大家應為"普教中"好定唔好呢?

ykbb

大家應為"普教中"好定唔好呢?

msllau

好,我手寫我口,中文會好d..

alice44

好. 順便學好聽和講.

yuenkw

PTH係官方語言，除非無打算留係HK & PRC發展，否則越細開始 train 越好。

talknwrite

都無得好唔好了, 勢之所趨. 秦始皇統一文字, 中共更上一層,真正統一語言.

chankaman-138

原帖由 ykbb 於 11-9-13 14:07 發表
大家應為"普教中"好定唔好呢?

好啊，一方面學習中文，又能加強普通話能力！

ykbb

但我想同個女報果間小學係無普教中架, 中文同普通話係分開架, 點算好?

vincher

好！普通話溝通能力和拼讀能力可提升，但對寫作能力沒太大幫助

SEI

I think it is good for children.

angelmumy

我囡都係普教中, 普通話讀寫能力真係唔錯, 但係我見好多心儀的中學,都唔係普教中, 咁咪又要重新適應?

KK07

大多數家長都覺好, 但我係小數,我覺得唔太好.

原因:

1. 小學階段,我想自己的孩子真真正正建立母語溝通的能力,我母語係廣東話, 我想孩子學文雅的廣東話,而唔係屋企'食飯啦'既口語.  廣東話係古語, 古詩很多都是原廣東話發音,這亦是中國文化, 點解唔多去學習?

2. 唔想小朋友小學時對中文字發音有混淆, 我怕他把'你'字的廣東話由'nei'讀成普通話既'ni', 而家年青人講嘢已經好多懶音,我怕我的孩子更差!

3. 我贊成把普通話看作oral 一樣,去學講一種語言. 我絕對唔擔心佢長大後普通話有問題,由拼音學起,怎會學不好? 根本香港已經有一個普通話語言環境. 我自己本身也是大學時學拼音,畢業後本來說得不太好, 後來常出差大陸,很快用普通話同當地人'閙交'都好流利! 中國之大,方言之多,學懂正宗北京口音,你去四川,上海都未必聽得懂他們的普通話!

4. 要中文科用普通話教, 等於要大部分中文老師從大陸招聘,講真我唔鍾意, 教中文科的老師不單是教說話文法, 還有一些道德倫理在其中的,我想這些外來老師與本土老師是有分別. 話雖如北,我知已有很多大陸來的學生入讀教育學院中文系,將來可能冇幾個香港土生土長既中文老師啦!

hongkeikei

原帖由 KK07 於 11-9-14 14:27 發表
大多數家長都覺好, 但我係小數,我覺得唔太好.

原因:

1. 小學階段,我想自己的孩子真真正正建立母語溝通的能力,我母語係廣東話, 我想孩子學文雅的廣東話,而唔係屋企'食飯啦'既口語.  廣東話係古語, 古詩很多都是原廣 ...

hi,

我和妳一樣,唔覺普教中有絕對優勢.
我的兒女都是讀普教中的小學,我反而覺得中文堂用廣東話母話教對他們,尢其是初小,會直接提高對課文的興趣,他們也較容易掌握!只要小學開始有普通話堂,我覺得一路讀上去,唔擔心大時唔識講普通話.

另外,國內來的老師教法普遍較喜歡操練,著重拼音和多背誦,這樣不能帶起學生學習中文的興趣,反而是得不償失!

至於中文水準和寫作能力,我唔認為用普教中有很大的幫助,反而多閱讀有直接的影響,這是我自己親身的感受.

所以女兒升上中學,我尊重她的意願,沒有入普教中班...

[ 本帖最後由 hongkeikei 於 11-9-14 17:49 編輯 ]

ah-ho

估唔到我唔係唯一的少數。
我個仔剛上小學，都有分普中班及廣東班。
我最初都好似大部分人想法，梗係普中班好啦。但後來想深一層，普中班可能令佢學習時更多複雜性既問題出現，故後面我都唔強求一定要入普中班了。反正我自己都係出黎做野先正式學普通話，而家既水平雖然唔係好純正既普通話，但咪一樣搵到食。

五歲仔

好同意KK07的說法, 我都唔讚成小學普教中，而且現在中學文憑試的中文聆聽科都係用廣東話考

hongkeikei

所以絕大部份中學在F.4之後,都將所有班級轉回廣東話教授中文科.

[ 本帖最後由 hongkeikei 於 11-9-14 23:35 編輯 ]

hongkeikei

duplicated

[ 本帖最後由 hongkeikei 於 11-9-14 23:34 編輯 ]

karen55407

大部份津校有行普教中的，多數成績好的學生家長會為子女揀普教中班。相反，中文科或普通話科較弱的學生家長會揀粵教中班，普教中班變相成了精英班。導致部份成績好的家長本來唔想讀普教中班，也對粵教中班卻步。我女兒學校今年也開始實行普教中，校長話以其他已實行普教中的學校數據顯示，讀普教中並不代表會提高中文能力，有啲學生還會影響中文科成績變差，但必會提高普通話能力。

[ 本帖最後由 karen55407 於 11-9-15 11:02 編輯 ]