聖羅撤 vs 協恩

Hellomummy

唔好意思, 想借個位問一問: (下學期)協恩有小二至小五插班招生嗎?

大文

聖羅撤未夠班同協恩比, 無論學術,體育音樂都比聖羅撤好

busymami

緊係協恩啦！人地有間很不錯的英中照住！

通常選擇聖羅撤的都是因為怕協恩兢爭激烈，所以退而求其次。

想想如果兩間都收你個女，你會選邊間？！

busymami

milkcat 寫道:
WHY 聖羅撤遠遠不及協恩 ????? Pls tell me know

ysmhkg 寫道:
從學校環境, 教統局的視學報告, 學校 banding, 家長口碑等等來看都是協恩勝一籌.

[/quote]

Agreed!

cameo

我女今年已係st.rose小二生,,,
當年係(一)協恩(二)st.rose
我無兩個女同時一個讀協恩,一個讀st.rose,所以唔可以俾到一個好好o既比較你,不過可以講的,事實真係協恩比st.rose的學位少好多(你可以睇番兩所學校校網有,有小一生的班人數),若你有打算兩間都填表,咁一定要以協恩為先,但同時亦要留意,兩間學校有一個共通點,係非幼稚園生唔洗諗叩門(就算係該校幼稚園生亦有一定條件先叩門成功吧),填左表只可睇運氣,無乜第三輪機會了!
我當時填表前亦有上嚟bk問一大輪,睇睇過來人意見的,兩間比較下有家長話協恩比較活一d,我個女讀左st.rose兩年,可以俾o既意見係呢間學校絕對傳統,功課由今年開始亦算多(但相比私小可能又唔算得係乜卦),但老師及學生關係好!
而要考慮多一點係,st.rose已定原址重建學校,但因為部份未確定,所以學校只將已肯定的通知家長,重建係肯定了,但幾時開始?重建時會搬去邊間學校暫讀?(只講左係市區,離地鐵站2分鐘路程),重建幾耐?呢d要學校肯定左先再公報!只於話建幾耐,咁我女今年已係小二生,假設佢明年先重建,但校長都話有機會佢地讀新校舍,咁我相信若係今年大抽獎的小朋友,有份去暫讀學校,亦必有份重返新校舍的吧!
所以若如題要比較兩間學校的話,我俾唔到客觀意見,但若對st.rose有何問題,不妨多問,因當年我亦為左選校唔知點算,我絕對樂意同大家分享小女就讀st.rose的事!

Diggiewong

Hi Cameo,

可否分享多點:
1) 「就算係該校幼稚園生亦有一定條件先叩門成功吧」請問乜條件?是否新校長有特別要求??
2)  有否課外活動給P.1小朋友?
3)每天有多少功課?
4)升自己書院機會大嗎?

Thank you

rosemami

如囡囡派入陳瑞琪,好唔 好?

cameo

goodboy1969,
其實幼稚園生有幾多入番真係唔清楚,但可以肯定係,只要幼稚園"從一而終",填表時係首選st.rose都落選,咁先有機會叩門,因聽聞若以他校為首選,小學唔會俾機會!
而其他幼稚園生我唔可以肯定係咪真係100%唔受叩門,但我的經驗係:當年大抽獎公報前我己做好多份file,預備結果唔好即去頭三志願叩門,公報前一日,我有打電話去st.rose問,咁啱佢地當日係公報結果的校址,佢地話學校當日無安排人手做呢d野,我話我可以去學校邊一地方放低個file,佢地亦話無呢個安排,咁我話我係咪可以以郵寄方法,佢地話無咁o既需要,因為無第三輪收生派表安排(其實係無安排俾外人)
Diggiewong,
1,聽聞學校真係無論小學及中學,都唔歡迎學生以學校為次選,所以即使本身係該校學生亦要以學校為首選先有機會
2,活動勁多,星期一至六都有,係收費課外活動,音樂有中西樂,單係中樂已有好多選擇,運動亦有柔道,劍擊,體操,球類,花式跳繩等,其他重有書法,奧數等等,收費活動的導師應該都唔差,因為學校講過每一個活動都係由有關老師去搵合適導師,我個女今年開始學柔道,我都睇過有關柔道個導師資料,佢地都會搵d好似咩前香港隊成員等等呢類有資格嚟教,唔係玩玩吓的,,,另逢星期五最尾一堂係學校的不收費課外活動,無得自己揀,全由學校安排!多數係一d輕鬆活動!
3,功課量唔輕鬆,我眼見個女今年功課係明顯比上年多,其實好難話有幾多"樣"功課去計算個數量,好似當工作紙入面錯左一題,老師會要求學生成句改正,所以若一張工作紙裡面係每題錯少少,咁改正用o既時間比起第一次做時重長時間得多!我只可以話我女成績唔係差的,但每日放學後係無時間玩,just做功課,執書包,娛樂係睇新聞及睡前睇一陣圖書!不過我諗每日時間因人而異,因為我要個女獨立,所以大部份唔插手,所以相對無人幫個小朋友對功課時,咪會又多左機會要做改正,但長遠我相信唔可以吓吓都幫佢的!而家平時默書都要交俾個小朋友自己攪掂!
4,學校未同中學結龍,但就係同書院係直屬關係,我唔記得收生係幾多個%,但好似係可以睇番教統局個網有得睇的,但只要校內成績中上,其實反而唔洗太擔心,因為我無記錯,由上年定係今年開始,選中學可以選兩間,只要自己keep得成績好,日後重有可以大膽地選兩間好中學,當一間係聖羅撒書院,另一間可以選埋協恩中學添,,,hehehe...不過希望唔好又改制!

