圖書堂帶什麼書? - 小學雜談

mcl203

用戶要求終止服務


	55266

42^#

發表於 17-10-10 10:33 |只看該作者

1998Ruby1998 發表於 17-10-10 03:37
我覺得唔洗打電話去學校，不過可以寫係手冊：女兒只聽到不准漫畫書之指示，沒有留意少字的書也不准，便帶了 ...

本帖最後由 mcl203 於 17-10-10 10:51 編輯

若果咁小既事，都要追回公道，去研討下＂無帶＂是否包含埋＂帶錯＂，相信，對P1既小朋友可能有唔少機會去研討～

#24 我小朋友所遇到，恐怕要追究到交校長處理了，而呢件事，我地都遲左一兩日先知。事源於一個班長執行學校指示，去勸阻一名同學睇漫畫書，而該同學毫無解釋就豪哭，又正正VA老師上堂，原來本漫畫係佢私底下建議俾呢位同學，VA老師不分是非，而我小朋友已即時解釋原因並道歉，但被係堂上痛罵足足兩堂，佢絶少係公眾場合哭都被狂鬧到哭出來。至於班主任㸃解會知，係該學生第三堂仲哭緊，班主任查問下，指出該學生平時被罵懶散都唔會哭，咁小事哭3堂，反讚我小朋友明知無錯下即時多次道歉，有勇氣，錯就係錯，雖然佢唔知係VA老師既私下建議，仲反責罵其他同學為何係2課堂，為何唔協助班長去解釋俾VA老師知道，漫畫書係嚴禁係課室閲讀。為左老師尊嚴去唔理是非黑白去痛罵學生，更一定要聲討？

咁小事又係自己理解錯，都誓要討回公道，教育路上，並非教導小朋友去事事聲討，係唯一可以做既。

仲有一件仲離譜，一個老師無缘無故，留底我小朋友閙足一堂，課都上唔到，話佢當衆多次喵佢，我小朋友被鬧下唯有承認，佢回家後同媽咪傾計中提及，佢根本唔知甚麼係＂喵＂，佢無做過。呢次係唯一我叫負責人打俾班主任瞭解，班主任可能私下原因，叫我地直接找該老師，該老師態度仍欠佳，堅稱我小朋友認左就係事實，但我小朋友信念係老師鬧一定有原因，雖然佢唔知犯左乜錯。最有趣係，第二天副校捉住我小朋友，話當時佢睇住你地練步操，見唔到你喵老師，亦見佢鬧左好耐。

事事要討回公道，甚或寫下手冊，都要聲討用詞是否恰當，真係有咁既需要？

haihaimom

男爵府

Rank: 6 Rank: 6


	5980

43^#

發表於 17-10-10 11:07 |只看該作者

haihaimom 發表於 17-10-9 10:17
我最近去學校做義工，幫人收雜誌訂閱表格，小一生真係有啲連自己訂乜雜誌都唔知，問多兩問，就開始哭，有 ...

我覺得如果一班裏面有一半學生帶錯，老師應該檢討係咪自己表達得唔夠清楚，但如果只有小數同學帶錯，我傾向係小朋友問題多啲。即使係老師表達得唔夠清楚，都係好少事，我唔會追究囉。

Rank: 12


	64163

44^#

發表於 17-10-10 11:25 |只看該作者

ar_mak 發表於 17-10-10 09:39
RUBY小姐,我知你識英文,呢條問題我只係問你.
假如老師就範,收回"欠帶"字眼. 則,原來當時共有10位同學犯上同 ...

好簡單, 如果有10位同學同時犯同樣問題既錯, 即唔係帶錯漫畫, 而係帶咗少字書, 老師應該一視同仁, 「自動」取消欠帶紀錄。

話說, 舊年統測, 聖經科有一題, 老師出題有問題, 有中文語病, 文句唔成立, 課文原意係XX用手按著YY身體, 但供詞入面只有「按手」及「按眼」, 其實兩個都錯, 所以全級絕大部份同學做錯(啱既肯定係撞啱)。而老師派卷時解釋話答案係「按手」, 表示係「用手按」既意思。我一聽真係無名火起三千丈, 三分事少, 教錯阿女中文事大, 我即刻用memo紙, 寫清楚課文原意, 指出佢題目有咩問題, 仲查埋字典解釋俾佢。之後, 佢哋科開會討論, 取消該題, 全級加返分。

老實講, 如果見到同一時間咁多同學都錯, 老師點解無alert, 係咪條題目有問題呢。

HaYi

子爵府

Rank: 7 Rank: 7 Rank: 7


	14244

45^#

發表於 17-10-10 12:30 |只看該作者

回覆樓主:

有時小一老師真忙，我覺得反映下就夠，俾D時間大家夾下.

我细小一，工作紙A十，冇嘢改，我見佢自己收拾書包好企理，但派回的紙几天在功課袋，趁佢瞓左幫佢取出放在家，几天後俾老師寫欠交，因為通常派回改正第二天要交回，但我個几日都带回又冇需改，我以溈老師已收完再派回，被寫欠帶又幾無奈

haihaimom

男爵府

Rank: 6 Rank: 6


	5980

46^#

發表於 17-10-10 13:09 |只看該作者

little_yolky 發表於 17-10-10 11:25
好簡單, 如果有10位同學同時犯同樣問題既錯, 即唔係帶錯漫畫, 而係帶咗少字書, 老師應該一視同仁, 「自動」 ...

