用戶登入
用戶名稱：
密      碼：
登記帳號忘記密碼

討論區

教育王國
教育講場
使用意見
幼兒教育
幼校討論
幼教雜談
小學教育
小一選校
小學雜談
中學教育
升中派位
中學交流
初中教育
專上教育
備戰大學
選科選校
國際教育
國際學校
海外留學
知識增值
課外活動
教材閱讀
公開考試
深造進修
特殊教育
特殊教育
資優教育
自閉寶寶
智能評估
徵求專區
二手市場
誠徵老師
組班專區
徵保母車

   聯絡管理員
搜索
教育王國 › 討論區 › 自閉寶寶 › 想做多一次評估, 有建議嗎?
發新帖
查看: 2409|回覆: 18
 go

想做多一次評估, 有建議嗎? [複製鏈接]

daddykei

Rank: 5Rank: 5


1306
1#
發表於 11-11-30 15:22 |只看該作者 |倒序瀏覽 |打印
囝囝剛剛三歲, 兩歲前因為超級坐唔定懷疑過度活潑症, 但在CAC評估後醫生話絕對唔係過度活潑症, 而係自閉傾向.

- 囝囝說話好叻, 可以講到複雜句子
(今早講嘅e.g. 好大風好凍要着衫嫁, 如果唔係會凍親病嫁嘛, 要去睇醫生打針針嫁, 打針針會好痛嫁嘛)
- 認知正常 (我唔覺佢特別叻)
(認中文字比較快, 學兩,三次就會記得, 不過英文字同數學都好弱)
- 有時比較固執, 不過同佢解釋後都會妥協唔再堅持, 唔會 因為突然嘅轉變而變得激動不安, 都幾鐘意新鮮事
- 已經可以寫到A-Z, 簡單中文字, eg 日, 土, 人, 大等(當然寫得唔靚, 又唔會沉迷不停寫字嘅)
- 好鐘意玩車(但自細都唔會特別鐘意望車輛轉嘅), 不過其他玩具都會玩好耐
- 都可以坐係度做功課(15-20分鐘)
- 見人哭都會安慰人嘅
- 每日都會同我傾計, 有唔開心都識同我講嘅
- 好識睇人面色

醫生評估完話佢好自我, 鐘意自己諗嘢, 社交弱, 唔識得同人玩, 情緒起伏好大, 依附感弱, 但肯定佢唔係過度活潑症.

我同囝囝嘅班主任傾咗三個鐘, 囝囝番全日班嘅, 好多時間同同學相處, 當我同老師講囝囝有自閉傾向, 老師十萬個唔相信, 佢講囝囝係學校同同學相處完成冇問題, 同學都好鐘意佢, 有時做錯咗老師提點後佢下次立即做得好, 主題學習時間, 可以坐係位度大半個鐘, 開學時情緒不穩但開學後個半月已經冇哂問題, 好肯學習, 亦會主動參與, 同同學亦有傾有講嘅, 不過老師覺得有時間囝囝好似好多心事, 好時老師會同佢傾計問佢有咩唔開心, 佢會同老師講怕媽媽唔要佢等等. 老師覺得佢反而似係資優, 不過我唔覺得係.

我睇咗好多關於自閉同亞氏保加嘅書, 越睇越唔明白, 書裡面講嘅症狀, 囝囝95%都唔似, 個人好亂, 成日失眠, 朋友覺得哩件事唔單止影響小朋友, 仲影響緊成個家庭, 建議我不如去做多一次私人評估.

我可以算做呢? 希望大家可以比d頭緒我, 多謝~
   0    0    0    0

返回頂部

rabbit1806

Rank: 4


828
2#
發表於 11-11-30 15:45 |只看該作者
樓主, 評估最重要嘅目的其實係搵出小朋友嘅問題, 自閉或自傾都不過一個名稱, 最緊要係對症下藥去解決問題, 睇下有咩training 或方法去解決問題....
我仔3歲幾, 最近係私人機構做評估, 都係話佢有自傾, 自我中心, 專注力差,同埋社交能力弱, 起初自己都好困擾, 但係後來諗下無論叫咩症狀, 阿仔都係有上述的問題, 倒不如努力上training同家居訓練, 儘力改善問題嚟得實際, 唔想錯失呢一兩年訓練的黃金時期

