午飯問題

toffeeli

囝囝9月升小一，開始要在學校吃午飯，唔知自己帶飯好D定在學校訂飯盒好呢?各位，請給我寳貴的意見，唔該晒!

babyhowie

你可以一個月訂飯，一個月自己帶，
咁米唔洗咁悶，又可以多d選擇。
不過好多小朋友都鍾意帶飯，因為佢地話訂個d唔好食。
如果住得近，日日拎飯俾佢都唔錯架！

toffeeli

原來學校准拎飯去架?

babyhowie

間間學校制度都唔同，
你可以問清楚先。

ritb

學校訂飯有味精又肥膩，如可行的話，當然是送飯最好，小朋友可以要求家人煮自己喜歡吃的食物。

siulisa

我囝就要求屋企日日送飯去, 都好多小朋友係自已家人日日送飯去架

Yukyuk

我個囡囡最希望食家長飯(原因是可以控制份量和與其他同學不同 - 可能是一種優越感.) show off


其實佢上年p.1 全年都係吃"美心abc餐", 最唔鍾意它們的份量太大.  覺到d小朋友食飯時, 一路一路擔心食唔夠一半(minimum quota)會俾老師話.  

anyway, 我有個奇想, 如果可以和別的同學share個"美心abc餐"就好, 當然要雙方家長同意. (又可save money 又環保)

Snow

我都好煩惱！

學校唔俾送飯

俾小朋友帶飯，書包已經重，仲要帶多個飯盒，咪仲重！而且D飯焗成3個鐘，都唔好食。  我返工帶保溫飯盒，都知乜味la!

食飯盒，好似你地話齋冇益!

我諗住開學，訂飯盒先，等佢想點先再轉，一個月飯盒，一個月帶飯，不失為一個好提議。

Sindy

Yukyuk 寫道:

anyway, 我有個奇想, 如果可以和別的同學share個"美心abc餐"就好, 當然要雙方家長同意. (又可save money 又環保)

真係一個好主意呀,我女每餐只係食兩啖

siulisa

其實如果飯盒份量太多可以同學校提出, 叫學校同供應商商量

Sindy

[quote]
siulisa 寫道:
其實如果飯盒份量太多可以同學校提出, 叫學校同供應商商量

Yukyuk

我都知道校方會話衛生問題唔俾同學咁做.

針係冇兩頭利.


可以安排到家長飯(tailor　ｍａｄｅ　飯盒）之家長都付出唔少，
值得一讚     

浩朗媽媽

有無人知太古可樂的飯盒味道如何呢??

Thomas-Hei

其實愛心飯盒最好味, 近日'蘋果日報' 出左一本有關飯盒

BB2WONG

我最中意就係我阿仔學校有自己的廚房，每個星期都會把MENU放上學校網，學校煮既都係家庭飯菜，隔天有老火湯，夏天就一天老火湯、一天滾湯，星期一我自已上網睇下阿仔天天吃什麼，晚上就唔會煮那些，費事午飯又係食那些，晚上又係。逢星期五就簡單D食西餐，因為星期五下午係多元智能課，最好唔好食咁飽，所以會有三點三茶點，好豐富：中式的有點糖水加紅豆糕、豆沙餅，西式的有雜果賓治加芝士蛋糕，次次都不同，而且全部都係家長參與在廚房一起做出來。 而午膳費用就每個月比一次，每餐22元，你一個月食幾多餐就TICK起付幾多餐錢，唔會浪費。 而且餐餐有肉有菜，保暖得好好，差不多12:00午飯前5分鐘才送上課室，校長規定午餐送到5分鐘內一定要完堂吃飯。因為其他學校D小朋友話D飯送上課室門內半小時都未完堂，如果冬天吃飯就已開始凍。 就算是自己帶飯都很悶，最好一天帶飯、一天帶下SANDWICH、一天又帶下沙律。

琳琳小天使

我個姨生女既開頭都係帶飯，但佢好"奄尖"，有時佢懶得食既野會唔食，只係會食飯，所以而家佢媽咪都訂學校既飯，而佢地係供應高係LSG，我聽佢講話佢唔係一盒盒整好送去學校，而係一大煲整好左再拎去學校，佢地會派人係學校到"不"d飯同"食送"比學生，咁樣又唔會有倒汗水既問題，我地大人見到倒汁水都唔係咁想食，由於學校老師唔想學生浪費，所以會有一個老師同d學生一齊食，都睇住佢地食野既問題，咁樣又唔會驚係學校食得少。
佢學校亦都有家長義工幫學校睇住d係帶飯番去食既學生，又係想學生唔浪費食物，但佢個女初初帶飯既時候都淨好多，所以都懷疑d義工家長顧唔到咁多人，所以最後都係食學校既飯

Straysheep

Yukyuk 寫道:
我個囡囡最希望食家長飯(原因是可以控制份量和與其他同學不同 - 可能是一種優越感.) show off


其實佢上年p.1 全年都係吃"美心abc餐", 最唔鍾意它們的份量太大.  覺到d小朋友食飯時, 一路一路擔心食唔夠一半(minimum quota)會俾老師話.  

anyway, 我有個奇想, 如果可以和別的同學share個"美心abc餐"就好, 當然要雙方家長同意. (又可save money 又環保)

日日送飯去學校，學校能否負荷呢？試想想，學校咁多學生，如果有一半人都o係咁做，咁會點？學生點交收個飯？家長送上課室？--咁咪大混亂，咁多人在課室外行來行去。叫學生落去攞？--仲衰，反而阻延阿仔食飯時間。叫工友送上課室？--邊有咁多工友做呢o的o野.......

