要報2005K1媽媽請進(灣仔區)

pigpig

sammili ，
真係一波3折呀！本來，我咪決定讀靈恩幼兒園，差D仲交埋錢。學校話10月入學，係插班生，所以，唔可以陪，一定要係學校門口放低小朋友，我話，可唔可以上堂前先走？個老師話要問下校長，又話“你係門口同佢小朋友話好晒咪得囉！”；問完校長後，回覆就係“唔可以！你咪唔好讀囉，唔讀都唔緊要嫁，你讀親子班啦！” 當時，我好嬲，係因為，我覺得佢地態度有問題！最後，老公同我都決定唔讀，因為，如果用呢個態度教小朋友的話，我覺得好有問題！到時仲得了嗎？
最後，我依家11月份開始，會係小雪係愉景灣裡面一間幼兒園讀住先，價錢係貴D，不過，俾佢試下先，再算啦！
我都拎左呂郭碧鳳幼稚園報名表，諗住星期二去交表，你呢？交左表未呀？

sammili

pigpig,
wa...乜間學校咁衰ga,我仔間幼兒園好鼓勵家長陪小朋友一齊返學(開學果排),我第一二日陪埋bb食lunch先走,跟住果一兩個禮拜陪埋bb食早餐,每朝做早操學校都叫家長盡量留低陪bb一齊做,高班都係,親子運動ma......
我剛交左呂郭碧鳳form,6/11 10:00am面試,我報左全日,佢話若面試ok,9/11就註冊,到時若真係得,就要交$550留位先,因仲有其他學校都未in,若st.paul,真光收的話,梗係讀st.paul,真光la,其實我都唔知係咪應該報全日,你報半or全日ar?

Charlotte_mom

各位媽咪
我無詳細睇之前既message, 但好似無人concern一樣好重要既野:
津貼/政府小學係全部through政府統一派位架bor, 即係第一round計分, 第二round大攪珠, 換句話說係無得自己考架
我當年係考到寶血幼稚園, 俾左留位費, 至發現(八到)佢既小學將會由半晝津貼+半晝私校轉晒做全日津貼(=無得自己考小學!!), 由於直屬私立小學對我黎講係一大因素(eg真光), 所以我知道之後打電話去教統局鬧左佢成朝, 因為佢個資料庫一句都無講過! 佢都無晒野講啦, 只可以搵埋晒d爛藉口
所以, 除非你地打算小學through政府派位(so that小學唔駛交學費), 咁就無問題啦, 鐘意邊間幼稚園都得
但如果你好似我咁騰雞驚死派得唔好, 寧願預左俾錢讀私校但最緊要係自己考(我唔係話津貼/政府唔好, 而係好似我咁得5分, 點摶呀? 唔通真係由得佢派咩就讀咩?)就要小心考慮埋我以上講既野, otherwise, 就算你讀完間幼稚園三年(eg聖若瑟, 寶血), 入佢間小學都唔見得著數(因為都無得考!) 最多都只係可以攪完珠touchwood派得唔好, 至去小學叩門時多d機會
要知小學資料, 可以去http://embhsc.hkedcity.net/main.htm, 最下面有得choose中小學幼稚園概覽

另外, 小小其他資料:
想去讀一年st paul全日制幼兒園, 再轉半日制幼稚園既家長: 咁係唔work架, 份報名表已經寫明架喇
真光係中文幼稚園&小學, 基本上都可直升, 好似話一班規定5個男仔, 但中學就無男仔喇, 幼稚園每月學費$1950
銅鑼灣聖保祿有"幼稚園"(3歲起, 半日制)同幼兒園(2歲起, 全日制), 好似聽過人講幼兒園&幼稚園唔可以擔保直升小學, 係因為校董會唔同wor, 不過的確佢份application form上有寫明唔擔保直升小學架

pakwong

soory,我唔係好明,你

Charlotte_mom

意思係咁(如果你唔明, 即係你無研究過, 就更加要明喇):

而家搵幼稚園, 唔止睇幼稚園資料, 仲要睇埋小學資料, 因為:

