天水圍天樂幼稚園家長入黎~~

appleandpear

有冇人係lee間讀既??

CSD

有呀,我朋友的囝囝在這間幼稚園的,都幾好丫,在景湖居,新移民較少的一間學校

yammiepang

昨晚有沒看無記的新聞透視？佢地拿天樂的功課給專家看，專家說課程過深啊！另我的個人意見，我覺得老師不太有愛心，詳情可看元朗媽媽會！

appleandpear 寫道:
有冇人係lee間讀既??

CSD

課程需然較深,但起碼比小朋友早些有心理準備,講真升上小學之後,有幾多間既功課係少架,簡單架,而且他們都已經係高班學生,好快就後小學生了,俾多d時間佢地習慣仲好啦,起碼個小朋友都話:佢鍾意返學喎!咁就無問題啦,至於,你話老師不太有愛心,我就不太認同,老師們無愛心既為何不索性轉行,幼師已經唔係咁好做,年年又要面對收生少,縮班等壓力問題,仍繼續堅持,咁就顯示佢地係一群有愛心,有耐性的人,而且你亦沒有提出甚麼例証去証明她們沒有愛心

BONNIETO

有冇人的寶貝在此讀書?比d意見.
thx!
急......因想比b女讀.

moondream3003

你試下入去啦, 一入到去個主任就黑口黑面, 都未開口問野咋, 對家長, 我見佢地答另一有

CSD

如果因為主任一個人的惡劣態度,而換來影響整間學校的評價,這樣是很不公平的(對學校及其他人),當然因為主任是第一個面對家長的人,如此待人態度,也確實是要不得,但我覺得應該向校長投訴及反映意見才是,我相信學校不會莫視家長的意見,絶不會姑息養奸的.

moondream3003

CSD,

你好呀新會員, 你住海典軒0咼(在<<Click入 新手上場,如何搵一間理想的幼稚園?很苦惱!!>>>你自己話架), 你咁勁又知天水圍天樂幼稚好0吾好, 又咁勁你所討論的主題都係雅麗斯轄下幼稚園, 你對雅麗斯都好熟下0咼.

真係勁. 佩服.

佩服到無眼睇這個Topic.  你慢慢啦. 我都0吾入來架啦.     

appleandpear

其實我個囡係lee間讀緊,其實係幾好既間學校
又唔多覺冇愛心lee個問題,下年細囡都會讀番lee一間,
只係想開個topic問下有冇人讀緊lee間,
一齊傾下計咁~~~

課程唔太深,可以接受.....
我個囡亦好鐘意學校既老師,前日去學校旅行,
我覺得d老師好細心添....^^

CSD

To moondream3003

係呀，我住海典軒架，你都幾留意我個喎 :！我對雅麗斯唔係好熟，只係我朋友個囝囝係天樂幼稚園讀書啫(我有講過架，如果你有看清楚我的留言)。

學校遊戲日時我朋友都有叫我帶埋小朋友去玩。個度校舍好大，環境幾好，朋友的評價都唔錯，所以我對呢間學校印象都幾好。到我搵學校時，我就特別留意佢地既分校嘞。所以就上黎問下意見，睇下好唔好囉！如果翠寧係好既，我都想報架，我朋友有些校服可以比我，反正佢地D衫一樣既！（唔，我知道佢地D衫係一樣，咁算唔算勁呢，你係唔係又好佩服我呢！）
真係幾好笑！   

Keri

本人已刪除我以前的發表....如對有些小朋友在這校讀緊的家長產生任何情緒不安,在此致歉

我相信每一學校也有令人滿意或不滿意的地方, 每間學校的老師亦是充滿愛心的對學生及家長,因為這是他們的本份(因為我們是他們的米飯班主),但我說的是學校本身的行政問題而已....!

(進修只是一個好好藉口,讓大家能下台,唔通話比人聽妙咩!)

