富安威寶的家長, 入黎交流吓啦 - 幼校討論 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 富安威寶的家長, 入黎交流吓啦

1 ... 10 11 12 131415 16 17 18 ... 49 下一頁

發新帖

樓主: ktmama	go 富安威寶的家長, 入黎交流吓啦 [複製鏈接]

Rank: 2


	34

261^#

發表於 06-11-9 21:46 |只看該作者

Re: 富安威寶的家長, 入黎交流吓啦

今日阿女上車都有喊但好快就冇事, 跟住放學老師話佢自己行入車, 一路都冇喊, 但夜晩問佢返學同坐車d野佢就勁cry, 跟住見佢心情好我又再問, 佢就馬上cry啦, 所以都唔知點算好, 你地覺得要唔要自己送佢返學多一段時間先再坐校車呢?你地有冇試過咁既情況呀? 佢朝早連校服都唔肯著, 一見到校服都想喊. 唔知將來會唔會好討厭返學.

Rank: 5 Rank: 5


	1954

262^#

發表於 06-11-9 22:13 |只看該作者

Re: 富安威寶的家長, 入黎交流吓啦

Hi, Chan04
我仔仔起初第一日坐校車放學時都有喊, 事後我問佢點解會喊喊, 佢話都唔知車佢去邊, 之後就無再喊過 lu. 其實喺佢坐校車前, 我同佢做咗好多心理準備, 等佢容易 d 適應.

你女女坐校車的車程要幾耐呀? 你有無問過 ms chow 你女女喺學校玩得開唔開心?

Rank: 2


	34

263^#

發表於 06-11-9 23:10 |只看該作者

Re: 富安威寶的家長, 入黎交流吓啦

ms chow話阿女返學好開心的, 所以我諗最大問題係坐校巴, 頭先阿女訓覺前自己提坐校巴, 仲話叔叔楂車, 一晩之內個差別都幾大, 好難估計, 我冇諗過佢突然會自己提的, 唔通佢諗通左, 希望聽日會好d啦, 阿女其實由細到而家都好少喊, 呢幾日都叫喊得最多了, 我都係住馬鞍山區, 車程唔係好遠,

Rank: 5 Rank: 5


	1954

264^#

發表於 06-11-9 23:40 |只看該作者

Re: 富安威寶的家長, 入黎交流吓啦

Hi, CHAN04
你又喺住馬鞍山 gar, 我又喺喎, 唔知會唔會同車? 我仔仔喺黃牌 gar, 你呢? 反正車程唔喺太遠, 你不如堅持俾女女繼續搭校車返學啦, 等佢適應咗就 ok la, 因為遲些天氣凍, 要自己湊佢返學都幾苦 gar, 因為富安其實都幾大風同凍 gar, 搭校車始終對小朋友好 d.

你呢幾日留意吓佢o既情緒, 除非佢主動提起, 你可以同佢講, 喺校車度有嬸嬸照顧你, 又有同學仔陪佢, 叫佢留意吓沿途見過 d 嘜, 又叫佢留意吓司機叔叔點查車. 但如果佢無提起, 你暫時都唔好主動問佢, 當無事發生過.

你既心情我好明白, 但真喺要慢慢黎, 駛咁擔心. 其實你女女已經好叻, 想起我仔仔剛開始讀 nursery 時, 足足喊咗三個月, 見到佢當時咁樣真喺好心痛 gar.

Rank: 3 Rank: 3


	357

265^#

發表於 06-11-10 09:13 |只看該作者

Re: 富安威寶的家長, 入黎交流吓啦

chan04,
小朋友真係一期期架，我女女坐左年幾校車，呢個星期又唔肯坐，佢成日搵藉口唔肯落樓，如去廁所，拖延時間，校車走左，佢就好開心同工人坐巴士返學﹗ 我地米又輪住問佢做咩事囉﹗ 我問呢，就話唔鐘意d小朋友，我老公問呢，就話嬸嬸惡﹗好啦，尋晚我同我老公一齊問佢，佢又話鐘意坐校車，今朝會乖乖坐，果然今朝佢又乖乖落去坐校車，所以真係唔知佢做乜﹗

其實你可以同老師講架，我上年都係咁，我同ms yu講，我女女唔肯著校服翻學，佢叫我唔好迫佢著，帶翻學校，不過就一定要返學，返到學校，老師會同佢著，再會同佢傾計，so far，都好成功呀﹗

我女女都係黃牌校車，唔知又會唔會同車呢??!!

