富安威寶的家長, 入黎交流吓啦 - 幼校討論 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 富安威寶的家長, 入黎交流吓啦

1 ... 11 12 13 141516 17 18 19 ... 49 下一頁

發新帖

樓主: ktmama	go 富安威寶的家長, 入黎交流吓啦 [複製鏈接]

Rank: 3 Rank: 3


	357

281^#

發表於 06-11-14 11:45 |只看該作者

Re: 富安威寶的家長, 入黎交流吓啦

ktmama,
係啦，我都話嬸嬸好錫佢，日日放學都會請佢食餅餅，不過佢係都話唔鐘意呀，朝朝都要夾佢上車，尋日上左車，佢竟然同嬸嬸講要去廁所，嬸嬸米叫佢落車，最後攪左好耐去唔到，校車當然又走左啦﹗

原來唔多小朋友攞晒100分架，我以為好多呀，我都無問ms wong，一味問佢我女女響學校既表現，佢話我女女好靜呀，不過最近投入左，會舉吓手答問題，不過都係唔係太主動囉，希望下學期會再好d啦﹗

Rank: 5 Rank: 5


	1954

282^#

發表於 06-11-14 15:02 |只看該作者

Re: 富安威寶的家長, 入黎交流吓啦

HI, Giann728
我仔仔今日架校車個車牌喺 EG5999, 你呢?

你幫女女剪咗 D 嘜嘢既食物圖片返學呀? 我同仔仔一齊剪咗 D 牛肉呀, 雞呀, 蔬果同海鮮 D 圖片俾佢帶咗返學, 老師今日都收咗 LU.

我問仔仔今日去寄信的情形, 原來一共有四個老師 ( ms wong, ms cheng, ms lam, ms 校長 ) 同蓮姐同一個男亞sir, 跟住佢哋, 佢哋 d 小朋友就要一個拖一個跟住老師行. 到郵筒後, 就遂個將封信放落郵筒度. 學校仲幫佢哋影咗 1 張相添

希望聽日收到佢哋封信啦

Rank: 3 Rank: 3


	357

283^#

發表於 06-11-15 08:33 |只看該作者

Re: 富安威寶的家長, 入黎交流吓啦

ktmama,
係呀，一樣車牌呀﹗ 今朝我老公夾住佢上校車，佢落到大堂都有退縮架，話要去廁所，我老公叫佢翻到學校先去，就係咁推吓推吓推左佢上車﹗

我女女叫我剪雞、飯、麵、豬肉、菜同埋雞蛋圖片呀﹗ 佢尋日又話唔知咩ms wong叫佢拎4樣唔知咩翻去，我都唔知佢講咩，無理佢啦﹗

我都有問女女寄信點?? 佢話佢拖住嘉淼一齊去，好好玩喎﹗ 我女女依家真係好鐘意返學﹗

Rank: 5 Rank: 5


	1954

284^#

發表於 06-11-15 10:22 |只看該作者

Re: 富安威寶的家長, 入黎交流吓啦

Hi, Giann728
琴日亞仔落車時我都刻意去裝吓睇吓你女女喺唔喺度, 但唔見, 所以應該車咗你女女返屋企先到我仔仔.

要攞4樣嘢返去? 我又無聽仔仔講過喎, 等佢返o黎我又問吓佢先.

喺呀, 佢哋去寄信, 好似好大陣仗, 所以我都同仔仔講, 遲些仲有機會出去參觀, 一定要跟老師指示, 要小心.

鍾意返學喺一件好事o黎 gar, 喺喎, 你小一會唔會考慮馬鞍山靈糧呀, 我覺得呢間學校幾好, 個女校長好有衝勁. 今日睇報紙見到出哋投咗個年宵俾班學生去學做生意, 真喺幾有新意喎.

, 所以佢都喺我心水之一.

Rank: 3 Rank: 3


	357

285^#

發表於 06-11-15 15:49 |只看該作者

Re: 富安威寶的家長, 入黎交流吓啦

ktmama,
你仔仔通常會幾點到你屋企果個站架??  我地通常12:30到架啦﹗

今日你仔仔又借左咩書比你睇呀??  我要放工翻去先知﹗

睇落呢間小學又唔錯喎﹗  我都會同女女去考吓其他學校架，得唔得都叫做試過丫﹗  咁你仲會考慮邊間呀??

