取消中小學考試名次制度 - 教育講場 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 教育講場 › 取消中小學考試名次制度

1 ... 22 23 24 252627 28 29 30 ... 40 下一頁

發新帖

樓主: 天外之人	go 取消中小學考試名次制度 [複製鏈接]

Rank: 12


	51297

501^#

發表於 22-11-5 00:59 |只看該作者

本帖最後由 beastiebistro 於 22-11-5 01:02 編輯

shadeslayer 發表於 22-11-5 00:26
其實個制度，學校，家長喺三方面夾擊孩子，我都唔知邊個係雞邊個係蛋，究竟改咗家長嘅心態先，定係改制度 ...

我都係選擇相信制度本身冇問題，有問題嘅係人。有人嘅地方就會有扭曲嘅制度。當一個地方好似芬蘭，人民視教師呢個職業比醫生律師更（或者一樣）高尚，咁自然唔需要扭曲制度...
跟住又返番去貧富懸殊呀，買樓問題呀等等。其實呢啲係社會問題，唔關教育制度本身有冇問題。

Rank: 11


	32340

502^#

發表於 22-11-5 01:02 |只看該作者

男仔中學才發力很普遍吧，五十分一？

The more bizzare a thing is, the less mysterious it proves to be.

Rank: 11


	32340

503^#

發表於 22-11-5 01:04 |只看該作者

barque 發表於 22-11-5 00:45
凡事總有例外，可能你女兒就是那種只適合讀國際學校類形。

本帖最後由 shadeslayer 於 22-11-5 01:07 編輯

對，我女兒冇辦法係一個框框生存，佢一定要有自己嘅學習時間表，你比空間佢佢會將自己嘅時間表發展，你俾個框框佢佢就死俾你睇。

但係一般來說，學校同同學影響學生嘅發展，係好容易理解。所以要搵一間啱嘅學校比一個小朋友係好重要，選校係好重要。

只有近乎神童級數嘅細路仔，才可以喺任何環境，冇別人幫助底下，乜嘢都阻唔到嘅成功。一個差教育制度，一個差嘅家長，一個差嘅家庭環境，一間差嘅學校都冇法子阻礙呢啲小朋友成功。

Rank: 12


	51297

504^#

發表於 22-11-5 01:11 |只看該作者

shadeslayer 發表於 22-11-5 01:02
男仔中學才發力很普遍吧，五十分一？

係呀，我見嘅（當然都係我母校啲學生啦）一年唔會多過兩三個。我講嘅係中三四讀唔到，忽然去到中六變咗幾個5**咁（呢個係我從你嘅description get到嘅意思）。當然唔排除有多啲中游變中上，下游變中下咁嘅例子啦（呢啲我認為唔係同一個case喎）。

Rank: 5 Rank: 5


	2256

505^#

發表於 22-11-5 01:13 |只看該作者

學校只是教育的一部分，家庭教育，課外活動和朋輩之間的交往都同樣重要。

Rank: 11


	32340

506^#

發表於 22-11-5 01:18 |只看該作者

beastiebistro 發表於 22-11-5 00:59
我都係選擇相信制度本身冇問題，有問題嘅係人。有人嘅地方就會有扭曲嘅制度。當一個地方好似芬蘭，人民視 ...

如果每個人都咁諗，每個地方政府都咁諗，咁根本就唔會有好嘅教育制度同冇咁好嘅教育制度之分，因為所有嘢都可以有家長自己嘅思維解決。不論個教育制度係鼓勵學習，定係鼓勵競爭。

我判斷一個制度係咪好，好簡單，就係判斷呢個制度係鼓勵緊一個乜嘢嘅社會。如果呢個制度係鼓勵緊一個正確嘅態度，正確嘅行為，咁呢個就一個好制度。反之就係一個壞制度。呢個係乜嘢制度都適用，唔淨只係教育制度。

The more bizzare a thing is, the less mysterious it proves to be.

Rank: 11


	32340

507^#

發表於 22-11-5 01:22 |只看該作者

beastiebistro 發表於 22-11-5 01:11
係呀，我見嘅（當然都係我母校啲學生啦）一年唔會多過兩三個。我講嘅係中三四讀唔到，忽然去到中六變咗幾個 ...

咁點解唔俾呢兩三個學生機會呢，呢兩三個學生和我女，都係deserving students。佢哋只不過學習嘅時間表同別人不同，同埋後生嘅時候比較貪玩。

The more bizzare a thing is, the less mysterious it proves to be.

Rank: 11


	32340

508^#

發表於 22-11-5 01:29 |只看該作者

beastiebistro 發表於 22-11-5 00:59
我都係選擇相信制度本身冇問題，有問題嘅係人。有人嘅地方就會有扭曲嘅制度。當一個地方好似芬蘭，人民視 ...