返回頂部

daddykei

Rank: 5Rank: 5


1306
3#
發表於 11-11-30 16:06 |只看該作者
我明白有問題要去正視同幫個小朋友, 令我困擾嘅係醫生話嘅癥狀, 例如社交方面, 佢又唔似係有問題, 我哩排都有去好多資源中心睇下有d咩社交小組, 當發現小組內嘅小朋友都係情況比較弱嘅, 我先生堅決唔想囝囝去上, 因為怕佢會倒退, 佢話囝囝已經番全日班, 已經有足夠時間同小朋友相處, 而老師亦話囝囝同同學相處冇問題, 就唔需要參加哩d小組. 噤我哩有帶多d佢去公園玩, 又發現佢都會主動同小朋友玩. 我都唔知仲有咩可以幫到囝囝, 不停諗呀諗, 壓力好大~

返回頂部

pocoyo123

Rank: 5Rank: 5


4461
4#
發表於 11-11-30 16:30 |只看該作者
DADDYKEI:
平常心去面對啦, 人無十全十美, 每個人都有長短處, 有時在別人眼中的短處, 正是小朋友的長處, 亦無須給自己和小朋友壓力, 如家長認為小朋友暫時可跟上, 只要多些留意, 不要太過担心

返回頂部

autunmbb

Rank: 4


817
5#
發表於 11-11-30 19:29 |只看該作者
原帖由 daddykei 於 11-11-30 15:22 發表
囝囝剛剛三歲, 兩歲前因為超級坐唔定懷疑過度活潑症, 但在CAC評估後醫生話絕對唔係過度活潑症, 而係自閉傾向.

- 囝囝說話好叻, 可以講到複雜句子
(今早講嘅e.g. 好大風好凍要着衫嫁, 如果唔係會凍親病嫁嘛, 要去睇 ...


我覺得小朋友由兩去到四歲的改變係好大架，如果你想評做多次，你問一問自己期望是什麼。如果用幾千蚊只係為左找一個專業人仕來肯定自己的諗法，不如買幾張海洋公園年票好過，起碼有得玩有得睇仲有教育意義。如果你覺得你個仔無乜野，連老師都話無問題，不如你同個仔去多d地方，見識多d，玩多d，學多d野仲好啦～～ 問另一個專家咪又係用d表呀，計下分咁就話你係有事／冇事。

講野，社交都無問題，3歲就可以開始執筆寫字。唔開心又識同你講，唔鐘意乜都會同你講，又會安慰其他人，係我呢一刻對我個仔夢寐以求的事。不過呢d野都係失去才會覺得可惜～～～～

返回頂部

apple~y

Rank: 7Rank: 7Rank: 7


10937
6#
發表於 11-11-30 21:15 |只看該作者

回復 1# autunmbb 的帖子

"講野，社交都無問題，3歲就可以開始執筆寫字。唔開心又識同你講，唔鐘意乜都會同你講，又會安慰其他人，係我呢一刻對我個仔夢寐以求的事。不過呢d野都係失去才會覺得可惜～～～～"

係呀我日日期望仔仔可以有呢個程度
不過都係發夢..........

[ 本帖最後由 apple~y 於 11-11-30 21:20 編輯 ]

返回頂部

kelvin_hmlau

Rank: 5Rank: 5


1263
7#
發表於 11-11-30 22:17 |只看該作者

回復 6# daddykei 的帖子

聽到你d描述, 真係唔多似自傾, 只有超級坐唔定同固執比較可疑. 除了當局者迷因素, 既然有咁大進步, 做多次評估也無壞.

返回頂部

Torres

Rank: 3Rank: 3


347
8#
發表於 11-12-1 00:34 |只看該作者
你仔仔識講咁多野, 又有社交, 真係唔似a, 做多次多無防, 如果吾係可以等到5歲才返cac 做評估!

