發展遲緩

DollyCC

我個女歲半唔識放手行，唔識叫爸媽，醫院叫我排幼兒園兼收位，有無家長讀緊，好唔好

lovelygut

有無做物理治療？

DollyCC

排左期做

methy

回復 DollyCC 的帖子

幼兒園兼收位 (i位)

是普通幼兒園或幼兒中心加一些學位，給發展比較慢的 (又不算很慢)小朋友就讀的。日常的活動都是一大班小朋友上堂，但是這六位小朋友會有由社會福利署撥款多請回來的一位特殊幼兒工作員，即是平時叫做I位老 師的同事和小朋友做一些個別訓練。基本上個別訓練的範疇也很全面，因為每個老師都要全權負責大肌、小肌、智能、語言等等各方面的發展。除了兼收老師之外，還有言語治療師每隔一段時間到訪，現在的要求是每一個月兩次至三次進行個別訓練或小組訓練，要視乎每間幼兒園不同的安排。


你無指明問邊一間,好難答你好不好.每區都係i位,只有適唔適合你小朋友。


我小朋友1歲時未識坐.轉介左排E +S位 (http://peggying.mysinablog.com/index.php?op=ViewArticle&articleId=2644888) ,歲半左右排到醫院物理治療,期間自費私人物理治療( $1000/小時)，歲半坐到.2歲半放手行，2歲9個月入普通幼兒園既普通位(呢間本身有i位)+E位訓練,3歲半排到S位。

DollyCC

我而家排海富救世軍，旺角基督教服務處，保護兒童會中銀幼兒。唔知呢幾間好唔好

methy

回復 DollyCC 的帖子

我唔係住呢區，等其他jm 答你吵呀。

但建議你呢3間都親身打電話返校長或主任,了解一下佢地個 i位，講比佢地聽你小朋友情況，問下佢地點支援等等，或係未排到佢地i位時,去間學校申請暫託(足2歲)，開頭暫託兩小時，一星期可以返幾多日就睇學校安排。

我自己搵幼兒園(普通位),都參觀哂,就算有d學校有i位，分別都可以好大，有d學校既校長可以幾mean,令你不太好受,有d真係好有心,好想幫你。

checkylam

有啲學校的i 位老師好似打雜咁, 邊到唔夠老師就去幫手, 有啲仲要教埋書, 咁樣究竟可唔可以呢?

DollyCC

但社工同我講i位老師只照顧i位小朋友，但做落可能好難唔幫手

DollyCC

但社工同我講i位老師只照顧i位小朋友。
本人覺得做落可能好難唔幫手 。

shuna

咁遲都唔識行,點解唔排s位或e位? 資源多d, 進步快d, I 位比慢少少既去讀會有進步, 但你小朋友唔係咁叻,我怕你會浪費左佢寶貴既時間,錯過左黃金訓練期,到4,5歲時追唔返正常進度又要入返s位。

methy

回復 DollyCC 的帖子

唔好話我長氣，如其聽社工講，自己打去有ｉ位既幼稚園問問，講真ｉ位服務好超級有限公司。對於你小朋友．我怕力度不夠。

maymay621

回復 DollyCC 的帖子

咁遲都唔識行要快d見物理治療師, 如果有能力就搵私家, 唔好再等.

小馬高

排S 位好d , 進步會快d  , 因為i 位一個月先做2-3次, 一次得30mins , 而s 位日日都巿有幾個鐘上

DollyCC

S位係咩

bauhiniakan2000

回復 DollyCC 的帖子

有無轉介 CAC 做評估?

DollyCC

有呀，下星期去見姑娘

bauhiniakan2000

回復 DollyCC 的帖子

你未做評估,應該未排得,是否醫院社工建議,重未同你排,係唔係佢建議你搵有 I 位,兼收位學校,見CAC姑娘前留意小朋友除左唔講野同唔識行,重有乜問题,最好寫低晒先,到時同佢講,我囝21個月唔識行,BB話都無,見CAC姑娘,三個月後見醫生,確診 AUTISTIC DISORDER 自閉症,我囝因為好嚴重,所以甘快,但一般要等 6-9 個月,是乎小朋友的倩況.

jaynepig

我個小朋友都係9個月既時候俾健康院轉介cac做評估，到小朋友而家3歳鬆D，除了小肌肉發展較同齡慢3至4個月外，各方面與同齡表現及能力並無任何差異，雖然回想當年頻頻樸撲，驗這驗那，其實到而家都搵到病因，只係當時話大小肌肉發展遲緩而已

angels'mom

回復 DollyCC 的帖子

你見完姑娘仲要再等先見醫生，見完醫生見完社工仲要再等好耐先有政府服務。

經濟許可的話盡快自費做訓練，大小肌肉發展遲不是一朝一夕會進步的，真係多勞多得的。

多帶小朋友去公園玩也有幫助。

viviankai

如果你有醫院兒科醫生跟進嘅話，你自己RECOMMEND佢寫信俾你交俾社工轉排E+S位啦，如果唔係你等CAC，就有排啦。

我個女MOTOR DELAY, 未見CAC個陣醫生本來RECOMMEND我去I位，但因為我當時排緊E位，有關愛基金安排左E位服務俾我，之後個導師就叫我同醫生講寫信加S位一定唔好入I位。因為I位係幫唔到小朋友，佢嘅I位教師可能係一個月只見小朋友一次至兩次