我可能有啲怪，我唔覺得律師醫生嘅職業係高尚啲，只係搵錢多啲。如果大家以為律師醫生老師社工嘅道德標準會係高啲，我覺得係錯㗎。如果以搵錢多就係高尚，咁呢個定義非常之狹窄。喺外國做水喉可能同做律師差唔多錢，咁做水喉高唔高尚呢？

覺得他們只是普通人。我以前教過一啲牛津理科大學生Tutorial，感覺上大部份都資質一般，其實俾想像中冇咁好，其實又係普通人。當然有少部份非常之叻，話頭醒尾。

The more bizzare a thing is, the less mysterious it proves to be.

Rank: 11


	32340

509^#

發表於 22-11-5 02:49 |只看該作者

barque 發表於 22-11-5 01:13
學校只是教育的一部分，家庭教育，課外活動和朋輩之間的交往都同樣重要。
...

對，但到中學，學校變得很重要。朋輩也多是同學

The more bizzare a thing is, the less mysterious it proves to be.

Rank: 5 Rank: 5


	2256

510^#

發表於 22-11-5 07:17 |只看該作者

beastiebistro 發表於 22-11-5 00:59
我都係選擇相信制度本身冇問題，有問題嘅係人。有人嘅地方就會有扭曲嘅制度。當一個地方好似芬蘭，人民視 ...

本帖最後由 barque 於 22-11-5 07:21 編輯

制度和人來互相配合才能有完滿的結果。按自己觀察所見，老實講國際學校的老師冇傳統學校的老師那樣勤力，甚至乎你會覺得有些較懶。但是我覺得老師或學校的過分勤力對學生未必是件好事。反而學校和老師提供適量教導，和留－番一定的空間給學生會是件好事。

考大學試把尺是一樣的，唔少學生高中才用考試mode讀書一樣考到好成績。其實我覺得國際學校在小學和初中的基楚教會做唔差。這階段的大量閱讀和寫作訓練的好處，在學生高中時充分地體驗出來。
小學時的大量工課和考試壓力对學習沒有幫助。

點評

發表於 22-11-5 11:03

Rank: 11


	39669

511^#

發表於 22-11-5 08:17 |只看該作者

本帖最後由 ABC-DAD 於 22-11-5 11:34 編輯

老師嘅價值觀，加上社會視野人生閱歷，對教學嘅質與量嘅平衡，對小學生同初中生影響好大，相比量度考積，老師待人接物，對事情嘅處理態度好自然成為學生嘅榜樣，如果同家庭價值觀太砥觸，會引起一定嘅困擾，呢方面家長及早微調下，在不同制度之下，同學都可以乘風破浪。

感覺較乏力嘅係朋輩嘅影響，近朱者赤近墨者黑，唯有當好聆聽者嘅角色，會最能夠幫到家長守好個龍門。

點評

發表於 22-11-5 11:02

Rank: 12


	51297

512^#

發表於 22-11-5 08:35 |只看該作者

shadeslayer 發表於 22-11-5 01:22
咁點解唔俾呢兩三個學生機會呢，呢兩三個學生和我女，都係deserving students。佢哋只不過學習嘅時間表同 ...

因為你嘅假設係除咗「救」到呢兩三個人之外，對其他人冇損害，而我嘅假設係為咗救呢兩三個就影響咗多好多嘅尖子冇機會發揮。
如果個個deserving嘅人都必須得到佢deserve嘅嘢，咁再多嘅資源都唔夠用。因為又會有家長覺得佢個仔deserve入Oxford ，或者deserve入Morgan Stanley做。

其實呢啲朋友仔，真係miss咗「班車」，但係有心追都有辦法㗎。咪讀HD/AD轉degree，甚至半工讀，又或者有個好似你咁識諗嘅家長幫佢哋轉軌道囉。點解要覺得個制度一定要「完美」咁照顧晒所有人呢？

sorry我都係比較cynical，我認為冇制度係完美嘅，只係邊樣最合符majority嘅效益。我選擇「放棄」極少數「有可能」翻盤嘅人去早啲揾出有能力嘅人，集中有限資源培訓，進而幫助社會進步。而left behind嘅，只要佢其實有能力有意志，其實都有好多辦法去到佢想去嘅地方，只係可能曲折少少。

Rank: 12


	51297

513^#

發表於 22-11-5 08:57 |只看該作者

本帖最後由 beastiebistro 於 22-11-6 10:53 編輯

barque 發表於 22-11-5 07:17
本帖最後由 barque 於 22-11-5 07:21 編輯

制度和人來互相配合才能有完滿的結果。按自己觀察所見，老實 ...

