富安威寶的家長, 入黎交流吓啦 - 幼校討論 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 富安威寶的家長, 入黎交流吓啦

1 ... 12 13 14 151617 18 19 20 ... 49 下一頁

發新帖

樓主: ktmama	go 富安威寶的家長, 入黎交流吓啦 [複製鏈接]

Rank: 5 Rank: 5


	1954

301^#

發表於 06-11-21 20:12 |只看該作者

Re: 富安威寶的家長, 入黎交流吓啦

Giann728
上年去音樂農莊時, 在車上都有玩遊戲, 到步後影完大合影後便各自活動 lu.

嘩咁慘呀, 點解你唔叫個工人姐姐幫你攞返去呀.

喺呀, 仔仔話要帶魚的圖片呀. 雖然佢上次都有帶, 但我都同佢一去睇吓報紙搵吓然後由佢自己剪出黎囉. 當然我會睇住佢剪啦.

亞仔仲話老師叫佢哋去旅行嗰日記得帶薯片俾老師食喎, 都唔知個傻豬有無講大話

唉, 呢幾日天氣都唔好, 希望到時去旅行嗰日天氣會好 d 啦.

Rank: 5 Rank: 5


	1954

302^#

發表於 06-11-21 20:20 |只看該作者

Re: 富安威寶的家長, 入黎交流吓啦

CHAN04
唔怕啦, 今年唔去, 咪出先去囉.

如果你俾女女坐校車返學, 最好先同 MS CHOW 夾一夾, 等 MS CHOW 同你女女講, 俾佢有個心理準備. 然後你自己又同女女講, 試吓叫佢留意吓返學同放學的車程有無唔同, 希望能引開佢注意力o麻.

你提議都好好呀, 如果學校真喺有一個屬於自己的網頁真喺好好多. 起碼大家溝通上會方便 d.

Rank: 4


	776

303^#

發表於 06-11-21 20:27 |只看該作者

Re: 富安威寶的家長, 入黎交流吓啦

我想問有冇小朋友讀k3的媽媽呢? k3小朋友需唔需識黙曬唔生字呢? 定係只識睇就ok? 囝囝只識黙小量生字? 我驚佢上小學跟唔上.

Rank: 2


	34

304^#

發表於 06-11-22 01:05 |只看該作者

Re: 富安威寶的家長, 入黎交流吓啦

hello!
整網頁呢個見意我都係口頭同miss chow講左咋, 你地覺得要點樣同學校講會好d呢? 我都希望星期六好天, 咁你地去旅行會好好多啦.

Rank: 5 Rank: 5


	1954

305^#

發表於 06-11-22 09:09 |只看該作者

Re: 富安威寶的家長, 入黎交流吓啦

HI, OLKAN
你個小朋友讀緊間幼稚園喺用嘜嘢教學方法 gar. 平時有無要佢哋寫字,計數同默書呀? 你個小朋友喺咪依家讀緊 K3 啦.

如果你覺得自己個小朋友識字唔多, 你可以去買 D 寫字練習俾小朋友自己做吓, 等佢識多 D 字, 上小學就無追得咁辛苦.

Rank: 5 Rank: 5


	1954

306^#

發表於 06-11-22 09:14 |只看該作者

Re: 富安威寶的家長, 入黎交流吓啦

HI, GIANN728
你女女琴日有無同講話要帶支真既粟米返學校呀? 我仔仔今朝同我講話要帶, 都唔知真定假, 不過攪都同佢一齊去超市買完再趕搭校車.

HI, CHAN04
咁 MS CHOW 聽到有嘜反應呀?

, 有無講會轉告校長知呀 :

Rank: 3 Rank: 3


	357

307^#

發表於 06-11-22 10:19 |只看該作者

Re: 富安威寶的家長, 入黎交流吓啦

ktmama,
我尋日朝反正都要出門口翻工，所以我米自己攞去學校囉﹗我交到去門口就走啦﹗ 我覺得威寶d老師好犀利呀，我比個公文袋佢，上面只係寫左我女女個中文名，佢一望就講得出我女女個英文名﹗ 呢個老師都無教過我女女架﹗

我女女無叫我帶薯片喎，係唔係你仔仔想食呀??

係啦，好似星期六都會落雨呀，希望只係局部地區性啦﹗

我尋日問女女，佢話無野帶喎﹗ 又唔留心聽書﹗

女女尋日唱左首新英文歌I am a girl，你仔仔有無唱呀??

Rank: 2


	40

308^#

發表於 06-11-22 11:25 |只看該作者

Re: 富安威寶的家長, 入黎交流吓啦

My son is studying in whole day nursery. Did all of u know that there are some teachers will leave 威寶 very soon. As i know, Miss Yu had left before and Miss Ip will leave in this month.

I worry about the situation and I asked Miss Chow will she leave soon, she said, 'I don't know!'. She made me believe that she have plan to leave the school very soon.

That's only the situation in nursery, I don't know about the kindergarten.

Rank: 5 Rank: 5


	1954

309^#

發表於 06-11-22 16:22 |只看該作者

Re: 富安威寶的家長, 入黎交流吓啦

HI, KimmyUmy
我只喺知道ms yu 已經無教, 而葉主任就會做到今個月尾. 而其他就唔知道 lu.

我哋幼稚園呢邊暫時都未收到消息話有老師會唔教, 或者等我明天見到 d 家長問吓佢哋啦.

但你都唔駛咁擔心既, 有 d 嘢大家都控制唔到, 咪睇吓到時學校點安排.

你個仔仔喺讀主流班定國際班呀?

Rank: 5 Rank: 5


	1954

310^#

發表於 06-11-22 16:29 |只看該作者

Re: 富安威寶的家長, 入黎交流吓啦

HI, GIANN728.

可能真喺仔仔自己想食, 因為我成日都唔俾佢食

, 仔仔今日帶嗰支粟米老師又真喺收咗喎.

我仔仔就無唱, 但睇住 vcd 時佢真會跟住唱囉.

你有無幫女女報英文興趣班呀? 我今次幫仔仔報咗 la. 聽其他 d 家長話都幾好 gar. 所以我今日特登走返學校幫佢交錢, 因為驚無位呀. 或者遲 d 如果時間啱的話, 幫佢報埋體操都唔定.

Rank: 3 Rank: 3


	357

311^#

發表於 06-11-22 17:02 |只看該作者

Re: 富安威寶的家長, 入黎交流吓啦

kimmyUmy / ktmama,
吓，乜ms yu同葉主任都唔教呀?? 上次open day我仲見到佢地，佢地好錫我女女架，真係好可惜﹗ 不過，點解咁突然既，一個學期都未完，唔會係學券制影響丫麻??﹗

Rank: 3 Rank: 3


	357

312^#

發表於 06-11-22 17:09 |只看該作者

Re: 富安威寶的家長, 入黎交流吓啦

ktmama,
我女女依家米星期一上體操，星期四上英文囉﹗ 我有打算cut左英文，因為我女女都好似無咩得著，等我再考慮吓先﹗ 體操我就會繼續，咦，你收到體操果張報名表咩?? 我無既?? 今晚翻去睇吓先﹗

Rank: 5 Rank: 5


	1954

313^#

發表於 06-11-22 22:31 |只看該作者

Re: 富安威寶的家長, 入黎交流吓啦

Giann728
體操份表格未派 gar, 不過我記得有呢個興趣班, 諗住幫仔仔報咋.

唔喺喎, 我聽 d 家長講話呢個 course 幾好喎, 每次會教一個英文字母, 然後教其他由呢個字母開頭的相關字喎, 應該幾好 gar.

喺呀, ms yu 好似喺上個月走咗 lu, 點知跟住葉主任又話做埋今個月, 好似話仲有老師會走, 點解幼兒園嗰邊會走咁多人o既?

但我哋幼稚園呢邊好似暫時都未有老師會走. 當然希望唔好添啦.

唔知喺咪真喺關個學卷事呢?

依家仔仔佢哋咪教緊 "有益的食物" o既, 唔知遲 d 佢哋會唔會有機會喺學校打邊爐呢? 因為佢哋上年讀 nursery 都有試過o麻.

喺呀, 暫時唔好食同蛋有關的食物呀, 因為 d 大陸蛋有毒呀

, 唉, 真喺開始唔知買嘜做餸囉

Rank: 3 Rank: 3


	357

314^#

發表於 06-11-23 11:04 |只看該作者

Re: 富安威寶的家長, 入黎交流吓啦

ktmama,
你仔仔今日有無叫你帶咩食物呀?? 我女女叫我帶花生醬麵包喎，攪到尋晚漏夜去買麵包，都唔知係唔係真﹗

尋日睇報紙，李局長可能會取消學卷制，一拍兩散喎﹗  諗落ms yu走又未必關乎學卷制喎，佢離職都要一個月通知啦，佢上個月走，一個月通知，果時好似未宣佈有學卷制，係唔係呀??

係呀，上年有得打邊爐，我仲記得我女女負責帶芝士腸，不過佢果日啱啱病左無翻學呀，所以佢未玩過﹗  希望今年又有得玩吓啦﹗

個英文playgroup就係學呢d野囉，我覺得同佢地上堂學既差唔多囉，又係每個星期學一個字母，所以我覺得無咩得著咁囉，睇吓點先，再同我老公商量吓﹗

係呀，大陸野好恐怖，蛋咁平，駛唔駛攪到咁呀﹗  唉，所以我地不嬲都買美國蛋架，心理上都安全d﹗

Rank: 5 Rank: 5


	1954

315^#

發表於 06-11-23 11:29 |只看該作者

Re: 富安威寶的家長, 入黎交流吓啦

Giann728
我仔仔又無同我講喎, 等個傻豬返黎問吓佢先

或者啦, 但聽到呢 d 消息唔多唔少都有 d 擔心.

