P5 2nd term第一個評估失手，點算？！

20020116

Yanamami 發表於 13-4-12 13:17
撇除其他人追上，小朋友自己心理質素也很重要。一向排頭，是有壓力的（尤其他知你有期望）。他讀書能力不用 ...

同意呀！人家追得如何就未知，但e+就係佢自己跌grade嘛，咁未戰已經輸啦！請問大家如何調控心理質素？請指教指教！

1773

原帖由 yyyvonne 於 13-04-12 發表
有壓力！

絕對係，心理質素好緊要！唔好淨係鬧同哦，多鼓勵，多肯定，雖然係硬道理，但係事實，真係要記住！

圖書寶寶

回復 20020116 的帖子

我囡頭兩次呈分試，我都同佢講，去唔去倒一間好的中學，係你自己決定，最後結果去到一間唔好o既, 你就唔好怨天尤人，繼續比心機讀書。考試係為你自己，唔係為父母，你如果用左最大的努力, 成績都係唔理想，起碼你唔會後悔自己無努力過，父母都唔會駡你，因為知你努力過。想去一間好的中學, 就要付出努力, 時間，唔好係度坐以待斃，甚麼都不做! 而五年級上學期的成績表一樣要考得好，因為要比直資睇，你想考心儀的直資, 就要比心機，唔好得個"講"字。

最後入左佢最心儀的直資。

wwyee

我都小朋友講要成績好先有選擇，有時仲會叫佢保持band 1，唔好咁大意。
但我地成日同佢地講咩野成績好，咩野band 1佢地真係未必明晒，舉一個例子，120人1-30band 1,
31-90 band 2
91-120 band 3
如果考試失手，考第31到時就要同考90個學生一齊抽同一間學校，到時真係好唔底，可能平均分係80與71之差異。
咁講佢會明，我個聽完話吓咁架。

ohnono

我覺得有時都幾難跟小朋友講心理質素。真係緊張又死、唔緊張又死，倒不如豁出去，唔好諗咁多，將專注力集中係溫習方面先。我成日覺得小朋友有一個通病就係識就代表一切，但識唔代表熟，一去到考試現場，條題目轉一轉彎即刻現形。試下改善溫書的態度，從深入和熟練這兩方面著手先，熟就能生巧。對應考的科目越熟，到考試時就能自然放鬆。

mamee

我個仔都係小五，上學期大考數學科都撻左Q，佢學校小五小六成績表出分數添。佢自己都知衰，所以下學期個測驗又小心番，好番。自己諗：呈分試前衰，好過呈分試時衰；同埋小朋友都有壓力，邊個晤想高分，要每科+次次9字真係晤易。

杰杰媽媽

wwyee 發表於 13-4-12 17:28
我都小朋友講要成績好先有選擇，有時仲會叫佢保持band 1，唔好咁大意。
但我地成日同佢地講咩野成績好，咩 ...

呢D說話個時我只會係P.4時一早同佢講定. P.5 開始一隻字都唔會提.

我從來都唔要佢名次, 我只要知道佢有冇盡力, 我由細到大教佢盡左力就算, 問心對得住自己就得.





我係一個是但阿媽黎, 但知道自己個仔自己會係心到勁緊張個種, 次次都係我叫佢由得佢,是但求其, 下次再努力咪得LOR  (我唔可以同佢講  "加油"  2隻字, 佢會考得好差)

安格斯媽媽

平常心，比壓力反而有反效果，只求盡力，還要靠少少運，出題唔就點溫都未必掂，我似杰杰媽媽是是旦旦，卻有意外驚喜，不過無能力考學校，但派位好滿意，努力！！