請大家幫手，希望在註冊前做決定，根徳園vs學之園。

December_baby

回復 oooasis 的帖子

哈哈，我就係覺得佢自律ok, 咁我自己train都得啦，佢而家自己做功課，做完先叫我：媽媽我做完啦

December_baby

LH用家們，想知多少少LH 功課多嗎？你們的孩子可以自行完成功課嗎？舊生家長有冇同你地分享佢地孩子上小一後能追得上進度，能適應嗎？

Christi

回復 oooasis 的帖子

我相信其實係一種習慣.佢地同外籍老師/普通話老師溝通,對方冇一個人會夾其他語言,久而久之,佢地自己都會習慣性呢種模式,亦感覺到夾其他語言係好怪的一件事(當然佢地唔明呢個理論,只係覺得唔自然)...咁既現象,只可歸納一句: 呢啲就係所謂[語境]

HauMiranda

其實我識既朋友既小朋友，有讀啟思、迦南、st cat，甚至讀村校既，都會學到自動自覺做功課。學校教紀律固然重要，不過家教同身教都好重要。

sbux

原帖由 Christi 於 12-12-10 發表
回復 oooasis 的帖子

我相信其實係一種習慣.佢地同外籍老師/普通話老師溝通,對方冇一個人會夾其他語言,久 ...

情況就同我個囡知道要同嚟咗兩個月嘅bun bun 講英文一樣

pekkle321

oooasis 發表於 12-12-10 19:11
直到今日，有時經過學校，我問佢我地去返學，或者佢探老師好嗎？佢都堅決話唔好。

佢喜好好明顯，playgrou ...

我仔一樣, 每天都要我利誘下先番LH....我明白你苦況

kitmantsoi

Pekkle321 我都經歷過小朋友唔肯返學，由pn到k1足足兩年，去到門口就開始扭；我有問係唔係唔鐘意學校？但佢話掛住爸爸媽媽…我都有擔心過，佢係學校既情況，慶幸LH真係好多相，所以我清楚知道佢係有參與課堂活動仲好開心添。老師知佢安全感較弱，亦知道我工作上需要經常出差，老師抄下我既schedule係我離港期間多關心仔仔。
今年k2啦，好奇蹟地由返學第一日開始就放開我手要求自己入校門。可能小朋友需要時間長大，有d小朋友用一星期就習慣離家上課，而我孩子用了兩年。對於我來講家校緊密溝通減少左我既疑慮，校長亦教左我好多處理孩子行為既方法。我當年亦有kv pm offer，但最發現lh比較適合孩子，至今亦非常滿意。

Songpaul

想了一會還是想和大家分享...
我的兩個姪女都是KV的學生，現巳很大了！小學靠人事入到了呂小！現一個上不到大學，另一個今年要重考DSE!
還記得在她們高小的時候，常對她媽媽抱怨，說為什麼不比她們讀其他國際的幼稚園，因她們自覚給人比下去，發音不夠好，不夠自信！
要明白幼兒時期是學習語言的黃金時間，還要培養自信心和保持好學的態度，將來去那一間學校都不用擔心！

oooasis

pekkle321 發表於 12-12-11 01:11
我仔一樣, 每天都要我利誘下先番LH....我明白你苦況

佢今年幾大呀？有無話過點解唔中意返學？

oooasis

Songpaul 發表於 12-12-11 09:40
想了一會還是想和大家分享...
我的兩個姪女都是KV的學生，現巳很大了！小學靠人事入到了呂小！現一個上不到 ...

其實正反面意見我都好樂意見到，任何一間學校都會有好評有差評，咁先全面，因為無一間學校是完美的。欣賞你夠勇氣講出來。

December_baby

我聽來聽去, 都係講 KV 能訓練到小朋友自動自覺做功課, 但小朋友係咪都能夠自發學習? 因為我覺得自律地自動自覺做功課並不等如對學習培養了真正興趣, 另外這種自動自覺去到某個學習階段會唔會無以為繼?