Rank: 5 Rank: 5


	1954

266^#

發表於 06-11-10 09:23 |只看該作者

Re: 富安威寶的家長, 入黎交流吓啦

HI, Giann728
喺呀, d 小朋友有時諗嘜真喺唔知 gar. 以前我仔仔話唔鐘意坐校車, 我問佢點解, 佢話個嬸嬸成日調佢位喎

. 咁我咪同佢講因為你細呀, 嬸嬸要特別留意你麻

我仔仔又喺呀, 起初返學唔肯著校服, 又唔肯出門口, 結果我都無迫佢著, 等返到學校由老師同佢換囉. 果陣時成日都要夾佢上的士返學, 免得喺路上同佢抖纏, 記得有次佢落到樓下仲同我講話千其唔好返學喎, 真喺心都傷晒

喺喎, 聽日家長日, 你心情緊張嗎? 我好緊張呀, 快 d 到聽日就好 lu.

喺喎, 你女女仲有無將 d 寫字練習當填色咁油呀?

Rank: 3 Rank: 3


	357

267^#

發表於 06-11-10 10:46 |只看該作者

Re: 富安威寶的家長, 入黎交流吓啦

ktmama,
係呀，老師都同我講，其實大多數小朋友初初開學都係咁，佢都見慣晒﹗

我都好緊張呀，呢個女成日收收埋埋，真係唔知佢做成點呀，都係要等聽日同老師傾傾，我一陣lunch要寫低有咩問ms wong添呀﹗

唉，佢仲係油顏色咁呀，我最後決定要佢等我放工先一齊做，尋日寫個6字，係要同我嘈話ms wong叫佢油顏色喎，我就聽日問吓ms wong係唔係，真係激死我﹗

你仔仔前日借左咩書呀?? 我女女果本好多字呀，d字又細粒，係唔係佢地自己簡架，老師會唔會幫手簡?? 你又有無返學校借書呀??

Rank: 5 Rank: 5


	1954

268^#

發表於 06-11-10 10:58 |只看該作者

Re: 富安威寶的家長, 入黎交流吓啦

HI, Giann728
我都喺呀, 諗住寫低 d 問題明天問吓 ms wong, 唔喺到時好易唔記得.

我仔仔又無油顏色喎, 你喺寫 gar. 可以你女女誤會咗呀, 因為佢哋 d 教科書都有將 d 空心字油顏色, 咁佢哋 d 練習簿又喺俾空心字佢哋寫, 所以可能混淆咗

我仔仔借咗本三字經, d 字都幾大粒. 仔仔仲同我講本讀書報告我都要做埋一份喎.

我無返學校借書呀, 因為要睇仔仔o麻. 我通常都喺朝早去圖書館借返o黎俾仔仔睇囉.

Rank: 2


	34

269^#

發表於 06-11-11 17:47 |只看該作者

Re: 富安威寶的家長, 入黎交流吓啦

HI! 我個女校車係紅牌架! 星期五我自己送個女返學, 本來都冇乜野, 但一返到去見到架校巴係學校門口即喊, 後來同佢入左學校就冇事lu, 仲自己玩玩具, 後來我走左, 佢自己坐校巴都冇事, 所以我諗呢排都要同佢返學先.

Rank: 5 Rank: 5


	1954

270^#

發表於 06-11-11 21:49 |只看該作者

Re: 富安威寶的家長, 入黎交流吓啦

HI, CHAN04
你之前喺咪都喺自己湊佢返學呢? 暫時自己湊佢返學都, 搭校車放學都好呀. 可以有多 d 親子間, 有時返到學校又可以問吓佢喺學校 d 嘢o麻. 學校有早餐食, 你女女鍾唔鍾意食呀?

