民生幼稚園 (求助) - 幼校討論

Rank: 2


	41

21^#

發表於 06-9-20 22:49 |只看該作者

Re: 民生幼稚園 (求助)

我希望在家時可以陪囝囝玩, 而不是督促功課, 這樣會有較好的親子關係;

不催谷是要令囝囝喜歡上學讀書, 來日方長, 若果討厭上學會影響一生, 以後若要更正真是談何容易!

Rank: 2


	42

22^#

發表於 06-9-20 23:19 |只看該作者

Re: 民生幼稚園 (求助)

LONG-LONG媽咪,

我不是說你的小朋友沒能力讀st. cat & kentville，只是想話你知這兩間學校的課程都較深及多功課，眼見有些朋友自己又要返工又要同仔女溫習功課，真係好吃力，如果家長稍為跟少左dd，某些小朋友都可能會追得辛苦。

至於民生，雖然現在我還不是太接受及喜歡，但都希望如之前一些家長說是很好的，我會繼續觀察既。不過，我自己有時係到諗，間學校咁大咁多小朋友，如果我自己囡囡並唔突出，係咪真係可以有咁多機會發揮/表演呢?因為自己有一些親戚讀一些普普通通的幼稚園，佢地學生人數少，小朋友的發揮機會真係好多，成日都聽到話阿邊個邊個話學校又有野攪呀，成日都親子旅行/親子活動(之前先我哥個仔話學校攪親子整月餅)，好似好開心咁，令到我而家係到諗其實名校係咪真係咁重要，如果一間學校可以多d機會多d活動讓小朋友親身發揮學習，老師對學生既關注又多d親密d，其實對小朋友的發展係咪更加好?

其實我自己都好苦惱，可能囡囡又屬於慢熱被動啦!
希望你地會明白我諗咩啦!

LONG-LONG媽咪

Rank: 2


	41

23^#

發表於 06-9-21 00:44 |只看該作者

Re: 民生幼稚園 (求助)

若言語間令你有所誤會我很抱歉......

我相信每位家長在挑選學校時所面對的問題大致一樣.....

對於普普通通的幼稚園, 有如隔山買牛一樣, 之後搵小學又要慌張多次.......

所以一間好的幼稚園真的很重要, 起碼可以揀一些中上質素的小學, 再配合自己的objective, 對小朋友的發展會較有把握.....

lovelybella

Rank: 3 Rank: 3


	156

24^#

發表於 06-9-21 02:04 |只看該作者

Re: 民生幼稚園 (求助)

jellybibi 寫道:
LONG-LONG媽咪,

我不是說你的小朋友沒能力讀st. cat & kentville，只是想話你知這兩間學校的課程都較深及多功課，眼見有些朋友自己又要返工又要同仔女溫習功課，真係好吃力，如果家長稍為跟少左dd，某些小朋友都可能會追得辛苦。

至於民生，雖然現在我還不是太接受及喜歡，但都希望如之前一些家長說是很好的，我會繼續觀察既。不過，我自己有時係到諗，間學校咁大咁多小朋友，如果我自己囡囡並唔突出，係咪真係可以有咁多機會發揮/表演呢?因為自己有一些親戚讀一些普普通通的幼稚園，佢地學生人數少，小朋友的發揮機會真係好多，成日都聽到話阿邊個邊個話學校又有野攪呀，成日都親子旅行/親子活動(之前先我哥個仔話學校攪親子整月餅)，好似好開心咁，令到我而家係到諗其實名校係咪真係咁重要，如果一間學校可以多d機會多d活動讓小朋友親身發揮學習，老師對學生既關注又多d親密d，其實對小朋友的發展係咪更加好?

其實我自己都好苦惱，可能囡囡又屬於慢熱被動啦!
希望你地會明白我諗咩啦!

jellybibi,我今年又係要報07幼稚園,所以重收集緊info.請問你囡囡現在係咪讀緊民幼,定係你已放棄了民幼呢?(因你說不是太接受及喜歡此學校),上年搜集資料後你不喜歡此校,又為何人云亦云比囡囡入讀呢?有好多別的幼稚園揀!好多問題啊,但聲明我並冇任何惡意,只是想聽聽意見吧

babychick

Rank: 3 Rank: 3


	255

25^#

發表於 06-9-21 09:41 |只看該作者

Re: 民生幼稚園 (求助)

LONG-LONG媽咪,
小兒是在你所說的九龍塘區幼稚園其中一所就讀,
坦白說:K1是不算深的,上了K2便來了,而且校方是
期望家長一起配合,K2開學很每天也很緊張,真有點
吃力,不是說學校不好而是當日如果選一間一條龍的
學校可能不用那麼緊張.
話說回來,你挑幼稚園的目標很明確 ,不會人云亦云,
有些家長也很奇怪,不知怎的喜歡邊彈邊讓子女繼續讀,不
是深思熟慮才挑一間最合的給子女讀嗎?既然你的目標那麼
明確便努力吧,祝你小朋友入到心儀學校.

