2005年出世或~宏福幼兒園媽咪~(PART II)歡迎新朋友加入 - 宏福幼稚園 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 宏福幼稚園 › 2005年出世或~宏福幼兒園媽咪~(PART II)歡迎新朋友加入 ...

1 ... 30 31 32 333435 36 37 38 ... 100 下一頁

發新帖

樓主: 626mama	go 2005年出世或~宏福幼兒園媽咪~(PART II)歡迎新朋友加入 [複製鏈接]

Rank: 5 Rank: 5


	3137

661^#

發表於 08-2-19 10:19 |只看該作者

626mama,

你d咳好d未?
今日我地個班開生日會, 我地個班
今次有四個小朋友生日, 我預備
四張生日咭比仔仔帶返學, 今早仔
仔話好開心, 因班中有同學生日唔
使著校服, 仔仔好開心因知返到學
校有蛋糕食, 昊藍好鍾意食蛋糕~~

candyhui77,

翔仔好番就好啦! 大家都身體健康,
唔好再病啦! 翔仔加油~~

pcdogxx,

鈞渝今日返學係咪都好乖, 昨天入學校
我見鈞渝都好乖無哭, 鈞渝叻女

原文章由 626mama 於 08-2-18 17:46 發表
天藍,

我都有D怕流感高峰期返學又傳染到又怕呀。

Rank: 5 Rank: 5


	3566

662^#

發表於 08-2-19 14:47 |只看該作者

我今日又衰

左喇

Rank: 5 Rank: 5


	3566

663^#

發表於 08-2-19 15:22 |只看該作者

天藍,

睇極都唔清，我同軒軒又翻發出來，
兩個夾埋睇左成7.8.次唔得。
今日兩個都要再睇呀。

其實我都聽好多人係個舊曆年前後係咁病，
希望過埋十五個個都好反晒。

明明好好多(仲有小小痰)，昨晚訓到2:00左右，
又咳到唔停，係咳到訓唔到，今日仲一早考車牌。
今日十一點幾，行過果中醫，見冇咩人，走左去睇，
放工去食藥。昨晚行個排成五十幾人，痴線嫁，
當日實睇唔晒啦。排得咁多人，
個中醫同藥材舍甫就發喇。

近排真係好多野做呀，去洗手間都冇時間呀，
所以小了上來。係呀，今日有四個小朋友開生日會,
我唔得閒去買生日卡，我都係叫我妹妹幫我攪。
軒軒同昊藍一樣，好開心返學有蛋糕食,
軒軒仲同我講，今日老師派了盒餅仔比佢地拎回家。
唔知係唔係家長買回去的呢?

Rank: 5 Rank: 5


	1131

664^#

發表於 08-2-19 16:19 |只看該作者

Candyhui77,

你報導得好詳盡呀.. 佢咁耐冇返有d抗拒真係在所難免, 不過尋日我地入到學校真係冇聽到小朋友喊聲喎, 可能入到去就冇事喇..
咁今日情況點呀?

626mama,
聽見你咁咳真係陰公..

如果真係唔得, 你都試下果隻三蛇胆川貝液啦.. 我老公又係睇左好多醫生都唔得.. 我前幾日都買左俾佢試..  不過尋日先開始食, 未知效果..  反正平平地又易入口..  我上次淨食佢, 岩岩食完一盒多d就好返喇..
咁你考車牌考成點呀?  咳仲要開車好慘喎..

原來今日軒軒果班開生日會, 唔怪得見到昊藍著便服啦..  嘩. 仲4個人咁多..  俾我一定現成買咭算咯..

我方工返到黎都好晏, 如果你買左仲要等我拎, 你就好晏先返到屋企架喇..  我見有人話$130都送, 我試下問下佢肯唔肯先..

天藍,
你都咳呀? 不過要清尾真係要好耐... 鈞渝瞓醒同食完奶都有幾聲咳, 但係就唔犀利囉.. 諗梗俾少少喉棗散佢食.. 希望你同626mama都快d好返啦.. 咳係最慘既病....

鈞渝今日都冇喊呀.. 原先叫佢入去佢有少少唔肯, Ms. Ng一行出黎佢又俾隻手佢拖住入喎.. 希望之後都唔好喊啦.. 佢次次都係放完長假都唔喊, 但係過幾日又喊返架..

我冇乜人黎拜年, 所以我唔係淨返好多野咋.. 咁等我訂左先.. 好食既再介紹俾你呀..