Rank: 5 Rank: 5


	1954

271^#

發表於 06-11-11 21:58 |只看該作者

Re: 富安威寶的家長, 入黎交流吓啦

HI, Giann728
今日家長日, 見番幾個 nursery 仔仔 d 同學o既家長, 好開心呀, 可以大家傾吓計, 講吓 d 細路既嘢都好開心.

我問 ms wong 仔仔會唔會好依賴, 佢話唔會俾佢哋依賴, 咁都幾好喎, 因為我都想仔仔獨立 d, 可以有多 d 自信心.

Rank: 2


	34

272^#

發表於 06-11-11 23:41 |只看該作者

Re: 富安威寶的家長, 入黎交流吓啦

ktmama

HI!我個女一向都好鐘意食野, 所以我諗學校既早餐都好鐘意食, 今日再問佢返學d野好似又冇咁抗拒, 希望星期一會好d啦.

Rank: 5 Rank: 5


	1954

273^#

發表於 06-11-12 15:56 |只看該作者

Re: 富安威寶的家長, 入黎交流吓啦

HI, CHAN04
咁好囉, o黎緊呢個星期五開生會 party 呀, 希望你個女女會玩得開心 d 啦.

Rank: 2


	34

274^#

發表於 06-11-12 16:32 |只看該作者

Re: 富安威寶的家長, 入黎交流吓啦

係呀, 生日party, 我諗都幾好玩. 你地有冇參加一人一花那個活動呀, 我想問$3點交比學校呀?

Rank: 5 Rank: 5


	1954

275^#

發表於 06-11-12 16:40 |只看該作者

Re: 富安威寶的家長, 入黎交流吓啦

HI, CHAN04
喺呀, 嗰日佢哋有嘢食, 有得玩遊戲同有 gift, 好開心 gar

有呀, 我都有參加呀. 你哋應該大個黃色的膠套 gar. 即喺 ms chow 用黎夾通告同手冊俾你哋嗰個呢, 你將回條同 $3. 一齊放喺個通告套入面就得 gar la.

Rank: 3 Rank: 3


	357

276^#

發表於 06-11-13 11:49 |只看該作者

Re: 富安威寶的家長, 入黎交流吓啦

ktmama,
我果日家長日好似見到你，不過我唔係好認得呀，所以無同你打招呼，我驚你以為做咩有個傻婆同你打招呼﹗

我果日同ms wong傾左好耐呀，都未傾晒，不過出面ms lam打晒圈，所以ms wong好快就打完場叫我地走﹗  你仔仔考成點呀??  ms wong話我女女唔得主動呀，叫我地改善吓，唉，呢d天生，真係好難改，盡量啦﹗  又話佢成日咬咀咬手指，呢兩樣我都覺呀，正積極同佢改緊﹗

我想問吓你仔仔有無同你投訴校車嬸嬸呀??  坐校車情形點呀??  我女女已經成個星期唔肯坐校車啦，日日要姐姐同佢坐巴士，佢話嬸嬸惡，唔敢坐呀，我都唔知點算﹗  我同ms wong講，佢話叫負責校車既老師留意吓，又話幫我問吓d大哥哥大姐姐喎，我見你仔仔同我女女同車，想睇吓佢有無一樣同你投訴過﹗

係呀，我問左ms wong d 功課，原來真係油顏色，我又怪錯左我女女啦﹗  ms wong話用支深色筆寫完一次，再用支淺色油左個字呀﹗

佢地聽日去郵局喎，你有無簽名同意呀?? 果日我都未睇清楚份通告，依家諗諗吓有d驚，因為唔知駛唔駛過馬路，2個老師帶住24個小朋友過馬路唔知得唔得呢??

Rank: 3 Rank: 3


	357

277^#

發表於 06-11-13 11:52 |只看該作者

Re: 富安威寶的家長, 入黎交流吓啦

chan04,
我女女最鐘意就係生日會，因為有好多糖攞翻黎﹗

我地都有參加果個一人一花活動呀﹗ 你用膠紙將果$3貼響張回條度，入翻入通告袋就得架啦﹗

Rank: 5 Rank: 5


	1954

278^#

發表於 06-11-13 20:53 |只看該作者

Re: 富安威寶的家長, 入黎交流吓啦

我當時喺咪著住件紅色外套呢? 點會以為你喺傻婆呢, 你話我知喺芷希媽媽咪得囉

ms wong 話我仔仔考得都算幾 ok 啦, 喺有時唱歌仔時唔留心囉

, 咁你女女又考成點呀?