返回頂部

Capricorn2521

Rank: 5Rank: 5


2347
9#
發表於 11-12-1 10:21 |只看該作者
樓主，你孩子的問題只有"坐吾定"，如果冇影響日常生活及學習的話，大D自然會定D，不用擔心。

贊成多D帶活躍的小朋友到公園玩，多D接觸大自然。

返回頂部

Olympian

Rank: 6Rank: 6


5302
10#
發表於 11-12-1 11:22 |只看該作者

回復 3# daddykei 的帖子

你成日係咁諗住會好辛苦架。呢件事係你個心結，可以跟家人或社工傾下除了做多一次評估外，還有個些什麼可以令自己解開呢個困擾

唔好搞到自己個問題仲大過個仔的問題啊~~

返回頂部

kelvin_hmlau

Rank: 5Rank: 5


1263
11#
發表於 11-12-1 11:52 |只看該作者
一般人對標籤都會比較執着, 只有我們這些"老鬼"把兒子視作"天父做出來的瑰寶, 不會有錯".

其實評估完後, 只係可能多左個標籤, 孩子仍然依舊!

返回頂部

xixi1218

Rank: 4


716
12#
發表於 11-12-7 09:18 |只看該作者
我個人認為可以先從孩子弱的方面去訓練他，不要錯過了黃金時期，另外，也不要太苦惱，因為你孩子只有三歲就已經會這麼多了，再差也有個譜。如果想在做評估，我認為不要短期內做，可以到大一點的時候再評估一次，但記得這段時間不要拖著不給他訓練，因為標籤是次要，重要的是孩子的進步。

返回頂部

yeashan

Rank: 1


7
13#
發表於 11-12-7 12:48 |只看該作者
其實唔可以單睇表面的，很多自閉小朋友說話能力都沒有問題，甚至很喜歡和其他小朋友玩，一般人不會察覺這種小朋友也有自閉傾向。

返回頂部

szeszes

Rank: 5Rank: 5

醒目開學勳章


3777
14#
發表於 12-1-19 16:04 |只看該作者
評估既野都係作參考

我仔也是評估出來有自閉徵狀 (K3 下學期), 今年係主流小學讀書, 班主任都話唔似, 與同學有亙動社交, 一齊玩 (捉飛行棋 或 捉迷藏) 及上體育課合作, 又會分組討論 及 積極參與作答老師問題, 係大考成績唔算太差, 英/數/常識 (都有85分至9x分), 中文就差少少, 都有74分, 係班中既男生入面, 算是成績好既一群 [本身佢有言語障礙; 但係中文作句及說話考試無問題; d 分扣晒係閱讀理解方面 或 部首問題]

樓主, 你同我老公係一樣諗法, 覺得 CAC 中心評估報告有無搞錯 (本身只係言語發展延緩; 但細時係英文溝通為主, 所以, 佢英文比較好, 係班中頭3甲, 對住外藉老師對答如流)

而我就覺得 ... 評估都只係叫家長留意一下小朋友有什麼弱點, 幫佢針對式訓練, 等佢可以與正常小朋友沒大分別

我最擔心只係 ... 自閉係精神科, 對小朋友日後加大保險既保價, 就會有影響, 因為好多野, 係唔受保, 標籤左就好煩; 我仔月底會首次去見精神科醫生, 聽聽係什麼問題才作打算

返回頂部

Chaochao


642
15#
發表於 12-1-19 16:26 |只看該作者
提示: 作者被禁止或刪除 內容自動屏蔽

返回頂部

szeszes

Rank: 5Rank: 5

醒目開學勳章


3777
16#
發表於 12-1-19 22:48 |只看該作者
我仔同人講野係有 eye contact 既, 有時佢係上學途中, 會走上前望住同學叫早晨; 見到老師又主動叫 X老師, 早晨 ... 相對其他同學仲主動些

我仔無做過任何 TRAINING, 原因係.... 仔仔快將6歲才被評估出有自閉徵狀 (之前我地一直以為佢只係言語遲緩, 係我地在仔仔5歲半時要求返健康院轉介的)

返回頂部

Chaochao


642
17#
發表於 12-2-1 14:56 |只看該作者
提示: 作者被禁止或刪除 內容自動屏蔽

返回頂部

szeszes

Rank: 5Rank: 5

醒目開學勳章


3777
18#
發表於 12-2-2 15:36 |只看該作者
我仔去完瑪麗見醫生, 醫生話: 佢話完全唔擔心我仔, 暫時列佢入 "非典型自閉", monitor 住佢, 半年返去一次跟進下仔仔既發展, 有機會係... speech delay 引致社交不足[因為細時太多英語環境, 我仔用英文溝通就好有信心, oral 係滿分, listerning 都有94分]+本身有機會係怕羞仔 (叫我仔比佢返一些, 可以比佢去認下威既野, 等佢自信心多些 - 佢話我好識幫仔仔, 比佢返小童軍, 會多些機會要佢同人合作, 同埋第時上左幼童軍, 考多些章,  show 比佢係親友睇, 比人多讚賞, 面皮就會厚些, 無咁怕羞)