cameo

其實"好唔好"的定義好個人的啊!不如從適唔適合小朋友為首要條件,再考慮入到機會有幾多,我當年都覺得個女適合讀活動教學的小學,但34網無乜活動小學作為選擇亦係事實,所以亦第一輪自行選校以舊油天,第二輪亦跨網首選舊油天,不過舊油天唔中,網內首選協恩亦唔中,第三輪叩門舊油天亦失敗,入左(乙二)st.rose!
只可以咁講,留意番34網真係有勁受女生歡迎接的女校協恩,而被喻為"次選的st.rose亦唔係話入就入,兩所女校都有好好的中學,相對男生喺34網反而無女仔咁著數!
要考慮的,你會唔會本身對陳瑞琪小學的教學方法or校風,or升中方面,係你或小朋友最為理想先???
又或者,係覺得陳瑞琪比協恩and聖羅撒更適合你小朋友?
女校點爭都係得班女生去爭,男女校又唔同啊!
我當年選校會先諗左自己最想入邊一間先,然後先再考慮入到有幾多機會,兩者諗好先決定點填!

rosemami 寫道:
如囡囡派入陳瑞琪,好唔 好?

Diggiewong

Thanks Cameo,

Much detailed!

龍馬媽媽

我囝係2000年出生, 即今年小一, 當年派位之後我大大話都問過幾十人, 包括街坊, 小兒幼兒園主任, 小兒幼稚園校長, bkpost & 補習社等, 得知以下結果, 以供參考

1. 農圃道官小, 馬頭涌官小及陳瑞琪 - 找不到有人填第二志願入到, 個人認為把依3間排頭3位, 要有準備會派得好後
2. 獻主會 - 據說有人填第五志願入到, 叩門都收左四十幾個, 可能本身位多, 因開8班, 但一年級已開始精英制, 好谷, 如果派得唔好, 第一時間去叩門補底作後備
3. 可能係首年34&36網合併, 多左好多他區人借地址報讀
4. 派得唔好, 建議到35網叩門, 兩間奉基及黃埔宣道都係唔錯選擇

Diggiewong

Hi 龍馬媽媽,

睇完您分享資料后,Thanks!  但我好擔心 -如第一、二志願入唔到聖羅撤 或 協恩, 咪實排唔到農圃道官小, 馬頭涌官小及陳瑞琪!! 點填好?

SPS

如果乙部協恩第一, 聖羅撤第二,咁又有冇機會第二會入到呢?

hugub

呢幾年冇見過成功例子

SPS

龍馬媽媽:
我都好頭痛,仲未知點填好, 據大家的意見, 即係話如果派唔到第一, 就會去到第四和第五,真的很擔心!點算好?

SPS

Hi hugub

你比吓意見啦!二,三,四,五應該點填!!

cameo

我前年填表如下,入到st.rose,同一年上嚟bk亦見有人將st.rose放乙二入到,但機會相信唔大,而且每年唔同的!
(甲一)舊油天(甲二)協恩
(乙一)協恩(乙二)聖羅撒

SPS 寫道:
如果乙部協恩第一, 聖羅撤第二,咁又有冇機會第二會入到呢?

龍馬媽媽

之前有人POST過聖羅撤第二入到係現年2年級, 個時34及36網未合併, 合併左之後就聽過聖羅撤第一都入唔到, 但可能有龍年效應因素!

cameo

agree~
出生率都好大因素,我女那年出年率係算低(99年出世),亦可能係呢個原因,令好多家長都大膽左去博,當時睇報紙亦有提到,名校反而比往年更多人去爭位添~
所以若真係頭兩個志願都"大膽",咁第三志願真係要"保守"~
正如我之前頭兩志願都"大膽"揀左協恩同ST.ROSE,到第三四志願我係揀左合一堂的上午及下午校的!

龍馬媽媽 寫道:
之前有人POST過聖羅撤第二入到係現年2年級, 個時34及36網未合併, 合併左之後就聽過聖羅撤第一都入唔到, 但可能有龍年效應因素!