你有無叫仔仔油埋d功課呀??  我尋晚同女女講可以油埋，佢不知幾開心，好似得到最後勝利咁呀﹗

Rank: 5 Rank: 5


	1954

286^#

發表於 06-11-15 20:41 |只看該作者

Re: 富安威寶的家長, 入黎交流吓啦

HI, Giann728
咦, 咁應該我哋早 d 啦, 我仔仔通常 12:20到 lu.

仔仔今日借咗本 : 玩具要回家 " , 但好好笑, 呢本書我已經有一本, 喺喺圖書館借 gar, 不過, 唔緊要啦, 因為我聽日會去還書同借書.

我會考慮呢幾間 : 沙呂, 馬鞍山主風, 馬循, 台山陳完喜, 靈糧, 禧年. 但首選會喺馬鞍山主風, 因為近婆婆屋企, 方便接送.

有呀, 我叫咗佢油埋 lu. 呢排佢好聽話, 叫佢做功課, 就去做功課, 不過有時都喺唔喺咁認真

喺喎, 亞仔話聽日要帶 d 蔬菜的圖片返學喎, 我同一齊剪咗 d, 俾佢聽日返返學校, 你剪咗 d 咩菜呀

Rank: 3 Rank: 3


	357

287^#

發表於 06-11-16 09:31 |只看該作者

Re: 富安威寶的家長, 入黎交流吓啦

ktmama,
係啦，我估應該你仔仔落車先，我有時無返工接女女放學，佢架車差唔多吉晒，得翻1-2個小朋友架咋，我估我地果度都差唔多尾站﹗ 今日女女都好乖肯坐校車啦，又係要爸爸夾住佢落去，爸爸話差唔多日日都要遲到啦﹗

我女女借左本『玻璃馬』，我問佢係唔係自己簡，佢話係，我覺得呢本有趣過佢上星期果本，我尋晚同佢睇左一次啦﹗

其實我都未正式諗過報咩小學呀，不過沙呂同一呂一定會報囉，一呂會係第一志願，因為近我屋企多d﹗

蔬菜圖片我前日剪埋比女女啦，唔知係唔係有，佢又無叫我剪喎﹗ 我今晚又問吓佢先﹗

Rank: 5 Rank: 5


	1954

288^#

發表於 06-11-16 09:43 |只看該作者

Re: 富安威寶的家長, 入黎交流吓啦

HI, Giann728
咁慘呀, 遲些睇吓會唔會好 D 啦.

你收到女女張咭未呀? 我琴晚特登叫爸 b 落樓睇吓佢寄 D 嘜信, 原來喺張咭, 見到仔仔張咭油到七彩, 真喺由心笑出黎

但喺聽人講話沙呂同一呂都勁多人爭, 所以如果喺舊生或者有宗教分應該會著數 D, 可惜仔仔只得 15 分

, 報邊間結果都喺一樣, 唯有等大抽獎, 希望可以抽到心儀既學校啦.

. 不過聽講 2003 年出年是呢幾年最低O既, 希望有奇蹟出現啦

Rank: 3 Rank: 3


	357

289^#

發表於 06-11-16 11:20 |只看該作者

Re: 富安威寶的家長, 入黎交流吓啦

ktmama,
尋日無收到信呀﹗ 或者今日收到，頭先打左電話叫姐姐唔好攞信，今晚同女女落去攞﹗

雖然係出生率低，但好既學校好多人爭，上年我同女女去根德園，嘩，多人到丫，都唔覺係出生率低﹗ 其實我女女都係靠大抽獎架咋，佢都係唔夠分同人爭，其實通常係唔係K3上學期簡學校，K3下學期公佈架?? 我都希望有奇跡﹗

Rank: 5 Rank: 5


	1954

290^#

發表於 06-11-16 20:43 |只看該作者

Re: 富安威寶的家長, 入黎交流吓啦

Giann728
我都喺咁 gar, 今朝落樓返學同佢去信箱攞, 順便又解釋吓個流程俾佢知囉

我今日應承咗仔仔去湊佢放學, 所以特登早 d 去裝吓佢有無喺 playground 度, 結果真喺俾我撞到呀, 不過佢哋有幾班日喺度幫手將 d 金盞花移植喺花盆度, 仔仔話佢有幫 d 同學仔淋水水喎, 都唔知真定假

, 如果真喺我會好開心, 因為他識得同學之間喺要互相幫助o麻.

