黃大仙區,妳們的仔囡入左邊間o牙

ohnono

978212 發表於 13-7-26 11:44
回復 ohnono 的帖子

呢間學校寫住入保一係10%估係8-9個，入协和16%估係13-14個，唔關上年文憑試既結果，呢 ...

點解這個成績就一定唔關上屆文憑試的事？這個結果，正正就係隨機本身是一個問題，選校的集中都係一個問題。這情況跟九龍城區的情況一樣，華英已經成為頂頭大熱，但華英得75個位，你話有幾多填佢做第一志願的會失望！

這個選校集中的問題已經唔係單純一間小學，係全部或多數黃大仙區內的小學band 1學生已經係集中係保一，所以先會有咁既結果。如果多d同學選協和和保棠都會好d。


還有一點，這間學校有10%入保一的話，好難講這10%的同學是自行入、甲部定乙部入保一。如果8-9個同學之中有2-3個已經在自行或者甲部已經成功的話，乙部的首志願成功率還要底一些。


至於呢間學校家長都知曉全級前10填保一的問題重反映出家長唔清楚選校的原則。點解要頭10先可以選保一呢？不是band 1都可選嗎？唔好以為淨係保一先至難讀，如想讀得好，協和、德愛一樣係難讀。如果老師叫家長這樣填的話，今年保一已經競爭大，重要只准頭10先可以填保一的話，派少了去保一便真的與人無尤。

ohnono

lilysun123 發表於 13-7-26 07:23
多謝分析！前年老師講全紴頭70係bank1,但今年可能tsa差左，其實得60係bank1.

D同學考60 to 70以為自己係ba ...

band 1同學的數目多少唔關TSA的事。TSA是用來評核學校同學的基本學習能力，和學校的教學進度是否配合同學的學習。只有兩隔年的PreS1成績才會用作調整同學和學校的分數，這個調整後的分數就會用來排列同學的排名次序。全港排列能進入首1/3的就屬於全港band 1，本區排列能進入首1/3的就屬於本區band 1。
但是教局已盡力為求達到平衡，減少因一成績的起落做成對學校和同學的衝擊，已經採用兩隔年的PreS1成績來作配對。所以因band 1生的數目突然減少的情況，我自己的取態都係傾向保守的。

lilysun123

多謝詳細解釋！另外保棠應該沒有聯繫位? 為何保良局小學有優先？是否自行, 扣門易收d?

ohnono

lilysun123 發表於 13-7-26 12:54
多謝詳細解釋！另外保棠應該沒有聯繫位? 為何保良局小學有優先？是否自行, 扣門易收d?



  ...

有一個故事，講來一匹布咁長。話說年頭時，不停有網上留言，標榜保棠的文憑試成績好，藉以引起區內同學和家長的注意，並以保小的學生作為對像，藉此打繫直接競爭對手的保一。所以不停有保小的同學自行去保棠有優先的優勢，又話自行、甲、乙部選左到叩門時又有優先等等的消息傳出來，讓一眾家長以為有優勢便放棄選保一作為第一選擇的意願。只是最終都被人識破了！
睇返今年的派位都仍然係保一命中率低就已經知道這招並不太成功。

HelloKitty

我認為係上屆單業生的pre s1考得麻麻先會影響今年的派位。
TSA同升中係無關係。

ohnono

978212  你錯了，呢個唔係我既觀點，係呢間學校家長既諗法，你想了解呢間學校或者呢區學校仲要收多啲料，仲要睇吓呢間學校以前既派位分佈  發表於 3 小時前
-----------------------------
我就係睇到你之前講這間學校的家長會有這樣的諗法我先至覺得奇怪。派位這個遊戲我諗係應該跟遊戲規則玩好過睇以往派位的情況去選校。就算跟以往派位的情況去選校都要明瞭呢個遊戲既玩法先至得。



