- 在線時間
- 0 小時
- 最後登錄
- 07-12-6
- 國民生產力
- 0
- 附加生產力
- 0
- 貢獻生產力
- 0
- 註冊時間
- 07-12-6
- 閱讀權限
- 10
- 帖子
- 1
- 主題
- 0
- 精華
- 0
- 積分
- 1
- UID
- 170249
|
一間學校點先叫做好? 點先叫唔好?
同一間學校, 有人會讚, 亦有人會彈.
點解??
係咪對學校或小朋友唔了解?
係咪對學校或小朋友有過高期望?
選校前,
先要 "了解" 及 "接受" 小朋友既能力, 再問下自己想小朋友將來係點.
學校方面, 你要就腳?! 定要語文好?! 抑或想享受學卷?!
針無兩頭利, 平衝各點, 選一間適合您同您既小朋友.
如去旅行, 有人會參加旅行社.
大公司好? 細公司好? 又或自由行?
選擇大旅行社既人係乜原因?
因為信譽好? … 易成團? … 無咁易停業? …
但大旅行社一樣有人投訴!
因為領隊唔好! … 行程唔好! … 食宿唔好! …
各樣未如 理/你 想 @@
你投訴完, 仲唔滿意. 咁下次咪唔好再參加.
無理由3次都咁唔好彩.
咁不幸既事, 又唔一定降臨每人頭上.
我知道學校既中英老師有過百人.
各位老師都有自己既風格,
而每位家長都有不一樣的價值觀和要求.
我個小朋友今年讀緊k2.
2年都係資深老師做班主任 >> 我好彩
2位班主任對小朋友都有合理(合我)既要求 >> 我好彩
上年既英文老師無中途離職 >> 我好彩
今年既英文老師唔知會唔中途離職 >> 我希望唔會
我唔會大安旨意等學校教, 我有我要求.
今個學期, 星期一至星期五, 我每天都會同我小朋友做功課.
我知道佢既進度, 了解佢既能力.
遇疑問, 老師樂意專業解答 >> 我好彩
對學校評價, 暫時 (因我未離場, 未有總結) 我覺得:
英文 >> 合格. 但未如我理想, 我有B, 想攞A. 到我有A, 我又會想攞A++ :).
k1時, 英文老師由開校門至關校門, 除20分鐘中文堂外, 全程跟足.
k2時, 英文老師現身時間比k1少一半有多. 但, 我理解, 教中文, 做堂課, 學數學, 要個英文老師在場係無意思. 因小朋友會分心, 佢地全部都鍾意同英文老師玩, 這是我於學校旅行時所見.
中文 >> 合格. 比課程深既學校淺 (廢話 :p), 與一般學校差不多. 但比同校k1深好多. k1 家長, 尤其細b, 請注意 – k1功課只係線條練習及填色, 又無升k2既暑期作業, 到k2學期初, 會有一定既適應難度.
普通話 >> 合格. 會讀會唱學校所教的.
常識 >> 合格. 老師每刻都會教, 好睇小朋友既理解及吸收能力.
數學 >> 尚可. 從概諗教起, 到現在的組合.
課室 >> 合格. 整潔光猛. 有人話課室細, 課堂活有限. 但我覺得ok, 小朋友睇既角度唔同大人, 對老師又易於監控指導.
校車 >> 合格. 校車司機, 校車姑娘, 連校工, 都好好. 返學放學, 唔止看實, 仲會出手扶上落. 落雨擔傘, 真係唔錯.
送禮, 我有見過, 但唔係文化, 一班最多有1至2位"送禮"家長. 我唔見嗰個小朋友有特別待遇, 佢無比其他小朋友學多d, 玩多d, 老師又無請佢食小食. 最重要係無影響我地.
仲有一提, 學校既老師真係好忙好忙, 佢地唔會因為你小朋友乖, 而打電話比你讚許小朋友. 但小朋友在校有問題, 老師又會即時打電話通知家長 (我唔知全校老師是否一樣, 但我覺得自己好好彩). 今年開學至現在, 我收過老師2個電話, 1次話我知我小朋友在課堂既情緒問題, 另1次係我小朋友在校園跌倒. 希望黎緊時間, 唔好再收到老師既電話 @@.
其實, 學校有佢既優點, 亦有缺點. 我好想知多d學校既缺點. 好等我對學校既期望有合理既調整. 請有經驗既家長多多指教. 在此謝過. |
|
發表於 07-12-6 16:33