ElainAiolia,
係公司又唔會凍既.. 不過返到屋企真係唔玩電腦, 因為打字真係好凍... 我諗住訂呀.. 俾d奶奶, 俾d阿媽.. 你有咩訂話我知吖.. 或者d包, 糯米雞, 其他, 你要唔到咁多都可以講.. 我可以同你 share.. 反正大家近.. 你話俾我聽你要咩咩咩.. 幾多個.. 咁就得喇..

whatever,
Toto d皮膚好靚呀.. 又白又滑.... 幾靚仔咁喎..

我睇bk個post, 仲有人post埋點整咖喱魚旦, 點燒賣既甜豉油點整.. 真係可以開返檔呀.. 哈哈.. 勁賺...

出面果d真係賺到笑.. $5一串得果五粒..

Rank: 5 Rank: 5


	1131

665^#

發表於 08-2-19 16:27 |只看該作者

Hongmimi,

你去左泰國玩得好開心呀?

返到黎做死你呀..

你係大陸有冇試康師傅麵呀? 咁好可以玩煙花呀.. 其實現場睇真係好靚.. 而家年初二係電視播果d, 真係冇乜心機睇.. 一d feel都冇..

各位,
你地既長隆之旅計劃成點呀? 哈哈.. 原來我有3個朋友新年都去左.. 仲玩果左歡樂世界.. 佢地話歡樂世界小朋友玩既同大人玩既各佔一半, 所以都幾正喎.. 我都計劃下去唔去多次動物園+歡樂世界先.. 我做領隊有冇人跟團呀? 兩次都係我包辦我好有經驗架.. 哈哈..

Rank: 5 Rank: 5


	3566

666^#

發表於 08-2-19 17:34 |只看該作者

各位,

我明天上去PCDOGXX講那一間買野，(金龍)
如果有興趣就打電話，話比我知啦。
睇下有冇咩大家可以兩分嗎。
沒有都冇所為，有興趣係葵芳地鐵站交收，
妳地唔出閘都得。
明天最遲12:00前話我知丫。

Rank: 5 Rank: 5


	3566

667^#

發表於 08-2-19 17:47 |只看該作者

PCDOGXX,

我今日放工去食中藥。睇下食埋兩次藥會唔會好D啦。
考牌...又衰左喇，有兩個人走出來呀。真係想打佢。
又要比錢師博洗喇。

我諗住訂到同奶奶阿媽分，咁都幾好，
我都會分一半比我阿媽。
我買三樣野之嗎。珍珠雞.潮州粉果同燒買。
今日返去問下我阿媽仲有冇野想要。
係呀$5一串得果五粒，真係賺到笑。

妳計劃下去唔去多次動物園+歡樂世界
我想去呀，我報名丫，領隊。

Rank: 5 Rank: 5


	3566

668^#

發表於 08-2-19 17:55 |只看該作者

各位,

唔知妳地仲記唔記得，我公司要返大陸食飯。
而家決定星期五下午，公司包車直接上大陸廠，
要坐三個鐘車，問題係要帶埋老公同軒軒去，
我而家有HONGMIMI的心情，好擔心帶軒軒上去D治安，
我一次都未上過去，仲係工廠佢，佢地係都要個個成
家人去，講左好內都講唔掂，日本人會確得我好出奇，
點解係都唔帶個仔去，只大老公去，結果都係三個去。
夜工LU，拜拜。

Rank: 5 Rank: 5


	1425

669^#

發表於 08-2-20 00:35 |只看該作者

各位，
我返黎啦~~ 算妳地啦! 無機關槍式留言，嘻嘻~~ 咁即代表大家近日都應該好忙噃~

嘩! 多左好多新公仔噃! 我覺得呢個

單眼皮有d似匡匡，嘻!

我地星期日晚落機，依兩日仲放緊假，星期三返工應該幾忙，因為到另外位同事放假去旅行。

原來大家都病/未好，我同匡匡今次放假又ok噃(touch wood)~ 泰國果邊而家係冬天尾，天氣溫度都好好，大概23度，唔太熱又有風，對我地黎講真係好適中。可能因為咁我地本來過去時仲有d鼻水同幾聲咳，到第二日已自然好番晒。匡匡d鼻感敏幾日黎都無發作，比著係香港每朝d長打長有既噴嚏同長長阿吊鼻涕都無見過，兩個鼻哥無晒長期鼻塞之餘，鼻屎都唔見，可知香港空氣幾差呢!:;pppp:

係泰國呢幾日真好玩，我地去左芭提雅珊瑚島但大家只係係岸邊玩下水同玩沙，有幾個景點我地都去過，今次主要係帶d小朋友去玩。然後到曼谷，曼谷幾年間真係變左好多，好多好新既商場大廈，好大好靚架~

雖然匡匡同上次去韓國一樣無時停、餐餐坐唔定、係旅遊巴上喧嘩叫囂，但有屋企人幫手照顧匡匡，我地都未至於攰到要死~

等我遲d整好埋舅父相機d相就send俾妳地睇呀!! (whatever & candyhui77，我好似無妳地email address，妳地pm俾我呀!)

