大埔道崇真幼稚園家長分享站-Part 2 [複製鏈接]

傻妹 寫道:
哥頓媽,

你聽到話英華好,但我聽到係負面評語.
1. 老師年紀大;
2. 學生話要去睇人打藍球就由得學生企係課室門口睇;
3. 學生lur地,就唔理佢又由得佢lur;

而家政府出徵詢文件,有關英中/中中,聽聞英文必須keep到85%既成積否則又要轉返中中;而中中成績好又可以轉英中.可能又有野改,真係難適應;

唔怪得沙田好多小學都收唔夠生;因為好多家長都寧願俾細路讀私校或直資學校以免受到五時花六時變既教育改革拖累.

winnie_1710 寫道:
hi  
大家係到講小學呀!我都想問吓(聖瑪加利男女英文中小學)lee間學校好唔好?大家可唔可以比多D意見我呢 ?

wyl 寫道:
sorry呀! 衍彤媽, 原來我搞錯咗, 係babyruby講o既先啱   babyruby, 可唔可以講吓你聽到荔天d咩負面消息呀? 我想知呀! 唔該哂!

snoopy 寫道:
LamChu & wyl,

我見到件風褸就 :evil:  :evil: 啦,  我已同老師及校務處講過, 佢地話會同負責校服的老師講跟進喎 :evil:  我還有其它校服都未取, 聽老師話好似好多家長投訴, 所以校服商取回再做.

wyl 寫道:
我都係40網, 英華真係幾多人話好, 可能係因為佢以前喺九龍塘名氣大又係一條龍啩?! 暫時我心水都係聖紀文(上), 下午校同基愛合辦成為基福新校, 我都睇緊, 因為千禧校舍始終設備好d, 唯一係仲未知佢會係跟聖紀文定基愛的方針教學唧! 我仲有一間心水, 係開平, 但嫌佢校舍舊, 但往績好似唔錯, 而且仲有間中學做back up, 仲有佢冇宗教, 我們這些只有15分的機會可能會好d, 但又驚佢壓力好大, 所以都仲考慮緊! 乜荔天唔好咩? 衍彤媽, 請問佢有咩負面新聞? 我都幾中意呢間噃! 暫時我都係打算喺崇真留咗位先, 再參加派位, 因為始終六年教育費, 家陣時勢, 我寧願多個錢留比佢第時讀大學, 萬一份工有咩依郁烔因都唔會冇書讀吖嘛! 不過政府d政策日日變, 到出年又唔知會點, 唉~~~

winnie_1710 寫道:
Babyruby
呀!妳仲記得我老公係公務員 唔需要負擔昂貴既學費, 但D學費就要架在稅單上 :cry:  :cry: