請大家評理

happy_lavender

ngokwan 發表於 14-11-14 15:09
非常同意。
不過，真心提示，你不擔心會有家長大興問師之罪？

如果有良好溝通，此情況很少發生。再者，我早已將背後目的筆錄，並通知其他導師 — 我們手上有齊一切資料，隊員主動問就告知，不然就自己擬定或跟我之前發的通告做。我做了10年導師，發現乜都餵到口，說得清清楚楚也會有問題，隊員亦會變成等餵！即是害了他們。所以最後決定自己維持做到加零一，但不會將所有資料發給隊員，要他們自己決定自己要帶什麼、做什麼？要忍手好辛苦，但對小朋友好就只能忍心一點。

當然樓主的情況不明，單方面作供永遠難以持平，老師是否做得不夠，有可能但不能確定！但重點是小孩終究受了苦！若不借此機會自我檢討而將責任加於別人，只會痛苦不斷。我們只能做好自己的部分，難以改變他人，無奈但卻是事實。

如對樓主有冒犯，我在此道歉。我呢D傻佬，只是過份肉緊，過於著急罷了。

little_yolky

AMAIL 發表於 14-11-14 14:59
我都唔係要追究d咩，本來想提醒學校注意呢個問題,避免重犯!但校方回應,一個對事件不清不楚,問番我唔係自備 ...

唔知通告點寫, 因為囡囡學校旅行寫明係要自備午餐, 另一囡囡則寫可自備午餐, 而公園內有餐廳, 可自行購買。

如果通告寫明有餐廳, 學校又無講話要自備午餐, 我真心覺得學校有責任：
責任一：
P3小朋友有事捱餓都唔敢 / 唔識出聲, 反映學校一直係單向一言堂, 無溝通 / 唔俾學生主動反映意見, 所以養成學生被動 / 唔敢出聲性格。

責任二：
就算只得一位班主任負責一班, 一班只得約30人, 見午膳時間有小朋友無嘢食, 都唔會主動關心, 問下情況, 反映老師對同學愛心唔夠。自由活動時間係小朋友自由活動, 唔係老師自由活動時間, 老師都應該關心下同學, 跟同學聊聊天。

P3小朋友一般只有7-9歲, 做咗都無10年人, 唔一定個個咁勇敢, 仲要如果學校平時無開放文化, 同學根本唔敢出聲。唔通大家無聽說過, 好多小學就算小朋友舉手提出, 上堂時都唔會俾去廁所嗎? 不過, 樓主你小朋友班同學都真係唔夠雷氣, 見朋友仔無嘢食, 都唔一人share一啲, 要人捱肚餓, 真係好少見。

P.S. 可能大家小朋友學校近, 我囡囡學校遠, 旅行果日前一晚, 我幫囡囡準備食材到凌晨十二點幾, 第二朝4:00就起身煮了, 趕佢出門坐校車, 成晚又瞓唔好, 怕鬧鐘唔響, 唔知醒起身, 紮醒咗好多次, 真係好辛苦的

nieualma

仔仔間學校寫得好清楚, 要自備飽肚食物例如三文治, 不過佢最後顧住玩, 都食得好少回來

AMAIL

我囡通告就係有寫可自備、園內餐廳買。所以我都認同你所講既。我囡同學仔都有SHARE野食既，而我都有比定個蛋卷佢。佢都無食到。但我只係知道，佢和同學仔都話老師無話比去餐廳，所以無買飯。我覺得奇怪，所以先問清楚老師原因，點知一問之下，班主任竟然反問我：唔係自備咩？再講，就話當時無人話無野食，無人要求去餐廳。就係咁

birdbird

其實樓主學校張通告, 午餐安排果一欄, 係有機會比家長插的.
但我作為家長, 我不會讓3年級的小學生自行帶錢去公園餐廳買野食,
因為 -
1) 小朋友平時已吃學校飯, 我難得一天可以為小朋友準備午餐, 讓他和得一起去計劃帶什麼食物跟同學分享, 其實挺開心的; 而且自家食物比較健康;
2) 我不想小朋友要掛住個錢包而不敢去玩;
3) 如小朋友掉了錢, 除了吃不到午餐之外, 還會連累老師和同學一起去找;
4) 要小朋友自己在小食亭叫食物, 在學校活動以外其實有好多機會, 不需要趁此學校旅行日子做如此動作.

picnic, 我始終覺得要坐在地墊上 (最好有格仔布), 把食物放出來, 慢慢吃, 吃下玩下跑下, 才夠格調.

rrMM

我地學校註明 自備飽肚食物, 我做了自制麵包搽果jam， 一個蘋果， 一條香蕉.
2條腸仔。。全部拿回家。。哈哈
原來那裡有免費午餐。。。

longlokma

原帖由 AMAIL 於 14-11-14 發表
我囡通告就係有寫可自備、園內餐廳買。所以我都認同你所講既。我囡同學仔都有SHARE野食既，而我都有比定個 ...

我明白你，老實講有唔少老師也是当自己打份工，有事都即刻想卸左先…………

AMAIL

little_yolky

AMAIL 發表於 14-11-14 16:16
我囡通告就係有寫可自備、園內餐廳買。所以我都認同你所講既。我囡同學仔都有SHARE野食既，而我都有比定個 ...