原來佢哋食茶點前真喺有唱茶點歌 gar. 原來個個小朋友都有得種金盞花 gar, 我哋交嗰三蚊喺買個花盆同泥 gar, 咁都幾低喎.

我等仔仔放學時排頭位, 見到你女女出黎等緊上車, 我同佢揮手, 佢好疑惑我喺邊個呀

喺呀, 話就話出生率低, 但好o既學校一樣多人爭, 但我朋友佢同我講話好多到大抽獎時都可以抽到頭三志願. 通常都喺 K3 上學期 (9) 填表申請自行分配學位, 到 11 時會有結果, 如果唔得, 好似就到下學期填表參加大抽獎, 到學期尾大約 6 月左右有結果.

Rank: 3 Rank: 3


	357

291^#

發表於 06-11-17 11:03 |只看該作者

Re: 富安威寶的家長, 入黎交流吓啦

ktmama,
尋晚同女女落樓攞信，佢竟然無咩表情，我仲攞埋相機落去添﹗

係呀，尋日女女攞左盤花翻黎，佢都唔理佢，激死我，我要佢早晚淋水，又睇吓佢會淋到幾多日就唔淋﹗

張通告話要施肥，或者我今日去買d花肥比佢施吓先﹗ 其實幾好架，訓練吓佢要有責任感﹗

係呀，佢地有唱茶點歌，我都識唱啦，依家同佢食親餅餅都要一齊唱﹗

咦，等我今晚問吓女女係唔係有個姨姨同佢揮手，睇吓佢記唔記得先﹗

嘩，如果真係可以抽到頭3志願又真係唔錯呀，我驚抽到十幾志願就慘啦﹗

Rank: 5 Rank: 5


	1954

292^#

發表於 06-11-17 15:38 |只看該作者

Re: 富安威寶的家長, 入黎交流吓啦

HI, Giann728
我諗唔咁慘啩. 如果真喺派行唔好, 咁咪去叩門囉. 不過依家 d 學校好鐘意 d 家長專一, 即喺話一路都喺揀佢哋間學校做第一志願.

喺喎, 有萬勝節既相 post 咗出黎啦, 你記得叫做工人姐姐幫你晒相呀.

Rank: 2


	34

293^#

發表於 06-11-18 00:37 |只看該作者

Re: 富安威寶的家長, 入黎交流吓啦

見到你地諗緊選校問題, 真係覺得都幾大壓力, 我發覺係馬鞍山區都冇乜選擇, 都係好似得幾間, 私校都冇乜.
今日開生日會, 我個女玩得好開心, 你地小朋友呢? 因為我個女仲未識講, 只係講birthday咋, 唔知今日係學校生日會做d乜呢?

Rank: 5 Rank: 5


	1954

294^#

發表於 06-11-18 19:58 |只看該作者

Re: 富安威寶的家長, 入黎交流吓啦

HI, Chan04
其實馬鞍山都有幾間很受家長歡迎的小學, 佢哋派英中的比率都唔差 gar.  好似呢幾間都幾好, 可以參考吓 : 馬鞍山主風, 馬鞍山偱道衛理, 馬鞍山靈糧, 禧年都好受家長歡迎 gar.

不過馬鞍山依家都有一間英基, 個學校名好似叫 "啟新", 有中小學, 但間學校好新, 未知家長評價點樣.  而沙田石門嗰邊就有間直資王錦輝中小學, 都喺直資學校, 但因為沙田區喺殺校重災區, 所以好似話如果喺沙田區的小朋友會有配額. 但佢哋就會優先收返浸幼的學生.

今日開生日會, 仔仔話要帶 d 食物返學校, 仲要喺有益的食物, 所以俾咗 d 提子佢帶返學校同 d 小朋友一齊分享囉.

如果喺 nursery 嗰邊既 birthday party, 佢哋通常都會有 d 食物同生日蛋糕食, 然後會去一齊玩集體遊戲.  都好開心 gar.  遲些有相貼出黎, 你可以去睇吓.