LONG-LONG媽咪寫道:
若言語間令你有所誤會我很抱歉......

我相信每位家長在挑選學校時所面對的問題大致一樣.....

對於普普通通的幼稚園, 有如隔山買牛一樣, 之後搵小學又要慌張多次.......

所以一間好的幼稚園真的很重要, 起碼可以揀一些中上質素的小學, 再配合自己的objective, 對小朋友的發展會較有把握.....

Rank: 2


	42

26^#

發表於 06-9-21 23:00 |只看該作者

Re: 民生幼稚園 (求助)

lovelybella,

我現在仍然是民幼的家長，開學接近一個月了。不喜歡和不接受都是這一個月來的事，上年報讀時是貪其是一條龍的學校，抱住試下的心態，意外地又收了(因小女面試的表現不算太好)，咁我就諗住俾佢讀啦。
但開學才知民小轉全日，學費加至$2800，仲要不確定能100%直升，當時更不清楚學校課室的環境及一切教學行政安排，所以現在先咁苦惱呢!
而我點解突然有一個諗法就係話讀普普通通的幼稚園對小朋友的發展可能會更好呢?就係因為我睇左民生k3家長的chatroom裡有一兩個家長說自己今年替小朋友轉了校，好多人問佢點解K3先轉校，佢就係話反正也不打算讀民小，倒不如找一間可以多d活動多d發揮老師多d關注既學校，等小朋友可以更開開心心讀埋最後一年幼稚園生活。

lovelybella

Rank: 3 Rank: 3


	156

27^#

發表於 06-9-22 01:23 |只看該作者

Re: 民生幼稚園 (求助)

jellybibi,多謝你回覆,但其實你不接受/不喜歡都係一D教學行政

Rank: 2


	42

28^#

發表於 06-9-22 07:25 |只看該作者

Re: 民生幼稚園 (求助)

lovelybella,

其實上年我都有睇過民生的chatroom架，個陣時d人真係無講，到今年切實執行既時候先知，又或者係我搵資料真係唔夠仔細啦，不過最近我都睇過民小原來每一年都有好多人(比一般學校多)學生要留班，留過一年既都未達要求，便會要求退學，其實都幾大壓力。
其實我當中不滿的就係其實我囡囡一直以來都唔係咁喜歡返學，雖然佢無喊，但每天都好唔願意返學，我同老師傾過呢一個問題，我明白可能唔關老師事，只想聽一點專業的意見，但老師就並沒有給我意見，只是將個問題拋返俾我，仲叫我你自己俾多d時間教導個女，好似講到呢一個係我一個人既責任咁，所以我先咁唔開心。
當然我都唔同意K3先來轉校啦，只係睇左人地既case諗多左d野，不過我仍然是繼續觀察緊，我都好希望有改善，我都唔想經常抱著不滿。

davina1213

Rank: 3 Rank: 3


	108

29^#

發表於 06-9-22 09:37 |只看該作者

Re: 民生幼稚園 (求助)

請問民幼幾$$(每月)，另想問有冇媽咪知幾時派表?

mercury16

別墅

Rank: 4


	653

30^#

發表於 06-9-22 09:55 |只看該作者

Re: 民生幼稚園 (求助)

jellybibi,
其實學校轉全日制係前年學校巳公報咗,亦都有同家長講加到大概$3000,但上小學概覽到還未更改,但問學校職員佢哋一定會講.
我姨生都响民小讀p2,但問佢又冇話Ｄ同學要留班,不過p1開始就好辛苦,因民幼課程比較淺,上p1會吃力,一上p1三測三考,但升p2今年又轉咗2測2考,學校課程會比其他學校教快Ｄ,要自己在家溫習多Ｄ,因為放暑假放足两個月,就算讀民幼Ｋ2開始老師都要你在家多溫習,或要自己另給功課他們做,講真間間名校都係谷架!唔谷邊有好成績,我都想阿囡係天才

唔洗温習就識,哈哈!(講吓笑)
至於你囡囡唔喜歡返學,你囡囡係咪今年升Ｋ1?之前有冇讀過n1或返學前班,我阿囡過時從未返過學,佢返咗一個月先適應,你同佢多溝通學校生活,返而我個囡好想返民生讀小學,佢升咗另一間小學到而家問佢鍾唔鍾意學校,佢都話唔鍾意

