富安威寶的家長, 入黎交流吓啦

ktmama

hi, qkhui, prudy
本來都好想幫仔仔讀些學校的興趣班, 但時間又唔啱, 因為佢下午通常都訓緊覺, 所以報唔到  

原本都想同佢報樓下 d 興趣班, 但同佢講佢又話唔制, 因為媽媽媽唔準陪喎   , 真喺頭痛, 或者等佢出年大些再試吓同佢講, 睇吓佢肯唔肯 la :tongue:

qkhui

Hi ktmama, prudy,

你問佢報唔報佢一定話唔報ka.. 你如果真係想佢大擔o的, 你可以試o下幫佢報一個係玩o既興趣班, 比佢試下, 可能佢返佐2-3堂就無問題.  

giann728

ktmama,
我個女都唔肯自己上興趣班架，不過我夾硬迫佢試，佢係第二堂喊過咋，依家上左差唔多兩個月，上得好開心呀，仲間唔中會同我講吓興趣班d野﹗

尋日我放假，可以接女女放學，原來佢唔係唔肯講學校野我聽架，只係平時要得到我放工，隔得太耐，佢都無晒興趣講﹗  尋日佢唱左首國語歌我聽，我剩係聽得明『.....說聲老師早』，仲有一首中文歌，我剩係記得『...好寶寶』，仲有講左兩句英文﹗

ktmama

HI, Giann728, Qkhui
咁我試吓同佢報興趣班 la, 因為真喺唔想佢日日都喺自己一個玩, 想佢識多 d 小朋友.

我今日同仔仔交咗燈籠 lu, 佢好開心呀, 因為個看更姨姨同另外一個姐姐都讚佢個燈籠靚靚囉 , d 小朋友真喺好易氹.

giann728

    

我地聽日先交房屋模型同埋燈籠，你點攞翻去架，我成日驚比我女女整爛﹗

ktmama 寫道:
HI, Giann728, Qkhui
咁我試吓同佢報興趣班 la, 因為真喺唔想佢日日都喺自己一個玩, 想佢識多 d 小朋友.

我今日同仔仔交咗燈籠 lu, 佢好開心呀, 因為個看更姨姨同另外一個姐姐都讚佢個燈籠靚靚囉 , d 小朋友真喺好易氹.

ktmama

Hi, Giann728
我都驚佢會整爛, 所以我同佢一齊攞返去囉.

仔仔今日唱咗首英文歌 : all leaves are falling down
國語歌就唱 : 老師好, 老師好, 向這老師說聲好, 同學好, 同學好, 向這老師說聲好. ( 歌語應該咁上下啦   )

giann728

ktmama,
最後我地用左個大膠袋裝住個燈籠，叫校車嬸嬸幫我好好睇住咋﹗

其實你仔仔叫咩名呀??  既然係同我女女同組，我又問吓佢識唔識你仔仔先﹗   

ktmama

Hi, Giann728
咁都好呀, 叫校車嬸嬸睇住, 應該無問題既.

我個仔仔叫張鈞珽. 咁你女女叫咩名呀, 睇我個傻豬仔又知唔知你女女叫咩名先

我今日去圖書館同仔仔還書同借書, 因為佢習慣咗喺夜晚訓覺前都會聽故仔. 試過有時唔記得, 差不多訓著都起番身走去攞書要我講俾佢聽  

ktmama

hi, qkhui
我仔仔通常都喺 9:30pm - 10:00pm 訓, 朝早 6:30am 左右就會起身啦, 就喺因為佢早起身, 所以我就俾佢讀上午班啦.  通常 2:30pm 右右訓晏覺, 訓二粒鐘咁上下啦.

qkhui 寫道:


你地仔仔/女女早唔早瞓ka ? 我仔仔成日都成11點幾12點先瞓ka ....

