08/09 K1F 上午班 (Dorset RD.) 報到!!

cm_pang

係呀係呀, 哈哈, 有一個叫陳傲, 有一次爾澄提起陳傲, 我聽錯咗, 以為係叫"陳豪", 仲問爾澄個同學係咪又係好鐘意飲咖啡, 爾澄話"唔係陳豪, 係陳傲"呀........

原帖由 james-mama 於 09-2-27 08:24 發表
聽James講佢D同學係 :-

獅子組
樂懿, 陳傲, Ambros, Marcus, Karsu Honda, Alvin, James
熊貓組
趙善盈, 嘉琪, 爾澄, 伊洛, 浩林, Carlson, Andrew, Batery
兔組
愛琳, 謝卓彤, Bosco, Kelvin, Isaac  

james-ma ...

cm_pang

沙巴!!正喎, 上次有線電視介紹沙巴十樣必玩既項目, 又激流, 又繩索爬山, 好正好好玩! 你會唔會帶james去玩下?

有波波池玩仲要無人爭, 仲要九龍城咁近, 緊係預埋我地啦, 一定開心死爾澄! 你幾時會去, 打比我約約時間!!

""ms. man話因為Alvin無飲水水,所以病o左"", 令我諗起爾澄早排唔舒服, 帶佢去睇醫生, 佢一見到醫生, 就喊住好大聲話, "我唔食菜菜, 我病咗", 笑死個醫生, 醫生話"咁你記住食多d菜菜啦"

mic姐姐? 等我問下爾澄有冇呢個人先. 其實佢平時都話自己跌親呢到, 跌親嗰度, 上次佢後腦落地, 仲要跌落石屎地, 老師話少少損咗, 我好緊張, 驚無表面傷痕, 不過係內傷, 所以咪拿拿琳去醫生到檢查囉!! 最好笑係我問老師, 爾澄小息嗰陣係咪好鐘意跑, 會唔會有同學同佢一齊跑, ms wu話, 爾澄唔使人同佢跑, 佢鐘意自己一個人周圍跑....(一個人周圍跑? 哈哈, 真係唔明有乜咁好跑!!!)

cm_pang

知唔知係kent road定dorset road校舍? 我聽日都問下ms wu詳情先!!

原帖由 gotgot 於 09-2-26 19:07 發表
地點應該係係返根德園學校裡面舉行喎!!

gotgot

cm_pang, james mami,

我去完迪迪尼返o黎啦,攪呢攪路,攪到而家先得閒上網留言添,今日天氣唔錯,迪迪尼好少人呀,可惜遇5到james添,但遇到讀其他班o既同學仔,愛林好開心搵到伴一齊玩!

james 講o既同學仔名,我有d真係完全未聽過添,我都冇問愛林記唔記得呢d同學仔了,佢係班中有好朋友,又識你o地o既小朋友都夠了,真係話咁快就升k2!!

咦?咁快教o左個"筆"字,阿囡仲話我知呢個week
o既"女"字未教,原來跳o左教o左下一個week o既"筆"字,阿囡仲懶醒咁話筆字未教但我識呀,因為以前playgroup已經教o左添,點知... 係喎,仲有佢今日背配詞又話"男"配詞係男子,個音咁似男仕,我驚係我琴日聽錯,所以唔敢話阿囡!!:p

你o地多d報o下學校d料,大家分享o下呀,等我係屋企可以同阿囡溫o下同傾o下,thank you!!


cm_pang,

阿囡背棄o左我了,我問佢聽日想留係屋企睇電視定係同我返學校去家長日,點知佢話睇電視,我今晚同佢講爾澄都返學喎,你去唔去呀?佢就唔出聲,好似係道考慮緊咁,聽日等我再問問佢先!!

運動會會係Dorset rd舉行呀!因為聽kent rd o既同學仔話佢o地到時會坐旅遊巴過o黎Dorset Rd.比賽!!

mic姐姐好可能係愛林坐果部保母車o既k3姐姐,我其實估佢係d 一齊搭保母車o既k3哥哥聽o左自選時間返o黎!!

[ 本帖最後由 gotgot 於 09-2-28 00:14 編輯 ]

cm_pang

早晨!