Rank: 3 Rank: 3


	357

295^#

發表於 06-11-20 10:26 |只看該作者

Re: 富安威寶的家長, 入黎交流吓啦

chan04,
我女女都無講比我聽開生日會做咩架，只係話有野食，有野玩﹗ 佢好鐘意開生日會架，因為次次都滿載而歸﹗

你女女坐校車點呀?? 習慣左未呢?? 我女女呢個星期又好d喎，可能我地同老師日日都問佢點解唔肯坐校車，佢覺得煩呀﹗

星期六學校去旅行喎，你諗好會唔會同女女去未呀??

Rank: 3 Rank: 3


	357

296^#

發表於 06-11-20 10:35 |只看該作者

Re: 富安威寶的家長, 入黎交流吓啦

ktmama,
原來生日會真係要攞野翻去食﹗ 我女女有提過架，不過我無理佢添﹗

好緊張呀，今個星期去旅行啦，我都係第一次同女女去，上年抽唔到時間呀，唔知好唔好玩呢??!! 今個星期四轉涼啦，去旅行時記得同仔仔著多件衫﹗

沙田王錦輝好似d學費幾貴吓架，不過我有時坐馬鐵見到，間校舍好大吓架，又新，好正﹗

我尋日同女女去數碼港玩，個公園維修，無野玩，不過我地成班小朋友去，無野玩佢都可以玩到好開心，3歲小朋友真係無欲無求，小小野已經好滿足﹗

Rank: 5 Rank: 5


	1954

297^#

發表於 06-11-20 10:53 |只看該作者

Re: 富安威寶的家長, 入黎交流吓啦

GIANN728
咁你下次記得幫佢帶啦.

星期六去旅行好似喺去二個地方, 到時真喺要影多 D 相先得. 喺呀, 星期四可以轉涼啦, 不過佢哋套 PE 衫褲應該夠溫暖既, 不過都會帶多件外套.

我記得上年去音樂農莊, 影完大合照後便自由活動, 我諗今年都喺.

喺呀, 王錦輝 D 學費都要三千幾蚊一個月 GAR, 但沙田區有限額 GAR, 因為喺殺校重災區, 所以要限額收沙田區學生喎

, 而且佢哋好似話會優先收咗浸幼 D 學生先 GAR.

我都未同仔仔去過數碼港行, 或者星期日同仔仔去行吓都好喎.

我媽媽同我講過, 1-4 歲既小朋友最開心, 無慾無求, 無壓力. 喺人生最好心既時候.

Rank: 2


	34

298^#

發表於 06-11-20 23:17 |只看該作者

Re: 富安威寶的家長, 入黎交流吓啦

HI
星期六抽唔到時間去旅行呀, 我都好想去, 到時睇返你地d相補數, 囡囡坐而家放學坐校車都ok, 冇再cry lu, 但朝早都係送佢返學, 等佢玩一陣玩具先走, 走左之後老師都話佢冇cry, 我諗再遲少少再比佢試吓自己坐校車.
我諗要等下星期先有生日相睇, 好心急呀!其實如果唔係送佢返學都冇得睇, 要等老師晒返比我地先睇到.
早幾日我都有同miss chow講過點解學校唔整返個網頁, 而家有d學校都可以上網睇相, 又可以睇吓學校活動, 方便好多, 大家又可以同學校交流多d, 唔知學校會唔會理我既見意呢?

Rank: 3 Rank: 3


	357

299^#

發表於 06-11-21 12:01 |只看該作者

Re: 富安威寶的家長, 入黎交流吓啦

ktmama,
咁上年學校旅行，有無玩一d集體遊戲架?? 我女女依家日日提住要去旅行呀，佢話要同ms wong去喎﹗

我今朝唔記得同女女帶圖書呀，攪到我要飛車攞去學校，我驚佢無書還唔開心，跟住聽日又無書借﹗

今日係唔係要帶魚圖片呀?? 我尋日問女女要帶咩，佢話上次帶左啦，魚圖片丫麻，唔駛帶啦﹗

Rank: 3 Rank: 3


	357

300^#

發表於 06-11-21 12:04 |只看該作者

Re: 富安威寶的家長, 入黎交流吓啦

chan04,
贊成呀，你個提議好好呀，學校有個網頁就好啦﹗ 最好有埋個chat room比家長傾吓計﹗ 我估好多家長都贊成，如果需要家長義務幫手，我都無問題架﹗

‹ 上一主題|下一主題 ›

1 ... 11 12 13 141516 17 18 19 ... 49 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