香港教育-名校 - 初中教育 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 初中教育 › 香港教育-名校

發新帖

查看: 7918\|回覆: 26	go 香港教育-名校 [複製鏈接]

Rank: 2


	48

1^#

發表於 06-4-3 22:23 |只看該作者

香港教育-名校

最近接觸了很多報小一及中一的個案, 不禁嘆氣 !

1. 一個由小一至小六, 一直都考全級第一,二, 好穩定. 但無特異功能, spcc唔收. (這個小朋友經常看書, 寫得很多好文章) 可惜!
2. 一個音樂方面多方面發展的小朋友, 已8級, spcc唔收可能因為佢只考全級20左右. (如果音樂好, 考到全級20名, 其實已經好叻)
3. 一個讀書唔叻, 游水叻去年入了DBS. (這個小朋友操行好差)
4. 去年考SPCC小一, 這個小朋友每日在家看VCD, 什麼都唔做, 又頑皮, SPCC收了, 因為佢父親有名氣
5. 去年考SPCC, DGS的小女孩, 好叻, 又醒目, 好勤力學好多野. 全部都唔收.
6. 考DGS,DBS要考游水, 我同外國教書的朋友講, 他們說"唔係呀媽, 在外國考SPORTS 的SCHOLARSHIP同埋考SPORTS的學校先要考. (體藝考SPORTS當然OK, 為何DGS, DBS考SPORTS, 講真有CERT. 都夠啦, 要試水真係有點過份)
7. 津貼中學偷步收生過案仍很多.
等等..........

其實有時真係唔知講乜, 只覺得香港的一群家長, 寵壞了名校. 何謂教育?
亦可能係香港政府的政策+香港的家長=現在的社會.
我都好想將小朋友送去外國接受教育.
只係個人意見, 有感而發.

Rank: 3 Rank: 3


	106

2^#

發表於 06-4-3 23:36 |只看該作者

Re: 香港教育-名校

想請問一下有冇小朋友係用咩體育呀音樂呀入到名校而學術成績又高又標靑果類呢

但呢幾年又真係冇喎...果d父母有冇後悔到呢又

Rank: 5 Rank: 5


	1414

3^#

發表於 06-4-4 09:18 |只看該作者

Re: 香港教育-名校

noanswer,甚有同感.發覺很多父母在小朋友初小階段已經訓練她們迎接中學挑戰.上月遇見一位讀小一的女孩子,一星期到泳隊操水三天,星期六學兩班體操 - 下午四至六點(基礎二),晚上七至九點(基礎一,不同項目).看看她們,自己都不知道如何教育子女,我仔仔仍在玩耍階段,玩性特重.但童年不是應該開開心心渡過.....所以有時對香港的教育都很迷惘及矛盾.....要名校,要快樂.....

Rank: 8 Rank: 8


	15216

4^#

發表於 06-4-4 09:35 |只看該作者

Re: 香港教育-名校

現在學校和教改要求學生全面發展，搞得小朋友纍，父母更纍。
想不明白，小朋友在小學階段，打好中英數學習基楚不是最重要的事嗎？偏要要求周身刀，人人磨刀妳不磨又不行，單凴學業成績就會被叮走。

Rank: 3 Rank: 3


	106

5^#

發表於 06-4-4 09:42 |只看該作者

Re: 香港教育-名校

所以由細到大我唔會要求小朋友學果樣,操呢樣,實在太攰喇,我只要求佢中英數打好基礎為未來發展,呢樣先係長久之策,讀名校??可以當飯食咩

人地唔會睇你讀邊間名校而比個高職位高人工既エ你麻....有冇實力真係試過至知......

Rank: 2


	48

6^#

發表於 06-4-4 09:51 |只看該作者

Re: 香港教育-名校

以前的年代讀好書就有好學校, 而家的年代讀好書,好學校都不一定會收.

