自己為9歲女設計一堂 "生命教育"

小時了了

我仍未結婚時, 工作上我好尊崇的前高層上司(約10幾年前了)曾向我談及他其中一樣教仔方法, 帶他的兒子去法庭旁聽審訊. 當年我第一次聽人分享會帶自己仔女去法庭旁聽審訊, 覺得好新鮮及好有趣. 我已經唔記得他點樣解釋點解咁做及有咩野理念, 但我卻銘記日後自己有仔女時, 都要學佢咁帶自己仔女去法庭旁聽審訊.


上星期五(2014年10月10日), 小女學校假期而我預先請假同9 歲 的小女進行名為 "生命教育" ----- 到金鐘高等法院旁聽審訊. 當日去了許仕仁的世紀貪污案及另一宗謀殺案, 每一個法庭小女只逗留了約十數分鐘便嚷著要走. 我 tailor made 俾小女的這一堂 "生命教育" , 希望佢有真實體驗法官, 主控官, 辯方律師, 陪審團, 被告, 證人等活生生例子, 之後同她交流中國同西方國家有關被告的法律證明有罪與無罪的方法的不同; 香港司法制度及陪審團制度等等, 我心忖這是日後中學的通識罷!


當日由於金鐘道仍然被佔中人示佔領了馬路, 我同小女在金鐘道慢行及談民主, 佔中等議題


剛剛睇網上新聞, 當日我與小女旁聽的謀殺案判刑 ------- http://news.sina.com.hk/news/20141015/-2-3411609/1.html?cf=news-sbHottest 無業漢去年到妻子工作的酒樓狂斬她十一刀致死，陪審團昨裁定他謀殺罪成，依例判囚終身。http://hk.apple.nextmedia.com/news/art/20130411/18224349 呢條 link 係去年2013年4月11日這件案的新聞。今晚我會同小女作第一堂"生命教育"的延續討論


下一堂小女的 "生命教育" 會去處理案件較輕的地方裁判司署旁聽審訊.罰款 - 亂過馬路/亂拋垃圾/超速等, 又或者店鋪偷竊等較輕刑事案件. 但下一堂都唔知幾時我可以請假陪佢去!!

longlokma

林嬌嬌

原帖由 小時了了 於 14-10-15 發表
本帖最後由 小時了了 於 14-10-15 17:36 編輯

我仍未結婚時, 工作上我好尊崇的前高層上司(約10幾年前了) ...

請問在哪兒可预先得知，時間地點案件？
及是否就咁行入法庭便可？

S-Kwok

Charlotte_mom

輕微案件我有出席過（個客無交BR拖到要上庭），同場炒埋一碟就係拋煙頭、拋垃圾果d，俾個心理準備你，好悶的！個個都知衰只想盡快了結，個官講左年月日咩事你認唔認之後，個個都話認，結果宣布罰款，落去交錢。聽十分鐘咩都夠晒

HaYi

我覺得9歲謀殺 case 會不會驚? 其它就幾好, 我自己被描過幾次陪審, 求神都不要是 murder, 有一次有人死, 好彩是老人之類過下堂...

小時了了

林嬌嬌 發表於 14-10-15 21:11
請問在哪兒可预先得知，時間地點案件？
及是否就咁行入法庭便可？

有以下幾點大家要留意:

1) 雖然旁聽審訊無年齡限制, 但旁聽者必須符合一個條件 ------ 就係能夠自我控制係法庭內不出聲 (我以前都唔知, 我一直以為要中學先至能帶女去, 因為前文提過我前高層上司就係帶佢中學嘅仔去旁聽, 但我上個月9月時問高等法院大堂的接待處職員, 佢就講咗呢個旁聽者條件, 我先至提早幾年帶女去旁聽)

2) 入到法庭, 如果法官已經係法庭內, 出入法庭時要向法官鞠躬,

3) 根據我實地體驗, 無論係地方的裁判司署或高等法院, 早上的開庭案件比下午多好多, 到時可以去多幾個庭聽審, 建議早上去旁聽 (通常10點開庭), 因為下午如果無案件就白行一場.

