精裝Train女仔 - 小一選校

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 小一選校 › 精裝Train女仔

12 3 4 5 6 7 8 9 10 ... 14 下一頁

查看: 74128\|回覆: 274	go 精裝Train女仔 [複製鏈接]

edu_father

大宅

Rank: 5 Rank: 5


	1617

1^#

發表於 13-10-4 12:06 |只看該作者 |倒序瀏覽 |打印

經朕苦思多年後, 終於比朕悟出咗原來Train女仔(家中條女)同Train女仔(家中個女)要注意o既野, 都有好多共通點, 亦可以將Train條女o既手法套用落去Train個女果道, 現朕同大家分享一下:

點評

麥兜MaMa 有無得精裝Train男仔？ x 2 發表於 14-6-19 11:23

Cutemom0808

發表於 13-10-4 15:32

bobbob 有無得精裝Train男仔？發表於 13-10-4 12:15

253 0 0 0

返回頂部

edu_father

大宅

Rank: 5 Rank: 5


	1617

2^#

發表於 13-10-4 12:06 |只看該作者

1. 制定規則的策略

喺開始拍拖o既時候, 係朕同條女互相制定出將來遊戲規則o既重要時刻, 只要做開係咁就會變成習慣, 固此當習慣後, 將來雙方都好難推得返依種規則. 所以記住千萬唔好蝕章, 一早就要培養條女有煮飯o既習慣(簡單啲講其實係屈). 當佢做開係咁就唔會覺得每日煮飯有啲嘜野問題, 亦會將依啲慣性視為理所當然, 同埋會覺得每日煮飯係佢自己o既責任, 當冇煮飯時佢會覺得係自己唔啱. 相反如太遲開始, 條女就會因玩慣而覺得辛苦, 亦較難令佢合作, 相信要花九牛二虎之力去調節, 但效果往往未必符合預期, 固此要養成條女有煮飯習慣, 越早開始成功機會就越大.

喺開始懂事o既時候, 係朕同個女互相制定出將來遊戲規則o既重要時刻, 只要做開係咁就會變成習慣, 固此當習慣後, 將來雙方都好難推得返依種規則. 所以記住千萬唔好蝕章, 一早就要培養個女有溫習o既習慣(簡單啲講其實係屈). 當佢做開係咁就唔會覺得每日溫習有啲嘜野問題, 亦會將依啲慣性視為理所當然, 同埋會覺得每日溫習係佢自己o既責任, 當冇溫習時佢會覺得係自己唔啱. 相反如太遲開始, 個女就會因玩慣而覺得辛苦, 亦較難令佢合作, 相信要花九牛二虎之力去調節, 但效果往往未必符合預期, 固此要養成個女有溫習習慣, 越早開始成功機會就越大.

點評

rainbowcov 理念相同.

發表於 13-10-9 13:35

HHCCMama 真係好得!!

發表於 13-10-7 16:55

返回頂部

edu_father

大宅

Rank: 5 Rank: 5


	1617

3^#

發表於 13-10-4 12:07 |只看該作者

本帖最後由 edu_father 於 13-10-4 13:07 編輯

2. 適時獎勵的技巧

好多人會喺拍拖初期扮哂細心, 當約會完結後, 會送條女返屋企難捨難離, 就算老年咁遠都照送, 其實咁做法係錯哂囉. 你試諗諗如果你不嬲送開條女返屋企, 只要有一日冇特別事做o既情況下你唔送佢, 佢會覺得你變咗, 覺得你唔再錫佢, 咪日鵝夜鵝話你唔啱囉, 分分鐘比佢話足你幾年. 但係如果你不嬲都冇送開佢返屋企, 佢唔會覺得有啲嘜野問題, 而有一日你突然送佢返歸, 佢會有嘜返應呢? 咪開心囉仲要係甜到飛起果隻, 分分鐘仲贊你夠浪漫同識比驚喜佢添.

溫馨提示: 就算唔夠分都要緊記提交「自行分配學位」表格

http://www.edu-kingdom.com/forum.php?mod=viewthread&tid=2650172

如果你成日都買禮物送比個女, 除浪費金錢外, 佢亦唔會識得珍惜, 最重要係你浪費咗令佢發奮讀書o既原動力. 假如佢溫習到符合你預期o既目標時, 先至買禮物送比佢, 喺重賞之下必有勇夫o既道理上, 佢會更加搏老命溫習, 其實長遠計咁做法先對個女最有利, 咁先算做識得真正去愛錫個女. 如果用同一邏輯去推論, 朕如果選擇不嬲都唔送條女返屋企, 長遠計咁做法先對條女最有利, 咁先算做識得真正去愛錫條女, 相信大家都會覺得朕講得好有道理.