其實，送飯唔係我們想的那麼簡單。我o地做一個動作，學校可能要多做幾個動作來跟進，唔好忘記，學校不只要照顧我們的小朋友，還友其他的小朋友。

至於分享飯盒.......佢o地邊識自己分，咪老師同佢o地分，咁變相老師沒有時間同時照顧其他小朋友的基本需要(簡單如開飯盒，可能都要人幫)。如果多幾個係咁，....唉！可能大家會覺得小朋友可以學自己分，咁又係，不過......倒瀉的機會都好大，仲衰！

其實，小一食飯本身已經有好多o野要小朋友去適應，所以繼我話，應盡量簡單，讓小朋友先適應基本的模式和常規，咁先係真正幫到佢地。其他花巧o野.........no la！

Yukyuk

日日送飯去學校，學校能否負荷呢？

現在好多有系統(上了軌果D)都會咁做.
冇問題格!

試想想，學校咁多學生，如果有一半人都o係咁做，咁會點？

現在已是啦!  少見多怪

學生點交收個飯？家長送上課室？

每一個家長飯都已經寫上該同學之名, 班別 和NO. (好顯眼的)

送上課室是由高年級之學生負責, (學習照顧幼小之同學是好事)

e.g. 11:45 a.m. to 12:15 noon 時段接收 家長飯.
       12:30 p.m. 開飯.  ok 喎!

--咁咪大混亂，咁多人在課室外行來行去。叫學生落去攞？--仲衰，反而阻延阿仔食飯時間。叫工友送上課室？--邊有咁多工友做呢o的o野.......

其實，送飯唔係我們想的那麼簡單。我o地做一個動作，學校可能要多做幾個動作來跟進，唔好忘記，學校不只要照顧我們的小朋友，還友其他的小朋友。

至於分享飯盒.......佢o地邊識自己分，咪老師同佢o地分，咁變相老師沒有時間同時照顧其他小朋友的基本需要(簡單如開飯盒，可能都要人幫)。如果多幾個係咁，....唉！可能大家會覺得小朋友可以學自己分，咁又係，不過......倒瀉的機會都好大，仲衰！

其實，小一食飯本身已經有好多o野要小朋友去適應，所以繼我話，應盡量簡單，讓小朋友先適應基本的模式和常規，咁先係真正幫到佢地。其他花巧o野.........no la！[/quote]

babyhowie

BB2WONG 寫道:
我最中意就係我阿仔學校有自己的廚房，每個星期都會把MENU放上學校網，學校煮既都係家庭飯菜，隔天有老火湯，夏天就一天老火湯、一天滾湯，星期一我自已上網睇下阿仔天天吃什麼，晚上就唔會煮那些，費事午飯又係食那些，晚上又係。逢星期五就簡單D食西餐，因為星期五下午係多元智能課，最好唔好食咁飽，所以會有三點三茶點，好豐富：中式的有點糖水加紅豆糕、豆沙餅，西式的有雜果賓治加芝士蛋糕，次次都不同，而且全部都係家長參與在廚房一起做出來。 而午膳費用就每個月比一次，每餐22元，你一個月食幾多餐就TICK起付幾多餐錢，唔會浪費。 而且餐餐有肉有菜，保暖得好好，差不多12:00午飯前5分鐘才送上課室，校長規定午餐送到5分鐘內一定要完堂吃飯。因為其他學校D小朋友話D飯送上課室門內半小時都未完堂，如果冬天吃飯就已開始凍。 就算是自己帶飯都很悶，最好一天帶飯、一天帶下SANDWICH、一天又帶下沙律。

嘩，聽落好正喎！你囝囝讀邊間小學架？

babyhowie

Straysheep 寫道:
日日送飯去學校，學校能否負荷呢？試想想，學校咁多學生，如果有一半人都o係咁做，咁會點？學生點交收個飯？家長送上課室？--咁咪大混亂，咁多人在課室外行來行去。叫學生落去攞？--仲衰，反而阻延阿仔食飯時間。叫工友送上課室？--邊有咁多工友做呢o的o野.......

其實，送飯唔係我們想的那麼簡單。我o地做一個動作，學校可能要多做幾個動作來跟進，唔好忘記，學校不只要照顧我們的小朋友，還友其他的小朋友。

其實，小一食飯本身已經有好多o野要小朋友去適應，所以繼我話，應盡量簡單，讓小朋友先適應基本的模式和常規，咁先係真正幫到佢地。其他花巧o野.........no la！

其實容許家長送飯o既學校當然有一套完善o既安排啦！
好似我女間學校，規定家長係指定時間將飯送到學校有蓋操場，集齊之後由校工於指定時間送上課室，當然唔會由得d家長隨意走上課室做成混亂啦！

另外佢地仲會請d義工家長陪小一至小三d學生食飯，
幫下手開飯盒同睇下秩序咁，情況都好好架！