玫瑰崗幼稚園

yfchoy

我諗係個別老師的例子，其實每間學校都會有有愛心的老師，亦有機會有惡老師，有時睇彩數。不得不承認，玫記的行政部接聽電話方面係差啲，有時睇彩數接聽妳的人有否禮貌，另外校巴部門都是。佢哋每隔一段時間就接到投訴，有時唔想煩咪打發你囉，佢哋咁係唔啱，但跟大部份的老師們都冇關係。有些老師係惡些，因為要控制一些整班的秩序，有些較有耐性。大家相處耐了便發覺都是為小朋友好。祝樓主為小朋友找到一間合適的幼稚園！

florence.lau

kcsccs 發表於 12-11-29 23:52
我老公都唔鐘意間學校行政，最記得交form 時，突然叫你交多個信封，又要特定 size, 如果唔係，就$10 個！跟 ...

Vijoyce

雖然我地無受對不禮貌的對待,而且我仲係舊生,但經過報名、面試呢兩日,我老公好唔鍾意呢間學校,最後收左PM,但都唔打算打留位。
交表當日我地係山腳開始塞車,塞左成個鐘先上到山頂,阿女仲有D暈車浪,老公話有咩咁巴閉出埋警力維持交通?如果預計有成3XXX幾人報名,分一個星期唔得?上到去攞左籌NUMBER係24XX,老公&99係停車場排隊,我就同阿女睇下條龍既轉灣位,嘩,仲有成100米先轉灣,遇到個FD,佢報N班,9AM排到12:30PM先走,佢話起碼等3個鐘~我果時先知N/K都係同一條隊,老公知我心儀呢間,唯有曬住咁排隊,我同個女周圍行,先知有得參觀,D老師都無講,咁我就帶阿女去參觀,但無咩睇..只係睇下D課室、換鞋地方,我去過幾間學校參觀/開放日,呢間真係安排好差,只係繞場一周。排左兩個鐘,大人小朋友都餓,好多家長問老師有無野食賣,原來只係有部飲品機,好在我有帶餅比阿女食,佢食晒成包餅,我地大人仲餓緊。學校都有之後都有派餅比家長,但成2點先攞出黎,餓到我地都唔想食。好啦,到交表先知張張檯既時間都唔同,原本諗住遲D交攞遲D時間,但派到11am,都算有D運仔,因為當日有另一場IN 9am, 我心諗排左幾個鐘都同第二間憧時間真係唔抵。
老公當日都好多不滿,TOILET又DIRTY,又無野食賣,又曬,有得參觀又唔出聲,話設施咁好,都唔開放一個場地比小朋友玩下,仲要因為要做勢,攪到交通大塞車,浪費警力,大家都好唔明點解N/K要排埋一條隊.. 總之佢就BAH..BAH..BAH~
到面試果日,怕塞車,早一小時去到,諗住都有D設施比小朋友玩下WARM UP下,點知咩都無,阿女就行行企企, 我地就呆呆的係度等, 好在都好準時考試, 但一入到去就考,完全無WARM UP時間,都好阿女都有問有答,我就填問卷,唔係好知阿女答得岩唔岩,張檯椅又唔岩位,要吊高隻手先「畢」到波波,面試D老師都好NICE, 阿女亦有DANCE.. 都IN得有80分啦~ 但IN完就攪笑, 3個老師得1個企係門口,無老師帶我地走,我地個課室隔離條樓梯唔係我地上黎果條, 無老師帶我地走,我地係隔離條樓梯落了一層就無得再落,見路就行,經過一個操場,無人的,再去到黑漆漆既禮堂,大家都迷了路,再落一條樓梯係咩司機房..有D陰森,阿女都驚驚地要抱,最終就係停車場出番黎,我地去搵老公,老公問仲咩係果邊出黎,我地話迷失路, 老公又BLAME學校既安排,之後排校車,好耐都無車,突然個司機走出黎話有幾個位,好多家長都衝過去,原來開出LUNCH前一班細校車(VAN仔咁既).. 我地都費事上,坐的士走。

係未收到信之前老公都話收左都唔讀, 即使的極力推介學校既課程,半龍等等。但比起收左阿女既愛心學校, 玫幼真係好無愛心~ 起碼行政安排好失當~~~

isa_ty

原帖由 Mickey10 於 12-11-30 發表
若果想收d唔郁既，做乜要人跳舞？若果唔想咁晏in，做乜比4pm既時間人？我同阿bin完搭番校巴落山，我地上車 ...

