創價&宣道?大家比點意見好嗎?

Y-3

2間都是出色學校,怎挑選?煩給意見!

alowe

通常好多媽咪都希望BK會員比較學校，結果A校家長一定話A校好，B校家長又一定話B校好，如果有d家長無口德，就好易導至罵戰，這在BK裡屢見不鮮。不過我從創價同宣道版內看，佢地d家長比較有文化，相信唔會好似一d學校家長，鬧到反晒面，乜野難聽既說話都爆晒出黎。

其實我覺得客觀因素最重要，如教統局既幼稚園概覽，質素保證視學部告，學校自己網業資料，網上搜尋有關學校資料，進入BK有關學校既家長討論區，聽佢地既真情對話，再其次向親朋戚友收料，自己再作理智既分析，同感情既選擇，最後一定能搵到最好既學校既。

specialbaby

聽人講創價小朋友讀得好開心, 老師好有愛心。
宣道只有1/3機會上小學！

但真的要選, 我會選  

宣道！

Y-3

alowe,
其實我就是知這2間學校的家長都非常有文化才大膽開這topic,不然便很易變成導火線了.
小兒還有另外2間幼稚園可選,除了學校因素外,我同樣考慮很多東西,就因為咁所以想大家幫忙比些寶貴的意見.真不希望替囝囝選錯呢!
specialbaby,
那麼你為什麼最後選宣幼呀? 是否宣小是你的target之一呢?

Kitty媽媽

首先，我係創幼的家長

你要考慮的
1. 宗教 - 創幼沒有宗教的，宣道就一定有。相信，小朋友要祈禱吧 (如果講錯，請宣道的家長們通知)！如果你唔係基督徒，又唔想小朋友細細個被洗腦，就要知道點選！宗教上，我會選『創幼』

2. 小學 - 由於宣道有直屬小學及中學，如果你係想唔駛煩小學問題，選『宣道』吧！不過，你要清楚，你住的地區近唔近『宣道』，我不建議讀小學，要山長水遠走去讀，小朋友好辛苦的。幼稚園唔緊要，小學，唔好啦！當然，『創幼』的小朋友，入讀好小學的比例，都不差的。hee.....

gary媽

這兩間都是我的心水學校. 我想知創幼畢業生多會去哪些小學呢?  而宣小只會收30%宣幼學生,咁其他70%會去哪些小學呢?

HINONG

我都想知道, 創價在KOWLOON TONG 區的幼稚園中. 費用都不貴及校舍好以都很大 (上網看). 如果有聯繫小學就好啦.

Kitty媽媽

創幼沒有聯繫小學。
不過，有不少小朋友/家長都入到自己心儀的小學。

如果你是想你的小朋友入直資小學、私校等，創幼的小朋友成功率都不差的，因為佢地有自信，知識多元。

如果入官小，咩幼稚園都沒有分別。

拖特mom

小兒亦幸運地給這2間學校取錄了.
同樣也很煩惱怕揀錯,希望多些意見給我們好嗎?唔該哂各位!   

alowe

以下係一d 較客觀資料(根據04/05幼稚園概覽)卑大家參考：

學費：宣道 每年$17870   創價 每年$15719
班級：宣道 上下午各5班  創價 上午10班下午9班
每班人數：宣道 平均 35.7 人 創價 每班 不超過30 人
                  (要注意，宣道上午幼兒班一班坐43人，下午幼兒班兩班坐69人)
教師比例：宣道 1：10.5   創價 1：8
升小學：宣道雖有直系小學但不能直升，聽說只有30%被小學錄取。 (要注意宣道小學係私校，每年學費約$26250)
             創價無直屬小學
校舍：創價較寬敞
               

HappyYammie

Kitty媽媽 ,

請問創價的兩文三語程度如何?小朋友要否另在外學語言呢?

Thanks.

happypenguin

朋友highly recommend 創價 - 冇宗教,超級乾淨,老師有愛心; 她的兩個囝囝均畢業於創價 -1個讀緊小學,另1個已升中; 但創價仍有連絡他們並記得她孩子的名字。
(不過囡囡因為time crash冇考到創價 ,但有考宣道!)

gary媽

咁又想問下兩間學校大約幾時取表,幾時 in 呢? 見時又多數問d咩呢? 讀過n1又會唔會好d呢?

Y-3

gary媽,
創價--每年差不多10月尾至11月頭左右,12月左右面試.
宣道--11月左右才開始派表,大約要1月面試的.

建議最好致電學校,因為可能每年會不同. :wink:
若真想多了解這2間學校,可到它們的topic重頭到尾看一次,那裡有很多有心的媽咪給的意見,本人覺得非常有得著,還番看了幾次tim.

希望幫到你啦,good luck!!

gary媽 寫道:
咁又想問下兩間學校大約幾時取表,幾時 in 呢? 見時又多數問d咩呢? 讀過n1又會唔會好d呢?

Kitty媽媽

創價的兩文三語，佢地的語言課程不算多，可能不適合一 D 兩文三語要求高的家長。要不要在外學語言，好睇家長平時點教了，或有沒有時間教了。

其實，你讀邊間都好，家長沒有時間教，都係唔掂啦！

HappyYammie 寫道:
Kitty媽媽 ,

請問創價的兩文三語程度如何?小朋友要否另在外學語言呢?

Thanks.

msnicoleng

其實我覺得2間課程, 學費, reputation都差不多, 反正宣道小學不是一定收, 咁就不如用客觀因素黎決定, 例如合眼緣, in 時你對老師的印象, 或者再帶小朋友去望下2間幼稚園, 問下佢會喜歡邊間

2間口碑都咁好, 選擇邊間都唔會有錯, 不要比太大壓力自己, 再者, 第一年真係讀得唔開心, 咁咪轉校囉

eeyore2002

請問,如果創幼、聖羅撒同九龍禮賢學校相比，是否應選擇創幼。
我的女兒考上這三所幼稚園，不知如何選擇。
請賜教！

心急媽媽     

HappyYammie

我係度見好多人都讚創價同禮賢的老師好有愛心,所以我相信禮賢都好好.都係我心水學校之一.我覺得這三間都唔同宗教,創幼無宗教,不過辦學團體係有宗教;禮賢基督教,聖羅撒天主教,你可以從宗教入手選擇,後兩者都有直屬小學,不過係咪直升就唔知,禮賢小學都係私校,聖羅撒就唔知係咪?!

eeyore2002 寫道:
請問,如果創幼、聖羅撒同九龍禮賢學校相比，是否應選擇創幼。
我的女兒考上這三所幼稚園，不知如何選擇。
請賜教！

心急媽媽     

QueenieQueenie

各位:

其實很多幼稚園,幼兒園的老師都很有愛心,未必在bk沒有提過就不可取, 我囡囡的老師當我囡如她自己的女兒一樣. 很愛護, 很細心.

所以我會選有小學可直升的.o吾使煩!