舉例: 上星期五10月10日, 原本我下午打算去近近地屋企附近的裁判司署旁聽(因為早幾日才通知上午小女要回校補課), 但裁判司署的法庭大堂貼出來的當日審訊表, 下午無案件, 於是當日同小女急急忙忙由北區坐車去金鐘, 很狼狽呢. 但去到高等法院, 係大堂的電視螢幕的審訊表, 下午都係無, 全部都係上午. 當時有個保安見我地兩母女好無奈咁係螢幕睇咗好耐, 叫我地去大堂接待處問吓下午仲有咩案件. 當時的接待員好求其叫我地去聽許仕仁, 但我知道呢件案太多人旁聽, 只可以睇法庭外的電視直播(同係屋企睇電視無分別), 而我原意想小女可以直接入法庭, 感受吓真實法庭的氣氛及環境, 與及可以係庭內當面見到法官, 陪審團, 主控官等等我個人認為寶貴體驗. 係我不厭其煩及堅持下, 接待員才說出係另一個法庭的謀殺案

4) 我當日的體驗, 地方的裁判司署或高等法院係法庭大堂有張貼當日的審訊案件的資料如案件名稱, 被告,法官名, 刑事案/民事案..., 代表律師事務所等資料. 你鍾意聽邊件案就入去那個法庭坐在旁聽坐位便可. 你鍾意幾時離開就離開, 無限制的. 重提兩題: 法庭內1) 自我控制係法庭內不出聲 ; 2) 出入法庭時要向法官鞠躬,

小時了了

HaYi 發表於 14-10-16 10:00
我覺得9歲謀殺 case 會不會驚? 其它就幾好, 我自己被描過幾次陪審, 求神都不要是 murder, 有一次有人死, 好 ...

其實當日我都唔想去謀殺案那個庭, 我都覺唔係幾好, 但當日下午無案件, 只有許仕仁那單案! 而我特別請假又由北區去金鐘諗住聽審, 如果無得入法庭, 好唔甘心啊!


而當日呢單謀殺案, 小女只有耐性十數分鐘便離開, 只聽了少少辯方律師盤問證 人 ----被告18歲嘅金毛頭髮兒子, 盤問內容只係問被告與證人10歲前係中國鄉下生活情況而已, 都未聽到戲玉我家大小姐就不耐煩要走了. 因為主控官及辯方律師係外籍人士, 要一句英文立即翻譯中文, 阿女聽唔明英文, 覺得悶. 我都係尋日睇網上新聞內容先至知案件係咁. 所以當日旁聽時那段時間不血腥.


經此經驗, 我極之建議早上去法庭聽審. 9月尾時我第一次聽審, 諗住預先考察一次先才帶女出席, 當日我真係隨意求其入一個法庭, 是上訴案, 主控官及辯方律師都係香港人, 所以全程用廣東話, 當日的案件節奏非常明顯緊湊, 而辯方律師同法官不斷係法律觀點上"唇槍舌劍", 好精彩, 我都大開眼界原來法律觀點可以咁睇又得, 倒轉睇又得, 真係唔知法官接納邊個法律觀點. 當日我由早上10點聽到中午12點幾, 聽足3個鐘都唔悶, 好睇過電影


下次我會計劃再周詳一啲, 去一啲生活化啲及有趣啲案件同女一齊聽  ----- 例如之前陳茂波誹謗案 (呢啲校園作弊案竟然會係高等法院解決, 呢啲案小女適合聽了), 可惜已判刑

小時了了

HaYi 發表於 14-10-16 10:00
我覺得9歲謀殺 case 會不會驚? 其它就幾好, 我自己被描過幾次陪審, 求神都不要是 murder, 有一次有人死, 好 ...

嘻!嘻! 您抽中幾次做陪審員, 英文一定好好! 上星期五那單案, 法官一開庭時就向陪審員係咁講咗一大堆英文先至正式審訊開始, 當時我都唔係好留心聽究竟法官講咩!

HaYi

好好的分享, 我都會帶我個8歲去下, 不過要佢不出聲仲難過咩...

我去過幾次, 都有人以英文不夠明而退抽, 如果可以我都退,  抽中就不知要搞幾久, 不過驚俾人問說假的就更煩.  盡責冇問題, 但有時自己時間真攪不定.   

小時了了

Charlotte_mom 發表於 14-10-16 08:41
輕微案件我有出席過（個客無交BR拖到要上庭），同場炒埋一碟就係拋煙頭、拋垃圾果d，俾個心理準備你，好悶 ...