喺啦, 之前有假蛋都算啦, 依家又攪 d 毒蛋, 所以我就通常都喺買 "嘉美蛋", 雖然喺貴 d, 但就安心 d, 因為始終都喺俾仔仔食. 所以話, 最好都喺唔好買內地嘢會安全 d. 分分鐘唔知食咗嘜落肚

個學卷制可能難產, 真喺唔知 d 高官攪嘜, 傾唔掂數都唔駛發咁大脾氣麻, 好似細路仔玩泥沙咁. 聽講話最緊要既原因喺怕 d 內地有香港居留權 d 小朋友因為有呢種福利擁晒黎香港讀幼稚園喎. 咁呢樣就喺政府 d 政策問題, 可以效法澳門咁, 立法唔俾居留權佢哋, 咁咪唔駛咁煩囉, 香港 d 大肚婆又唔駛咁慘攪到要生時分分鐘無牀位.

Rank: 3 Rank: 3


	357

316^#

發表於 06-11-24 08:55 |只看該作者

Re: 富安威寶的家長, 入黎交流吓啦

ktmama,
尋日ms wong張通告叫我女女帶蝦呀，攪到我尋晚臨急臨忘走去街市買，好在未關門﹗ 你呢，仔仔要帶咩呀??

好緊張呀，聽日去旅行，今晚去超市買d乾糧比女女做下午茶先﹗

我尋晚問女女仲想唔想上英文班，佢話想喎，所以我決定同佢報名，聽日返學校交票，唔知仲有無位呢??!!

尋日女女既花生醬三文治，佢話同同學仔一齊食左囉喎，佢無囉翻黎呀，其實係唔係真係要帶架??!!

Rank: 2


	40

317^#

發表於 06-11-24 10:03 |只看該作者

Re: 富安威寶的家長, 入黎交流吓啦

I have met 葉主任 at school on yesterday. She told me that she will work in HK Island in the coming of time. She said she had decided to quit since 6 months ago, however, she used to inform 威寶 for at least 6 months. That's why she will leave the school in this mid term.

I m not too worry at this moment, because my son is now studying in 主流班. The main concern is hopefully Miss Chow will not leave very soon. (Miss Chow has gave me the impression that she want to leave too.)

Actually, my son will not study K1 in next year, even I still think that 威寶 is quite good.

Rank: 3 Rank: 3


	357

318^#

發表於 06-11-24 12:03 |只看該作者

Re: 富安威寶的家長, 入黎交流吓啦

kimmyUmy,
原來係咁﹗ 咁既然你覺得威寶好，點解唔繼續呀??

我估學校應該無問題既，可能係老師自己本身想轉環境﹗ 其實諗諗吓都唔駛擔心既﹗ 老師唔可以跟足小朋友一世，年年都會轉新老師，小朋友過左個暑假就好快唔記得舊果位老師，我女女真係咁﹗況且，可能新老師會比舊老師更好呢﹗

Rank: 5 Rank: 5


	1954

319^#

發表於 06-11-24 20:29 |只看該作者

Re: 富安威寶的家長, 入黎交流吓啦

Giann728
我仔仔帶罐頭粟米呀.

我今日湊仔仔返學呀, 因為我幫仔仔執咗d 食物模型同一本關於花生o既故事書俾仔仔帶返學, 所以順便幫佢攞返去囉.

我喺課室見到你女女呀, 我同你女女講我喺鈞珽媽媽, 唔知佢聽日認唔認得我呢? 原來女女同我仔仔喺放學先同車, 返學唔同事 gar.

聽日去旅行, 記得帶多套士啤衫呀, 因為落雨呀, 而且如果太熱時都可以有得幫佢哋換衫o麻.

Rank: 5 Rank: 5


	1954

320^#

發表於 06-11-27 11:31 |只看該作者

Re: 富安威寶的家長, 入黎交流吓啦

HI, Giann728
星期六你女女玩得開心嗎? 我諗佢真喺同心怡幾 friend, 佢哋二個喺車上唱歌好得意呀.

你有無晒佢哋嗰日去寄信 d 相呀, 我幫仔仔晒咗 8 張呀, 所有有佢嘜頭既我都晒咗

, 原來嗰日全級一齊出去晒相, 唔怪得咁多老師一齊出動啦.

你有無幫女女做一本幼稚園生活的相部呀, 我上年都有幫仔仔做咗一本, 今年都會做, 不過佢哋今年比上年影少咗好多相, 或者三年 group 埋本本都 ok lu. 等佢大個俾佢睇番, 唔知到時佢會唔多謝我呢?

你介唔介意晒咗相後, e-mail 有我仔仔個嘜頭 d 相俾我呀

, 我想幫佢放喺相部度呀.

我個 e-mail : [email protected]

講真經過星期六後, 我對你仔放心咗好多啦, 之前一路都擔心佢唔知同 d 小朋友相處成點. 因為佢好怕羞, 唔喺太主動去同 d 小朋友玩, 但嗰日我見 ms wong 捉咗佢去同 d 小朋友玩, 佢玩得好開心, 仲有同 d 小朋友傾計, 所以放心晒 lu.

喺喎, 記住聽日要還書喎

‹ 上一主題|下一主題 ›

1 ... 12 13 14 151617 18 19 20 ... 49 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