maya'smama,
我個囡係歲半多十幾日,你的面試俾起我真的輕鬆好多!講真的,面試的時候,當老師多次問佢某樣野或做某樣野時,我感受到囡囡有壓力,而老師問我平日有無教囡囡動物同顏色時,連我都感到有壓力.我便照直說平日少見獅子,所以無教過囡囡獅子,而顏色我只教左好少時間,囡囡未學懂,但同類問題上,老師問及多次,令我囡囡係又攰又餓的情況下,更顯得不耐煩.
當日可能就黎放學,in完都成12:25,老師都無話參觀學校.
雖然係睇反應,但我覺得既然老師一開始咁樣問,就係期望你會俾到個正確答案佢,或發現我囡對個類項目唔識時,唔需要重覆咁問落去囉.因為我之前都in過一間活動教學的學校,佢地in得真的很輕鬆,所以in完km,真係有少少失望.
而樂基,我囡囡in時仲細,得14個月,說話能力無而家咁好添,
個日都等左成個鐘,但係係室內冷氣就涼快好多,記得個外籍老師最初問我囡囡識講野未,我話開始學講,,全程用英文同囡囡講野,叫囡囡認一些常見的動物,如狗,魚,再認好似生果如橙,蘋果等,然後問囡囡五官,當然唔係要講,起初我囡都只用眼睛去望住答案,老師話見到佢用眼睛來望住答案,相信佢識,到後來我囡先用手指五官,
老師期間會問家長好多問題,因為我oral唔好,我都簡單回答,至於in前要填份問卷,可能因為我填左中文,個老師本來想問我問題,但佢唔識睇中文,所以就無問,送禮物俾囡囡就走得,我囡仲唔要俾番老師要求換過另一種顏色的禮物呢!其實我囡當日都係肚餓,但我覺得可能室內空氣涼快些,令我囡無咁快忟憎啩.所以我覺得以當時14個月來說樂基in的都好深,同km俾我的感覺都係較著重學術. |
發表於 06-3-21 21:58
有無一條龍上小學 ? 幾時要報名n1班 ? 