giann728

ktmama,
我今晚翻去問吓女女識唔識鈞珽先﹗   我女女叫林芷希﹗

養成睇書係好習慣丫，好好呀﹗      你每晚會同仔仔睇幾多本書架??  我女女都好鐘意睇書，我都會盡量抽時間同佢睇，我限定每晚最多睇3本架咋，當然多數都係2本我就停，因為真係講到我口水乾﹗

你仔仔既作息時間好好呀﹗  我個女真係好差，又夜訓又唔肯起身翻學，最離譜係唔肯訓晏覺，一個星期頂龍得一兩日會訓晏覺﹗  其實佢真係返下午班會啱佢多d，不過我老公唔鐘意，佢話無時間返興趣班喎﹗

qkhui

Hi hgiann728 & ktmama,  我仔仔好夜先瞓ka, 成11點幾12點.. 佢8點起身, 每日都會瞓2小時午睡....

係la, 你女女肯讀書好好ar.. 唔好比佢停, 繼續繼續...

giann728

qkhui,
嘩，你仔仔8:00先起身都趕到翻學呀??  我女女7:30起身我地都趕頭趕命呀﹗

係呢，咁你又有無讀書比仔仔聽呀﹗

ktmama

HI, Giann
咁又喺喎, 始終都喺讀上午班好d, 時間真喺容易 d 安排

我仔仔每晚瞓覺前都會聽一個故事.  而下午時間, 通常都會講二次故事俾佢聽.

你試吓慢慢同佢調較番個時間, 俾佢慢慢習慣早 d 瞓, 因為朝頭早唔夠瞓起身真喺會扭計 ga  

giann728

ktmama,
我尋晚問左女女識唔識你仔仔，佢話識呀，仲話好鐘意同你仔仔玩喎﹗   

尋日學校終於派左國語歌歌詞，我終於知道我個女唱咩啦﹗

其實我都試過早d的我個女入房訓架，不過佢真係訓唔著，典左陣又自由行行翻出廳，都唔知點攪﹗     

qkhui

giann728, 都ok ka, 我地住好近, 5mins 都一定可以返到school, 所以都ok.

我唔係成日讀ka, 有時會lo..

ktmama

Hi, giann728
喺呀, 好彩學校派咗歌詞返黎, 起碼知道佢學咗ｄ嘜, 同佢溫習都易 d.  不過自己都喺有限公司  

尋日開 party 放早, 我去咗接仔仔放學, 見到你女女上車呀, 仲喺同我仔仔一架校車添呀, 不過唔知有無認錯人呢.  我仔仔喺黃牌 1 號 ga.  

咁你朝早點叫女女起床呀?

giann728

ktmama,
係呀，我個女係黃牌架，不過我唔記得係唔係一號﹗  佢果日著住條綠色裙仔架﹗

我地就咁拍聲佢架，有時會扭好耐先肯著校服，有時又會好合作果喎﹗

最近女女好鐘意唱『我愛我的媽媽』，成日掛響口邊架﹗   

ktmama

HI, Giann728

我又無聽過個傻豬唱喎, 等佢放學返黎問吓佢先  

或者你可以試吓同佢較定閙鐘呀, 我個仔仔都喺咁, 個鬧鐘响, 佢就會起身"禁"熄佢.

giann728

ktmama,

好呀，等我試吓用鬧鐘先﹗  希望佢唔會懶訓到連鬧鐘都聽唔到啦﹗

你打算好比仔仔上咩興趣班未呀??  我女女依家上緊體操、英文、紙黏土同埋游水﹗  十一月開始上Tom Lee，好似太多啦，所以我會cut左個紙黏土﹗

ktmama

Hi, Giann728
我會明年幫佢報音樂唱遊班, 英文就等緊個紛紛工作坊 confirm 有無位. 等佢夠 4 歲後幫佢報埋珠心算. 佢既時間比較難就, 因為 一至五下午佢都會瞓晏覺, 所以我儘量安排星期六, 日的上午俾佢上興趣班囉.