- 在線時間
- 11 小時
- 最後登錄
- 13-2-28
- 國民生產力
- 4
- 附加生產力
- 45
- 貢獻生產力
- 0
- 註冊時間
- 07-9-3
- 閱讀權限
- 10
- 帖子
- 94
- 主題
- 1
- 精華
- 0
- 積分
- 143
- UID
- 155697
|
原帖由 mwccwtl 於 09-1-21 11:11 發表
Shirleymatt
我想問國語老師是否係國語人?
你kid 返咗YORK之後會唔會成日主動講英文呀?
中文同數學會比較淺?
Thanks
我沒留意他們是什麼人, 我估, 一星期才得一堂, 我想不會請一個地道國語人啩, 成本又會貴好多lu.
其實我諗家長要留意一樣野, 唔好太過依賴學校, 家長亦有責任去培養個小朋友, 好似英文咁, 學校係呢刻責任係幫我地去提昇小朋友對英文興趣, 佢地唔怕英文就會肯講, 但如果家長係屋企無比一個培養小朋友表達英文既環境或鼓勵佢地多用英文表達, 我諗個小朋友唔會咁 主動去做呢樣野,正如我之前講過, 佢地學完, 有無機會應用出嚟係好重要. 其實無論大人定小朋友都係咁, 更何況佢地仲咁細. 我本身好鼓勵小朋友去表達英文, 我會依佢每月進度表, 知道佢學過d咩英文, 會鼓勵佢係生活上試下表達, 久而久之,我小朋友係肯, 同埋會主動去講, 而且我見我小朋友既同學仔都係咁, 佢地父母都唔識英文, 都無咩係出面學英文, 但個小朋友既英文都講得好好, 好流利.
中文我唔覺得差, 或者應該問你想要咩, 因為我唔知咩叫深或淺, 同埋我同你提過, 我同其它幼稚園都有比較過, 我指係九龍塘既幼稚園, 佢唔係淺亦唔係最深, k2已經寫爸爸, 媽媽, 眼耳口鼻, 船車風等同配詞, 佢地手指仔咁細, 已經要寫咗D咁多筆劃既字, 佢地仲要記筆順, 下學期會再點教, 我自己都未知, 所以你喜唔喜歡可以再諗下.
而數學, 根本好多幼稚園k2上學期都係學簡單加數概念, 下學期就會學加減數, 間間幼稚園都係, 學十以內加數, 唔會有進位, 所以咩叫深, 我唔清楚, 但只是我自己貪心, 覺得佢地可以快d開始教加數.
同埋我想講係大家無論讀邊間幼稚園, 都希望家長係出自真心係喜歡同埋相信一間學校才讓小朋友讀, 無論係小學, 定中學, 因為家校合作先能發揮到最好, 如果無咗互信, 我地就會好容易對學校有bias, 咁呢幾年, 家長就會唔開心, 又會影響小朋友, 同埋, 我覺得唔好總相信一定要課程深, 因為其實呢樣好睇自己小朋友到底吸唔吸收到, 幸唔幸苦, 我識有好多人特登簡一間話課程深的學校讀, 但家長自己又無時間係屋企再教, 只依賴學校, 成日以為話個小朋友係學校學晒番嚟, 唔駛理, 跟手, 學校咪打電話嚟話佢小朋友追唔上囉. 教到個家長精神又緊張, 個小朋友又無自信, 為咩呢?
有好多家長會 '享受' 學校名氣, 總相信出名一定好, 就好似中學咁, 好多人點都一定要追求傳統名校, 但從來都無深究佢地中五整體會考成績, 中英文合格率等, 只係講佢地有幾多個十A, 其實呢D學校每年都會特登谷D十A出嚟出風頭, 但佢地整體會考合格率唔高, 反而好多地區BAND 1中學 , 佢地唔會特登為出風頭谷十A, 反而佢地會考合格率成績好好.
可能我無覺得一定要考大家所講的傳統小學, 我只是希望小朋友個根基打得好一點, 唔好太谷,唔想話讀幼稚園時已經好似讀小學 但亦唔好太HAPPY, 好似返BB班, 第時讀書辛苦, 所以到底你自己想要咩, 你自己要替番小朋友性格而衡量, 希望你朋友END UP無諭讀邊間, 都讀得開心! |
|