驚訝發現---人腦地圖素描功能

derek0811

懷疑個仔有人腦地圖素描功能...
無論去到邊(當然只限香港境內), 唔識搭咩車或行邊條街, 只要問個仔, 多數都答到你....佢就好似人肉乘車地圖一樣.

今日在街上隨機抽樣, 問佢680巴士去利安, 咁利安即是在哪裡?  佢可以仔細到在邊幾條街交界及附近有咩屋苑及建築物等都可以詳細咁講出來.....但佢自己本身並未去過利安或附近.....

由牛頭角唔識搭咩巴士去尖沙咀, 佢可以俾幾個Choice你(有遠有近), 講埋邊條線要在邊度上落車, 而佢又係從未搭過那些線路的.....

我知佢點解識, 因為佢真係會刨乘車地圖(去親書局都會睇一陣), 不過無想過佢會記住及真係記住, 而且是長久地去記住....

有D驚, 請問有無類似"特殊"興趣的小朋友家長?  你們如何教育這類小朋友?  可否分享一下?  

(他其他方面是一個很正常的小朋友, 社交人際, 情緒都沒問題的.)

maymay321

地圖迷、巴士迷、港鐵迷大部分都是自閉譜系的一種。他們最大特色是人肉地圖，講路線好厲害，他們只沉迷於地圖同路線，好難抽離。你要試下同佢講下其他話題，睇下回答是否9唔搭8，如果係，問題就比較嚴重。

bor_bor

我個仔係K1時老師有同我講疑似資優，但佢係學校好乖無情緒問題，遲啲會帶佢check下有無亞氏


又係680...有次係北角諗住去沙田，佢不斷叫我搭未坐過嘅680；之前睇過你嘅分享，我個仔今年升K2都係好沈迷（但無你仔仔咁叻識街道名），亦參考你嘅方法print路線表比佢，等佢順便識同認地方名，另外我都有買啲街道圖書同去旅行時拎railway表比佢，佢睇得好happy；佢依個暑假成日要求我地去坐未搭過嘅巴士線，咁我都有帶佢去坐，有時亦會比佢安排去目的地搭車同𨍭車地方，訓練下佢獨立性同組織能力，遲啲會比佢試下帶家中長老去街


其實我小時候都係好似仔仔咁，爸媽亦無發現，依樣興趣到長大後有用嘅地方係出外時會計劃用乜方法可以最快去到目的地，外遊都係由我plan行程，附帶好處係做野會安排好次序去做


好似有啲離題，你小朋友升小一，可以試下放手比佢安排做多樣功課先後次序，自己執書包等；小朋友鍾唔鍾意科學數理捉棋? 鍾意可以幫佢一把，搵多啲依類興趣班同書等比佢自學; 另你小朋友叩門成功嗎?

bor_bor

原帖由 derek0811 於 14-08-18 發表
懷疑個仔有人腦地圖素描功能...
無論去到邊(當然只限香港境內), 唔識搭咩車或行邊條街, 只要問個仔, 多數都 ...

另如未去過都識背，不如你帶佢親身去睇等佢體驗下，佢應該會好開心

derek0811

原帖由 maymay321 於 14-08-19 發表
地圖迷、巴士迷、港鐵迷大部分都是自閉譜系的一種。他們最大特色是人肉地圖，講路線好厲害，他們只沉迷於地 ...

佢又唔會獨沽一味，反而興趣廣泛，咩都鍾意學，有鋪學習癮，好快上手，所以識好多嘢，同佢傾偈則頭頭是道，仲識耍你，串你，潤你。

佢似乎擁有在自閉者身上才較常見的某些特異功能，但佢性格卻又不是自閉，仲好好傾，會同你討論，硏究，探索。學業上，無論口才，文筆都不錯，仲做班代表發言tim。

maymay321

derek0811 發表於 14-8-19 02:24
佢又唔會獨沽一味，反而興趣廣泛，咩都鍾意學，有鋪學習癮，好快上手，所以識好多嘢，同佢傾偈則頭頭是道， ...

那就安心了！最怕是只沉迷一樣東西，對其他事物沒反應、沒興趣！記憶力好是優點，利用於學習上，大有可為！

piglet0529

如亞氏K1有機會情緒未出的, 我仔就係, 只會較嚴重的自閉才會4歲前或更早出情緒行為問題, 多留意一下, 當然希望只係資優

crispin

derek0811 發表於 14-8-19 02:24
佢又唔會獨沽一味，反而興趣廣泛，咩都鍾意學，有鋪學習癮，好快上手，所以識好多嘢，同佢傾偈則頭頭是道， ...