如果心儀既小學係津貼既話(eg聖若瑟, 寶血), 雖然有自己幼稚園, 雖然所謂係直屬, 但由於佢小學係津貼, 係無得自己去考既, 你只可以through政府統一派位方法申請: 第一round計分(政府有自己system, 我唔詳細講喇, 你可以去教統局搵資料), 如果好似我咁, 無咩特別好背景, 基本上申請到好學校既機會係零
(你可以睇下呢度其他message board, 有家長話有20分都未必入到marymount, 跑馬地st paul等)
第一round無offer, 就等第二round攪珠啦, 由於係"完全公平"地攪, 所以你唔會知道攪到d咩(你又可以睇下呢度其他message board, 有家長問寧願中六合彩定派到好學校, 可想而知幾難!)
所以, 因為以上制度, 無論小朋友讀邊間幼稚園, 叻唔叻, 全都無關係因為根本唔會有人問, 明唔明? 所以**千祈**唔好唸住想入寶血/聖若瑟小學而去寶血/聖若瑟幼稚園, 無關係架!

當然, 你可以choose to考私立小學(eg真光, 玫瑰崗), 基本上佢地鐘意收咩人都得, 所以簡單d去唸, 佢地自己既幼稚園畢業生梗係有著數啦! 當然都有聽過某d幼稚園畢業生好搶手, 考邊都好得(eg靈糧堂), 但呢d真係要自己八下喇

有小小複雜, 我都係問左同事好耐至攪得明, 所以我想早d等你地plan ahead呀

slamyt

Hi Sammili,

我地今日都報左呂郭碧鳳上午班，都係11月6日面試，不過就10點半。
好得意，學校好想人報下午班，不斷話有D課餘活動只比下午班學生，上午班冇既，想家長考慮如果上午班唔收，下午班都可以接受既選擇。
我就同你想法相反，其實唔知係咪應該報全日，因為我要返工，小朋友在學校總好過對住電視，對住菲庸。

sammili

slamyt,
咁到時可能見到你wor.....
因為多數人都報上午,所以佢梗係想你報下午la,其實我而家都十五十六可能改番下午,雖然返3個鐘真係好小,但另外要報既學校都冇全日,得呢間有,其實都一心比佢讀下午,但知道有全日又值得考慮o下,因我仔而家都讀緊全日幼兒園,我覺得好好lor,我遲d又會做野,印印又要湊妹妹,不過未計雜費都要成$3270/月,但呢間學校都唔係首選,到時睇o下邊間收先再揀la！

sammili

頭先去左大坑道真光取表了。

erikalo

Charlotte ma

我都覺得搵幼稚園好難, 我之前一心諗住同個女搵d 無咁大壓力既幼稚園, 等佢可以享受一個快樂既幼稚園生活.

不過後來了解咗好多有關幼稚園會影響小學派位, 我又再想, 不如去考私校啦, 最低限度,有保証小學係間好學校先.  不過想了又想, 此區好既私校, 大部份都係女校兼校址吊腳, 真係好煩.  

但最後, 我都係決定考靈糧堂, 雖然好多人話好難入, 入到又無直升小學, 不過我都係諗, 此校名聲唔錯, 如果大抽獎唔中好小學, 我估係靈糧堂畢業都有d band 2既私校收掛...

希望我既想法無錯啦...

pakwong

erikalo;
你只報靈糧一間,你仲會報邊間,我都有同感,大多數都係女,冇乜男仔校,所以到而家重考慮搵邊間好,想

Charlotte_mom

多謝你睇我段野, 可能亂左d, 不過我已經盡量簡短架喇
我當年都有唸過靈糧堂, 但都係最終無考, 因為佢無小學(好似o係馬鞍山), 不過我的確聽過話好多學校鐘意收靈糧堂學生架
我都覺得咁樣搵學校好變態, 有咩理由decline一間學校就因為佢無小學or小學係津貼? 同埋好彩叫可以afford到私校jer, 有好多人真係經濟唔好一定要讀官/津校, 連choose學校既機會都無, 咁咪好慘?
我個女k2喇, 又要開始去準備考小學既野因為出年around呢個時候就黎料喇, 好在已經幫仔仔決定左讀邊間nursery, 又唔驚佢唔收(又唔係咩名校, 不過女女細個讀過好開心)唔係二個一齊我驚我精神分裂呀