appleandpear

因有人要求我刪左佢,我就刪左佢啦~

prettymama

請問點解個校長會被人炒咗嘅？
我嘅小孩都係讀呢間學校，口啤都唔錯，校長老師都幾nice。但就唔明點解校長會被炒？

孩子的母親

我個小朋友都喺呢間學校讀緊,都真係唔明點解有人有啲咁惡意嘅批評!我作為家長都有啲唔開心!我哋一班家長都覺得簡直係一場惡作劇!!!  :evil: 其實學校一直都不斷改善,進步,响今個學期仲加強家長同學校嘅溝通,有早會,每月老師都有個簡短嘅學生評估報告講番小朋友嘅情況,又有個叫我的心情嘅活動比家長每天番學嗰時同小朋友畫低每日嘅心情圖案,等老師上堂嗰時同小朋友分享添!!! 我哋啱啱過咗嘅禮拜六仲參加學校親子旅行,都不知玩得幾開心!
仲有呀,校長差到要炒/主任黑口黑面/老師無愛心,呢啲咁嘅批評同我哋平時接觸到親民嘅校長/平易近人嘅主任/有愛心又細心嘅老師,根本就不乎事實!!!
唔該嗰啲得閒無聊無嘢做嘅人,學吓校長咁去進修吓啦!!
一群不吐不快嘅天樂幼稚園家長   

appleandpear

prettymama 寫道:
請問點解個校長會被人炒咗嘅？
我嘅小孩都係讀呢間學校，口啤都唔錯，校長老師都幾nice。但就唔明點解校長會被炒？

好似係學歷唔夠高,所以要去進修,
有時做野都係咁啦~~工作經驗夠,但學歷唔高都要進修啦

現在新既校長好似好高學歷咁~

係啦~~你既小朋友讀邊班嫁?
我個囡讀k.2b,交流下心得呀

appleandpear

孩子的母親 寫道:
我個小朋友都喺呢間學校讀緊,都真係唔明點解有人有啲咁惡意嘅批評!我作為家長都有啲唔開心!我哋一班家長都覺得簡直係一場惡作劇!!!  :evil: 其實學校一直都不斷改善,進步,响今個學期仲加強家長同學校嘅溝通,有早會,每月老師都有個簡短嘅學生評估報告講番小朋友嘅情況,又有個叫我的心情嘅活動比家長每天番學嗰時同小朋友畫低每日嘅心情圖案,等老師上堂嗰時同小朋友分享添!!! 我哋啱啱過咗嘅禮拜六仲參加學校親子旅行,都不知玩得幾開心!
仲有呀,校長差到要炒/主任黑口黑面/老師無愛心,呢啲咁嘅批評同我哋平時接觸到親民嘅校長/平易近人嘅主任/有愛心又細心嘅老師,根本就不乎事實!!!
唔該嗰啲得閒無聊無嘢做嘅人,學吓校長咁去進修吓啦!!
一群不吐不快嘅天樂幼稚園家長   

旅行<<我都有去,不過都玩唔曬,個燒烤場太大,
我個小朋友又行得慢,玩得lee樣玩唔到個樣....
不過都好開心,今個月月尾又有得觀課,
有冇人會去呀??

prettymama

appleandpear,
我個女係k2全日制，我都會去觀課。
我自己覺得間學校幾好啊，雖然年年都轉老師，但啲老師都ok啦。有時我係街度撞到啲舊老師傾下偈，都冇人話間學校有問題。而家個舊班主任仲住係我樓上添。
個人之愚見，沒有一間學校係perfect，實有佢嘅問題，只要自己嘅小朋友讀得開心，咁就可以啦，因為佢先至係用家。小朋友好直接嘅，佢唔中意嘅嘢，你點氹佢都冇用。我曾經叫個女轉學校，佢一口拒絕，可見佢真係中意在呢間學校返學。
上星期的燒烤活動，都搞得幾好。但我個人認為小朋友唔係太中意，掛住玩，有的只係有一個成年人陪住的，其實好慘，因為小朋友又要去玩，果頭又要落手落腳去燒嘢食，真係論盡。好似上年係餐廳度食自助餐，家長就唔會咁辛苦，起碼食完先去玩，咁樣大人小朋友都開心啲。

appleandpear

其實上年食自助餐都ma ma地,
又要排長龍,排得黎都要走lu!
點知今年燒野食重辛苦,都係自助餐好d~

prettymama:
你有冇join家長支援小組呀??
我上年同今年都有join,好好玩~~

prettymama

我都有join家長支援小組，但真係慚愧，成日都幫唔到咩手，因為成日同我返工時間撞，所以都係掛個名係度。

appleandpear

prettymama 寫道:
我都有join家長支援小組，但真係慚愧，成日都幫唔到咩手，因為成日同我返工時間撞，所以都係掛個名係度。

我咪又係~~我重有個細囡,
次次到左都幫唔到手,掛到睇囡走黎走去,
咩都冇做到.....
月尾觀課,你有冇咩想問呀??
我記得上年問我觀課後有咩問題同有冇意見俾學校,
佢突然咁問我都諗唔到,今年打算寫低,
到時就有野講啦~~