tutik 發表於 18-12-5 09:49
可否分享小朋友讀那類中學?直/津?我同意,如果生活過得精采又何用沈迷電玩。 我總唔能夠叫個仔唔好打機 ... 小兒讀IB私校, 比較愉快學習. 功課壓力不大. 他小一跟好朋友學識左打機, 我又心軟買遊戲機比佢, 玩玩下就幾上癮, 又不時上youtube睇人打機. 跟住又自己扮youtuber制錄短片教人打機. 我見佢上網又自學好多野, 除左打機, 天文地理數學科學什麼都煲一餐, 我於是就隻眼開隻眼閉. 小一至小三真系幾沉迷. 但我個已長大成人的外甥小學及中學都打爆機, 他說好的電子遊戲其實可以強化邏輯推理, 對他大學讀自動化/AI/programming等相關科目有幫助, 我又隻眼開隻眼閉. 我又投其所好,
比佢上下coding班, 等佢知道打機的邏輯點樣出來. 他學完又間中自己寫下games. 他5年班被選入負責project做機械要參加校外比賽的, 他是主力負責寫Code, 老師就驚訝他的Coding能力. 而家問他上唔上coding班, 他叫我不用浪費錢上堂, 他什麼都網上自學. 的確他很多野都網上自學, 現在要用到的很多skills都可以自學. 我又覺得他其實好主動學習, 學校的功課他知道有責任要完成任務, 完全都無需要跟功課, 他不會欠交功課, 他知道交功課的責任及欠交的後果. 一次半次做完忘記帶功課返學交就試過. 我覺得由於要學打機的技巧, 他要自己主動去上網學習, 久而久之,又建立左自學能力. 有野唔識, 都可以自己去學. 打機總會遇到好多challenge位,無人教就要自己去找答案. (我可能美化左打機, 大家唔好百份百認同,因為每個人的性格都唔同) 電子遊戲要選益智的, 例如minecraft, 其實玩下無防. 小學時打機過份的時候, 我試過幾次鎖起D機, 又cut wifi, 等他知道沒有自控能力就失去自由. 比佢知道失而復得的感受. 由細到大我都不斷提點教佢self-control的重要性. 他也算懂分寸. 至於課外活動, 我只會keep住他有興趣的, 學鋼琴不考級, 現在已無學琴,識下就算. 我比佢參加學校有個類似童軍的課外活動, 他很喜歡, 經常集團活動,要學懂照顧自己及照顧別人.懂得團體合作精神, 關心別人, 又可以同朋友玩得開心, 戶外的挑戰又可以令他腦中記住有更好玩的事情, 分散打機的注意力. 總之, 讀書之餘,讓他有些自己非常enjoy的樂趣及時間, 他們就覺得打機其實不是最好玩的事情.
現在他的確只是間中玩下娛樂下, 不沈迷. 他讀書OK, 但不是名列前矛. 讀書當然不能太差而失去自信, 但又不會要求做尖子. 學校不會排名次, 所以壓力少.
|