收到常寧綠茵PN am offer [複製鏈接]

哈哈! 以前D post留言過有hard-feeling咪我囉. 前任校長對幾個月係唔會覺得有問題, 重好似幾好, 但對耐左就知. 當然, 我明白每個家長感受唔同, 有D都會覺得佢好的. 之前開POST話佢唔好D家長相對係讀得比較長的時間,接觸佢時間長一點, 感受係會比較深D. 我小朋友都讀左兩年幾三年, 我個人真係唔認同佢係友善. 佢後期的友善, 我估已經係D家長鬧左一段時間, 而作出小小的轉變, 係好的但可能已經太遲. Anyway, 現在常寧綠茵係唔錯(相對她在的時候評語真的麻麻). 恕我自私講句, 我希望繼續保持現狀模式的管理, 對前任校長我怕怕. (純個人感受, 不喜勿插)

我覺得小朋友讀英普班, 佢上小一傳統小學都唔會適應唔到, 因為綠茵雖然叫英文國際幼稚園, 但其實都幾傳統, 上堂係會要求小朋友坐定定(其實之前D舊POST都有姊妹講過. 當然PN小朋友重細要求相對包容一點). 另外, PN班係英普班, 但上到K1至K3是可選擇兼收廣東話, 而佢地課程係有編排過, 例如普通話學緊中秋節呢個主題, 廣東話都係會配合番教番相應類似的詞彙, 所以小朋友都好易TAKE UP到, 亦都唔會學唔到廣東話. 對我呢D選擇性困難兼想學好普通話的家長不知幾好, 不用選擇英普或英粵班, 兩文三語一齊學曬. 佢地課程唔係淺的, 因為都成年幾兩,年, 小許記錯請不要見怪. 記得PN已教曬A至Z,形狀, 同埋顏色. K1上學期做下小肌肉訓練, 下學期都開始要學寫字. 英文用的書係Oxford reading treestage 3. Phonics同普通話拼音K1已經學. 我小朋友以加 D英文同普通話唔識個字, 佢係敢望住D拼音嘗試讀番出嚟, 當然唔係個個啱曬, 但我都覺得佢地教得真係幾好. 我小朋友有d中英課程俾我以加讀緊某地區一線津小六年班的親戚睇都話好似學緊小一的課程. 超級神校我就唔知, 但有d將軍澳較出名的傳統津貼小學都係小一先學普通話拼音,所以我覺得唔會適應唔到.