咁你就唔駛擔心啦！如果你唔想佢睇地圖，咪比其實嘢佢睇/學囉！

我自己都係地圖迷，其實鍾意睇地圖嘅人，空間感好強，數理多數唔錯

bor_bor

原帖由 piglet0529 於 14-08-19 發表
如亞氏K1有機會情緒未出的, 我仔就係, 只會較嚴重的自閉才會4歲前或更早出情緒行為問題, 多留意一下, 當然 ...

謝謝你嘅建議，佢係校外都有情緒問題同固執，依個暑假都改善咗無咁差，希望開學後可以keep住係校內個乖乖樣同繼續同同學好好相處啦

Anniemun

derek0811 發表於 14-8-19 02:24
佢又唔會獨沽一味，反而興趣廣泛，咩都鍾意學，有鋪學習癮，好快上手，所以識好多嘢，同佢傾偈則頭頭是道， ...

咁你講到個仔咁叻喇，興趣廣泛，學嘢又快上手，仲有咩要問其他jm呢? 似上來齋share 多啲囉。  樓主的post 都睇過好幾個，大部份係對交通路線的熱忱，好明顯係亞氏特徵，但樓主又強調個仔唔係，咁你是想出多幾個post,等人認同? 其實不如實際啲，去做吓test, 如果錯失治療黃金期，你認為阿仔幾叻，令你幾有面子都是冇意義的。

derek0811

Anniemun 發表於 14-8-19 18:31
咁你講到個仔咁叻喇，興趣廣泛，學嘢又快上手，仲有咩要問其他jm呢? 似上來齋share 多啲囉。  樓 ...

主要share佢看似有問題果D情況啫(即交通路線那些), 其他真係叻果D野我都唔敢share了, 費事俾人話喺度認叻就唔好喇。天外有天, 叻的人大把啦。主要想引發多D其他真正叻仔的家長分享一下他們的教導經驗, 大家都有裨益嘛.  呢板講明資優教育嘛.  試過在自閉板share, 又俾D人叫來呢板, 呢板D人又叫我去自閉板...唔通自閉及資優真係一線之差?

derek0811

piglet0529 發表於 14-8-19 09:07
如亞氏K1有機會情緒未出的, 我仔就係, 只會較嚴重的自閉才會4歲前或更早出情緒行為問題, 多留意一下, 當然 ...

佢似乎細個時問題大一點, 反而越大就越有改善, 社交方面, 今年更見進步。繼續留意

derek0811

crispin 發表於 14-8-19 12:51
咁你就唔駛擔心啦！如果你唔想佢睇地圖，咪比其實嘢佢睇/學囉！

我自己都係地圖迷，其實鍾意睇地圖嘅人， ...

謝謝你的建議, 都有俾好多其他書他看, 以前他愛看功能性書籍.  後來跟他伴讀文學類書, 現在自己看老鼠記者了。無錯, 佢係好鍾意數理, 但由於行的太快, 我們STOP了他, 引導他去學其他東西, 分散一下, 想平衡一點。不過其實不容易, 阻也阻不了, 有時不給他學喜歡的東西, 他像很不開心似的, 做家長真的不易為啊。

Radiomama

類似的小朋友身邊也認識一個，極度迷戀巴士、火車路和型號，對有興趣的東西過目不忘，社交能力強，熱衷跟成人交談。
但是: 入了小學後上堂遊魂，每日專科專補，可是考試仍徘徊谷底....

問題在於過度熱愛自己的小天地，對其他事情不上心。

孩子還年幼，應引導他多元發展，叻與無咁叻，只是一種比較，開心一陣就夠了。最重要培養性情德育，我在不同帖都提完又提，因為這是我最深刻的體會。

derek0811

radiomama及eduking講得很好，完全中point.未來世界是溝通訊息相處及EQ的年代，其他嘢交俾電腦可以了。

Anniemun

Radiomama 發表於 14-8-21 13:50
類似的小朋友身邊也認識一個，極度迷戀巴士、火車路和型號，對有興趣的東西過目不忘，社交能力強，熱衷跟 ...

講得好，不過好多時仲係有人飄飄然，聽不入耳，唔係你都唔需要講完又講啦!其實，從 孩子利益出發才是首要的，難道不是嗎?

cl_kaka

回覆 EduKing 的帖子

derek0811

原帖由 joanthony 於 14-08-25 發表
本帖最後由 joanthony 於 14-8-25 12:11 編輯

如果只係睇地圖叻, 空間感強, 講真我真係睇唔到對日後學術 ...

我沒開心啊，我是擔心啊，雖然佢英文都超晒年，但就係太迷地圖及數學。點可以轉化佢呢？