45校網選校經驗之談

Saniesum

今年度又有新一批媽媽要忙碌選校，尤其45校網有學校村焦點，回想我上年都好堅決集中學校村內好幾間學校，其他既一概看不上眼，最後決定集中填晒村內既學校，最後大抽獎派到第十志願，要經歷不斷既叩門同操練。。我同阿女受盡挫折，尤其叩門階段，更加見到學校既校風同選後備生既策略，我就知道邊間學校先至真係為學生著想而提供就學機會。

最後有兩間45校網既學校收左阿女，我選擇左彩雲邨既保記小學，雖然校舍細細，但係，一來有機構保証，二來係比校長同佢地既團隊深深感動。

好記得面試時校長同我講：咁細個小朋友你想考佢咩呀？天才咩？反而我睇既係佢點應對，佢有冇禮貌，識唔識同人溝通，呢刻我覺得，校長真係睇住小朋友既品格來選生，而唔係要佢識幾多字，答對幾多題目。。。

再聽埋佢個talk,我相信，阿女將來既日子一定係在大愛既環境下成長，好過要日日競爭住你默書要拎幾多分，唔夠邊個邊個叻🙈🙈🙈

希望幫到媽媽們考慮選校時，唔好只係比較有幾大名氣，有幾大校舍環境。而係好好想一想，學校既教學方針，係為教育還是為追名氣而催谷。。。

九月有好多場各小學既講座，大家不妨用心去聽校長既講解，就會有更深感受

P.s阿女由六月註冊後學校每星期六都提供適應班，阿女返左小學一星期，已經熟習晒學校環境同老師，仲返得好開心，証明我冇選錯。

祝大家都為仔女揀arm適合自己既小學！加油！

adatang1024

原帖由 Saniesum 於 16-09-10 發表
今年度又有新一批媽媽要忙碌選校，尤其45校網有學校村焦點，回想我上年都好堅決集中學校村內好幾間學校，其 ...

保良局陳南昌？

maxifoxy

跌到第十咁慘… 不如分享下乙二、乙三填左咩…

adriantai

舊年聖博德放第二都有人中，45網不難選

Fanniechak

回覆 Saniesum 的帖子

Hi～彩雲村保良局陳南昌夫人小學是一所用愛心去辦的學校，敢問有邊間學校既校長落雨天會撐着兩把雨傘為學生擋雨，家長們遇到所有問題校長亦能親自回覆，老師們關心學生的程度亦不用多說，我的兒子剛入讀小一初期，有位並沒有教小兒任何學科的主任同我傾關於小兒在學校情況，她竟然記得小兒名字亦能了解他的性格，當時我心諗這位主任那麽好，然後時間耐左，我親身既體會系成間學校由校長至所有主任老師們都糸咁關心同了解學生，只要家長有問題揾老師，如找不到你想揾的老師，其他老師亦會幫忙轉達(唔會好似其他所謂有名氣的學校咁你自己揾啦），遇到好忙的時候老師亦會用私人時間盡快回覆，這樣咁好的團隊精神只有這先有，衷心多謝校長的盡心盡力一星期七日都為學校工作，無哂私人時間，每當有家長讚賞校長的時候，他說不是他的功勞是老們的功勞，學校所有事务全靠老師們幫手至能做到最好，辛苦她們了，我深深感受到學校每位老師主任校長都系用心用愛去教導學生，而這些愛連家長們亦受惠，多謝哂校長和各位主任老師們凝做一間充滿爱的學校～～～

shirley2014

多謝分享

shirley2014

Fanniechak 發表於 16-9-11 10:41
回覆 Saniesum 的帖子

Hi～彩雲村保良局陳南昌夫人小學是一所用愛心去辦的學校，敢問有邊間學校既校長落雨 ...

這間小學睇過少少網上介紹，都少人講，知道每級好像兩個班

Saniesum

哈哈，媽媽一定有留意啦
係呀
保良局陳南昌夫人小學
仲係小班教學添

Saniesum

1.錦泰
2.真鐸
3.聖博德

Saniesum

原帖由 shirley2014 於 16-09-11 發表
多謝分享

希望幫到大家心理上既輔導

Saniesum

原帖由 shirley2014 於 16-09-11 發表
這間小學睇過少少網上介紹，都少人講，知道每級好像兩個班

少人講所以唔認識佢地
令小朋友受惠唔到

其實只係比個意見大家
選擇一些適合自己小朋友既

有d小朋友真係谷得
也有些家長係取向名牌學校
各取其所

最重要為小朋友好

Saniesum

我放第三都入唔到

Saniesum

原帖由 Fanniechak 於 16-09-11 發表
回覆 Saniesum 的帖子

Hi～彩雲村保良局陳南昌夫人小學是一所用愛心去辦的學校，敢問有邊間學校既校長落雨 ...

好開心搵到同路人呀⋯⋯聽到媽媽咁講
好欣慰，校長真的好有熱誠，我幾次返適應班都撞過，小朋友一早就對佢好有認識，冇架子既校長，就好似五個小孩既呂校長咁，會話係咪呀？

Anniemun

這間雖然和保一有聯繫，不過最近幾年都好似很少學生入到，甚至冇，因為b1 生的比例很少。

Fanniechak

你錯喇，上年度本校畢業生有78%派獲第一志願，98%派獲第一至三志願，而有3份1畢業生升讀b1中學。

Saniesum

原帖由 Anniemun 於 16-09-11 發表
這間雖然和保一有聯繫，不過最近幾年都好似很少學生入到，甚至冇，因為b1 生的比例很少。 ...

開學禮先聽完校長講，入了保一同何蔭棠呀⋯⋯比率仲好高添，又少左何壽南既學生爭，我又唔太擔心。

estherlai

何壽南同保一仲有聯繫位架

Anniemun

Fanniechak 發表於 16-9-11 15:08
你錯喇，上年度本校畢業生有78%派獲第一志願，98%派獲第一至三志願，而有3份1畢業生升讀b1中學。 ...

派第一願同入b1 中學應該冇直接關係。兩班少班再1/3 b1, 即係有10多人是b1 吧？應該咁講，如照你說b1比例是1/3 ，實際人數也只是 1/3 ，其中b1a 比例少到可能得頭3名，之前其他post 也討論過了。如果這學校聯繫保一又派位很好，就算硬件較遜，都應該一早大把家長揀了。

Saniesum

原帖由 estherlai 於 16-09-11 發表
何壽南同保一仲有聯繫位架

何壽南入左九龍城網，大多數家長都趨向該區進發，會逐步流失競爭保一同何蔭棠，變相我地機會咪大左喔

Saniesum

原帖由 Anniemun 於 16-09-11 發表
派第一願同入b1 中學應該冇直接關係。兩班少班再1/3 b1, 即係有10多人是b1 吧？應該咁講，如照你說b1比例是 ...

間間學都係優良個批學生最有優勢，這是去到那一間都逃不過的事實

你小朋友幾大呀？k3生定小學生？