Rank: 3 Rank: 3


	136

7^#

發表於 06-4-4 10:01 |只看該作者

Re: 香港教育-名校

我都認為孩子有孩子的天地, 應保留佢地既童年, 童年應該係開心愉快, 學習亦應自願而輕鬆, 並非強記硬讀, 環觀周圍既小朋友, 為考試而讀書, 為入名校而操練, 個個要樣樣皆精, 事事皆能, 有冇父母為佢地諗過? 有一些還以為提供金錢俾小朋友學呢樣學嗰樣, 就好偉大, 背後的目的係乜野呢? 就係可以响人面前誇耀自己既仔女有幾叻, 有幾醒, 入到名校...入唔到嗰d就好似個天要跌落黎咁。如果真正讀書, 又出於自願, 無須入名校, 地區學校可能有更關心學生既老師, 肯努力, 一樣可以出人頭地, 一樣可以入讀同樣大學。讀書亦無須一定要名列前茅, 只要學會學習, 人格高尚, 尊重他人, 這些比一切都重要。
香港既教育令人無奈, 但我寧可聽到子女跟我說︰「我慶幸有你這樣一個體諒我的媽媽！」總比聽到他說︰「媽媽, 不要迫我, 好嗎? 你不暸解我！」更心滿意足。

純粹個人意見, 可能詞不達意, 請見諒包涵!


	1316

8^#

發表於 06-4-4 10:02 |只看該作者

Re: 香港教育-名校

提示: 作者被禁止或刪除內容自動屏蔽

Rank: 7 Rank: 7 Rank: 7


	11251

9^#

發表於 06-4-4 10:35 |只看該作者

Re: 香港教育-名校

in SPCC 時，SPCC會將所有申請者之成績交給教署排名，加上申請人之其他資料計分，再發出300名左右之面試通知，此為之第一round。

面試時，學生會被安排看一套英文片，据說看得明的，十個無三個。面試後，再從其中選出60名左右。有幸入到的，也要進行分班試，因材施教。香港學生叻嘅很多，所以，入唔到不需介懷。

至於DGS, DBS考SPORTS，我的看法是：每一項運動，有得競争的，来来去去都是那三、四人，其他的只是去凑熱鬧。DGS, DBS有得揀學生，他們當然想揀一些全面一點的学生，學習，要有氣氛，同理、玩運動、玩音樂都應有氣氛。

現在，除了DGS, DBS外，很多學校也注重體藝，這是正确的方向。做為父母，除了希望孩子讀書讀得好外，我也希望他們健康，多才多藝，咁人生才比較精彩。讓身心健康且成績優良之孩子考名校，我估成功率較高。

另者：我接觸中能考入SPCC，DGS, DBS的學生，全部都成績優良，全面，每人都有一两樣嘢，玩得似模似樣(能達到全港前幾名的，我未遇過)。

Rank: 3 Rank: 3


	106

10^#

發表於 06-4-4 10:40 |只看該作者

Re: 香港教育-名校

唉......地區名中學收生一樣咁變態架,中一入到佢一樣谷到d小朋友死下死下,為咩呀???咪為會考出嚟個%好睇d囉,d老師更加變態,d學生未適應到初中就認為佢地唔得,認為佢地係rubbish,呢個係我小朋友朋友仔媽咪呻出嚟既,咪係深水埗某教會band 1既男女中學囉

好在冇去報名.....話佢成間學校d老師串到不得了,打算下年同佢個仔轉校.....佢都後悔之前直資收咗放棄唔讀而去抽珠揀聯系為第一志願.....早知如此,何必當初呢.....

Rank: 2


	83

11^#

發表於 06-4-4 11:55 |只看該作者

Re: 香港教育-名校

開門見山
please check PM. thanks

cy

Rank: 3 Rank: 3


	248

12^#

發表於 06-4-4 13:00 |只看該作者

Re: 香港教育-名校

uki, 我好欣賞及認同您的個人意見 .多謝提醒 .

