請各位沙田第一城呂明才小學的家幫幫忙....

alicetong

honeybbb,妳好,
我同Homama大的小朋友都是統一派位派入一呂的,記得當初我甲部第一志願填喇沙、一呂、沙呂,乙部第一排一呂、沙呂...或者比我好彩派到啦！至於叩門可以話唔容易真係好難講..信基督教一定優先d囉,但係出生率小可能相對0既機會又大d？
祝好運   

Cherry車里子,
好開心係度認識到大家就真...每個做媽媽0既都希望盡能力做好d,教導方法亦因人而異,但係彼此交流下亦可以獲益良多.. 大家互勉之..哈哈！

Homama2004

Cherry車里子, 原來你的小朋友還是BB, 你真真夠晒未雨綢繆! 唔好咁客氣! 我都是一邊"教"一邊"學",教學相長,我都從他們學習裡學到不少

candytl,如由我介紹的第一本比較多字的故事書給小朋友便是”阿濃說故事100”ISBN 9623030827,我見很多乖/比較活潑的小朋友(一二年級)都很被這本書吸引的.值得收藏.隨著年齡增長可以看阿濃的其他給少年作品。我亦很欣賞小思,但比較適合較靜的孩子讀,才能體味箇中味道.還有何紫,都是難能可貴的童書作家.

英文書我會介紹Magic Tree House, 在書展時買全比較便宜,100/4,而我特別介紹是買這系列書的Research Guide,是作者寫書前做研究寫下的筆記,內容淺白,像Twisters,介紹天氣現象. 這系列書不重可以平日帶定去街時坐火車/地鐵時看.

商務出那套black cat都有內地版,我兩年前買時並沒有整套出售,現在旺角那些樓上書店都有售,都值得一看.我小朋友看到Level 4-5左右.

高層次些,可以看Roald Dahl的作品,好像有些中學都用他的作品為教材.
記得我兩年前在星光行商務買了6本他的作品(簡體中文版),很便宜呀! 13-16/本,開始時,細的會話:”哇!咁厚!咁多字唔識!”但當一翻開”女巫”這本,便深深被吸引,起初都會問下這個字點解、那個字點解,慢慢便可以掌握.現在連英文版都看完.我想是由這系列書是讓他們開始懂看簡體字書.對呀!價錢絕對吸引.我比我的同事/朋友都是比較願意買書,我覺得買一本好書比買一個新款無線電話更重要,電話日日新款只是一時的"威",但一本好書的知識是可以影響小朋友一世.而我兩個小朋友平日行街第一選擇便是書局,連他們的公公婆婆也沒辦法

Alicetong
我的小朋友都很喜歡這兩系列的書,老鼠記者+米奇偵探故事,小的那位猶其喜歡偵探故事. 學校圖書館那福爾摩斯系列的書他借了很多回來(很厚,字很細),我就很擔心他的眼睛呀!

我在這裡已發表對劍橋英語的看法.你可以參考參考.
聽聞英國文化協會在金鐘師資較好,他們只是去年參加那Summer Course.

honeybbb
我聽到我小朋友的幾位同學可以開學後一兩天才收到電話,後補收他們讀.當然你要在自選和攪珠時也是選一呂為第一志願,現在寫信以示誠意.我想機會會大點,希望你如我一樣可以攪珠入到啦! 祝你好運!!

另各位媽媽,有沒有減近視的良方??

candytl

alicetong,

我囡冇你仔仔參加咁多課外活動, 佢學校只係參加咗phonics班及紙粘土, 出面就學琴及畫畫, 算好少囉. 我囡算自覺, 通常係我放工返黎前做完功課, 温默書, 所以夜睌都有時間睇課外書, 到臨睡前用10-15分鐘做中英<<每日一篇>>.

honeybbb,

我當年就係自行及攪珠都冇份, 跟住去叩門, 我幾乎每隔一星期寄一封信及打電話去表誠意, 再加上我囡係幼稚園嘅表現都唔錯, 初頭諗都有機會會試掛, 點知個結果係會試嘅機會都冇. 打得電話多, 連個秘書都認到我把聲, 佢同我講: x太, 我哋差不多收到1xx封叩門信, 而名額可能得2-3個, 如果你好想你小朋友入黎讀, 不如出年申請插班啦. 所以我係黎個topic開頭講過, 可能考插班生易過叩門. 希望你6月抽中並不用煩叩門喇.

candytl

Homama,

好多謝你的分享. 令我學到唔少嘢. 我舊年係書展也買幾本Lady Bird 及MagicTree House系列, $100/4本, 我囡囡喜歡睇中文書, 英文書就興趣不大, 這使我很苦惱. 佢每星期從圖書館借十幾本書返黎, 當中可能只得一本係英文書. 你有冇發覺, 睇得書多, 佢哋嘅閱讀速度也快很多. 一本全文字百多頁的書, 一個周六日就睇完. 為了可以同佢一齊分享, 我宜加也盡量同佢睇同一本書. 我也担心阿女嘅視力呀, 唔想佢咁細個就戴眼鏡, 我防止嘅方法係注意屋企嘅燈光, 如果佢睇書或彈琴, 一定開晒啲燈, 同埋唔俾佢趴係度睇書(我囡嘅壞習慣), 做功課,睇書或玩電腦半個鐘要叫佢停手.

honeybbb

candytl
thnaks! 咁即係當年你都無機會面試, 只係p.2時插班? 咁點決定有無面試機會呢? 同埋係咪要不停交application form去呢?