其實你睇睇我啲答覆，我從來冇話國際學解唔好㗎！我亦冇話本地神校一定好㗎！而且大家都覺得教學模式係二元嘅，即係所有國際學校都冇功課冇測考，所有嘅local school都係功課做到死，默書測考難到死，多到死。

我想話現實唔係咁㗎。我個仔係讀男拔小一路上㗎，佢哋冇乜功課㗎，默書都好少㗎，測驗考試都係一年兩三次㗎咋，教幾多測幾多冇乜壓力㗎。我啲女喺女拔雖然冇阿哥「咁」輕鬆，但係都冇壓力㗎，唔使夜訓㗎，唔使星期六日做功課㗎。雖然佢哋成績可能只係中游，但係從來冇補過習㗎。三個好多時間睇書㗎，我屋企藏書量多過小型圖書館㗎。

而我知都有嘅國際學校好有要求㗎，GSIS? CIS? 因為大把朋友仔女喺嗰啲讀緊。

都係嗰句，我覺得local模式或者國際模式都冇問題。我只係針對完全冇測考（評核）。我亦唔相信（就算係國際學校）呢樣係事實。我認為定期評核冇問題，開分數都冇問題，就算要排埋排名都唔係問題。真係有問題嘅係覺得「比起其他人」排低兩名想死，考少「其他人」兩分要揾老師開拖嘅家長。

Rank: 13


	88199

514^#

發表於 22-11-5 08:59 |只看該作者

本帖最後由 Yanamami 於 22-11-5 10:34 編輯

shadeslayer 發表於 22-11-5 00:26
其實個制度，學校，家長喺三方面夾擊孩子，我都唔知邊個係雞邊個係蛋，究竟改咗家長嘅心態先，定係改制度 ...

所以我同Bestie既想法就係，既然改唔到制度，改唔到學校，唯有家長自己執生，唔好做埋“加害者”一份子。家長可以係呢個環境下，幫自己孩子順利渡過。

Btw, 一分都不能少既學生同家長，分set對佢地黎講，同精英與非精英都係一樣，如精英班係一開二，分set佢地覺得更慘，係一開四。你想像唔到佢地真係乜都鬥餐死，如果唔係，你唔會係EK見到有已經係所謂神校嘞，仲要比拼幾多學生入到大學神科，係沒完沒了的。

Rank: 13


	88199

515^#

發表於 22-11-5 09:17 |只看該作者

本帖最後由 Yanamami 於 22-11-5 09:17 編輯

beastiebistro 發表於 22-11-5 08:57
其實你睇睇我啲答覆，我從來冇話國際學解唔好㗎！我亦冇話本地神校一定好㗎！而且大家都覺得教學模式係二 ...

或者我地係好彩，有能力同機會去揀學校。有好}大衆衹能靠派位，派到去區內谷到八彩既，搏升Le既學校，衹能係多功課多測考既學校升讀。

大Y升中時至差不多完成中學，反叛期同我關係好差，曾埋怨我唔同佢考GH(因佢老友升左去)，反而同佢抽間無人識既HTC(佢更係佢小學第一個升去既學生，因係跨區連老師都唔多識)。我話我唔想佢日日做功課做到半夜三更呀。兩個女中學都唔同，一個直資一個津校，唔係我偏心，而係我已經好努力就佢地能力揀最合佢地既中學啦。HTC已係好關愛學生既中學，無排名(有分ABCDE grade),老師把口撬都唔開，點到唔肯講排名，你睇下吖，連我都係咁衰，試探再試探，點.都要知C頭吖，C中間吖定C尾。

細Y數分左去setD,心諗作死，一定要努力下了。一樣有中國人劣根性。

Rank: 12


	51297

516^#

發表於 22-11-5 09:19 |只看該作者

本帖最後由 beastiebistro 於 22-11-6 11:25 編輯

shadeslayer 發表於 22-11-5 01:29
我可能有啲怪，我唔覺得律師醫生嘅職業係高尚啲，只係搵錢多啲。如果大家以為律師醫生老師社工嘅道德標準 ...

