大家覺得太子明慧安排得點

cpy123

已經in左等緊結果，今個禮拜見各位都開始收到信有offer啦。但係我等左幾日都無收到信唔知result又見13號就註冊啦。打過去問下，Only叫你等下啦。見呢到有人話都無人收到reject or wait list other,估佢都係等埋13號有無人無去註冊多番D位先叫人補上。我心諗嘩有無算到咁盡呀。但係到左今朝都無收到信我老婆咪再打去問下都無俾個明確答覆佢。又係叫等，我聽到真係火都滾埋，我知唔係老馮叫你一定要收。唔收好閒，本身都有其他offer。但係都唔駛拖住先架。Yes or No 都無問題架。大家估佢留番條後路既安排我諗都9成似係架啦。我既感覺就係真係好商業化既安排

c9ha

但係我今日收到 waiting letter 喎，可能我係再次一批，我比你慘，一間 offer 都未有

mkeen

回覆 c9ha 的帖子

Don't worry, I gave up the AM offer  and saw a few would do so in this forum.

kayleyleung23

原帖由 cpy123 於 14-12-13 發表
已經in左等緊結果，今個禮拜見各位都開始收到信有offer啦。但係我等左幾日都無收到信唔知result又見13號就 ...

樓主吾好激氣，其實好多學校都係甘，已經offer 比所有學生，等註冊過後咪再出信比第二批學生，其實orientation 嗰日校長有講過會分批架，因為校長有講今年有個千份申請，所以吾緊要，緣份嘛。其實細bb（九月或之後出世）重遲啦，要三月先有得in 添。

cpy123

原帖由 kayleyleung23 於 14-12-13 發表
樓主吾好激氣，其實好多學校都係甘，已經offer 比所有學生，等註冊過後咪再出信比第二批學生，其實orientat ...

thanks for your info,不過我見左好幾間都無咁既情況。我覺得佢地安排得唔好就梗架啦，之前我聽完 orientation都覺得呢間學校都好商業化，不過老婆話覺得好都無所謂。不過宜家就真係肯定左自己既睇法無錯。Cheap

cpy123

我明白講到有咩崇高理念都好，到尾都係為左搵錢。但係都係個句，為左搵錢，你可以去到幾盡。唉，正宗香港人本色

kayleyleung23

原帖由 cpy123 於 14-12-13 發表
我明白講到有咩崇高理念都好，到尾都係為左搵錢。但係都係個句，為左搵錢，你可以去到幾盡。唉，正宗香港人 ...

樓主大家放鬆d啦，宜家N班Zar, 小朋友重有好長既路架。我同你太太諗法一樣，係好商業，但都覺得無所謂。因諗真，lee個世界就係甘架啦，邊個吾係為錢呀。最緊要我都睇到movie 內d小朋友真係幾叻，你可以話佢播d比較smart 既片，但每間學校都係架啦。我都一樣，MW就腳，而且語景真係幾好，我係朋友介紹我、因佢囡讀過。我相信每間學校有大家既優勢，只係睇下家長要乜。當開始幫我小朋友報名時，其實我都好緊張，怕無offer, 因為細b, 但過程中，我發現bb係ok 架，可以有表現的，只係吾知學校收生標準.比d信心我地小朋友拉，相信最後讀邊間係緣份。如果你真係like 眀慧，其實你可以試下寫封信比學校話想要學位呀。吾好覺得吾應該，只係覺得可以幫小朋友爭取下

cpy123

原帖由 kayleyleung23 於 14-12-14 發表
樓主大家放鬆d啦，宜家N班Zar, 小朋友重有好長既路架。我同你太太諗法一樣，係好商業，但都覺得無所謂。因 ...

多謝建議!寫信就免啦，認清真面目，真搵自己笨?其實都唔關對自己小朋友有無信心既問題，唔收真係絕對無問題。唔通三千人apply又要收哂咩。只係覺得佢地令到我地認為佢要留條後路俾自己好cheap姐。十足好似D人一腳踏兩船，一唔唔答妳係咪分手，一路拖住兩件咁。

cpy123

仲有就算有好多學校好似佢咁，都只不過佢同人地都係屬於安排差既一堆。我自己都已經in左好幾間，有收到offer又收過waitlist。間間都有同步寄信通知。

kayleyleung23

原帖由 cpy123 於 14-12-14 發表
仲有就算有好多學校好似佢咁，都只不過佢同人地都係屬於安排差既一堆。我自己都已經in左好幾間，有收到offe ...