我仔仔又無同我投訴過個校車嬸嬸喎, 我問過仔仔嬸嬸有無話過你女女, 或者有無同學仔唔小心整到佢, 我仔仔都話無喎. 你試吓叫你個工人姐姐聽日留意吓接放學時架校車個車牌, 睇吓喺咪同我仔仔架車一樣?

會唔會個嬸嬸有時叫 d 小朋友靜 d 或者坐好 d 令到你女女覺得個嬸嬸惡呢? 你試吓探聽吓女女 d 口風, 再試吓同佢解釋吓啦.

吓, 嘜完來真喺油 gar, 我同仔仔都錯咗添, 今日要同佢改正先得啦

原來佢哋聽日去寄信呀, 我有簽同意書呀, 最慘我唔知幾點, 唔喺幾大跟蹤吓佢哋, 睇吓佢哋點出發都好. 要過馬路 gar, 不過條馬路好短, 佢哋唔喺去郵局, 喺郵筒黎 gar. 不過可以放心, 學校會安排得好好, 我諗除咗老師, 應該中有嬸嬸帶住佢哋, 所以唔駛咁擔心喎.

記得聽日要過書呀.

Rank: 3 Rank: 3


	357

279^#

發表於 06-11-14 09:52 |只看該作者

Re: 富安威寶的家長, 入黎交流吓啦

ktmama,
我叫左工人姐姐留意個車牌號碼啦﹗ 不過，以我所知，應該你仔仔同我女女同車架，因為我同ms wong講我女女坐左一個星期巴士，佢即刻話唔怪得成日見到你仔仔翻左黎都唔見我女女啦，因為佢地suppose係同車翻，會手拖手入課室架﹗

我地尋晚問過女女，佢話嬸嬸唔比佢地講野，唔鐘意佢喎，佢話ms wong都比佢地講少少野，嬸嬸唔比，我米同佢講車上面講野好危險，會咬親，所以嬸嬸先唔比講野，都唔知佢明唔明﹗ 不過，今朝仍然係唔肯坐校車﹗

我女女考試全部都100分呀，不過我好疑惑囉，都唔知係唔係真係自己做既﹗

我女女唱遊又ok喎，可能佢鐘意啦﹗

尋日收到通告，今個星期開始佢地要學吓同我地講帶野翻學校，睇黎我要日日記住問佢有無野帶先得啦，唔問佢唔講架﹗

唔該晒，我女女帶左本書翻去還啦，尋晚漏夜同佢做埋閱讀報告，差d唔記得左﹗

Rank: 5 Rank: 5


	1954

280^#

發表於 06-11-14 11:30 |只看該作者

Re: 富安威寶的家長, 入黎交流吓啦

Giann728
我諗你女女講既嘢喺真既, 因為我仔仔喺屋企玩搭校車時成日都會話 : 喂, 唔好咁嘈喎, 會嘈住司機叔叔查車 gar, 又會話 : 喂, 唔好揀位坐啦, 就呢度啦. 你同女女講, 個嬸嬸好錫佢哋, 怕太嘈會嘈到司機叔叔查車會有危險. 所以要提佢哋要細聲 d 傾計囉.

喺呀, ms wong 話攞到 100 分既小朋友唔多. 原來你女女都喺其中一個, 真喺叻女呀. 應該真喺佢自己做 gar, 不過應該喺老師一路 guide 住佢哋做, 因為佢哋仲未識得自己睇題目o麻.

喺呀, d 小朋友其實明白老師話要帶 d 嘜返學 gar, 不過如果家長唔問, 佢哋又唔會講喎.

所以都要問吓佢哋先得

‹ 上一主題|下一主題 ›

1 ... 10 11 12 131415 16 17 18 ... 49 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