地方裁判司署呢啲輕微案件, 先至容易令小學生受教及受用, 令佢知道小罪都係罪, 人犯錯係要承擔後果, 無論大罪抑或小罪都有後果的, 唔好以為無人睇到, 無人捉到就可以做唔正確的小罪行為, 俾佢活生生睇到真人真事的後果, 我諗俾小女聽了 N 年嘅長輩及老師教導唔好亂過馬路, 唔好亂拋垃圾, 唔好偷野, 唔好吸毒等等, 法庭旁聽呢啲案例判決令佢印象深刻啲呱! (我係咁諗, 未實踐, 但我一定會再搵日再去地方裁判司署)

反而我愚見高等法院小學生未必明咁多, 但亦都是一個好體驗

尋晚同小女再傾高院旁聽事宜及呢單案的判決, 佢上星期五當日表現好平淡, 好悶, 好想快啲走及好沒趣咁, 我以為佢無咩感覺及唔會再去. 但尋晚同佢再傾時, 佢先至講上星期六, 佢係畫班同老師講佢去咗高等法院聽審, 而佢畫班老師回應佢, 話自己都曾經去過地方裁判司署聽審, 尋晚阿女表現係好有興趣. 於是我打蛇隨棍上同佢講下次又再去啊! 佢無回應我當應承了.

小時了了

小女下星期開始放聖誕假，我已攞咗1日年假打算今次同小女去地方法院旁聽。

預告：高等法院下星期一上午10時有黃之鋒涉刑事藐視法庭在高等法院出庭應訊。大家會唔會考慮吓旁聽呢？http://hk.apple.nextmedia.com/realtime/news/20141212/53223595

學民思潮召集人黃之鋒被指在上月旺角清場行動中，阻礙執達主任或代理人執行禁制令，被控以刑事藐視法庭罪，同時被禁止於保釋期間踏足旺角，學民今日在facebook貼出一封由警方發給黃之鋒的信件，指黃之鋒需於下周一上午10時在高等法院出庭應訊。

信件指出，黃之鋒若不按時出席庭應訊，法庭可能發出逮捕手令。上月26日旺角清場前期間，有警察突然衝前拘捕曾在現場與代理人理論的黃之鋒，其後黃之鋒稱在被捕時，遭警察觸碰下體。


我估呢單案應該會係廣東話對答。


另外，在2012年國慶夜南丫島海難造成39人死亡，涉事南丫四號船長周志偉及海泰號船長黎細明，各被控誤殺等41項控罪，在高等法院續審: http://www.singpao.com/xw/gat/201412/t20141206_539977.html. 呢排仍在高等法院續審

Happyhappylive

小時了了

今日仍然新征頭，難得我及C6今日一齊請咗假，又難得C6佢同我一齊顛，唔怕新征頭大吉利事，帶埋阿女，一家三口， 一早 9:45分鐘去到粉嶺裁判司署旁聽。

呢排呢個庭因為奶粉案上咗幾日港聞版，我自己都想今日見識下！嘩！真係唔係誇張，原本編排係一號庭審訊，但後來另外開多一個庭 ---- 七號庭專審這批奶粉水貨客, 佢地係超過廿幾人，分廣東話及普通語分兩批人，分批集體企出來聽審判，然後逐個問是否認罪及有無野同法官，之後判刑，重重覆覆.....

小時了了

但令我地一家三口好深刻的案件係另一個案：一個64歲中港司機走私煙約二千幾支煙被海關拉了，被告係認罪，當時辯護律師用大約半個鐘，講咗好多不同嘅求請原因：1）60幾歲年幾大，2）被告三名子女好支持老豆，今日到庭支持佢，3）走私嘅煙只係自用及送俾親友, 4）已經退休唔會再揸中港車........之餘似類10個8個理由。最後裁判官判詞，反問辯護律師二千幾支煙數量咁大，有咩理由係自用送禮，自用點會買嘅煙牌子有咁多個不同品牌，又講好欣賞被告子女到庭出席支持，但不幸係佢地會親眼見到自己親人入獄。我聽個官咁講，雖然我唔識被告，但我當時個心真係沉咗仲有少少淚光。之後個官最後判刑6個月及即時入獄。

其實，我都係第一次親眼見被判入獄的人，之後問返阿女對呢單案辯護律師及法官的對話佢點睇，佢真係明發生緊咩事的。

yy0601

謝謝分享

yammarket

好好既體驗，等我小朋友大多二年，到左青少年反叛期，帶佢體驗一下

kvvvcheung

sofesofe

👍好好的體驗，守法的重要！無規無矩，不成方圓！社會太多歪理