978212  以前家長既經驗，呢間即使入咗保一分班試時入精英班也少數所以家長明白小朋友適合既學校，呢間學校今年欠運就真，50+都派入ban d 2  發表於 3 小時前
--------------------
如果盲目以為以往入到保一都入唔到精英班就唔去揀保一，咁入到協和就一定可以入到精英班的想法確實可笑。如果大家係瞭解保一的話，人家校長已經講得好清楚，讀書就是要有好的學習態度，好多入了精英班的最後都只是徒具虛名。而學校有部份同學在學習上確實出現問題，最主要是他們的 "attitude" 並不是他們入不了精英班。因估計入到保一都入唔到精英班而走去協和的，我相信是只有唔瞭解協和，以為人家上年成績唔好就一定比保一容易入的思想混淆了。

家長唔去報、學校少人去報、本區多人去報、多人集中一兩間中學去報、隨機號碼唔好，各自都可獨立成原因，很難講那一個是絕對的原因。只有繼續存有這種思想，跟保一的距離就只有越行越遠！

lilysun123

想請考你話發表於三小時前的post, 是否也在升中派位裏?

lilysun123

其實真係有d 老師教我地d 家長. 全級十名就保一啦! 30 幾先有charge 入協和!

ohnono

978212  我知道錦泰八十幾仲好穏陣係band1抽入保棠  發表於 4 小時前
-----------------------

穩唔穩陣唔知，始終只要係band 1就可以抽保棠，抽獎完全唔關有沒有優勢的事。

自行時，我諗如果小朋友條件好，去到邊都有優勢。成績唔好，話之你來自保小，保棠一樣唔要。

ohnono

978212  你間學校以前的師兄師姐入咗保一讀得  發表於 2 小時前

978212  讀得比較辛苦  發表於 2 小時前
---------------------
我唔知有邊個在保一讀書讀得好既係會舒服的。我認為絕對唔需要誇大某校是讀書辛苦，要讀得好既間間學校都要下一輪苦功的。

tws2010

回復 ohnono 的帖子

True.  It's really a long road on studying...and in fact, ask yourself, who really enjoy studying???  Maybe I will when I get older...

978212

回復 ohnono 的帖子

當有仔女一個係保一讀一個係同區其他band1讀咩感覺有分別囉，保一只不過係地區性學校，唔似你個仔嗰間係傳統名校，在自行時可以千挑萬選全港精英，保一即使在自行時收到也都係同區或附近band1組別既學生，老師學生不加倍努力辛苦點做到band1頭。

Anniemun

我想問吓，好多時見到啲post都說錦泰考8x至10x都話係band，咁一級有多少人？如人比較多，計band%就一定多啲㗎！

Anniemun

續: 寫漏咗band 1 個1 字

grace_xian

ohnono 發表於 13-7-26 17:59
978212  你錯了，呢個唔係我既觀點，係呢間學校家長既諗法，你想了解呢間學校或者呢區學校仲要收多啲料，仲 ...

確實, 有呢種想法的學校和家長都有些危險
還是理智些吧~

grace_xian

lilysun123 發表於 13-7-26 18:14
想請考你話發表於三小時前的post, 是否也在升中派位裏?

難怪你睇唔到, 手機是睇唔到點評的

maybo0801

我女校A班差不多全班入灑保一, 二個入女他區名校, 而B班小數都入到保一, C班有一二個都博到. 相信同地區小學資歷排名有關, 聯繫機會更高一層. 否則何已出這樣理想結果.

ohnono

maybo0801 發表於 13-7-27 10:53
我女校A班差不多全班入灑保一, 二個入女他區名校, 而B班小數都入到保一, C班有一二個都博到. 相信同地區小 ...

資歷排名某程度上係會影響同學進入好學校的機會。
第一，資歷排名高，即是同學有實力可循自行時成功被取錄，這是靠實力多過靠彩數的途徑。因此保小的學生能進入保一和保棠這是一個最直接和最可靠的途徑。相反其他區內一般普通的小學，在自行時的機會相對給比下去，只能靠統一甲乙部的大抽獎。

第二，資歷排名高，即是師兄師姐在PreS1的努力，為學校取得較高的調整分數，造就了升中班的學生獲得較理想的排名，進而幫助較多同學進入前列的較好位置，學校獲得band 1的同學數目自然較多。當band 1數目多，抽到band 1的學校的數量應該較多。

