各姊妹,
Gathering個日咳到嘔,我見有D小朋友&/or媽咪都咳,試吓下面個方法,我飲左兩晚,真係咳少咗好多
此為大人的份量 :開半杯暖水, 加入蜂蜜一大匙、攪溶, 再加入約一茶匙川貝粉, 慢慢攪至完全溶入水中, 再加入熱水至一滿杯。再 將川貝蜂蜜水隔水燉30分鐘 (水滾放入開始計), 即可飲用。
亞朗肚疴原本已好番D,gathering完後同尋日都無疴,諗住開始好番D,頭先又疴,但係唔係好嚴重,最慘係佢瞓左後輪到我,可能食錯野都唔定,唉!真慘!
下午assessment centre又打比我,又係果個文員,又係講到一肚火, 唔知係佢領悟力低,定係我表達能力有問題,佢總係唔明我講緊咩,或者佢係火星黎,唔明地球人講嘅野啦,唉!快D返火星啦!
個日我地一家三口都玩得好開心呀,但係到而家隻火雞都仲未食完呀,睇怕好似麥太(麥兜亞媽)咁,留番端午節包糉
Amon,
唔使咁客氣呀,其實果日我地都係出少少力,至緊要大家都玩得開心,今日見到姐姐湊華豐放學,我走埋去叫佢,佢同我笑,又揮手打招呼呀 ;最搞笑尋日華豐無返學,亞朗夜晚係屋企扮老師点名,自己叫同學仔D名,又扮同學把聲話:"到",叫到華豐個名,佢跟住話:"請咗假", 我先醒起華豐尋日請假無返.
藥氣攻心,要瞓,遲D再傾 |