,如果你要轉校當然k2就要轉,因上小學成績分係k2成績表,所以要轉校就要今年年尾揾學校.所以都幾煩,剛開學又要揾新校,我過時Ｋ１都好似你咁諗想轉校,但讀落咗發現阿囡都好開心,每日都講在學校如何,問佢讀第二間好冇,佢死都唔很,我同老公都另願佢讀返民生,起碼佢有三年時間讀書係開心返學.

del

KristyMum

大宅

Rank: 5 Rank: 5


	1160

31^#

發表於 06-9-22 12:33 |只看該作者

Re: 民生幼稚園 (求助)

一間學校有學生出出入入是平常事, 幼小中亦言. 選擇學校最重要視乎自己和孩子的需要, 別人的選擇, 未必適合自己, 這點要緊記。

制度上, 我覺得民生是一個進可供, 退可守的選擇. 無宗教兄姐分, 無大抽獎命, 亦不是追求超級名校, 民幼是一個保障。

本質上, 民幼是一間不錯的幼稚園, mercury16和 venusma都已經講過它的優劣。個別的怨言, 當然無可避免, (沒有學校是100分吧!) 我實在感謝老師過去3年對小女的培育. 愉快的學習氣氛當中又兼顧紀律, 課程循序漸進。有機會參與中小學部的演出和活動, 擴闊眼界, 我想這是一般幼稚園無法安排的。

愛學校, 這樣, 你和子女的生活會好過一點. 若不愛, 也請千萬別在子女面前提及。共勉之!

ivory

Rank: 3 Rank: 3


	124

32^#

發表於 06-9-22 14:13 |只看該作者

Re: 民生幼稚園 (求助)

KristyMum,
講得好

沒有一間學校是完美的,作為一間學校最大的責任是教育學生不是取悅家長,假如希望民幼好像某些收費高昂的幼稚園,甚至有客户服務部,那......民幼真不是那杯茶. :wink:

其實要融入學校,首先家長要自己投入,不好像旁觀者那樣,只懂對各樣事情批評、批判,心中不由衷的,子女又如何被引導到喜歡自己學校呢?!

題外話,忽然想起那廣告,"小朋友,點解你咁乖?","冇,我學我daddy,mami啫!"

Rank: 2


	42

33^#

發表於 06-9-22 18:55 |只看該作者

Re: 民生幼稚園 (求助)

其實我個女之前都返過一年幼兒園架啦
佢之前都唔係咁唔願意既
不過可能你地會覺得係我對學校有偏見啦
咁我自己再觀察啦
其實我認為學校係社會既縮影
有好人亦會有壞人
每個人的際遇不同吧!

KristyMum

大宅

Rank: 5 Rank: 5


	1160

34^#

發表於 06-9-23 00:29 |只看該作者

Re: 民生幼稚園 (求助)

jellybibi,

唔好介意我咁講,你的問題係入學前對民生了解不足. 民生是大班架, k1 30人一班有3位老師, k2 & k3 就38人兩位老師, 照顧方面可能令你更失望, 如果你希望間幼稚園老師對學生既關注多d又親密d, 可能民生真係唔arm你. 民生比較著重訓練小朋友的獨立性.

讀邊間/類幼稚園, 睇你小朋友性格, 你對小朋友的期望和將來又想讀邊類小學啦. 有心轉, k1可以, k2可以, k3都可以. 如果轉, 你今次最好check清楚先, 以免入讀後又後悔, 辛苦左你小朋友又要適應新環境jar.

lovelybella

Rank: 3 Rank: 3


	156

35^#

發表於 06-9-24 01:48 |只看該作者

Re: 民生幼稚園 (求助)

jellybibi,
咁多媽咪同你分析過,都想解開你

NELWINYOG

別墅

Rank: 4


	662

36^#

發表於 06-9-25 00:13 |只看該作者

Re: 民生幼稚園 (求助)

jellybibi,
我仔仔都是在民生今年讀K1, 其實在最初一至二星期時我都有在想學校是否適合我仔仔呢? 因為以前我仔仔是在一所私立英文國際幼稚園就讀N1, 轉了民生後在很多方面可能都比唔上以前所讀的學校, 以前幼兒班有老師步步跟上. 但是民生K1, 我諗老師第一步是要他們學懂自立, 不要時常依賴人, 這不正是每位家長心中所想要的嗎? 唔通有家長想你的小朋友在讀完幼稚園後仍要每件事都依賴你幫佢做嗎. 其實我覺得他們都是讀了20多天, 你應該給多些時間讓自己更了解及觀察學校多一些呢? 及諗清楚自己究竟想給你的小朋友讀一所什麼學校, 這樣再重新計劃吧!