好同意「成個瘋婦」，我冇報rmh, 不過當日in完高主教再擊寶血我都糸一樣！

a328

oh my experience is totally contrary to you, my son feel abit sick on interview day and vomit before get into the room for interview, the teacher int eh hall immediatly take care us, she told us no need to be rush she will arrange another time for us as long as our son feel ok, after he vomit, he really felt better and the teacher had arrange another time for us to interview, she even play with my son for a while to make sure he is OK. so my impression of this school si great, but i got waiting list only, hope can really get in.

babyrex

回復 yfchoy 的帖子

我都相信是個別老師的問題,
自己以為讀書都係啦, 有好惡及友善的老師,
我仔IN 仲佢, 唯有唔好彩囉!

babyrex

我都相信是個別老師的問題,
自己以前讀書都係啦, 有好惡及友善的老師,
我仔IN 仲佢, 唯有唔好彩囉!

hayley_leung

原帖由 Vijoyce 於 12-11-30 發表
雖然我地無受對不禮貌的對待,而且我仲係舊生,但經過報名、面試呢兩日,我老公好唔鍾意呢間學校,最後收左PM, ...

但係舊生又點解會湯失路我都係舊生，玫記係我母校，以我估你係咪去咗中學部咋

Vijoyce

回復 hayley_leung 的帖子

小學舊生.. 都廿幾年前..

Jane1983

玫記係好多人報, 話又平又靚. 地方係吳方便, 你吾要，打把人多谢你。

hayley_leung

原帖由 Vijoyce 於 12-11-30 發表
回復 hayley_leung 的帖子

小學舊生.. 都廿幾年前..

哦原來係咁

hayley_leung

原帖由 Jane1983 於 12-11-30 發表
玫記係好多人報, 話又平又靚. 地方係吳方便, 你吾要，打把人多谢你。

靚我都覺，但平~有保留

Jane1983

hayley_leung 發表於 12-11-30 11:42
靚我都覺，但平~有保留

去年陪親友去，真系聽到有對家長好恭敬咁同校長定主任講， “如果有幸收我個女，我地會搬屋”。真系好keen。

yfchoy

其實讀得玫記就預咗一定坐校車，交通方面不是問題。我好好彩，囡囡坐的校車是大車(有些少人搭的是一般十幾坐的保母車)，車上的安全帶十分好，有部份安全帶係3 point seat belt。只要扣好，一定安全。至於自己遲到而趕不上校車而要搭的士回校，這是自己的問題(我在課外活動班時都過一次，的士上巴士落)。
另外，就因為交通不便要上山先會有好空氣，凡事要睇得全面一些。學校係有佢既不足，有些學校決策的事在外間來說可能好容易，但背後可能會涉及好多問題，大家盡量可以體量一下。有時唔好彩遇着不好待遇一定氣頂，但亦不用太快下定斷。

vinik

好老實講, 位置唔方便唔係一早報學校就知? 人數可以一早預計到? 今年報名既人數多過舊年好多, 學校都未必估到。我同意學校安排係欠完善, 例如可以貼多
o的路線圖等家長唔會盪失路, 但有o的安排唔係必然的, 例如派野食等等。如果因為咁而話學校冇愛心, 有點以偏概全啦。

yk2

一年多前原本心儀此校，小朋友當時只有一歲幾，知道有開放日，高興地便想了解一下學校，所以先生和我和小朋友（當時囡囡已懂行走），參觀後係完全打消想報此校想法。
我們與小朋友參觀學校，到達後覺得指示欠奉，員工不太樂意協助，但都是很次要，當小朋友進入不同幼稚園課室進行遊戲時，由於我見很多是本校生來玩，較大，老師見有歲幾的小朋友給我感覺係嚴佢太細，阻住咁及沒有耐性。記得其中一班房，外面有位工作人員說入去玩啦，好記得當入一班課，他們是進行類似playgroup，但大概2對30左右，但是対坐的。原來很多是學生，因我見老師叫他們名字，但沒要緊，囡囡雖然是較幼心想只是遊戲日，讓小朋友感受氣氛，及了解老師教法都好，當然BB當時冇可能跟到指示做，但都坐定定，每當BB不能做到他指示老師便厲住我同BB，我見都有點驚同心寒，但中途出課室又好似唔係咁好，但玩樂器時段（沙桘）見老師越來越不悅bb，我便打趣說唔好意思便出了課室，咁諗住只參觀其他課室了解校園生活，便問當值老師學校教學法、上課情況等，但老師給我感覺是唔多願答，只是說你小朋友幾大？未可以報名住喎！你幾時幾時報啦！我當時真是覺得來錯了地方，不是我們要的！即和先生揸車離開。或者唯有說所見所有都是巧合，但知道這所學校不是適合我們的。所以奉勸各家長若有心儀學校，最好先參觀是否適合你小朋友，了解為妙！

