了人，就如刀槍一樣。有時我想，這也是做人的一些素質，就算一個真的是沒有家教的孩子，那作為旁人也不能說話太難聽，也可以婉轉些。