應該帶埋通告, highlight住俾學校睇, 如果學校通告有寫, 就100%係學校問題。因為已經唔係家長有無clarify清楚同小朋友自己有無提出既問題, 係老師一早就話唔准離開草地, 佢係無意識到學校通告內容許小朋友買飯, 無讓佢哋選擇。對於初小學生, 我真心認為係老師做得唔啱, 因為旅行前應該有老師視察場地, 知道地方大, 會走散, 唔准周圍走, 就應該請家長自備食物。


題外話, 講到小朋友有無主動提出, 其實我覺得對某些學校的老師係無意義的。話說我囡囡換牙期, 隻門牙好鬆但唔甩。小一有一次上體育堂, 被同學個屁股撞甩咗隻牙, 佢即刻執番, 因為口流緊血, 佢舉手同老師講：老師, 我甩咗隻牙....未講完, 老師就：0殊！後來佢想再講多次, 老師就更嚴厲地「0殊」佢。當日, 佢就含住一口鮮血, 上埋餘下既體育堂。

回家後, C6知道咗, 好嬲, 打電話去學校問該老師點解唔俾去廁所吐水, 原來老師以為囡囡上上下堂無端端同佢分享甩牙既事(past tense) 唔知佢當場甩咗隻牙(present tense), 佢道歉都無聲, 只係呵呵笑咗兩聲。

AMAIL

多謝分享大家的意見。

AMAIL

little_yolky: 你講得無錯！學生有時有問題想講，老師就：0殊！想再講多次, 老師就更嚴厲地「0殊」佢....我囡都有此經驗

AMAIL

little_yolky,最嬲就係連道歉都無呀！

little_yolky

AMAIL 發表於 14-11-14 16:39
little_yolky,最嬲就係連道歉都無呀！

咁有咩辦法, 唯有教阿女下次唔好理佢, 自己去廁所洗囉。都有將老師以為同佢分享個笑話講番俾阿囡知, 但就無講老師壞話, 只係話老師真係好搞笑, 同埋問下阿囡同學個屁股臭唔臭等笑話, 分散下佢注意力, 等佢好快唔記得咗囉。


始終, 間間學校都有優點同缺點的, 我就成日記住學校既優點, 缺點就叫阿囡自己執生。

AMAIL

bird bird:你果幾個point都講得無錯。我下次要細心d唸。不過我平日都整午飯到校的。

AMAIL

回覆 little_yolky 的帖子

係呀，無錯。你處理得好呀！我都叫囡下次咪咁笨，有唔清楚就要開聲，佢平時係學校都好會爭取。唔知點解今次咁樣？可能都係掛住玩，當時唔的餓，返到學校就......

little_yolky

rrMM 發表於 14-11-14 16:26
我地學校註明 自備飽肚食物, 我做了自制麵包搽果jam， 一個蘋果， 一條香蕉.
2條腸仔。。全部拿回家。。哈 ...

你小朋友都好乖喎, 咁易話為。我就係唔小心好似樓上咁講, 同佢一齊計劃食咩, 點知佢既清單係：

1. 梅子鯖魚
2. 日式蛋卷
3. 香鬆飯團
4. 醬汁煮雞翼
5. 煎肉卷
等等等等, 樣樣整少少, 整咗好多樣



今年好啲, 同同學分組夾食物, 佢負責肉醬意粉, 但佢話要home made肉醬, 煮咗個幾兩個鐘 最大問題係第二日仲要返工

happy_lavender

little_yolky 發表於 14-11-14 16:29
應該帶埋通告, highlight住俾學校睇, 如果學校通告有寫, 就100%係學校問題。因為已經唔係家長有無clarify清 ...

老師咁唔小心，要打屁股啦！
以急症室處理病者優先次序睇，你小朋友如果講"我流緊血"應該有唔同待遇，呢個要即時處理。

kerkermui

birdbird 發表於 14-11-14 16:24
picnic, 我始終覺得要坐在地墊上 (最好有格仔布), 把食物放出來, 慢慢吃, 吃下玩下跑下, 才夠格調.

我正正想講... 日日食飯盒，去旅行就當要係要食唔同嘅嘢，仲要坐响草地食，邊玩邊食... 咁先係旅行嘛！仲去買飯盒？！
難得有機會做d唔同嘅嘢，旅行都要似旅行，如果去公園食飯盒，駛乜搞旅行呀！

其實我反而覺得呢代d學校旅行無我地以前咁好玩，依家太過物質化....

btw，樓主，我同意通告的確容易引起誤會，老師亦不夠細心，唔知呢代好多公主
但到底應該叫老師好好照顧公主，定係應該教d公主做回平民呢？  我相信唔同人有唔同嘅答案

little_yolky

happy_lavender 發表於 14-11-14 17:05
老師咁唔小心，要打屁股啦！
以急症室處理病者優先次序睇，你小朋友如果講"我流緊血"應該有唔同待遇，呢個 ...

果位老師係好甩頭的, 以為終於捱完小一啦, 點知, 小二又係佢教同一科 怕且下次要咋暈至得


真係唔明點解啲學校成日唔俾人去廁所。話說上個禮拜阿囡又响學校甩牙, 今次仲大鑊, 測緊聆聽。阿囡話含住泡血測驗。爸爸就話未測好就見紅, 真係大吉利是。

AMAIL