- 在線時間
- 635 小時
- 最後登錄
- 15-4-26
- 國民生產力
- 195
- 附加生產力
- 765
- 貢獻生產力
- 0
- 註冊時間
- 03-3-23
- 閱讀權限
- 10
- 帖子
- 3451
- 主題
- 8
- 精華
- 0
- 積分
- 4411
- UID
- 8202
|
阿女都曾經試過同我講, 呢D數咁深, 我唔識做, 我唔想做! 亦都試過做到喊, 曾幾何時, 佢都好想放棄! (最嚴重嗰陣, 係做LEVEL A 兩位+兩位, 橫式嗰陣)
嗰陣日日要佢做D佢理解唔到既數, 佢真係好辛苦, 有時都好心痛, 但CENTRE導師同我分享過一個CASE, 個CASE係話有對父母, 帶個讀緊唔知三年班定四年班既女去佢個CENTRE求助 (原則上係報名讀公文數), 爹哋媽咪聽完家長說明會, 個女就即時做埋評估, 而 評估之前, 呢對父母都同導師講左個女好抗拒計減數, 於是乎, 老師就畀左3A嗰個LEVEL既PAPER畀佢做TEST (即係幼稚園程度), 做完個TEST, 老師好訝異, 因為呢個三四年級既女仔, 佢抗拒做減數既情況, 係嚴重到連減1都唔願意試做的, 成份TEST PAPER, 所有減數, 全部漏空! 老師拎住個RESULT, 同該父母詳談, 其父母自責話: 當初都係我地唔好, 由佢第一次計減數, 佢唔識唔願試, 我地就同佢講: 唔識唔緊要啦, 唔好計喇! 由得佢啦! (父母無諗過, 當初咁同個女講, 只係諗住佢大大下就會識計, 呢個MOMENT唔識唔試唔緊要, 點知個女就真係諗都唔諗, 計都唔計)
當然, 呢個女仔有咁既情況, 我諗唔單止係呢一次的, 我深信係因為佢由細到大, 當呢個女仔有某D野做唔到, 唔敢試嗰陣, 佢父母都係咁同佢講: 唔緊要啦, 尤得佢啦...之類.....
所以自此阿女學任何新野, 我都會預先教佢下一個LEVEL既CONCEPT, 一唻等佢容易D接受, 二唻到佢真正落手落腳去做嗰陣, 佢已經有個基本概念, 會PICKUP得好D!
不過雖然係咁, 但有時做D超越學年既數嗰陣, 於佢唻講, 其實都係深的, 做既時間會長, 而我可以做既, 係陪響佢身邊一齊完成, 遇到佢唔明既地方, 即時提點佢, 仲有就係用唔同既方法令佢明白點樣至計到個正確答案出唻! 坦白講, 由佢超越一個學年開始, 到而家超三學年, 過程中真係唔知花左幾多心機心血, 軟硬兼施, 多讚少彈 (多D讚賞佢做得好做得對的地方, 少彈佢: 做乜教極你都唔明咁鬼蠢架, 係咪想激死我呀?之類)
做公文數, 做到某D LEVEL, 會有難關的, 衝破到, 佢就會搵到當中既樂趣同埋成功感 & 滿足感, 升到班, 當然要獎下佢啦, 話晒付出左好多個月既努力嘛!
其實你仔仔而家學既, 根本就係公文數做過晒既, 只係形式唔同左, 你可以引導下佢, 用另一個方法去諗個答案, 當佢明白左, 佢就唔會再覺得係好複雜OR好困難的了!
順帶一提, 千祈唔好因為佢怕難, 怕複雜, 怕諗就畀佢輕易放棄, 要知道, 放棄一樣野係好容易的, 要堅持做好一樣野至係最難, 相信所有成功人士, 都係從失敗中學習, 憑住毅力, 堅持, 勇氣去面對唔同既難關至會成功的!
相反, 畀佢發覺...咦, 原來只要我同媽咪呻下話呢樣野好複雜, 我唔想再做, 媽咪就唔駛我做架喇喎! 咁以後你想佢有恒心去完成一D野, 就較難的了!
原帖由 lingchuling 於 08-10-30 16:19 發表
update 下先
lingchuling - 中4A160,
數2A剛做完,但是上星期評估不達標55/80,時間亦不能於10分鐘內完成,現在要再做2A worksheet 2 次,主要是忘記了+6,+7,+8,+9,其他加數及減數問題不大, 仔仔現在讀K3, 學校近來做 ( )+2=6 AND 4 + ( )= 7 ... |
|