真心求意見:崇真epk am vs 宣幼am

dorahelen

小女好好彩有呢兩間半龍校offer,我地都好喜歡呢兩間學校有基督教背景。我個人較重視小朋友的德育培養，希望學校有良好語境及能培養小朋友的學習興趣，多過純催谷學術。呢兩間kG階段都係唔算谷的happy schools,各位前輩會如何取捨？

dorahelen

如有崇真及宣道KG或小學用家不妨分享一下，麻煩各位！

Vanadium

我想關鍵是你家庭的語境，你對子女的期望及你有否資源再為子女進補。

兩邊我也識數人就讀，亦和他們深入探討過，加上這裡用家的留言，我會有以下意見。

崇真EPK:
語境很好，差不多肯定完成課程，可說頗流利英語及普通話，英文詞彙可達一般小學小三至小五程度。老師很有愛心，很錫小朋友，包括外藉老師，可能源於基督教氣氛相當重，學校選擇老師時有要求。學校活動多，有兩個禮堂及戶外空間，可搞很多活動，小朋友大都會享受返學。但學校課程不算深，強性訓練如中文默書、英文串字、數學運算等可能不足，上到學術型小學可能有麻煩; 另由於外藉老師為主，故學生上堂紀律有機會會寬鬆; 而如大部份用NET之學校一樣，老師流失率較高，令教師年資很少，可能實際教學技巧會不足; 有人批評學校行政混亂，但這方面應與教學無直接關係。

宣幼:
都算是Happy School，但學術訓練應比崇真好，特別是中文及數學，英文若沒有家庭或其他訓練，應不能有崇真的水平; 基本訓練好好，如自理、禮貌、紀律、閱讀習慣、態度等。其實讀宣幼大都來自中產或以上家庭，幼稚園或沒甚麼特別，但家庭會有其他訓練，故一般成績都不錯。50%機會升上宣小，其實不算高，競爭是有的，但宣小成績比崇小好得多，對小孩訓練亦嚴格得多，特別音樂的裁培。

dorahelen

原帖由 Vanadium 於 16-12-17 發表
本帖最後由 Vanadium 於 16-12-17 16:12 編輯

我想關鍵是你家庭的語境，你對子女的期望及你有否資源再為 ...

十分感謝Vanadium的詳盡分析及意見！我地屋企係廣東話為主，所以如果揀宣幼可能要外補英文，(但我個人唔prefer咁細就要進補)而且宣小競爭實在太大，小朋友雖算坐得定但仍怕佢會吃不消。不過我好喜歡宣小德育、個人自理及紀律嘅培養，亦喜歡小朋友在學校有音樂嘅培訓……唔知崇真呢D方面係咪冇宣小咁好？

loveu2

dorahelen 發表於 16-12-17 16:49
十分感謝Vanadium的詳盡分析及意見！我地屋企係廣東話為主，所以如果揀宣幼可能要外補英文，(但我個人唔pre ...

崇真德育一般，語言環境好，學校課外多元化。價錢合理。行政混亂。老師幾年流失率好高。

Vanadium

回覆 dorahelen 的帖子

幼稚園好似大都唔會有真正既樂器培訓，但崇真好似有合唱團及舞蹈團，亦會帶佢地去參加比賽。崇真無論咩班，12點至1點到就係興趣班時間，自由報名，要收費但唔貴。

至於宣幼有無合唱團，我就唔肯定。

Vanadium

回覆 loveu2 的帖子

認同老師流失率高，但真係要公平一點，大部份學校.....NET老師流失率都高的，因NET大都唔會對香港有太大commitment，可能都係黎體驗下咁，幾年就返鄉下或再去其他地方體驗。

崇真有28個NET，所以流失數字可以理解。

EPK全以NET及普通話老師教，比到好既語境之同時，難免要接受NET老師流失率高之問題。

loveu2

Vanadium 發表於 16-12-17 17:34
回覆 loveu2 的帖子

認同老師流失率高，但真係要公平一點，大部份學校.....NET老師流失率都高的，因NET大 ...

其實我講並不是net老師。係本地老師。

dorahelen

原帖由 loveu2 於 16-12-17 發表
其實我講並不是net老師。係本地老師。

謝謝loveu2回覆！何解本地老師流失率都咁高？你小朋友係咪祟幼用家？

loveu2

dorahelen 發表於 16-12-17 18:25
謝謝loveu2回覆！何解本地老師流失率都咁高？你小朋友係咪祟幼用家？

我係用家，本地老師無論高層，資深年年走。我小朋友3年內，年年班主任唔係新，就係最後一年。

dorahelen

原帖由 loveu2 於 16-12-17 發表
我係用家，本地老師無論高層，資深年年走。我小朋友3年內，年年班主任唔係新，就係最後一年。
...

咁真係唔太好
其他嘢你對崇真滿意嗎？

Vanadium

loveu2 發表於 16-12-17 18:46
我係用家，本地老師無論高層，資深年年走。我小朋友3年內，年年班主任唔係新，就係最後一年。
...