噢，咁你唔理解我一路嘅argument喇，我從來都冇話呢啲職業高尚啲。in fact你睇返我啲留言，我一路都話唔應該有職業歧視。我就係覺得水喉匠同飛機師同投資銀行家各有所長，冇高低之分。適合整冷氣嘅人咪整冷氣囉，適合幫人換肝嘅人咪幫人換肝囉，無須要硬崛覺得/製造機會令人人都要有可以做盧寵茂囉。當社會上嘅大部分人唔覺得某啲職業係「低下」啲，咁咪唔存在點解我個仔唔係梁智鴻/何鴻燊/葉劉淑儀，而只係一個巴士車長嘅心態囉。咁怕咩分流呢？怕咩讀職業先修呢？
希望你終於理解我想講乜。

你當然可以（以你身份，歷練，資歷）覺得牛津學生冇乜大不了，甚至覺得你女兒好過晒佢哋（有幾多個家長唔會咁諗呢？）。我選擇相信一套經年累月嘅系統，雖然會有漏網之魚，但係大致會喺有限資源有限時間篩選咗最合適嘅人。some children left behind？sorry，喺現今社會係無可避免嘅情形。或者我哋有日發展到好似brave new world講嘅世界咪人人齊輯輯，no child left behind囉。

Rank: 6 Rank: 6


	8793

517^#

發表於 22-11-5 09:22 |只看該作者

shadeslayer 發表於 22-11-5 01:04
本帖最後由 shadeslayer 於 22-11-5 01:07 編輯

對，我女兒冇辦法係一個框框生存，佢一定要有自己嘅學 ...

我細囝在小四考了一次全級數學第一．為了當精英班風紀(矮細/普通班)被冷對待．
事情處理了, 之後,從來只係考第四,五．

亞囝真係無框．我也無框比佢．
所以．語文和數學是兩個極端．
反而,我一直留意佢思維特質．

只希望佢遇上合適平台．

………

之前,你提過神童消失．

1．神童．只會在童年受注目．印度出現一個女神童．速算比計算機快．她爸爸把她當馬戲表演．才長時間在公眾目前出現,賺錢．
2. 有天資．也要有平台．
順利進入平台．神童有機會發揮．但並不是在公眾面前．
而且．在平台上,還有不少出眾和水平相近的．
3.之前,我提過王孟源博士．他在台灣學習時,已經是台灣第一數．成長的事業發展．只會睇成果,無人再理是否神童．

Rank: 12


	51297

518^#

發表於 22-11-5 09:30 |只看該作者

Yanamami 發表於 22-11-5 08:59
所以我同Bestie玩想法就係，既然改唔到制度，改唔到學校，唯有家長自己執生，唔好做埋“加害者”一份子。 ...

多謝補充呀，正係我想講嘅嘢。我講咁多都係想平衡返，fairy tale有邊個唔鍾意聽，有邊個唔想代入自己小朋友？現實就係有千千萬萬嘅小朋友唔會係童話故事主人翁，（無論家長有幾期望）。
我認為家長唔應該不切實際咁「希望」個小朋友會翻盤。有能力有辦法嘅，by all means轉軌道轉路徑試吓。冇能力嘅，早早認清接受現實。唔代表坐喺度咩都唔做，照可以鼓勵小朋友做好啲，但係調整心態唔好覺得個仔揸巴士就即係failure。

Rank: 12


	51297

519^#

發表於 22-11-5 09:46 |只看該作者

Yanamami 發表於 22-11-5 09:17
或者我地係好彩，有能力同機會去揀學校。有好}大衆衹能靠派位，派到去區內谷到八彩既，搏升Le既學校，衹能 ...

或者我先係怪人，因為我從來都冇喺家長日問過老師成績嘅嘢（因為我喺屋企同啲仔女review時已經知道晒問題同埋需要改進嘅地方）。
從來家長日我第一個問題係我點樣可以幫到老師，絕大部分都打個突（因為預咗家長找碴）。跟住問我有冇關於成績嘅嘢想問，我話完全冇，又打個突。多數我都話，淨係想知佢學校生活如何，同朋友想處如何咁。所以我去家長會三分鐘搞掂，啲老師個個都鍾意我㗎

。

我好彩我太太喺教育方面完全由我鋪排主導，佢從來冇意見問題。亦從來唔因為成績學業有任何疑問。我都明有啲家庭淨係父母要align已經超出負荷...

Rank: 7 Rank: 7 Rank: 7


	10850

520^#

發表於 22-11-5 09:53 |只看該作者

shadeslayer 發表於 22-11-4 23:45
我認為係個制度問題，由幼稚園小學就開始考試比分排位，擺明係一個鼓勵比較嘅制度，加上精英班，擺明就係 ...我唔反對精英制度，向上爬。到高中一定要走向精英制向上爬，但幼稚園小學初中就冇乜必要。..

完全同意你嘅睇法。
我贊成一條龍制度，同一間學校也可以做到分流，不需要一個考試把小學畢業生分流到不同的中學。小學到初中針對考試的催谷是沒有意義的，對學習知識，只會事倍功半。高中時才針對考試，因為要入大學。

點評

發表於 22-11-7 16:39

‹ 上一主題|下一主題 ›

1 ... 22 23 24 252627 28 29 30 ... 40 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