荃灣區小一學校

QUEENIE54

我個女今年要報小一啦..... 有無人知荃灣區學校邊間好呵...
唔該大家幫忙.........

PINKAVA

老牌子有: 天祐、伍季明、荃官---呢幾間都係傳統學校多功課, 要父母陪讀。

活動式有: 浸信聯、基惠、靈光、柴天---呢幾間同樣口碑好好既學校。

選小學都好睇小朋友既性格, 要視乎佢係坐定型or活潑好動型。

QUEENIE54

謝謝

zeezee

  最近幾日我都睇左荃灣區好多網頁同討論,亦知多左d，有d來論只是重覆吹噓一d學校，批評另一d學校，愈看愈無聊，最後都係自已到學校d網頁尋寶。
搵唔到千祈唔好失望，搵到好多亦唔好頭痛，但係最神秘的都係升中資料，間間都話自己叻，點解唔比人知，只得幾間有show ，仔女係自己o既，做多d資料搜集，千祈唔好盡信網上留言。Good luck to our kids

Kamto

見到校舍大的，都不須擔心活動少，在於部份學校是否會谷比賽。

校舍細的，確實活動少些。

至於是否好學校，還是親自到校門外看放學情況，特別留意老師和學生、家長間相處態度怎樣，便知子女能否愉快學習。

而荃灣區小學，我個人較喜歡浸聯、五季明上午。

QUEENIE54 寫道:
我個女今年要報小一啦..... 有無人知荃灣區學校邊間好呵...
唔該大家幫忙.........

QUEENIE54

多謝各位意見..但我還想知他們中學收生情況...另外多唔多測驗和功課架...咁如果我個女讀荃灣侵信會去報浸聯有無分加架......我想知荃天好唔好呵

PINKAVA

每位學生都有一本學校資料, 好詳細記載同區每一間學校既測考次數。 想進一步睇佢地既升中派位, 要入去該校網頁, 不過唔係間間都有公佈成績。

rosahsia

唔知荃灣公立如何呢?  我聽講入何傳耀有30幾個緊多ㄛ!

PINKAVA

有間叫荃灣公立咩? 同荃灣官立係咪一樣?

QUEENIE54

咁荃灣天主教小學又好唔好呀

rosahsia

荃灣公立全名係"荃灣何傳耀公立小學"，同荃灣天主教小學唔同既。 荃灣天主教小學歷史悠久，我睇學校老師似乎都幾好，你地自己決定啦!

QUEENIE54

咁佢係咪活動教學的呢!  會唔會好多功課呀. 我個女比較文靜, 唔知佢適唔適合.

rosahsia

讀浸信會幼稚園唔一定浸信會小學(麗城)實入到架，除非你有基督教信仰、有5分加，浸信會小學就六年都係活動式教學，荃灣天主教小學就前三年活動式、後三年傳統式（傳統式就係要谷成績）。

QUEENIE54 寫道:
多謝各位意見..但我還想知他們中學收生情況...另外多唔多測驗和功課架...咁如果我個女讀荃灣侵信會去報浸聯有無分加架......我想知荃天好唔好呵

QUEENIE54

唔該哂!  你參觀過荃天, 佢地d學生開唔開心, d 師生又點呀? 我成實唔係咁想個女讀d 太大壓力的學校. 其實聯浸真係好多人話好, 不過太多人爭啦.

rosahsia

我想天主教小學都比較要求紀律、守規舉，你個女個性文靜應該很適合這類小學掛！功課要到中高年班才開始多d。

QUEENIE54 寫道:
咁佢係咪活動教學的呢!  會唔會好多功課呀. 我個女比較文靜, 唔知佢適唔適合.

QUEENIE54

咁你對荃威嗰間基慧又有咩睇法呀. 唔好意思, 我對擇小學真係一頭霧水, 所以有好多問題

rosahsia

參觀個日就未開學，睇唔到學生，你得閒在學校外裝吓，　老師就都親切。　浸信會個間大家都想入，我地又冇分加，得基本１５分，就要撞採囉（教統局抽籤）！

rosahsia

Ｄ人話唔錯，我覺得學校位置遠左d，佢都係基督教學校。建議你上學校網站睇下，可以了解多d。教統局網頁："小學概覽２００６"http://embhsc.hkedcity.net/primary/

QUEENIE54

OK. Thanks!

咁你自己又有無心水呀! 諗住幫的的小朋友報邊間?

zeezee

浸聯有無參觀日呀，好想去睇下。聽日下晝我會去伍下參觀，唔使非嫁，報名日近，請多多交流