尋日去咗考yips, 唔算好多小朋友一齊考, 負責考嗰位叫lily姐姐, 基本上都係叫小朋友用搖鼓跟佢打拍子, 我見佢每一個小朋友都收, 只不過係編去咩班, 爾澄被編去level 3, 四月上堂, 因為佐敦centre有位, 所以我幫佢報番佐敦centre. 無得同愛林同一個centre lu. 我見lily姐姐都幾有耐性, 黎緊佐敦centre由佢上堂, 佢話第一眼就覺得爾澄鐘意玩, 不過個人就無咩耐性, 哈哈, 果然夠經驗, 一眼就被佢睇穿!!

家長日嗰日老師同你地講咩? miss man就同我講下爾澄上堂既情況, 我就問咗miss wu運動會嗰日, 家長可唔可以參加, miss wu話唔得, 因為學校唔會邀請家長, 而且又只係係校舍裏面進行, 都係小朋友玩下遊戲, 講真, 有d失望, 就算係好似芝麻咁少既事, 作為家長, 都好想知道多d!!

講開迪迪尼, 我地張年票就黎到期, 知唔知續多年, 會唔會有咩優惠? 同埋呢, 係deluxe hotel有迪土尼卡通電影播放, 就算唔係酒店住客都可以入去睇電影, 你地下次入去, 都可以去睇下!

gotgot

Lily 姐姐真係好好人,愛林好鍾意佢,原本愛林以為以後上堂都係lily姐姐教佢添o架,所以知道唔係佢教,愛林都有d失望!office果d哥哥姐姐都好好玩,上次個哥哥係咁扮micky 講o野,跟住呃愛林話佢食o左micky落肚,個姐姐就叫愛林唔好相信哥哥講o野,因為等o左好耐先輪到我o地入房in.,所以愛林同佢o地玩o左好耐!^^
若佐敦方便d就係果邊上堂啦!最緊要方便自己ma,愛林同爾澄平日上學都可以見到面!^^

星期六大約傾o左半個鐘,非常之好呀,果然冇去錯家長日呀.我同Ms. Man傾o左好耐,因為Ms. Wu好忙,要同d k2,k3家長傾, 傾到最後得返我一個,原來我個時間係最後一個了!

我同Ms. Man傾o左好多好多o野呀,一開始我問返佢愛林上堂o既o野,講返愛林返屋企同我講過o既o野,原來全部都係真有其事!
每日都有自選時間,係課室自己選唔同o既o野玩,愛林返屋企講Ms. Man講過o既說話,Ms. Man自己都話有d唔提佢都爭d唔記得,加上阿囡可以返屋企傳遞到老師o既訊息,所以Ms. Man話愛林好有記性!
我又問o左愛林同組有邊d小朋友(謝棹桐,Bosco,Issac,Justin,Kevin,仲有一個叫桐桐),又講
o下平日佢同邊個小朋友玩等等(都係主要同樂意玩,因為話佢兩個思想比較成熟,可能諗o野相近d,就變得fd d)....又問佢d字咭教到邊,原來教到男字,配詞係男生,今日教o左女字,配詞係女生,原來筆字仲未教o架!不過Ms. Man話原來考試時係唔駛一定要講佢o地教o既配詞,講o岩詞語就可以了!

之後就睇返張成績表逐點逐點講返,一開始,我已經同老師講我對阿囡o既成績不算滿意,但Ms. Man話愛林成續已經係好好,而且話佢係6月出世o既小朋友,唔係大仔大女,
而今次又係第一次大考,係會手緊d,同埋kv評成績方面係比較中肯!
跟住我o地先講成績表左手邊,係完全同學術無關,講o下剔o左part of the time果幾點,首先Expresses ones emotions appropriately,原來係話愛林開學初期唔多願開口同老師傾閒計,到後期先主動同老師講佢o既o野,例如係佢學緊公文數,同返緊pg咁,我同爸爸起初係諗佢唔知係咪係學校鬧情緒,原來唔係!
Able to verbalize ideas clearly老師話愛林表達能力唔錯,我都唔知佢點解會比佢part of the time??傾完後先發現原來漏講o左!
Stays at task即係唔專心,點解唔專心?原來老師話愛林做o野做得好快,成日好快做完就係道講o野,又左攪右攪咁,唔可以靜靜坐係道唔嘈! 後來臨走前同Ms. Wu傾計,佢都問我係咪成日係屋企同愛林溫書(我搭唔出口),佢話愛林上堂聽書都係擺出個樣係"唉!又教呢d,我都已經識啦'o既表情...但個衰妹又唔見佢考試考到最叻!!!