alicetong

Homama,
多謝妳咁詳盡0既介紹呀？真係學到唔少野,對於課外書我真係門外漢..好慚愧孩子都是剛對某種圖書有渴求感。

係近視方面我都覺得頭痛..最近健康檢查check到小兒右眼100度近視,左眼只有25度散光,再詳試檢查要排到7月28號才有得睇？減近視良方不外乎減少睇電視同電腦Mon,一段時間眼睛要休息..多看綠色植物等。之前學校派了護眼光碟也有介紹..哈哈！

candytl,
小兒一d都唔自覺..往往我地未放工前就係佢地0既Free Time,寵物精靈唔在講..還有星期一做多啦A夢對嗎？就算交帶佢做0既多數都草草了事？所以真正返去睇功課先係正場0既開始...所以就係我話無咩時間睇課外書就係咁解？..另一個方法係佢會每一日都帶圖書回校,轉堂時候睇可以靜靜地都不失為一個好方法..
:  
Homama, candytl,
妳地所講0既Lady Bird 及MagicTree House系列書展時係咩Counter架?
妳地通常會咩日子去書展架？
( 往年星期六、日真係太多人0拿)   

candytl

honeybbb ,

咁即係當年你都無機會面試, 只係p.2時插班?>>>是的.
咁點決定有無面試機會呢? >>>我都想知.
同埋係咪要不停交application form去呢?>>>唔使, 我係2月寄信&成績表去, 3月收到信通知4月初考筆試, 考完筆試約半個月收電話通知去面試, 約4月底就知結果. 據說插P2, 一定要係自行及攪珠都要以佢為首志愿先會考慮. P3-P5就以成績優先.

candytl

alicetong,

我囡凡係卡通片都忠意睇, 不過我限佢星期六, 日先可以睇.
我話我忠意呂小係功課小, 就算小朋友唔多自覺, 也只需花好少時間就可以完成功課. 我夜睌係唔幫阿女睇功課及温默書的, 所以佢默書啲分數就如坐過山車, 有100分, 有9x,有8x,
試過7x添.

妳地所講0既Lady Bird 及MagicTree House系列書展時係咩Counter架?>>>我唔係好記得, 等homama答你.

Homama2004

Homama2004

Homama2004

由4/5年級開始,便有課外讀默,5年級英文差不多次次都有unseen加上seen dictation後面.中文就會一次過整篇,可能我小朋友喜歡看書,次次都有9x/100分,我就十分喜歡,最好次次都是課外讀默.

Magic Tree House是在大眾書店的特價書車上買的, 我也是在星期日去,是一早等開門,不是太多人.

alicetong

Homama,
多謝提醒..unseen dictation??咁就死火0拿？我個仔寫d字好似打風咁,書法經常得C+,成日都錯埋d大意..同音字呀咁？我要速速養成佢閱讀習慣先得0拿？   
妳意思Magic Tree House係書展時特價車上買？..那麼沙田大眾書局有嗎？
( 另外如果大家有興趣,我係教協田園買書都會平d..有需要大家一齊去睇下呀？)
candytl,
平時晚黑我小朋友無睇電視架...有時間都安排d大家一齊睇下課外書？未唯有我一齊陪太子讀書囉,不過公共圖書館都有好多資源,好多買左0既書圖書館都有就真...我就做唔到放手比佢自己溫習同做功課0拿？
我估一定會好精彩...哈哈哈！     

Homama2004

不用客氣. 上次四年級中文課外讀默便是甚麼"雞的種類"如力康雞等等,五年級便是有關龍舟競渡,不太記得內容了!

Magic Tree House 各大書局都有售,但是沒有折扣.
原來你都會上教協,超市內都有Magic Tree House賣,但都未低過100/4的價錢,但research guide就一定便宜過外面.還有其他的書可供選擇.暑假便打算讓他們看金庸.

對呀!公共圖書館有好多資源,有朋友介紹可以到中央圖書館6/F語言學習室都有很多資源,還可以預約時間.暑假有時便會去看看!

Cherry車里子

Homama

好多謝你咁詳細的分享，我已記底全部資料，希望都可以好似你咁成功培養到 D 小朋友自動自覺讀書/溫書/睇書。     

其實課外活動的野，不用好多好多，所謂貴精不貴多。小朋友功課可以應付的話就多點，應付不了令願參加少一點。

其實我自己現在都買了唔小的 Phonics 的 DVD/VCD 比我個仔去睇 / 學，佢都好喜歡。   

candytl

candytl

candytl

candytl

candytl

Homama,

想問你, 呂小P5有一班 定 兩班精英班?
“公共圖書館有好多資源,有朋友介紹可以到中央圖書館6/F語言學習室都有很多資源,還可以預約時間.暑假有時便會去看看!”>>>>我上兩個月去過, 冇上6/F, 下次去要留意吓先. 冇錯, 有好多書圖書館都有得借, 可以”hung”返唔小. 我囡近排忠意借”青果系列”, “温情系列”的書.
金庸的簡體版我有幾本, 唔知要得到幾時阿女先識睇.

Homama2004

candytl,
只有一班精英班,收足40人.聽聞男女各大約佔一半,有同學仔家姐考全級3x都入不到.

你囡囡好叻,我細的都不用我看功課,成績都幾好,但她每星期多會自動自覺寫筆記,所以考試前很得閒.大的就比較比動,成績很普普通通.希望佢能快點開竅.

語 言 學 習 室 資料