返回頂部

edu_father

大宅

Rank: 5 Rank: 5


	1617

4^#

發表於 13-10-4 12:07 |只看該作者

3. 時間的編排

星期一至五要交人就緊架啦, 但都唔能夠全天候無間斷咁迫朕對住條女, 正所謂吊頸都要抖下氣, 必需要預留啲時間比朕去玩下, 如同班損友一齊落去BAR飲飲食食, 就算短短一個鐘甚至半個鐘都好丫, 成個人都變得開朗啲平衡啲. 至於星期六日同公眾假期等日子, 係走唔甩o既時間, 如可以的話就陪條女周圍去. 最好同條女講早上去郊遊, 下午陪佢去濕平魔行街, 咁條女就會好滿足咁配合朕, 亦會覺得朕冇得頂.

星期一至五要溫習就緊架啦, 但都唔能夠全天候無間斷咁迫個女溫習, 正所謂吊頸都要抖下氣, 必需要預留啲時間比個女去玩下, 如同班朋友仔一齊落去PLAYGROUND跑跑跳跳, 就算短短一個鐘甚至半個鐘都好丫, 成個人都變得開朗啲平衡啲. 至於星期六日同公眾假期等日子, 係學習o既黃金時間, 如可以的話就幫個女加操. 最好同個女講如早上乖乖學習, 下午必定帶佢出去任飲任食任玩嘜都得, 咁個女就會好滿足咁配合朕, 亦會覺得朕冇得頂.

返回頂部

edu_father

大宅

Rank: 5 Rank: 5


	1617

5^#

發表於 13-10-4 12:07 |只看該作者

4. 隨口噏當秘笈

拍拖第一年真係可以有情飲水飽, 簡簡單單只要走埋一齊條女就已經心滿意足, 朕會同條女見下面, 或煲下電話粥, 或講東講西, 或扮下鬼臉, 或拖下手仔, 或曬下月光, 又或攬攬錫錫摸背脊. 唔一定要洗好多錢o既, 只要識得吹下水氹得條女開心就可以, 總之千萬唔可以做壞規矩亂用錢, 否則樣樣洗慣就大鑊.

K1時個女太細啦, 在學術上, 朕只會教佢諗數目順序, 如1-100背熟咗先至算. 仲有教佢數下物件數目, 或A至Z, 或教佢巧簡單o既生字, 或背定乘數表, 又或背英文Phonics o既基本發音, 佢唔一定要明, 比佢當歌仔唱, 慢慢比佢記入腦就可以, 總之千萬唔可以太過急進, 否則個女怕咗溫習就大鑊.

返回頂部

edu_father

大宅

Rank: 5 Rank: 5


	1617

6^#

發表於 13-10-4 12:07 |只看該作者

本帖最後由 edu_father 於 13-10-4 13:07 編輯

5. 打好個底至重要

拍拖第二年要認真好多, 否則個底打得唔好就影響深遠. 朕會開始介紹家人比條女認識, 仲要條女認清楚朕啲親朋戚友, 當然係由少至多. 朕o既家規要正式話佢知, 整個家族有嘜禁忌佢亦要熟悉, 根據條女進度慢慢加深. 至於皇宮就要佢日日打掃, 熟能生巧好重要, 當佢煮完晚飯後, 就根據進度洗埋屎坑, 同埋幫未來老爺奶奶洗腳等.

小一報讀女子名校的經驗分享

http://www.edu-kingdom.com/forum.php?mod=viewthread&tid=2652234&extra=page%3D18

K2時要認真好多, 否則個底打得唔好就影響深遠. 朕會開始比個女睇簡單o既中英文書, 仲要個女認中英文生字, 同要學多啲詞語o既意思, 當然讀物要由淺入深. 英文要正式教佢Phonics應用, 數學亦開始要佢計加減數, 根據個女進度慢慢加深. 而且數學就要佢日日計, 熟能生巧好重要, 當佢學識單數加減後, 就根據進度學雙位加減, 同埋連加及連減法等.