但一到大抽獎，同學的優勢是建基於各自的隨機號碼，跟保一和保棠無關。保小的同學除了可以優先抽那27個聯繫位之外，其餘的72個非保留位和保棠的全部96個非保留位是讓全黃大仙區的各小學的同學去抽，只要是band 1生就有機會抽先而藉著較佳的隨機號碼而被分派到。

既然大家機會均等，何又睇唔到保一和保棠在大抽獎這階段有甚麼優勢和著數可以比到保小的同學。當然家長有各自選擇的自由，但如果選擇時受到坊間那些保一難讀、保一乜、保一物的謬論影響而唔去選擇的話，就只怪自己放棄這個機會，並不存在非保小同學在抽獎時機會大與小的問題。

再講，人家家長只是話今年派得比上年差，上年有77%派首志願，今年有66%。又有家長話上年首志願成功率是超越75%，今年是差了。好明顯是今年有不同的因素變化，包括區內家長選校的意欲改變、隨機號碼的好壞、上兩隔年的師兄師姐PreS1的成績考得退步了，每一個情形都值得去考慮，而不是只是集中在保小的優勢，保一好難讀所以最好唔好揀，所以非保小學生入少了保一.........等等這種謬論之中。

當留意前面家長提到雖然今年派首志願是少了，但「好似我間入保一比保棠多！」就正正為上面的論據寫下註腳！

lilysun123

我用ipad 是否也有d post 睇吾到?

ohnono

978212  你了解呢區既學校先講啦，入保一保棠年年保小佔大優勢，呢區家長老師都好清楚，上面都講咗啦，A班差唔多入晒保一。

----------------------
我唔知你係未瞭解區內的形勢定淨係瞭解幾間保小的形勢而將之當區內的形勢。而家人地講緊係今年派得奇差，唔係講緊以往都係派得差，你明唔明？跟以往選校習慣乜野事？人地都已經講左往年派得好，係今年派得唔好，你未分析下點解今年派得唔好囉，以釋人地家長心中的疑慮囉，你又係咁係度講保小有優勢入保一，又話有優勢入保棠，跟本就係兩回事。

還有你最錯的地方就是一未講保小有點樣優勢，咁係未代表其他學校唔駛揀兩間保中？我諗其他家長最想知如果唔係保小的學校係未唔駛揀保一和保棠呢？我只係唔想誤導其他家長亦為這版的網友(除左你之外)作上派位的補充，以便為明年選校的家長作參考。




978212  仲有提到入保一多過保棠嗰間，佢間年年入保一协和數目差不多，只不過保棠比前幾年相差比較多，唔係填保一人數多過保棠，只不過佢的部份人欠運氣   發表於 14 分鐘前
----------------------------
就係呢點先至覺得好笑！點解今年派得唔好一定係運氣，點解唔係區內家長的選校意欲改變？上年保棠的文憑試大進步，點解唔可以今年選保棠的家長多左？坦白說，每一個情況都有可能，不可以只說是運氣差吧！




978212  無論邊間入到仲要讀到先為上策  發表於 12 分鐘前
-------------------------
這個問題你都已經不停講了好多次，不停將問題吹大就是你這種心態最不要得。點解要睇小學就定生死，相反我覺得最讀唔到書果d就係自負果班。點解唔去保一去協和去德愛就一定讀到？而家唔係叫band 2生去band 1學校，如果係咁band 1同學不如去band 2讀就可解決你的問題。

我諗大家都應該知道讀唔讀到書除了天份之外，還要後天努力。而且將勤還可以補拙，有乜野會沒可能。係這類學校讀書，坦白說，隨波逐流仍可到達目的地既反為易過自甘墯後。我地而家既升中制度某程度上都係將有唔同學習能力的同學放在一起，各自學校都有拔尖補底方法，就算現在是band 1尾也難保第日發力追回來，現在是band 1頭也難保有一日後勁不繼，學校裡沒人會嫌棄你勤力，只有自己唔愛惜自己就與人無尤，去到邊都死！揀學校之前問一問自己就得，唔讀書既，比間易既都好辛苦。