創價 VS 約克如何選擇?

TszYingMama

Hi Roroma,
多謝你的意見. 不知創價算唔算係活動教學呢.  

Roroma 寫道:
St Cat因為一早知程度深,唔想小朋友辛苦,完全無諗過,劍鳴又係設施殘的(兩年前比較),創價萛幾少功課,K1晝下線條,K2寫字每日最多2個功課, 但好多親子活動,好似5月19日的敬師日家長教師會都安排活動比家長同學生多謝老師,又有敬老節活動教學生尊重長者,好似比其他學校多.

小朋友好動就啱, 好多活動玩, 個個月都有生日會, K1-3輪住表演,訓練小朋友唔怯台, 又會將生日會video及活動相放上website比家長睇,做得好好 :

alowe

qq123

     你根據甚麼理由或數據覺得創價生上小學有問題？我又想問吓是否所有在小學讀得掂嘅創幼畢業生，都一定曾經出錢在出面學過野．即係話冇在外面補習嘅上小學一定死梗？如果好似你這樣講法，打生打死入創價嘅家長都係傻嘅或者係非常有錢，可以花好多錢補習．

　　我的小朋友沒有補習過，但係上小學後成績一様名列前矛，老師時常都讚她們的學習同待人接物的態度．我敢話這是創價培養出來的．她們讀創價時，我的確有花錢給她們在外面學野，只不過因為創價學費平，我節省到的錢可供她們在課外學她們有興趣的東西．

　　一些商業味濃嘅學校，為咗學生來源，加深課程吸引一些認為學得深就係好嘅家長，這亦是最慳皮的做法，因為不用花心機在學校設施，教具同活動上．辦教育講良心，據知創價係非牟利幼稚園，學生來源不用愁，當然唔會咁做．創價係真正能做到愉快學習嘅學校，所謂愉快學習唔係剩係玩同開心咁簡單，因為每一項活動都係精心策劃，都係學習過程，學生在開心中學到好多知識包括語言運用．如果你對創幼唔瞭解，請多看創幼的視學報告．

　　

　　

　　

Roroma

rayvonne 創幼學生畢業的選擇好多樣化, 我見幾個考到馬利諾,德望咁.

另外我唔覺得創價程度特別淺, 不過唔會催谷功課而係全方位教育, 特別係禮貌同待人接物佢地好重視, 而且學校老師中不乏碩士學歷,又鼓勵老師進修, 好肯試新教學法, 所以我從無擔心佢的成績會差好遠
:

alowe

課程深同淺點樣去分呢？有些家長認為幼稚園學定小學嘅野為之深，佢地認為咁樣係好事，小朋友升小學時就一定掂．這就叫做揠苗助長．佢地唔知道小朋友會好辛苦，升到小學讀書興趣會大減，因為好似好多野都學過．反之因材思教，配合學生學習能力同成長過程嘅課程就係淺，就唔可能追上小學，這些都是誤解教育的本質．

wswlmum

各位mami..
小女都是創價畢業生, 今年讀小一, 佢完全在學習方面沒有問題, 而且能夠自己完成所有功課, 並考取全級14名之內.., 這間是一所不錯的幼稚園..她們的老師真的好細心.. 並了解所有小朋友的問題

fskaren2002

Hi 各位mami,
我係初來報到嘅, 我都煩紧小女明年入k1邊間幼稚園好.而冢間間幼稚園都睇睇d comment 咁啦! 如果創價都係好的, 那是否很難入啊? (同時可否告知' 創價'嘅全名同location啊?)

Roroma

全名係香港創價幼稚園,地點係九龍塘, 對比其他名校, 我覺得唔難入.

crystal36

我個仔e+係16個月大(05年12月出世), 如果我想入創價, 係米今年就要interview準備明年2歲9個月時入學, 但佢好似咩都唔識,我怕佢入學機會少d, 因為我成日都覺得佢仲係baby, 如果interview老師問佢你叫咩名, 佢都唔識答...
但如果明年先interview, 後年讀 (即3歲9個月)k1, 會唔會大過頭呢...

