- 在線時間
- 4 小時
- 最後登錄
- 16-9-12
- 國民生產力
- 7
- 附加生產力
- 308
- 貢獻生產力
- 0
- 註冊時間
- 06-8-14
- 閱讀權限
- 10
- 帖子
- 8
- 主題
- 7
- 精華
- 0
- 積分
- 323
- UID
- 95635
|
千其唔好俾你d仔女讀X藝中英文幼稚園(天水圍),地址天水圍嘉湖山莊翠湖屋地下.
在本年年初本人打電話詢問入讀N1幼兒班延展服務詳情時,當時老師話係由下午六點至下午七點,換句話講最遲七點前要帶走小朋友,當時我覺得我有足夠時間湊個女返學,所以我就交了六百蚊留位費.
但事隔太約兩個月左右,諗住去學校做埋校服交埋書簿費時,我諗住再問清楚所有放學時間同詳情有無更改,當時個老師先同我講話延展時間今年唔會去到七點,要六點半前就要湊走喇,咁我米話,你們當時唔係咁講過喎,而且點解我問你們先講,唔係你哋一知道時間有所變動就要通知家長咩!當時D老師只係講句唔好意思,我心諗好彩我未俾埋二千幾蚊書簿費,如果唔係米要局住讀呢間學校....
(當時真係覺得佢哋想呃埋我俾書簿費後,咁我就一定要俾個女係佢哋間學校讀,因為個別情況留位費可以退,但書簿費就一定無得退).
跟住我就話由於你哋特然轉了延展時間而令到我唔可以繼續報讀呢間學校,你哋時間轉咗又唔出聲,等我問你哋先同我講,六點半前湊走,如當時你哋係講呢個時間,我就唔會俾個六百蚊留位費啦!所以我要求退回六百蚊留位費,跟住陳秀兒校長先走過黎話要交番校監個邊睇下可唔可以退,她叫我留電話再覆,我問佢要幾耐先有答案,陳秀兒校長就話一個星期左右會用電話覆番我有無得退.
事隔一星期左右,即是大約六月中,我見陳秀兒校長仲未打黎覆我,咁我就主動打去搵佢,點知佢話要打番去會計部問下,跟住打番俾我話會計部忙緊要七月頭先開頭張票,咁我話十號前應該都開到啦,有成二個星期,陳校長話無問題,點知我到七月十號仲未收到票,我再打去問,個陳校長話會計部仲未得閒又同我講要七月尾,當時我己經覺得佢哋有問題,又推卸責任話佢哋只不過係敎育方面唔關佢哋事,咁都算我話七月三十一號我係米一定收到,陳校長好肯定答我係一定收到.
到了尋日七月二十八號,我知道間學校一次又一次推,所以我就尋日打去睇下佢哋個進度,點知真係俾個答案激到當場死亡,個陳秀兒校長話會計部好忙仲未開,要八月尾要有,我就即刻火都離埋,你哋忙識收錢,完全無誠信,又話今次八月尾一定有,我點知你哋到時會唔會又話忙呢樣個樣又推後個時間,咁我米一路係度等.所以到最後我打咗去敎育局投訴.而家仲跟進當中.
我覺得呢間X藝中英文幼稚園(天水圍),地址天水圍嘉湖山莊翠湖屋地下.你哋係為你哋子女著想的話千其唔好俾佢哋入去讀書,因為連校長講嘢都無口齒,完全無誠信,佢哋為人師表都可以無誠信,試問又點樣敎育下一代呢!!如果你們係想你們的子女將來係一個誠實有口齒,講得出要做得到的人,就千其唔好俾佢哋讀呢間藝中英文幼稚園(天水圍)喇 ! |
|