melonfans

babyrex 發表於 12-11-29 21:59
感同身受，我個仔都是見她。
她問了阿仔十多個問題，全答中。
當天有十二人一齊面試，阿仔二號，

Agreed!  玫記好多呢類老師!  最緊要小朋友叫佢行就行, 走就走, 吾好有任何問題, 你只係聽指令就得!

活躍, 有主動性, 資優, 多野問, 創造力高嘅小朋友, 千祈吾好係到讀!  盞佢日日喊住返學!

樓主無offer, 跟本吾需可惜!  

hayley_leung

原帖由 Jane1983 於 12-11-30 發表
去年陪親友去，真系聽到有對家長好恭敬咁同校長定主任講， “如果有幸收我個女，我地會搬屋”。真系好keen ...

係有錢家庭咪平囉，係一般家庭叫吃力因為除咗學費，仲有雜費，仲要年年捐$，老師要你參加嘅活動費....

sallyksleung

vinik 發表於 12-11-30 11:53
好老實講, 位置唔方便唔係一早報學校就知? 人數可以一早預計到? 今年報名既人數多過舊年好多, 學校都未必估 ...

同意！好的學校其實都有D相対冇耐性的老師，同時不太好的學校也有好老師，看大家運氣了！我雖然是失落於這次面試，但対RHS仍然十分支持！恭喜有pffer的媽媽和小朋友

yzxz

我同意呀!不是玫記admin而是老師!

當天我們interview時那位老師真的很rude,態度又惡劣.
當天我們被分配到一間錯的課室interview,
於是有位老師花了頗長時間才安排我們到另一間正確的課室interview.
當我們進入課室時,interview已經差不多完結(因遲了太多).
interview的老師很冷漠地說"下?你做咩架?完架喇喎".
我們還未交代事情的經過那位老師已經說"唉~是但啦,坐低interview啦,都差唔多完".
她請我的小孩做完一個指令然後已經趕著say bye bye.

我們實在覺得他們安排得十分差,老師的態度就更加不用多說.
於是向另一位senior一點的老師洽詢(沒有提及態度惡劣的老師),
那位senior的老師便安排我們再進行多一次完整的interview,
但又是同一間classroom(態度惡劣那位老師的classroom).

那位senior老師跟我們一起上classroom,
向classroom門口點名的老師解釋為何我們有多一次interview機會然後她便離開.
門口點名的miss沒有轉告interview的老師,
當我們進入classroom後,那位態度惡劣的老師便大聲說"e?做咩你地又黎多次既?你地咪in左囉"
然後點名的老師(聽到那麼大聲)才過來解釋.
態度惡劣的老師便說"咁牙?你地企埋果邊先啦".
當其他人都坐好後我們還是"企埋一邊",
另一位老師問我們"e?你地做咩企係到既?"
態度惡劣的老師才說"丫係喎.你地坐過去果張台啦"
然後她跟另一位老師竊竊絲語,當中我只聽到"佢地in過架喇".
到interview時老師幾乎沒有問我們問題,只叫小朋友做了2個指令就say bye bye.

他們的arrangement真的差到離哂譜!不但arrangemnt差,老師的態度真的不要得.回家後我上網查閱,得知她是班主任.咁冇耐性語氣又差,真懷疑她lead小朋友的能力! 其實本人十分喜歡rhs的課程structure,地點對我們來說又方便,硬件方面簡直是我們的dream school.可惜請著這樣的老師及staff.懷疑他們在implement時能否maximize硬件的effect.真係希望學校檢討下呢樣野,重整下staff及老師的quality,不單只看experience及qualification,還要看品格.本來對學校印象很不錯,interview後對學校很失望!