明白心情，我in 左都絕對希望收到信。我估學校免浪費行政資源掛，send 完wait list 到時又send有offer....不過講真，其實都吾知點解d學校收我地甘多回郵信封。安排面試一封，offer 一封，甘其他呢？

livewithhope

個校長擺明有問題，商業都算，仲要一d愛心都冇，咁小朋友入到去讀又如何？！幾叻又如何？！人生淨係為左$？仲乜都要有目的？！

cpy123

原帖由 livewithhope 於 14-12-14 發表
個校長擺明有問題，商業都算，仲要一d愛心都冇，咁小朋友入到去讀又如何？！幾叻又如何？！人生淨係為左$？ ...

有無愛心我就唔知，睇錢至上就係俾我既feeling。不過公道D講句，唔只呢間。其他有D出名既都係俾人feel到睇個錢去到天咁大。可能錢就係我地香港既核心價值啦

kayleyleung23

原帖由 cpy123 於 14-12-14 發表
有無愛心我就唔知，睇錢至上就係俾我既feeling。不過公道D講句，唔只呢間。其他有D出名既都係俾人feel到睇 ...

同意，其實公平d, 有邊間辦學吾係為錢，我聽過有d都有名氣既九龍塘學校重勁，校長面向家長好好笑容，但背後黑面到不得了，係一位學校裏面做老師既人講。吾講學校名，因朋友重係裏面做

kayleyleung23

原帖由 livewithhope 於 14-12-14 發表
個校長擺明有問題，商業都算，仲要一d愛心都冇，咁小朋友入到去讀又如何？！幾叻又如何？！人生淨係為左$？ ...

其實你點知校長冇愛心？你係用家？定你interview 嗰日見到d乜？

cpy123

原帖由 kayleyleung23 於 14-12-14 發表
同意，其實公平d, 有邊間辦學吾係為錢，我聽過有d都有名氣既九龍塘學校重勁，校長面向家長好好笑容，但背後 ...

所以我歸納呢D做衰學校，就好似上流社會下流人咁

livewithhope

原帖由 kayleyleung23 於 14-12-14 發表
其實你點知校長冇愛心？你係用家？定你interview 嗰日見到d乜？

Interview 嗰日我見唔到校長，係簡介會嗰日正副校同大家講野時畀我既感覺佢地只顧小朋友考唔考到好小學，幫佢地拎到d乜奬

livewithhope

原帖由 kayleyleung23 於 14-12-14 發表
同意，其實公平d, 有邊間辦學吾係為錢，我聽過有d都有名氣既九龍塘學校重勁，校長面向家長好好笑容，但背後 ...

其實真係有名氣既學校唔係純為$，真係有關心小朋友既成長，例如rhs。我不是明慧用家，有朋友上年讀緊明慧n，小朋友整親隻腳冇人通知，打返學校搵班主任同校長永世唔覆，我也不是只聽佢偏面之辭，自己有去明慧簡介會同面試也感受到，just share my feeling

kayleyleung23

原帖由 livewithhope 於 14-12-14 發表
其實真係有名氣既學校唔係純為$，真係有關心小朋友既成長，例如rhs。我不是明慧用家，有朋友上年讀緊明慧n ...

請問rhs 係邊間？學費平嗎？

kayleyleung23

原帖由 livewithhope 於 14-12-14 發表
其實真係有名氣既學校唔係純為$，真係有關心小朋友既成長，例如rhs。我不是明慧用家，有朋友上年讀緊明慧n ...

好吾開心聽到甘？想問你朋友既小朋友整親腳，送返學同接返學時無問老師/班主任嗎？點解要打電話等校長覆？不過作為家長，一定好吾開心

livewithhope

原帖由 kayleyleung23 於 14-12-14 發表
好吾開心聽到甘？想問你朋友既小朋友整親腳，送返學同接返學時無問老師/班主任嗎？點解要打電話等校長覆？ ...

我朋友要返工，唔係自己接送，我冇問到咁詳細 佢只係見到我有apply, 就同我講呢件事，學校同家長零交流，我諗佢搵校長係班主任唔覆掛？我唔係當事人，佢成件事點處理我冇去judge, 只係覺得呢間學校對小朋友既關心未必係我想要的