Rank: 5 Rank: 5


	1425

670^#

發表於 08-2-20 00:42 |只看該作者

626mama，
原來妳公司星期五下午要返大陸食飯，咁係咪即晚返落黎呀? 如果包車直接上都唔洗太驚既，最多食完唔好周圍去，全程同軒爸輪流抱住軒軒。如果妳都係有d驚，學匡匡扮女仔咪安心d囉! 呵呵~~

日本人就係咁，係咁就咁，無得傾~

希望妳食多兩次中藥會好d啦~

乜妳...又衰左呀! 唯有又要請師傅全家食飯啦!

pcdogxx，
我唔知市價，但聽妳講應該幾抵喎~ 不過我諗我唔訂啦~ 我阿媽同奶奶都唔岩，我自己又食唔到咁多，d野買親番屋企都係擺到過期掉居多(妳知啦! 我間酒店黎家嘛!) 間批發係葵芳架? 又近妳公司? 妳轉左工定公司搬左!?

妳咁有經驗，仲一手包辦帶埋隊去動物園同歡樂世界喎~ 夾到時間我地緊係去呀，報左名先~ 我就至怕做leader，最好他他條跟隊去邊就去邊~ 嘻!

無呀! 無食康師傅麵呀~ 都係d親戚開車載我地出去周圍食野多，我地都無自己走開，坐車時就見到d超市，就算係都無膽自己去，第二日佢問我地想去邊，匡爸想去書城，就帶左我地去間好大既書店，裡面真係乜都有，而且比香港既書平好多，所以都買左一set英文經典故事書連CDs、剪剪貼勞作書、認字書之類。

candyhui77，
嚇C我~

妳既直擊報導好緊張，我以為咩事添(touch wood touch wood)~ 不過妳後尾真係講到好好笑，完全想像到翔仔樹熊仔果樣，嘻! 佢地送返學時都聽唔到喊聲，翔仔應該唔係喊好耐啫~ 無返學咁耐，都算ok有進步呀! 加油努力呀!!

原來翔仔叫鍾宇翔呀~ 我同匡爸之前都想用個”宇”字架! 因為我地覺得好正氣。

whatever，
終於見到toto個樣喇~ 真係皮膚滑滑喎~ 睇著toto個close up大側面先，去旅行睇下認唔認得出，唔知toto似妳定toto爹地多d呢??

天藍，

一家三口無問題! 唔該晒!

ElainAiolia，
唔會有人投訴…新年聽到炮仗聲不知幾熱鬧又醒神，我都唔覺得好大聲，佢地d親友出出入入同d蔴雀聲夠嘈咯，新正頭大家高興啫~

匡匡間學校真係幾ok架! 可能同學少少咁，老師可以顧及到，就算攪多d花神野都唔怕煩同跟唔切，呢個真係小班教學既好處。

[ 本文章最後由 hongmimi 於 08-2-20 00:45 編輯 ]

Rank: 5 Rank: 5


	1131

671^#

發表於 08-2-20 13:47 |只看該作者

626mama,
你今日去買成點呀? 買粉果最少30隻喎..

   點食呀.....

吓.. 不過你狀態咁唔好.. 都好影響呀. 咁要俾幾多錢再考過呀?

嘩..  全部返上大陸食飯呀..  咁係咪一食完又即刻坐車返香港呀?
真係辛苦....

唔記得問你, 軒軒有冇返學呀? 佢返學有冇喊呀?

Hongmimi,
哈哈..  你真係好彩.. 如果唔係追死你..

真係開心,  去咁多旅行... 玩到喪晒唔使做野啦..

我都發覺鈞渝日日個鼻都一大舊鼻屎.. 都唔知邊到黎架...
唉. 香港d空氣真係差到...... 真係要多d去郊外吸下新鮮空氣先得喇.

係626mama近唔係我近呀..  我係北角嘛.. 不過4月搬喇.. 而家都仲未知邊到.. 好似搵到係牛頭角, 但係又未confirm....
希望唔好咁遠水路啦....

大陸d書真係好平架..  不過買得多又拎親死.. 我朋友係大陸訂果d書收到喇.. 不過我仲未拎到, 佢話我訂果d好重, 都唔知點俾我好.
等我搵架車仔去推先...