如果講男仔學校又有直屬私立小學, 除左西營盤救恩之外, 我未唸到第二間, 其實般含道聖士提反堂都得但又好似話中學唔好(唸到中學真係變態!), 維多利亞有自己小學, 但我識個校長就comment佢課程唔local唔國際, 好難接到本地中學, 佢而家o係深灣起梗中學, 但既然都未開張, 教成點就無人知lor
一句講晒, 難呀!

sammili

Charlotte_mom ,
仲有聖保羅都好似幾好ga wor....

pakwong

重有冇

erikalo

Pakwong

我本來一心只係考靈糧堂, 不過太多人叫我考多2間, 又有好多好朋友勸我幫個女考st. paul con, 所以我都會報st.paul con, 不過我知好難考, 我亦不預寄望.  

而我都有考慮過考蘇淅幼稚園, 我想, 我會以蘇淅作後備幼稚園.

Charlotte_mom

點解唔考多二間? 考到要交留位費至算啦, 俾$30報名費, 當多個面試經驗lor

erikalo 寫道:
Pakwong

我本來一心只係考靈糧堂, 不過太多人叫我考多2間, 又有好多好朋友勸我幫個女考st. paul con, 所以我都會報st.paul con, 不過我知好難考, 我亦不預寄望.  

而我都有考慮過考蘇淅幼稚園, 我想, 我會以蘇淅作後備幼稚園.

pakwong

蘇淅係邊區

erikalo

Pakwong

蘇淅係北角區.  都唔錯, 中文用國語教, 而英文都好, 不過佢既一條龍, 只係小學band 1, 而中學就不要得了.  但係佢既小學升中一派位, 是十分之不鍺的

charlottemom

唉, 我都唔知考邊間好???

sammili

erikalo ,
梗係要報多幾間la,萬一唔收點算ar?我會報5,6間,點解你唔報埋真光呢?

Charlotte_mom

真光呀, 銅鑼灣聖保祿, 蘇浙, 西營盤救恩都有私立小學
如果你情有獨鐘既話, 維多利亞有小學, 起梗中學tim
如果唔唸私立小學, 跑馬地聖瑪加利大, 寶血都好, 好似話渣甸山(?)聖公會都唔錯
其他媽咪有無心水??
考下jer, 當取多個經驗又好, 當同小朋友去open day又好啦, 而家好小真係變態考幼稚園架, 都係問下佢d普通野, 睇下佢玩玩具呀, 你又陪佢一齊, 小朋友都唔會太有壓力既~~

pigpig

sammili 寫道:
pigpig,
wa...乜間學校咁衰ga,我仔間幼兒園好鼓勵家長陪小朋友一齊返學(開學果排),我第一二日陪埋bb食lunch先走,跟住果一兩個禮拜陪埋bb食早餐,每朝做早操學校都叫家長盡量留低陪bb一齊做,高班都係,親子運動ma......
我剛交左呂郭碧鳳form,6/11 10:00am面試,我報左全日,佢話若面試ok,9/11就註冊,到時若真係得,就要交$550留位先,因仲有其他學校都未in,若st.paul,真光收的話,梗係讀st.paul,真光la,其實我都唔知係咪應該報全日,你報半or全日ar?

sammili，
唔好意思，甘遲先覆你，因為前幾日部電腦壞左，岩岩先整番好~~~
我上星期四先去呂郭碧鳳交form，報上午班，11月6日，上午11：00面試，可能到時都會見到你。交form既時候，我順便參觀過學校，但係我發現原來k1的課室是無窗的，我問過佢地個主任，冬天or冷氣壞時點算呀？佢地話冬天就只開冷氣風，至於冷氣壞左的問題，就答唔到我啦！不過，我覺得無窗好似唔係好衛生~~
你係咪諗住讀呂郭碧鳳？如果唔會選擇，就當然唔好交留位費啦！不過，我聽個主任的語氣，應該下午班就有好多位，到時再番轉頭，我諗都應該無問題的。
至於真光，我仲諗緊去唔去交表，我老公就唔係好鐘意間學校，因為佢覺得好嚴，唔活潑。
唔使擔心啦！我相信你小朋友一定會考到心水的學校，我地大家互相祝福啦！