英藝幼稚園

chengv

九龍塘用家. 老師對小孩非常關心. Field trip那天, 發現竟然清潔嬸嬸能叫出每位小孩的名字. 外語老師是班主任, 普通話老師是副班主任, 清潔嬸嬸當然負責小孩的大小二便, 以及為小孩整理衣服, 紮頭髮 (女孩). 老師如有說話想跟家長說, 會寫小字條放到小孩手冊內. 學習方面, 到現時為止, 我的小孩已經認識接近三十個中文字, 說出近五十個英語單詞 (看圖, 不是看字). 叩門方面, 沒聽到這學校跟叩門有多少關係, 但是, 你是為了小孩叩門好, 還是學到知識? 如果真學到知識, 面試也不擔心, 怕什麼叩門? 我小孩已有KV offer, SC waiting.

rsx

依家可能改善咗！但3年前阿仔讀YL既N班！覺得好唔掂提早退學！因為行政極度混亂，可以收現金＋自動轉帳double學費，之後講咗免返一個月學費竟然當冇收被追交、唔記得請病假幾次完全冇打過黎、班主任亦冇主動打過一次電話比我地講吓小朋友適應/學習情況、唯一打兩次黎係一次因為要我地家長口頭支持學校做乜乜，另一次就係問點解退學、仲有幾本書全個學期冇叫過帶返學新束束冇用過！最離譜係爆發手足口病，成廿個人中招原全冇通告，睇新聞先知，後尾隔一兩星期再爆多劑！決定退學

新人物

原帖由 fifi47 於 14-12-15 發表
我小朋友讀緊沙田英藝，行政混唔混亂未領教到，但老師好關心我小朋友，語境好lee d我就已經見到。
有時，我 ...

我小朋友都返緊沙田PN,冇錯語境係幾好，返落比我想像中好好多，但我唔同意行政差唔影響到小朋友，好似學校PN升K1既註冊安排已經好大問題！

elvistse

小囡在天水圍英藝讀N班，有天突然話唔乖用膠紙貼你個咀！話老師有咁做。問佢邊個老師，佢次次都只會話普通話那個班主任。我決定即時退學！各位要多留意小朋友上學情況。

fifi47

回覆 新人物 的帖子

想請問註册安排出左咩問題?  因為我TOUCHWOOD暫時冇問題發生過...  

chengv

rsx 發表於 14-12-17 18:06
依家可能改善咗！但3年前阿仔讀YL既N班！覺得好唔掂提早退學！因為行政極度混亂，可以收現金＋自動轉帳doub ...

那感覺九龍塘的好很多. 家長還有老師的手提電話, 可以隨時溝通.

woodstockming

我都係用家, 老實行政係差左少少, 可以再有改善空間, 但我唔同意因行政差就定左佢間學校就唔好..... 您地睇下依家EK 已經冇人去俾comment, 我覺得係....無倫英藝有幾好, D 人已認定唔ok...... 您話貴.... 請大家去睇下佢用乜野書.....Jolly phonics, 牛津.....etc...... 自己出去學phonics 都要$ 啦......

andrewrew

原帖由 woodstockming 於 14-12-18 發表
我都係用家, 老實行政係差左少少, 可以再有改善空間, 但我唔同意因行政差就定左佢間學校就唔好..... 您地睇 ...

落離Nicole

多謝大家既意見，應該都係會選擇讀英藝，am的時間好用好多，讀一年pn睇哈點先，sunkids就白交留位費了😭，明年K1再戰過其它幼稚園。

落離Nicole

原帖由 elvistse 於 14-12-18 發表
小囡在天水圍英藝讀N班，有天突然話唔乖用膠紙貼你個咀！話老師有咁做。問佢邊個老師，佢次次都只會話普通 ...

你聽到甘情況你唔同學校老師校長反應情況嗎？

新人物

原帖由 fifi47 於 14-12-18 發表
回覆 新人物 的帖子

想請問註册安排出左咩問題?  因為我TOUCHWOOD暫時冇問題發生過...  