動物園, 如果要天氣熱之前去都要5月前去喇.. 等我set 下日子睇下就唔就到先..

Rank: 3 Rank: 3


	127

672^#

發表於 08-2-20 13:48 |只看該作者

嘻嘻

! 我係咪好有潛質做新聞報導員呢….

Hongmimi,
翔仔個名係佢爺爺改家, 個時楊利偉升空成功, 所以佢就改呢個名, 寓意係佢可以係宇宙飛翔喎….

626mama,
唔洗擔心呀, 最起碼你公司係包車接送, 唔洗同人迫都好家啦, 你咪當同軒軒大陸一天遊囉…

唔緊要啦, 再考過牌, 下次一定pass既, 加油努力!!!

原來你都係葵興葵芳區返工家, 我又係呀, 如果近既,

一齊出黎食lunch呀…

Pcdogxx,
我同翔仔未去過動物園+歡樂世界, 我都想同佢去

, 不過要睇下佢daddy有冇空先得, 得我一個人攪唔點家…

翔仔呢兩日都開始慢慢習慣返學啦, 淨係出門口同入學校個時仲有d “樓”計扮喊之外, 其他都總算ok…

Rank: 3 Rank: 3


	127

673^#

發表於 08-2-20 13:58 |只看該作者

Whatever,
ToTo 三七面好靚仔呀

, 皮膚白白滑滑咁…好想….咬一啖

…

Pcdogxx,
點解我收唔到你地講個間”金龍”訂燒賣, 魚蛋個e-mail既??

Rank: 5 Rank: 5


	1131

674^#

發表於 08-2-20 13:59 |只看該作者

各位,
尋日我係千色店一樓, 扶手電梯旁有個書展, 買左d連線, 劃迷宮, 者係我係當當網訂果d呢. 都係$10本咋.. 我買左五本俾鈞渝..
仲有d故事書都好抵, 你地都去行下吖..

我自己仲買左4本湯水食譜, 春夏秋冬各一本, 每本都有成70款以上湯水.. 不過買完先發覺秋天果本好多煲山瑞, 蛇, 水魚, 蛤蚧... 嘩.. 諗起都核突.. 所以今日試下去換其他睇下得唔得先...

http://global.yesasia.com/b5/PrdDept.aspx/code-c/section-books/pid-1002847730/
http://global.yesasia.com/b5/prdTransfer.aspx/pid-1002847729/
呢個幼兒啟智列總共有三十幾本唔同題目, 有數字, 英文, 線條, 繪晝, 時鐘.. 好想買晒佢, 不過又好似未岩寫咁..

不過睇內容千色店買果d就冇係當當果d咁colorful囉.

[ 本文章最後由 pcdogxx 於 08-2-20 14:04 編輯 ]

Rank: 3 Rank: 3


	127

675^#

發表於 08-2-20 14:08 |只看該作者

各位媽媽, 元宵節就到啦, 係時候同bb去睇下花燈呀....

康文署於二月二十一至二十三日期間，舉行三個大型綵燈會，與市民共賀元宵佳節。

香港文化中心露天廣場及西九龍海濱長廊則分別展出大型綵燈展覽《奧運燈影耀長城》及《福娃樂聚慶新春》。所有活動均免費入場。

首個春節綵燈會將於元宵佳節當晚（二月二十一日）在高山道公園及高山劇場舉行，為一連串綵燈會揭開序幕；第二場綵燈會於二月二十二日在青衣公園舉行；最後一場綵燈會則於二月二十三日晚上在將軍澳寶翠公園舉行。

高山道公園展出的綵燈以《中國情》為主題，由小熊帶領下暢遊中國不同景色，營造出喜氣洋洋的新年氣氛。青衣公園的綵燈以《情》為主題，璀璨的綵燈包括七米高綵燈《才子佳人喜成雙》，祝願天下有情人，終成眷屬。將軍澳寶翠公園內，亦擺放七米高大型綵燈《萬象更新呈瑞彩》，以色彩鮮艷的果實象徵豐收，加上活潑的童子，氣氛熱鬧。上述的綵燈展覽均於二月二十一日至二十四日晚上六時三十分至十一時開放供遊人觀賞。