uki 寫道:
我都認為孩子有孩子的天地, 應保留佢地既童年, 童年應該係開心愉快, 學習亦應自願而輕鬆, 並非強記硬讀, 環觀周圍既小朋友, 為考試而讀書, 為入名校而操練, 個個要樣樣皆精, 事事皆能, 有冇父母為佢地諗過? 有一些還以為提供金錢俾小朋友學呢樣學嗰樣, 就好偉大, 背後的目的係乜野呢? 就係可以响人面前誇耀自己既仔女有幾叻, 有幾醒, 入到名校...入唔到嗰d就好似個天要跌落黎咁。如果真正讀書, 又出於自願, 無須入名校, 地區學校可能有更關心學生既老師, 肯努力, 一樣可以出人頭地, 一樣可以入讀同樣大學。讀書亦無須一定要名列前茅, 只要學會學習, 人格高尚, 尊重他人, 這些比一切都重要。
香港既教育令人無奈, 但我寧可聽到子女跟我說︰「我慶幸有你這樣一個體諒我的媽媽！」總比聽到他說︰「媽媽, 不要迫我, 好嗎? 你不暸解我！」更心滿意足。

純粹個人意見, 可能詞不達意, 請見諒包涵!

Rank: 5 Rank: 5


	1414

13^#

發表於 06-4-4 13:43 |只看該作者

Re: 香港教育-名校

離題一點.最近有朋友Interview請一些Trainees.據講那些應徵者,很多中學會考成績英文科得"U" grade,其中有人還多次考英文科.於是叫他們讀篇簡單文章/句子,結果無人識讀"route",其中只有一人懂讀"emergency",但他現時職業是電梯技工.我沒有細問他們是那些中學畢業,這樣的成績,真恐怖.難怪人人都要爭讀名校.


	745

14^#

發表於 06-4-4 15:14 |只看該作者

Re: 香港教育-名校

提示: 作者被禁止或刪除內容自動屏蔽

Rank: 5 Rank: 5


	1031

15^#

發表於 06-4-4 23:24 |只看該作者

Re: 香港教育-名校

My niece (F3 now) & my nephew are accepted by SPCC, they have no money, they are granted allowance from SPCC. Their mother puts a lot of efford to teach them in acadamic & moral, they are No. 1 in the form when they are in Primary.
其實佢地生活好莫素, 孩子小學時參加的活動大多由學校sponsor, 幫學校羅獎, 一家人好enjoy. 試問, 你當年若考到獎學金可以出國留學, 呀媽話無$叫你出外工作, 幫補家計, 你會唔會brame佢一世. 而家社會唔同, 事實孩子和父母都很辛苦.大家盡力而為, 唔好講到谷死咁大件事, 有天才的孩子, 你行慢d都追佢唔上.

Rank: 4


	727

16^#

發表於 06-4-5 00:03 |只看該作者

Re: 香港教育-名校

名校﹖ 其實名不名﹐都是大家給面子的﹐一間學校﹐名氣可升可跌﹐ 在裡面的人﹐可以很好﹐也可以很差。。。

記得小時候﹐我也在所謂的名校讀書﹐除了數學外﹐分數不錯﹐名次不錯﹐坦白講﹐真的直到後來﹐離開了名校的世界﹐到外國讀書時﹐我才發現﹐其實﹐如果拿走了學校的名氣﹐我和其他香港讀書讀的不錯的學生比﹐根本不算高得幾多。

曾經﹐我聽過人說﹐在名校考最尾﹐都比在其他學校考得好的要強﹐那如此類推﹐拿在香港頂尖名校考第一的﹐不就可以算是全港最好嗎﹖

這樣左計右計的想法﹐我想﹐不只我﹐很多讀過書的﹐有小朋友讀書的﹐都可能這樣想過﹐但有一天﹐一堂法文班裡﹐老師的決定﹐令我發現﹐原來這樣想﹐是錯得離譜的。

話說我第一年去外國讀書﹐為了上大學﹐報讀了法文班﹐當時﹐真的想死﹐連英文都還要加油﹐又加法文﹐背生字都背死。。。那位老師﹐可能想我不要死得這麼慘﹐又或是想班裡多一個人合格﹐再第一次要交PROJECT的時候﹐竟然要全班最高分的人來做我PARTNER。。。。

那一刻﹐我心情簡直是難以形容﹐有自尊心的問題﹐會想﹐從來都是我幫人﹐為什麼要人幫我﹐我有這麼差嗎﹖
又有猜度的問題﹐會想﹐這位同學﹐要被逼同我做埋份功課﹐應該很不順氣罷。。。