返回頂部

edu_father

大宅

Rank: 5 Rank: 5


	1617

7^#

發表於 13-10-4 12:07 |只看該作者

6. 你的日子如何, 你的力量也必如何

拍拖第三年相信條女已熟悉家中各成員所需, 除咗要再比多啲家務佢做外, 亦要開始比佢負責埋交各項費用, 仲要喺櫃筒攞哂啲水電煤單比佢去交, 當然差响同管理費亦唔少得, 仲有就係要緊記教識條女自己去買餸, 以上做法其實係比條女預先習慣婚後生活o既模式, 比佢一早睇到前景佢就會安心好多. 如果條女天資夠又做得快手, 咁佢做完皇宮家務就繼續比佢做埋三叔婆屋企o既家務. 雖然條女經常要做家務會有啲辛苦, 但係朕深信” 條女的日子如何, 條女的力量也必如何”.

K3時相信個女已有一定認字或閱讀能力. 除咗要再比多啲書佢睇外, 亦要開始同佢默書, 仲要喺書局買一年班o既中英數練習每日比佢做啲, 當然中英文閱讀理解練習亦唔少得, 仲有就係要緊記教識個女自己睇題目, 以上做法其實係比個女預先習慣小學學習o既模式, 比佢一早睇到前景佢就會安心好多. 如果個女天資夠又做得快手, 咁佢做完一年班練習就繼續比佢做更高年班o既練習. 雖然個女經常要做練習會有啲辛苦, 但係朕深信” 個女的日子如何, 個女的力量也必如何”.

返回頂部

edu_father

大宅

Rank: 5 Rank: 5


	1617

8^#

發表於 13-10-4 12:07 |只看該作者

7. 訓練自動波的方法

如果要日日親身睇實條女做家務, 咁會好浪費時間, 通常朕係今晚教條女新野, 而佢自己第二日放工後做有關家務, 到朕返到皇宮再幫條女睇下做得啱定錯, 之後再向佢進一步指導. 如果條女冇做或亂做, 朕會罰佢第二日冇飯食, 冇得玩Whatsapp, 冇得去街, 又或冇得搽指甲油等等, 但絶對唔贊同體罸.

如果要日日親身睇實個女做練習, 咁會好浪費時間, 通常朕係今晚教個女新野, 而佢自己第二日放學後做有關練習, 到朕返到皇宮再幫個女睇下做得啱定錯, 之後再向佢進一步指導. 如果個女冇做或亂做, 朕會罰佢第二日冇得玩, 冇得睇電視, 冇得去街, 又或冇得食零食等等, 但絶對唔贊同體罸.

返回頂部

edu_father

大宅

Rank: 5 Rank: 5


	1617

9^#

發表於 13-10-4 12:08 |只看該作者

8. 毅力是最大的力量

最後, 亦係最重要o既野, 朕同條女本身都要有足夠毅力, 婚前或婚後都唔好怕蝕底, 亦唔好比果份熱戀冷卻, 要長期相親相愛同互相尊重. 如果兩公婆能公一份婆一份就更佳.

最後, 亦係最重要o既野, 父母本身都要有足夠毅力, 放工或放假後都唔好怕辛苦, 亦唔好比果份熱誠冷卻, 要長期幫個女溫習同帶佢出去玩. 如果兩公婆能分工合作教唔同科目就更佳.

返回頂部

edu_father

大宅

Rank: 5 Rank: 5


	1617

10^#

發表於 13-10-4 12:08 |只看該作者

本帖最後由 edu_father 於 13-10-4 13:48 編輯

其實朕眼見好多家長都好緊張自己o既子女能否入讀到心儀學校, 咁緊張當然係人之常情, 但當過咗火位就會對自己o既心理同身理都會有不良影響, 其實大家可以試下放鬆啲用較輕鬆o既方法去面對, 咁返而可能有新o既睇會同諗到新o既思維去處理問題, 就因為咁, 朕先至用依種較幽默o既手法寫出本文.

朕Train個女所用o既方法唔會係最好, 亦未必人人認同, 當然更加唔會個個小朋友都合適, 不過依啲的而且確係朕o既小小經驗. 希望大家都亦分享一下自己o既Train子女心得, 等大家互相觀摩互相學習, 達至各人都搵到至合適自己仔女o既學習模式, 從而達至多贏. 但討論當中希望大家要保持理智同互相尊重, 避免唇槍舌劍互相問候對方家族成員.

文章中有關朕家中條女(即皇后)o既描述, 其實純粹係朕o既幻想. 你地睇本貼第一句已有講[[[經朕苦思多年後]]], 即係話朕由拍拖起諗到今時今日先至悟出有關道理, 但時機己逝仲比皇后Train返轉頭添.

最後, 祝大家身體健康, 心想事成.

朕花咗十九幾年研究出嚟, 如Like就回覆一下啦.