睇幼稚園概覽若主流課程，都有43%老師年資有7年以上，不過宣道就高得多，有60幾%。

但奇怪崇幼老師大都有可觀工資(>20000一個月)，係幼稚園算唔錯，唔明點解本地老師都會流失，除非呢D高薪一族全部都只係外藉老師。不過聽人講因為多學校活動，D老師都做得有少少辛苦。

loveu2

Vanadium 發表於 16-12-17 19:23
睇幼稚園概覽若主流課程，都有43%老師年資有7年以上，不過宣道就高得多，有60幾%。

但奇怪崇幼老師大都有 ...

點解走得咁多,一定有原因.正如自己打工,人工高,唔開心終有一日會走

我眼見老師都幾多額外野做.肯定幾辛苦下

loveu2

dorahelen 發表於 16-12-17 19:01
咁真係唔太好
其他嘢你對崇真滿意嗎？

so far 我小朋友3年遇到老師都有愛心.但係亦有因為新老師差漏百出.課外活動真係不錯.好多額外比錢上的堂.有星期六.有半日.如上半日班等於返全日.當然重點錢唔係問題.國際班人崇小機會大.如果你target係崇小.小朋友係happy.但就真係活潑.紀律就真係差D.

行政方面,3年無改善.試過我無報的課外話動扣錢我錢.數目唔細.其他家長都試過扣錯錢

校車.因為收好多不同地區學生.有無反課外活動都可以用校車.係幾好.可惜校車試過漏接送學生.會經常遲到.亦有家長投訴,都無用.學校不會理.我相信因為無其他公司肯做

dorahelen

原帖由 loveu2 於 16-12-17 發表
so far 我小朋友3年遇到老師都有愛心.但係亦有因為新老師差漏百出.課外活動真係不錯.好多額外比錢上的堂.有 ...

可能就係太多课外活動所以行政混亂及老師工作量大增……咁你會比小朋友上崇小嗎？

翠B

Vanadium 發表於 16-12-17 17:28
回覆 dorahelen 的帖子

幼稚園好似大都唔會有真正既樂器培訓，但崇真好似有合唱團及舞蹈團，亦會帶佢地去 ...

合唱團同舞蹈團係課外活動參加定點入？
如讀epk，是否要外補中、數？

loveu2

翠B 發表於 16-12-18 09:06
合唱團同舞蹈團係課外活動參加定點入？
如讀epk，是否要外補中、數？

基本幼稚園係有 小蜜蜂,交通安全,普通話朗誦,合唱團...參加的話會甄選.參加會好似課外話動交費.
epk要不要額外補,一般我覺得唔須要,除非你有特別要求.因為大家所須要都不一樣.中文數學都不算很淺

dorahelen

原帖由 loveu2 於 16-12-18 發表
基本幼稚園係有 小蜜蜂,交通安全,普通話朗誦,合唱團...參加的話會甄選.參加會好似課外話動交費.
epk要不要 ...

Thanks for ur detailed info!咁你覺得崇幼epk裝備小朋友考其他小學足夠嗎？

Vanadium

回覆 dorahelen 的帖子

我估loveu係主流班既。:)

或者咁諗，讀崇真epk，就當半國際語文學校，主要目的係操語文，若嫌學術基礎功唔夠，就課餘自行操中數或其他，平衡返佢既不足。 讀epk點都好過讀真正國際學校，如英基幼稚園，聽講直頭班房都無，學生可走黎走去，真係未必咁啱中國人社會。

若讀宣道就相反，課餘就要操英文。

德育兩間有濃厚基督教色彩，都會十分強調，惟崇幼由於較活動，加上老師經驗唔夠豐富，故課堂紀律方面有機會無傳統學校捉得咁緊(講epk)。

兩間學校特點都唔係幫你考私校直資，無針對升學要求去計設課程，無面試訓練，我估計最後升學上大都要靠自己。

所以諗黎諗去，其實最後都係自己想仔女點，要流利英文普通話呀，定係寧要傳統既基礎效果。

老實講，若有機會要食條龍既，比我會較傾向宣幼既，因有一半機會上宣小，宣小都叫極搶手名校，中學派位極佳，運動音樂都全港知名，好多全港比賽都攞獎，崇小係無得比既，好多比佢升都未必讀。但若小學主要都係想玩抽獎，epk個語境的確吸引，因升上津小後相信絕無咁樣沈浸英語同普通話環境既機會。

dorahelen

原帖由 Vanadium 於 16-12-18 發表
本帖最後由 Vanadium 於 16-12-18 14:49 編輯

回覆 dorahelen 的帖子

好多謝你咁有心機咁詳細嘅回覆 其實我都傾向宣幼多小小，我相信讀宣幼如第時入唔到宣小再想考崇小，應該總比崇幼考宣小易！崇小優勢只是語境好及課外活動多，但升小未必比宣小多優勢。
其實最希望係培幼有offer,不過呢間更難，因為係N無人士兼九月細B！唉如果有奇蹟出現就真係安樂晒！