但原來﹐那位同學一點都沒我的想法﹐一見面﹐他就說﹕
你能做多少就多少啦﹐法文不行﹐可以畫畫﹐ORAL 不行﹐你可以慢慢寫報告﹐我最後幫你改。。。。。

這位同學﹐最後那到了最高榮譽的獎學金﹐入了大學了﹗
他最聰明嗎﹖不是﹐到後來我發現﹐有更多比他有鬼才的人﹐他最用功嗎﹖也不算﹐因為他花很多時間去打球﹐去做些中國人很少有興趣的野外活動。

但這同學﹐無論是讀得成書的﹐讀不成書了﹐全都對他有份尊重﹐後來問起其他人﹐原來我身邊的移民朋友﹐或多或少都受過他幫忙。

不種族歧視﹐好﹐又多一個優點。

他那天的反應﹐他對我的態度﹐才令我真正感受到﹐當年在香港讀名校的我﹐沒什麼同情心﹐幫同學時﹐也沒那位幫我的外國同學來得真心。

可能是我自己的問題﹐可能是﹐只有我一個是這樣而已。。。。哈哈哈﹗

我喜歡自己的母校﹐也欣賞其他好學校的努力﹐但我也不得不承認﹐名校的孩子﹐早熟的比聰明的可能要多﹐但早熟得來又不見得所理解的事是全對的﹐畢竟年紀還是少﹐見的也不夠多﹐這樣﹐容易引來大家所說的自滿﹐囂張﹐也容易讓自己有錯覺﹐覺得自己的學校是完美的。。。。

Rank: 1


	18

17^#

發表於 06-4-5 15:52 |只看該作者

Re: 香港教育-名校

小兒去年升中......
成績不錯......情況與例一相同......全級第一,但spcc與dbs都收.仔仔選了dbs.......現讀了約一年.發現仔仔自信心.沟通能力有大大提高.dbs功課不多,但報告十分多.全部報告都要與同學合作..........正合現代社會所需........

Rank: 2


	54

18^#

發表於 06-4-5 16:35 |只看該作者

Re: 香港教育-名校

i can see fm other thread that so many parents perfer spcc as their priority. why you choose DBS.
pls share. mny tks

仔仔老豆寫道:
小兒去年升中......
成績不錯......情況與例一相同......全級第一,但spcc與dbs都收.仔仔選了dbs.......現讀了約一年.發現仔仔自信心.沟通能力有大大提高.dbs功課不多,但報告十分多.全部報告都要與同學合作..........正合現代社會所需........

Rank: 1


	18

19^#

發表於 06-4-5 16:49 |只看該作者

Re: 香港教育-名校

唔係我地簡........係仔仔自已簡........兩間學校佢都去睇過[唔係面試當天]佢鐘意dbs....如果我簡就會簡qc啦.......起碼唔洗俾學費........我地攞左佢d成績去見qc副校長,佢都建議我地等到七月開奬日架............

Rank: 4


	734

20^#

發表於 06-4-5 18:02 |只看該作者

Re: 香港教育-名校

DBS現在是第二次面試進行中，請問你朋友兒子是否已考了第二次已即時玩電話通知?

Auntie山渣寫道:
老實講，現今出生率咁低，一個起兩個止，個個家長都想望子成龍。而且有些生活環境好的，都會盡量讓孩子學東學西，務求他們十八般武藝，樣樣皆精。如果再加上孩子本身天資聰穎，學業與武藝兼顧自如，要達到名校的要求，實在不難。
再者，入到名校也是父母的光彩，但光彩背後是怎樣，孩子承受的壓力有幾大，就見仁見智。
有個朋友的兒子，上星期收到三大名校(DBS,SPCC,LS)的口頭通知，都被取錄。細說之下原來父母都付出了不少(時間&金錢)，所以大家都認為除了孩子本身要聰敏過人，亦要金錢的堆砌及父母的犧牲(外出工作與做主婦的決擇)。
入到名校實際是得來不易，也不須羨慕人家，因為各自各精彩！

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