亦知道 KV 既中數好強, 咁英文點算? 係咪要出去補? e.g phonics?

oooasis

琴晚係網上做資料收集，揾到幾位根徳仔，根徳女的blog。
因為佢地的blog本身係開放比公眾，所以我放上ek應該無問題。
多謝佢地的分享，我了解左好多教學上的細節，有興趣可以睇下。
如果大家覺唔係咁好，我就刪除。

http://blog.yahoo.com/_HKW6YS37TTSDWHYRQ5ZSCJJKNY/articles/616793/category/[/url]學校篇
http://blog.yahoo.com/_EXCN6K5L3BSA5VKUVJ63FYYC7Q/category/晉%40Kentville
http://blog.yahoo.com/Him_Yui_BLOG/articles/113789/category/子謙幼稚園生活
http://blog.yahoo.com/_RXB5YCZNQNFCYXMB3L2LAZ7KSM/articles/338053

Jane1983

無問題，public info，家長都係想同大家分享小朋友成長點滴。

lovelyhobb

請問根德同學之園分別幾時註冊?

希望大家都能註冊合適既學校，將其他OFFER放俾有需要既人啦！THX

四隻貓

December_baby 發表於 12-12-10 21:02
LH用家們，想知多少少LH 功課多嗎？你們的孩子可以自行完成功課嗎？舊生家長有冇同你地分享佢地孩子上小一 ...

我有兩位孩子讀LH. 一位K1一位K3.
K1 每天一份功課, 非常簡單的畫線/數數功課. 星期五會有一本letterland phonic homework, 都是簡單的油顏色找些同音圖片剪貼.另外一星期還有兩本課外圖書, 其中一本要做閱讀報告工作紙( 都是簡單的油顏色, 畫下線)
K1 是很輕鬆的.

K2就會開始寫字, 下學期會比較多功課, 我記得有一個星期五係共有7樣家課, 都幾多, 後來有家長向學校反映, 之後星期五最多都係四五樣. 平日就中英寫字各一本, 再加一張數學工作紙, 有時會有中文閱讀理解.

K3 上學期平日有三至四樣功課, 有中英寫字/作句各一本, 數學/邏輯工作紙, 中文閱讀理解. 一星期有三本課外圖書, 其中兩本要做閱讀報告工作紙. 上學期已開始一星期一次英默+一次中默, 初期默兩個生字, 現在是一次默四個生字. 我初期都好擔心孩子會抗拒溫習, 不過原來佢當默書係遊戲, 佢都好願意自己溫習. 我放互再幫佢默一次就攪掂.

我仔同我女都係自己做功課的. 除非佢有唔識就要等我放工先做. 我覺得呢樣係要自少習慣.

學之園學術程度係夠晒上小一, 認識剛升上SFA 的小朋友都覺得完全適應到. 唯一我覺得數學係唔太夠, 有需要家長自己同小朋友多練習或出去再學. 中英文真係教得好好, 唔駛出去學.

四隻貓

至於根德, 我唔係用家, 但認識好多朋友既孩子在讀/畢業. 意見都是讚不絕口的, 我見孩子都是乖巧有禮貌, 考小學成績非常不錯, SFA, KTS 也收不少KV學生.
我知道KV K2 一日也是有四樣功課, 中數程度很高. 英文也不弱的, 但沒有教Phonics, 沒有NET , 所以我的朋友們都有另外找NET 替孩子補英文.
因為KV比較著重紀律, 傳聞在校車也要保持安靜, 孩子都能坐定定, 這點對考傳統學校確實有利.

LH 也著重課堂紀律, 但在自由學習時間孩子就可以很free, 所以投考CKY這類要求能放能收的學校比較有利.

oooasis

四隻貓 發表於 12-12-11 11:48
我有兩位孩子讀LH. 一位K1一位K3.
K1 每天一份功課, 非常簡單的畫線/數數功課. 星期五會有一本letterland  ...

睇來學之園在學術方面一d都唔弱。咁數學方面係中文老師教定用英文教？
現在的幼稚園，真係好似一間初級的小學。

creambun

囡囡將於明年報考KV和LH的K1, 看完多位用家心得, 真是穫益良多. KV給我們的感覺時傳統名校, 重學術重紀律, 訓練成乖仔乖女考小學. LH感覺較西化, 重啟發, 讓小朋友天馬行空, 自由發展. . 我們自細在類似KV這類學校成長, 希望囡兒能行和我們一點不同的路.現在我們更明白應為囡兒揀那一類型學校. LH很難考入, 希望明年有幸運之神幫幫手吧!!

supermum

其實呢兩間學校style好唔同，一間傳统vs一間活動，家長應该唔難揀。