Fine motor skills問題在於佢"手查"筆落筆點唔o岩,我同爸爸都發覺呢個問題,已經經常係愛林身邊提住佢,又提佢第三隻手指唔好伸出o黎,但都係成日係咁,原來老師話係因為愛林寫字唔夠力,所以伸埋隻第三手指出o黎,有d小朋友會連第四隻手指都伸埋出o黎,解決方法係同佢做多d小肌肉訓練,如買d好細好細o既lego比愛林砌,砌完就佢要用手指力去分開返舊lego,又或且玩o下泥膠咁,而落筆點錯係因為愛林拎住支筆時唔係向前伸支筆,佢係扭曲o左手腕去寫字,會影響寫字冇咁靚,現時唔係太大問題,但老師話升上k2多功課後,就會係一個大問題,所以要好好幫愛林手改善一下!

而右邊全部都係關於學術性o既,右下方由general knowledge開始講,只講d我有疑惑o既分數,
由於中文錯了一個配詞,所以扣o左兩分,只有A-,
而Number work o既counting,只有B+,因為愛林學開公文數,佢已經可以數到70(而家數到110),所以唔明點解只有B+,但原來B+已經係最高分,比最盡了,今次唔會有人有A,

而右上方果d 由singing 去到Nursery Rhymes原來亦都係唔會有A,
B係Average, B+已經係最好,Ms. Man話愛林成績已經好好,
佢仲show o左另外一張成績表比我睇,但當然係遮住個名,話我知愛林成績己唔錯,
經老師講完後,我明白晒佢o地o既計分方法了,但有d遺憾,Ms. Man話全級大約有6成人都拎到4份卷100分,
愛林錯了一個配詞而拎唔到4張卷100分!

本來Ms. Man話k1係無名次,我亦都知道,不過都問o下愛林可唔可以達到我心目中o既要求, Ms.Man話愛林o既成續都可以去到我心目中o既要求!但當然真係仲好有進步空間,要繼續努力!!

傾到最後,Ms. Wu就叫我埋佢同佢傾,我唔知係咪緊張得劑,不停講愛林壞話,話佢小姐脾氣,唔鍾意輸,其他好o野又一句都冇講過,我呢個阿媽真係....唱衰晒個囡...唉!

同Ms. Man傾計時,佢都講o左d攪笑o野我知,話原來好多時d老師都以為愛林係K3,排隊o既時候會叫愛林排返去K3果一隊,要Ms. Man出聲幫愛林提d老師,而愛林就緊係唔知發生咩事咁啦!

原帖由 cm_pang 於 09-3-2 10:12 發表
早晨!

尋日去咗考yips, 唔算好多小朋友一齊考, 負責考嗰位叫lily姐姐, 基本上都係叫小朋友用搖鼓跟佢打拍子, 我見佢每一個小朋友都收, 只不過係編去咩班, 爾澄被編去level 3, 四月上堂, 因為佐敦centre有位, 所以我 ...

[ 本帖最後由 gotgot 於 09-3-2 18:08 編輯 ]

cm_pang

今朝好多野做, 所以到宜家先有得上網抖抖.

其實ms man好傾好多, 因為就算唔問, 佢都會好主動咁講下課堂既情況, 佢仲要同你傾成績表咁好, 我無帶成績表, 又唔記得問, 愛林咁叻女, 你都唔使擔心咁多啦, 始終都仲係k1, 而且又係第一個assessment, 可能都係緊張d, 愛林適應咗之後, k2應該會考得更好!!

得閒叫佢幫我睇住下爾澄, 因為爾澄被調咗去白兔組. 事緣係, 唉........有機會見面先再講.....

原帖由 gotgot 於 09-3-2 17:56 發表
Lily 姐姐真係好好人,愛林好鍾意佢,原本愛林以為以後上堂都係lily姐姐教佢添o架,所以知道唔係佢教,愛林都有d失望!office果d哥哥姐姐都好好玩,上次個哥哥係咁扮micky 講o野,跟住呃愛林話佢食o左micky落肚,個姐姐就叫 ...

gotgot

成績表果樹唔駛自已帶呀,問老師佢會拎出o黎比我o地睇住講!!!你下次家長日有機會就同Ms. Man逐點逐點講啦!
其實係Ms. Man眼中個個小朋友都好可愛,佢又咁鍾意小朋友,所以佢先講到愛林好似幾好咁~

咦??爾澄調o左去白兔組呀,咁愛林同爾澄咪有機會做好朋友law~^^不過聽你語氣,好似唔多好...有時間打比我傾啦~~

迪迪尼果道你多唔多去呀??如果多機會去都係續期抵d喎!!唔係o既話一年入3,4次park,條數都差唔多,而家又加o左價!!