Roroma

我個女入學時都未夠3歲,適應無困難,但覺得大女同學仔學野好似好的,面試時我個女都唔肯講名,但老師叫佢砌圖佢肯砌 :

alowe

qq123:

你嘅同事騰雞係佢個人問題，並不能代表她是對的，亦不能代表所有創價家長嘅心聲．你唔可以一概而論．

今年教統局去三十五間學校視學，其中包括不少名校，但教統局特別拿創價同其他三間出來表揚．可見創價雖然不一定是全港第一，但亦可說是全港最好的幼稚園之一．

請看下面明報專訊和星島報導：

【明報專訊】「萬元幼稚園學券」推行，家長選擇增加，教育統籌局公布新一輪35所幼稚園質素視學報告，供家長參考。部分幼稚園教學內容太艱深疑揠苗助長，如教導「肥皂泡表面張力」、「日晷」等，被指未能配合兒童理解力；亦有幼稚園被指以機械式抄寫學習英語之餘，更以粵語解釋英語字彙，被批評語言夾雜易令學生混淆。

35所幼稚園視學報告，包含幼稚園在管理、教與學及對兒童支援等範圍的評語，不少幼稚園在教與學範圍批評較多，部分幼稚園更被指未有顧及兒童安全。

35日間幼園視學報告公布

聖安當幼稚園的視學報告建議該校檢視課程設計和教學方法，提升兒童學習效能。報告指出，該校普通話課依據漢語拼音符號教導，學童「興趣不大，態度欠專注」，更有授課如「肥皂泡表面張力」的內容，被指未能配合學生需要。不過，該校亦獲讚賞自編教材能啟發幼兒學習文字的興趣，設計佳。

聖安當幼稚園校長潘淑儀說，教師教普通話不會用一整課教拼音，由於視學時教師剛好替學生重溫拼音，故予督學強調拼音之感。校方已考慮督學建議，本學年幼兒班不用學拼音。

部分幼稚園遭批評教授語文維持於機械式抄寫、刻板，未能啟發學生興趣，如世德幼稚園「過早安排幼兒寫字」、「未能擺脫寫和背記生字」。將軍澳循道衛理幼稚園在教與學方面亦受批評，以粵語向兒童解釋英語，語言夾雜表達方式，容易產生混淆。

4幼園教學出色獲表揚

教統局首席督學(幼稚園)楊馮慧懿說，本年度有4所幼稚園表現尤其出色而備受讚賞，包括﹕香港創價幼稚園、德貞幼稚園、聖公會荊冕堂士德幼稚園及青衣商會將軍澳幼稚園。她指出，創價和德貞幼稚園上下團結，自我完善能力高，支援兒童出色；士德幼稚園教學法能啟發創意；青衣商會將軍澳幼稚園堅持教學理想，抗衡家長誤以為習作愈深愈多便愈好的觀念。

她提醒家長閱讀報告時，應特別留意「管理與組織」部分，若該部分表現出色，代表學校具備自我評估能力，即使其他方面有欠缺，領導層亦能透過評估查找不足，加以改善。

(星島日報報道)教統局昨公布三十五所幼稚園的質素保證視學報告，幼稚園普遍被當局批評課程過於艱深，例如向幼童教授日晷、肥皂泡的表面張力等深奧課題﹔多所幼稚園被指體藝活動時間不足，並要求學生進行機械式抄寫，及以測考方式為幼童帶來學習壓力。教統局的視學報告揭示，大部分幼稚園如英藝幼稚園（大埔）、神召會保羅堂幼稚園（天華

ShinTeresa

hi alowe
請問我可以係邊樹睇番最新既視學報告 ?? thanks

janetngan2

視學報告clcik here

ShinTeresa

janetngan2
thanks  

ballball411

點解得一d學校有報告既? 如果想睇其他學校, 可唔可以架? thanks

Roroma

可以係呢度睇

http://www.emb.gov.hk/index.aspx?langno=2&nodeID=5862

ShinTeresa

都係一樣喎  

Oscar媽

qq123,,

其實我覺得你朋友要求太高...
我覺得創價一 d 都唔淺..
如果你朋友覺得創價點解當初又比佢女女入讀呢
點解又唔比佢入續九龍塘區一帶, 根德、st. catherine、york、km、加南...

有時唔可以迫得小朋友咁辛苦...幼稚園係小朋友最開心既時間..

qq123 寫道:
alowe

我同事的女兒讀創價, 是活動教學, 佢講關於創價d野我聽, 我發覺創價教野相比九龍塘區一帶, 根德、st. catherine、york、km、加南淺好多, 人人都話根德園深, 如果創價深過根德園, 或同根德園一樣都可以叫深。

我同事比女兒在外每星期補3堂英文、普通話、數等, 一個月多比幾千蚊, 佢不是有錢人, 但佢都覺得創價同同區的幼稚園相差一截, 但為女兒轉校又好麻煩。

每人要求/選擇不同, 你認為創價好是ok, 但希望你能接受別人的意見和睇法, 否則全香港人都要覺得創價是最好。