聖安當幼稚園家長會

tongtracy

doris880

早晨! 昨天我囝那班有6個同學仔無番, (近來d流感好勁)小心.
泳池有三個, 每個池可容納9-10人, 而我班只有7人多了空間, 個個開心到合唔到口, 有d鍾意玩水槍, 有d鍾意浮起水面, 看到他們好開心, 我見有幾個喝了幾口泳池水, 也沒有理會繼續玩.  老師也一起下水玩, 衣服都潑濕了. 大約玩了解45分鐘, 上水後我囝已好tried. 回家後sleep 了2個鐘, 你囝囝有無sleep

lucylam71415

請問有否今年聖安當幼稚園畢業的小朋友靚媽?可否平讓聖安當幼稚園女仔校服及k2-k3幼稚園用書?
tks,

lucy

doris880

tongtracy,

我囝囝有sleep呀，聽你咁講真係好好玩喎，唔怪得亞仔一落校車就同我地講係咁樣游水(做蛙式手)。      

cc0217

doris & tongtracy
24/6 有帶姐姐去家長會 ... 其實我有d心大心細 ... 未搬油塘前 , 姐姐在藍田讀緊幼兒園全日班,( 因為,  我覺得校舍大及較新 , 清潔 , 好光猛, 而且我同先生都要工作) , 但聖安當較舊 (希望吾好介意我咁講)... 當時我選聖安當係擔心幼兒園課程較幼稚園低..影響日後升小學, 但個日家長 會後見到有d 野同我囡囡之前學的一樣 ...所以 而家吾知點好 ...可否比d 意見

pris_cheng

Doris,

幾日無上BK,E家同你報料先,

pris_cheng

cc0217,

你好!我個女同Doris個仔一班,我比小小意見你呀!我個人覺得學校的教材比較淺,但我個女無返過幼兒班,所以對佢黎講係新

doris880

pris-cheng,

唔該哂你幫我照顧亞仔，其實你睇亞仔同其他小朋友比較，覺唔覺得佢行為、與其他小朋友溝通、合作(聽指令)同其他小朋友有很大距離。

我個仔梗係無奬，唔比人投訴周圍走已經偷笑     

doris880

cc0217,

其實亞仔在返聖安當之前都有返幼兒中心5-6個月，雖然只返半日(我有讓他在中心吃早餐和午餐)，但他的自理能力是明顯有很大的進步，我當時也很喜歡他返幼兒中心，所以個心15/16同老師討論下，老師話其實間間(包括幼稚園和幼兒中心)都係用個一兩個出版社d書，內容其實都差不多，不過幼兒中心的教育方向是必須要在小朋友生理和心理上完全作好準備後才進行訓練，如寫字和默書，另外佢地又會特別著重自理訓練，可能因為大部份的父母都要工作，佢地覺得小朋友懂覺自理和獨立一些是有須要的(我個人覺得小朋友懂覺自理和獨立是重要的，無論父母是否都要工作)因此有很多人會覺得佢地比較淺。

其實因為競爭問題，現在幼兒中心都不會跟幼稚園差距太大，特別是大家同一區，我個人愚見我覺得你要考慮的是會否希望囡囡升讀聖安當小學，雖然無話直升，不過如果是同校幼稚園應該有感情分，和是否返一間全日的幼兒中心比較適合你們的須要。

  

tongtracy

cc0217,

人人唔同我個囝都在剛２歲時就讀幼兒班（半日），　但主要學手指運用（畫畫，美勞；守紀律；唱歌跳舞）　反而書小教不過一星期有一堂外籍老師教，　所以他唔會抗拒英文，學校生活好開心校長又好，如果不是要搬遷我囝都可能會繼續讀．
至於是否要轉校我覺得最緊要囡囡在學校開心，老師又關心學生．　我覺得課程淺不是最大問題，　你可以教她（看多些英文書，串下生字等等）都有很大幫助．
希望幫到你．

cc0217

tongtracy, doris & pris-cheng

多謝您地的意見 .... 昨日我有聯絡過以前的同事 (n年前我教過幼稚園) 佢都話而家兩者分別不大 ...正如你地所說 最緊要囡囡在學校開心...我都有問過姐姐 佢話2 間都鍾意 ... 一陴又話聖安當 ,可能佢想坐校車放學 ..