原帖由 cm_pang 於 09-3-3 17:01 發表
今朝好多野做, 所以到宜家先有得上網抖抖.

其實ms man好傾好多, 因為就算唔問, 佢都會好主動咁講下課堂既情況, 佢仲要同你傾成績表咁好, 我無帶成績表, 又唔記得問, 愛林咁叻女, 你都唔使擔心咁多啦, 始終都仲係k1, ...

[ 本帖最後由 gotgot 於 09-3-3 23:56 編輯 ]

cm_pang

Morning all,

早兩日好忙, 今日星期六長週先有得抖抖.

爾澄尋日又同我講佢係熊貓組, 真係俾佢激死, 都唔知佢咩組 . 其實之前要調組, 係因為爾澄玩遊戲, 排隊等都粗粗魯魯, 久不久都會整親d同學仔, 有一個同組女同學, 比佢整親過兩次, 咁ms wu咪分開佢地兩組囉, 其實次次都係玩遊戲, 上音樂堂, 爾澄開心過頭, 就會整親同學. 佢成日當d同學好似大人咁玩, 我地大人同佢玩, 佢大大力, 我地就唔覺, 久而久之, 佢習慣咗, 唔識改. 宜家佢每日返學, 我地都提醒佢, 同同學玩, 要小心d, 唔好整親人地. 希望佢慢慢會明白.

仲有呀, 呢兩日又凍又落雨, 大家要小心保重身體!! 我呢度好多人病咗!

原帖由 gotgot 於 09-3-3 23:52 發表
成績表果樹唔駛自已帶呀,問老師佢會拎出o黎比我o地睇住講!!!你下次家長日有機會就同Ms. Man逐點逐點講啦!
其實係Ms. Man眼中個個小朋友都好可愛,佢又咁鍾意小朋友,所以佢先講到愛林好似幾好咁~

咦??爾澄調o左去白兔 ...

cm_pang

迪迪尼我地一個月去一次左右啦, 通常去半日, 夜晚出返黎食飯.

我都想續年票, 起碼多個地方比爾澄玩下, 跑下!

gotgot

之前都聽你提過,唔知個囡仔係邊個呢?!

愛林都有講爾澄冇調過o黎,以前白兔組調走o左o既詹浩/海信 就調o左返o黎白兔組!

係喎,唔記得講要帶家庭照呀,你帶o左未?愛林有兩日話張相唔可以帶好大張果d,即係只可帶3R/4R, 同埋張相只可以有爸爸,媽媽同小朋友,唔可以有工人姐姐同其他人,因為有同學仔帶o左好大張相,Ms. Wu話唔好帶咁大張!

愛林示範o左3個運動會比賽o既項目比我睇,第一個拋豆袋,小朋友要將放係籃裡面o既豆袋擺係頭上(用手扶住),跟住行行行,行到個呼拉圈道就dup低頭,將豆袋掉入呼拉圈裡面!
另一個係小朋友拎住個有幾個益力多樽o既籃,好快咁行到去某處,快手放低晒d樽,行個圈返去,要拍另一個小朋友手仔,就到第二個小朋友去收返晒d樽,跟住再行返去拍另一個小朋友手手,另一個小朋友又擺樽落地下,愛林total做o左3次,唔知真正係幾多次?!
最後佢話要砌smile face, 佢拎行到去一個地方,跟住快手拎d puzzle砌砌砌,就完成,好攪笑!

但佢又冇話有得跑步,問佢付責參加咩比賽,佢又唔清楚喎!

係呀,呢幾個凍.愛林話小息冇得出去,只可以係課室睇電視!!

今晚我出去打邊爐,行緊去時,真係凍到我short o左咁劑!!你o地都小心身體!

原帖由 cm_pang 於 09-3-7 10:46 發表
Morning all,

早兩日好忙, 今日星期六長週先有得抖抖.

爾澄尋日又同我講佢係熊貓組, 真係俾佢激死, 都唔知佢咩組 . 其實之前要調組, 係因為爾澄玩遊戲, 排隊等都粗粗魯魯, 久不久都會整親d同學 ...

gotgot

今日K1F參加o左運動會啦!
愛林一放學入門口就同我講話佢唔記得講我知仲有傳水樽呢個比賽,佢話佢4個比賽(砌臉圖,放益力多樽,掉豆袋,傳水樽)都有玩,最後Ms. WU & Ms. Man送o左個小胸章比佢,個個都有!