寫memo紙俾老師幾好丫，我自己語文好一般又係懶媽一個，好少發現有錯，我自己就盡量唔出手，叫小朋友自己問老師。

Lu324

別墅

Rank: 4


	867

47^#

發表於 17-10-10 13:11 |只看該作者

回覆樓主

如果老師話「欠」，我會追查到底，今年唔可以花profile. 如果冇特別就算，叫小朋友同老師溝通好就算。
呀仔小一，問左老師，叮噹可以帶，但老夫子唔得。

Rank: 12


	64163

48^#

發表於 17-10-10 13:16 |只看該作者

haihaimom 發表於 17-10-10 13:09
寫memo紙俾老師幾好丫，我自己語文好一般又係懶媽一個，好少發現有錯，我自己就盡量唔出手，叫小朋友自己 ...

小朋友問老師, 老師話自己無錯。

1998Ruby1998

侯爵府

Rank: 9 Rank: 9 Rank: 9


	22841

49^#

發表於 17-10-10 13:40 |只看該作者

回覆 ar_mak 的帖子

呢類畀老師屈嘅情況，我小一開始已經見識，仲好嬲個老師，明明唔係我唔聽指令，做咩塞個罪名畀我？我阿媽都係用寫手冊解決（我阿媽中文更加唔好，段野仲長，本手冊都冇寫花曬啦，我本手冊同普通藍色練習簿一樣 size），老師都即刻收返言論／懲罰，不論事件是否只係得我一個或者有其他同學，都會寫曬幾個學生手冊解釋。我阿媽又冇畀學校感覺係麻煩家長，又唔係事事投訴，偶爾一兩次，向老師反映下而已。
不過咁，我學校慣例，奉欠帶／欠交都一定寫手冊，兩個欠就記小過，三個就打電話畀家長，所以我好看重「欠」。如果事主學校對「欠」嘅懲罰／處理係好寬容的話，可以唔追究，當冇事發生。

我將來都會做老師，見到個手冊咁樣寫，咪照樣同個小朋友講「對唔住，下次帶返多 d 字嘅書啦」，然後寫返手冊回應。下次警醒 d，指令要清楚 d，同小朋友 double confirm。個家長唔打電話畀學校就冇問題，可以自行拆彈，好小事。

1998Ruby1998

侯爵府

Rank: 9 Rank: 9 Rank: 9


	22841

50^#

發表於 17-10-10 13:44 |只看該作者

回覆 little_yolky 的帖子

我試過之前畀代課老師攞左我本手冊，講真相之後反被老師屈我講大話，攞張紙寫我係「欠帶手冊」。所以有時候要家長開聲先可以令老師聽其言。

Rank: 12


	64163

51^#

發表於 17-10-10 13:46 |只看該作者

Lu324 發表於 17-10-10 13:11
如果老師話「欠」，我會追查到底，今年唔可以花profile. 如果冇特別就算，叫小朋友同老師溝通好就算。
呀仔 ...

但老夫子係成語, 較學術同有深度喎。

Rank: 12


	64163

52^#

發表於 17-10-10 13:52 |只看該作者

1998Ruby1998 發表於 17-10-10 13:44
回覆 little_yolky 的帖子

我試過之前畀代課老師攞左我本手冊，講真相之後反被老師屈我講大話，攞張紙寫我 ...

諗起被屈, 我係好學生丫嘛, 好少有咁既情況, 但都記得小學有一次：

我哋天主教學校好嚴格, 排隊唔准傾偈。有一次, 排後面個男同學同我講嘢, 唔停咁講, 我忍唔住同佢講：唔可以講嘢既。點知, 俾離好遠個miss見到我個嘴郁, 話我傾偈, 捉咗去校長室打手板。咁我緊係好驚啦, 好學生嚟丫嘛, 成世都俾人罰過。好彩果日校長唔响學校, 主任當值。主任好錫我, 見到我都有D突咗一突, 問我咩事, 我解釋咗, 佢就輕輕用間尺掂咗我手板一下, 無打落去, 個男同學就打好大力。

1998Ruby1998

侯爵府

Rank: 9 Rank: 9 Rank: 9


	22841

53^#

發表於 17-10-10 14:10 |只看該作者

回覆 little_yolky 的帖子

個主任有一刻係諗緊：「死仔包，公然撩女仔」

我呢 d 壞學生，屈一次，衰一次，冇事冇幹就唔好再染黑我個底啦。

Lu324

別墅

Rank: 4


	867

54^#

發表於 17-10-10 14:34 |只看該作者

little_yolky 發表於 17-10-10 13:46
但老夫子係成語, 較學術同有深度喎。

我有同感。

Lu324

別墅

Rank: 4


	867

55^#

發表於 17-10-10 14:37 |只看該作者

little_yolky 發表於 17-10-10 13:52
諗起被屈, 我係好學生丫嘛, 好少有咁既情況, 但都記得小學有一次：

我哋天主教學校好嚴格, 排隊唔准傾偈。 ...

我個仔叻，有次表演，同學入錯左仲唱緊，呀仔乜都唔講，用手蓋著同學仔個囗就算，哈哈。

ar_mak

禁止訪問


	12918

56^#

發表於 17-10-10 15:56 |只看該作者

提示: 作者被禁止或刪除內容自動屏蔽

ar_mak

禁止訪問


	12918

57^#

發表於 17-10-10 16:01 |只看該作者

提示: 作者被禁止或刪除內容自動屏蔽

greentea000

男爵府

Rank: 6 Rank: 6


	6368

58^#

發表於 17-10-10 16:35 |只看該作者

回覆樓主:

求其揾左間學校既學生手冊使用指引，fyi