因為醫生問完我既 information, 佢知我仔返左20堂言語治療後, 係呢大半年內, 個仔主動左講野 及 分享學校發生既事, 同埋又肯跟其他人出街 (即係保母既朋友行山), 無再咁固執

但係, 叫我注意另外一樣野, 怕仔仔係專注力不足, 因為對眼成日周圍望, 同埋單對單對住醫生時, 成日周身郁

不過, 佢話呢 d 野, 去到9歲 - 三年班, 就一定會分得出; 因為佢話只係有 speech delay 既小朋友, 9歲時多數已經係追到同齡一樣 (無論係社交或言語發展)

返回頂部

szeszes

Rank: 5Rank: 5

醒目開學勳章


3777
19#
發表於 12-2-2 15:54 |只看該作者
本帖最後由 szeszes 於 12-2-2 16:02 編輯

回復 Chaochao 的帖子

因為我仔成差不多6歲才做評估, 原因係... 我仔升到 K3 時, 幼稚園老師發現仔仔仲係有好明顯既言語發展障礙, 叫我地一定要去做轉介及跟進

本身我一直只以為係言語 DELAY 問題 (我家族都有呢 D CASE, 都係左撇子及男性, 佢地而家已成年, 仲好叻仔, 未夠30歲就有車有樓有老婆, 仲做義工幫人; 而我仔也是左撇子, 所以, 一直無特別注意), 去到升 K3 去到見完 CAC 中心, 問完我一些問題, 佢 REPORT 寫 "自閉徵狀", 按:

言語表達不足
社交溝通不足
對數字, 巴士路線, 地鐵路線, 地圖 特別有興趣 (佢地叫: 狹窄興趣)
同埋, 佢以前好怕突然其來既大聲響 (即火警鐘響, 突然隔離屋鑽牆聲; 我仔都比較驚, 一定要家人攬住佢); 而家就... 當聽到呢 D 聲, 佢會去問我地, 呢 D 係咩野聲, 發生咩野事 [火警鐘響就最驚, 因為佢怕發生火災而響, 不是怕果種聲音]

另外, 能記憶晒小西灣一帶既街燈上柱上的5位數字號碼, 係心理學家分析為 "過份沈迷"; 但經過我同瑪麗醫生講: 因為仔仔細時唔肯行, 成日要人抱, 我地會叫佢每行過一條燈柱, 就同佢讀一次 D 數字, 等佢分心, 有意自己行, 唔洗抱; 如是者, 去記下 (因為保母差不多隔天去飲茶, 必經既路線)

之但係我仔真係好衰, 當醫生 或 陌生人問佢野時, 佢真係樣樣答 "唔知道" 或 "無"; 精神科醫生問佢, 返學有沒有與同學玩, 佢都答無, D 好朋友同學叫咩野名, 佢只係答: 唔知
[佢真係玩野, 因為平時既佢, 係開籠雀, 唔好話: 自己班既同學, 連其他班同學都有 friend, 午息與同學玩到癲, 走來走去捉, 被老師罰過; 有時又與同學下飛行棋, 平日學校發生既事 或 八到既事, 就一定回來報料]

令我想到: 仔仔上年單對單係 CAC 中心對住 "心理學家" 時, 一定又係咁回答; 我老公話, 咁樣答人, 人家唔當佢係傻仔或呆仔都唔得啦!! 返左成大半年學, 咩野都唔知, 真係好似唔同任何人玩, 玩過咩都話唔知, 真係比佢吹帳

所以, 以我仔既 CASE, 個人認為, 先搞好言語發展, 有左言語表達基礎, 好多野就見大進步 (就如: 精神科醫生講: 言語表達力差, 相對會比較固執, 同埋相對對常變既野都會弱些; 因為佢地跟本唔識講出自己既不安 或 唔想變既原因比你聽, 所以, 就成日發脾四)

返回頂部

‹ 上一主題|下一主題 ›
返回列表
發新帖