佢手上拎住今日本新書,打開問我首歌點唱(我點識??),咁我讀一次比佢聽,我一讀完,佢就接住講:
爸爸好,媽媽好,
天天工作真勤勞,
我要做過好寶寶

現時為止,已講o左3,4次,仲做埋動作!!

最後果板要貼家庭相,我比幾張佢choose,愛林話:[選迪士尼呢張啦,Ms. Wu見到會開心d],佢咁講好攪笑!

[ 本帖最後由 gotgot 於 09-3-9 20:05 編輯 ]

gotgot

愛林剛話我知,1F班只得到6個星星,其他班都有9個,10個星星,最多有14個星星,我o地班最少星星!!

cm_pang

今日運動會啦?! 等我今晚問下爾澄先, 睇下佢可以講到幾多俾我聽! 嗰四個遊戲都幾有趣(砌臉圖,放益力多樽,掉豆袋,傳水樽), 愛林記得晒, 好犀利.

得六個星星咁少, 咁我地班係咪包尾?

原帖由 gotgot 於 09-3-9 14:16 發表
今日K1F參加o左運動會啦!
愛林一放學入門口就同我講話佢唔記得講我知仲有傳水樽呢個比賽,佢話佢4個比賽(砌臉圖,放益力多樽,掉豆袋,傳水樽)都有玩,最後Ms. WU & Ms. Man送o左個小胸章比佢,個個都有!

佢手上拎住今日 ...

cm_pang

家庭相?! 我無聽爾澄講過, 佢真係無一次會講到俾我聽老師上堂同佢講乜!

今晚返去搵返張相貼下先, thx 愛林!

gotgot

聽佢咁講就好似係最少星星,不過佢冇話輸,佢話我o地贏少少,可能學校冇分輸贏!!所以佢咁諗^^

原帖由 cm_pang 於 09-3-9 16:53 發表
今日運動會啦?! 等我今晚問下爾澄先, 睇下佢可以講到幾多俾我聽! 嗰四個遊戲都幾有趣(砌臉圖,放益力多樽,掉豆袋,傳水樽), 愛林記得晒, 好犀利.

得六個星星咁少, 咁我地班係咪包尾?


...

Pianokc

Hi Parents,

My son is in K1F Dorset AM class.
I just found this post. However, how come as I read, it doesn't sound like my son's class at all?

The teacher's names are Ms. Leung and Ms. Wong.

Nice to meet you all.....

cm_pang

Morning Pianokc,

我地班主任係Miss Wu and Miss Man, 家長日都係見呢兩位老師. 我地都係多實道k1f am班, 你家長日係見Ms Leung and Miss Wong呢兩位老師? 點解會有唔同既?

我尋晚問咗爾澄啦, 佢話佢有份跑, 同愛林, honda一齊比賽, 愛林第一, honda第二, 佢第三. 跟住又話第一個小朋友跑完, 拍一拍第二個小朋友既手, (咁即係接力賽啦), 爾澄又話佢尋日係課室好掛住媽咪(()) , 所以係課室喊咗出黎!!

原帖由 Pianokc 於 09-3-9 22:07 發表
Hi Parents,

My son is in K1F Dorset AM class.
I just found this post. However, how come as I read, it doesn't sound like my son's class at all?

The teacher's names are Ms. Leung and Ms. Wong.

Nice ...

gotgot

Pianokc,

HI~Nice to meet you too!

Ms. Leung & Ms. Wong會唔會係音樂堂彈琴o既老師??家長日果日,你見邊位老師呢?
我o地班班主任係Ms. Wu and Ms. Man!^^
阿囡另外仲有提Ms. Lau,Ms. Lau平時放學係1F幫手送D學生出班房!

原帖由 Pianokc 於 09-3-9 22:07 發表
Hi Parents,

My son is in K1F Dorset AM class.
I just found this post. However, how come as I read, it doesn't sound like my son's class at all?

The teacher's names are Ms. Leung and Ms. Wong.

Nice ...

gotgot

哈哈!愛林,爾澄,honda三個接力,最衰冇得睇啦,嗚嗚....

爾澄原來咁o爹,真係"淋"C人^^

原帖由 cm_pang 於 09-3-10 09:17 發表
Morning Pianokc,

我地班主任係Miss Wu and Miss Man, 家長日都係見呢兩位老師. 我地都係多實道k1f am班, 你家長日係見Ms Leung and Miss Wong呢兩位老師? 點解會有唔同既?

我尋晚問咗爾澄啦, 佢話佢有份跑, 同愛 ...