三個綵燈會的詳細資料如下：

１．市區元宵綵燈會

　　日期：二月二十一日（星期四）

　　時間：晚上七時三十分至十時三十分

　　地點：高山道公園及高山劇場

　　節目內容：中國傳統舞台技藝、金曲演唱、舞蹈、粵劇及京劇表演、掌相攤位、燈謎競猜及古裝人物穿梭於會場等。

２．新界西春節綵燈會

　　日期：二月二十二日（星期五）

　　時間：晚上七時三十分至十時三十分

　　青衣公園

　　節目內容：中國傳統舞台技藝、中樂演奏、金曲演唱、中國魔術、掌相攤位、燈謎競猜及古裝人物穿梭於會場等。

３．新界東春節綵燈會

　　日期：二月二十三日（星期六）

　　時間：晚上七時三十分至十時三十分

　　地點：將軍澳寶翠公園

　　節目內容：中國傳統舞台技藝、合唱團表演、金曲演唱、木偶及皮影戲、掌相攤位、燈謎競猜及古裝人物穿梭於會場等。

Rank: 3 Rank: 3


	127

676^#

發表於 08-2-20 14:10 |只看該作者

此外，文化中心露天廣場的《奧運燈影耀長城》綵燈展覽將舉行至三月九日，而在西九龍海濱長廊展出的《福娃樂聚慶新春》則舉行至二月二十四日。由現時至二月二十四日期間，逢星期六及星期日晚上六時至十一時十五分，均有免費穿梭巴士來往九龍公園（近柯士甸道入口）及西九龍海濱長廊。

香港文化中心露天廣場上的《奧運燈影耀長城》綵燈，搭建了一座象徵為人帶來幸運及吉祥的紅色大拱門，這拱門更代表開放大道，歡迎所有人參與奧運會這項體壇盛事。在燈光璀璨的水池中，北京奧運的吉祥物「福娃」以不同運動形態在蜿蜒的萬里長城峰火台上，展示出人類追求和平共融的理想，表達出「同一個世界　同一個夢想」的精神。

於西九龍海濱長廊展出的《福娃樂聚慶新春》，北京奧運的吉祥物「福娃」化身為身手矯健的運動員，在耀眼的競技場上爭取佳績。在五彩和平鴿的伴隨下，每個福娃代表一個祝願：繁榮、歡樂、激情、健康及幸運，將祝福傳遞給香港市民。

查詢各項節目詳情，請致電二五九一　一三四○

Rank: 3 Rank: 3


	127

677^#

發表於 08-2-20 14:22 |只看該作者

星期日(17/2) 我, 翔仔同翔仔daddy去左西九海濱長廊個個花燈會, 不過都冇麥野睇既, 得兩組以福娃為題既大花燈, 就冇其他野

, 咁我地一家三口就去租左架 “豪華家庭單車” 踏, 踏左一個鐘腳都疼….不過翔仔就好開心連午睡都唔訓… 最後我地就走左去three-sixty 排隊等手推車shopping, 個度d手推車好搶手家, 事關因為佢有d特設比小朋友坐既手推車, 車前係車仔車後係手推車, 好好玩家, 翔仔坐係前面車仔裡面玩, 我地就係後面慢慢睇野同買野, 真係好buy 佢架手推車家.

.

Rank: 5 Rank: 5


	1131

678^#

發表於 08-2-20 14:38 |只看該作者

Candyhu77,

哈哈.. 你公司請左人喇? 你好似得閒返咁多既? 其實西九龍海濱長廊係邊架? 我知你講邊d車, 大古城吉豬都有呀.. 真係好正. 佢地坐係度玩又唔使阻住大人睇野.. 超正..

原文章由 candyhui77 於 08-2-20 14:22 發表
星期日(17/2) 我, 翔仔同翔仔daddy去左西九海濱長廊個個花燈會, 不過都冇麥野睇既, 得兩組以福娃為題既大花燈, 就冇其他野 , 咁我地一家三口就去租左架 “豪華家庭單車” 踏, 踏左一個鐘腳都疼….不過翔仔 ...

Rank: 3 Rank: 3


	127

679^#

發表於 08-2-20 14:53 |只看該作者

pcdogxx,

公司仲未請到人家, 不過因為新年期間, 有好多公司放假, 咁我就有足夠既時間清之前既野, 同埋依家d野都做到七七八八所以有d空囉...

原文章由 pcdogxx 於 08-2-20 14:38 發表
Candyhu77,

哈哈.. 你公司請左人喇? 你好似得閒返咁多既? 其實西九龍海濱長廊係邊架? 我知你講邊d車, 大古城吉豬都有呀.. 真係好正. 佢地坐係度玩又唔使阻住大人睇野.. 超正..

...

Rank: 3 Rank: 3


	127

680^#

發表於 08-2-20 14:56 |只看該作者

仲有呀...有個d手推車既supermarket實好好行既, 因為佢地d 路闊好多家, 如果唔你推唔到d車行家..

‹ 上一主題|下一主題 ›

1 ... 30 31 32 333435 36 37 38 ... 100 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