當日學校同家長講會優先留位比舊生，但註冊當日原來採取先到先得形式，有新生排在較前位置所以註冊到AM class,亦有返緊N PM class既註冊到AM class，家長們即時向校長表示不滿，但校長加以否認，聲稱所有新生只會有PM offer,但事實有舊生家長朋友註冊了AM class。
當日為數不少既AM class家長迫於無奈下先註冊PM class,校長説考慮增加一班K1,但以我所知14-15年度課室使用已飽和，我想像唔到15-16年度怎樣增加！佢續稱會有為數不少既學生最終會放棄學位，所以家長們唔需要太擔心，應該可以轉回AM class，佢比我既感覺係想辦法填補所有學位，而不是想辦法令家長們繼續讓子女升讀，當日好多家長都話，覺得返落幾好冇計劃轉校，所以都冇報其他學校，但現在大失預算。

fifi47

回覆 新人物 的帖子

Ic～  咁我都明白你地感受～我由頭到尾都只要pm，所以touchwood冇問題發生，可能我份人冇乜要求，所以暫時尚算滿意

落離Nicole

所以真系就算打算K繼續讀，都要報定其他幼稚園，因為沒註冊可能都有變數

elvistse

有同校長講，校長話睇過cctv無咁嘅事，又話小朋友說話不能盡信，又話老師好有經驗，學校絕對信任老師。其實就算有，佢哋點會認？！我哋從來無講過用膠紙貼咀，一個兩歲半嘅小朋友點會知呢個係懲罰嘅方法？我哋又無證據口同鼻拗，退學保護咗小朋友先

Athena88

woodstockming 發表於 14-12-18 17:14
我都係用家, 老實行政係差左少少, 可以再有改善空間, 但我唔同意因行政差就定左佢間學校就唔好..... 您地睇 ...

Super agree.   行政係混亂.  但囡囡讀得開心, 8月龍B, 返學幾個月, 能夠用英文簡單同的講, eg, i have xxxxxx, open the door.  國語歌都唱到, 用國語講到蘋果, 面包, ......    我相信佢返得開心, 兼學到野.     

ce_jupiter

毛豬仔仔

九龍塘用家，仔仔讀緊n主流，覺得語境好好，課程好，老師都唔錯，絕對係打好個底唔錯既選擇，身邊朋友聽返來comment都係好，d家長唯一唔揀英藝係一個字'貴'，或者有更好更名既學校。
當然沙田分校係新開，難免有少少混亂

mamavio

我囝而加都係九龍塘英藝PN英普, 我大囡以前都係
就係因為大囡讀得開心讀好先俾阿囝一齊讀
我日日送小朋友番學, 日日見到老師校長, 個個都認得我囝, 我囝又會同佢地 say hello, 好開心
阿囝在校坐得唔定或有時 pick nose呢d問題, 老師都會同我傾, 有時寫手冊, 有時電話
So far 都非常滿意

同意學費係貴, D書同功課都愈來愈多
但另一個角度, 就係因為學校已有 phonics, 普通話好多野教哂, 我地唔會再安排其他 class 俾佢, 日日放學/放假都係玩玩玩 :D  

毛豬仔仔

我都唔明，間學校唔錯，點解咁多負面傳聞

Anjen1226

我係沙田PN用家，事實上，開學時真係有D亂，D老師不停轉，在十月尾已安定下來，但小朋友返學開心，語境好好，我用英文問小朋友What is this? 佢會答我This is xxxx，我問How many apples?佢會答two apples.我覺得起碼佢知我問乜，我在家講英文，佢會答我英文，我講廣東話，佢會答廣東話，普通話有D詞語都識，我相信係在唱普通話歌學到，隨時可以轉channel 係我最大安慰，老師對學生都有要求，佢知我小朋友認中文字弱D，都叫我多D同佢認下字，老師都好energetic同細心，小朋友曰曰開心返學放學都開心，每日返嚟同我講tea time 食咗咩，老師同佢玩sir 滑梯，邊個小朋友乖老師俾貼紙，我都好開心佢短短三四個月學到噤多嘢。