linglingchacha

我囡今年要搵幼稚園喇!
請問大家會否打算直上"聖安當小學"呢?
小學是否轉全日制?
上網check過,上午班要交學費,下午班唔需要,咁全日既又要交幾多呢?
另大家對琇華x美意見如何呢?(因在這附近)

pris_cheng

Doris,

你唔使客氣,做義工家長是負責睇住D小朋友架啦!

我問過老師,原來一年會有7個奬,好似係3個進步,1個創意,1個清洁,1個品德奬等,好幸運我個女有份.  

我pm左D

pris_cheng

linglingchacha,

聖安當小學會轉全日制,之前上午班是私校,下午班係津校,私校已經停辦,只係未讀完的會繼續,轉全日後是津校.

linglingchacha

Thank you,pris_cheng,咁味連$900都慳反
另外你地先前提過既工權會,我打過去問佢fax d 資料睇,
but 無岩我個女 2.5yr 既   

pris_cheng 寫道:
linglingchacha,

聖安當小學會轉全日制,之前上午班是私校,下午班係津校,私校已經停辦,只係未讀完的會繼續,轉全日後是津校.

doris880

pris_cheng,

好多謝你話比我聽亞仔的表現，其實個日我是疏忽了，如果我知道是家長日，我是一定會安排參加，看看他和其他小朋友相處的情況，加以指導。其實我都有時時打給何老師了解他上課的情況，因為亞仔好懂得睇人眉頭眼額（何老師也認同），所以我都有叫何老師不要因為他細而遷就他，若有須要我不介意對他嚴厲一些，因此亞仔是有些怕何老師責罰，至於英文班我都有拜託何老師去特擊check 下佢乖唔乖，老師話亞仔未見到佢時就周圍望，一見到佢出現就扮到好留心同坐到直一直，你話死唔死      。

至於表達方面，因為佢同菲庸要講英文，同我講就時中時英，加上佢又細ｄｄ，所以佢表達方面係有ｄ差，因此我放長假都要佢返幼兒中心半日，希望鍛鍊下佢的表達能力和紀律。好在佢都鍾意返。

lucylam71415

cc0217,

麼你覺得聖安當程度淺嗎？其實不是！的書都不少，當然和藍田金＊比不上，不過小朋友應該會開心的，我姪女幾年前聖安當讀過三年（住將軍o），小學年年做班長，轉校又是，所以程度是ok的，最緊要小朋友被老師教得好懂事，好有愛心．今年我細女都入讀，書方面和秀華是差不多的，因大女以前讀過秀華，秀華就勁貴！

如果自己有時間湊，小朋友不要返幼兒中心，除非質素真是好，如果是工人對住，就不如返幼兒中心．幼稚園返學時間短，學校大不大，新不新真是無關係的，最緊要是校長及老師質素及真是學到東西！

doris880

pris-cheng

唔記得要同你囡囡say sorry    ，我今日有問佢當日的事，他馬上承認了，我對他訓話了一番，希望他會記住啦。     

pris_cheng

Doris,

唔緊要!其實我個女有無唔開心,佢仲當你個仔同佢玩添.

cc0217

lucylam71415
多謝您的意見 ...其實我不是擔心聖安當程度淺...而係佢返幼兒中心時已學過 ...會悶 .... 佢就會自己搵新野玩 ..

cc0217

cc0217 寫道:
lucylam71415
多謝您的意見 ...其實我不是擔心聖安當程度淺...而係佢返幼兒中心時已學過 ...會悶 .... 佢就會自己搵新野玩 ..

(攪攪震)