林大輝中學

anitatata

想問下大家，有無邊位家長兒女考左沙田林大輝中學
(直資)，我兒子佢考左啦。

anitatata

大家有無睇過呢間學校既資料呀?有d咩意見呢?

ngtszman

類似體藝中學

ngtszman

我的女兒成功考入林大輝中學

anitatata

我個仔都考左呀!

ngtszman 寫道:
我的女兒成功考入林大輝中學

anitatata

仲有無家長既小朋友考左林大輝中學呀?

anitatata

大家交流下如果考左呢間

anitatata

我今日去睇過學校啦.而家整緊內部既野，希望可以快d整好啦。

沙田柚

可否話我知,你地既子女小學成績如何,佢地收得高唔高?
我下一年要面對同一問題!!Thank!
(我個仔好喜歡運動,但成績一般至中下!)
睇報紙,似乎唔太難!係咪?
有朋友話體藝900人競爭180個位!有冇其他家長知道邊一間容易入d呢?及兩校最大分別係乜呢?Many thanks!

----------------------------------------------------
林 大 輝 中 學 2.6 人 爭 一 學 額


　　( 星 島 日 報 報 道 ) 林 大 輝 中 學 中 一 自 行 收 生 於 上 月 底 截 止 申 請 ， 該 校 共 收 到 二 百 二 十 八 份 申 請 ， 競 逐 八 十 八 個 學 額 ， 平 均 二 點 六 人 爭 一 個 學 額 。 該 校 校 監 林 大 輝 對 招 生 結 果 表 示 滿 意 。 校 方 將 於 三 月 內 完 成 面 試 ， 並 於 七 月 ， 一 併 公 布 統 一 派 位 申 請 結 果 。

　 　 另 外 ， 該 校 現 正 接 受 申 請 入 讀 中 四 ， 學 額 為 一 百 二 十 五 至 一 百 五 十 個 ， 全 年 學 費 一 萬 三 千 元 ， 截 止 日 期 為 五 月 二 十 五 日 。 有 意 報 讀 者 ， 可 致 電 2786 1990 查 詢 ， 或 瀏 覽 www.lcf.org.hk 。

2004/3/9
----------------------------------------------------

anitatata

沙田柚
體藝佢就要睇成績。咁就唔係話林大輝唔洗睇，校長面試都有d嚴，我小朋友成績都係一般(叫做合格多數都係B)，佢都有乒乓球小小既資料搭下啦，如果你話你小朋友成績一般體藝都未必得啦。今年林大輝2.6爭一個位.因為佢係新校，但出年我就覺得一定唔止呢個數，而體藝因為你交表唔影響你交另一間，所以一定會多人去試囉。
thx

HPChingchingma

唔好意思！我有少少個人消息，聽到如下 ： -

我住沙田，我知很多家長擔心林大輝其是早年的實用中學的替身還魂，很多沒有自行入紙申請，也不愛它的校名，校舍外牆只有5隻字 < 林大輝中學 > 沒有將辨學團體名稱裝上校舍外牆上，太私立形象了。反而培基書院就有很多人申請的了，亦得甚多家長喜愛。知有女仔讀九龍真光小學有入紙申請，也有讀雨川的精英班男仔申請。

而馬鞍山的陳震夏就是得 band two 學生的家長喜愛，校董會的成員有前沙官校長馬兆 良，李金鐘，殷巧兒等等。全是中大畢業生。而大家對馬生當年將沙官辦得這麼出色而充滿信心咁話！校董會一早已在它的幼稚園開幾次家長會了，詳細述明中，小，幼一絛龍及家校合作的流程了。

沙田柚

anitatata 寫道:
如果你話你小朋友成績一般體藝都未必得啦。今年林大輝2.6爭一個位.因為佢係新校，但出年我就覺得一定唔止呢個數，而體藝因為你交表唔影響你交另一間，所以一定會多人去試囉。

乜報體藝唔影響報另一間咩??點解?唔明???咁你有冇試報??或是報讀林大輝報唔得體藝??
是否你指報林大輝會影響家長交另一間??

唉!當然我知世界到尾都係講現實既,點會唔成績行先丫,我想林大輝亦唔會有乜大變單講"理想",這亦人之常情!!你睇楊國榮強烈否認結龍就知啦!!

【本報訊】（記者　李國標）林大輝中學的創校籌委之一是理大副校長楊國榮，他是林大輝的老師，對該新校亦有相當的支援、「提攜」。不過所有籌委對該中學可能與理大掛鉤，結成一條龍大、中學，昨日都予以強烈否認。---文匯

如果真係同理大結龍,即收得人錢,有信心將人家既子女教到掂入理大,咁再貴d學費都值啦!但有得揀,當然揀最好成績啦!

如果個仔又讀得又玩得當然好啦,有幾多咁既稀有動物丫!!如果個仔係band 1 中既 band 1,就算唔玩得,做家長使乜張羅咁多丫..!!但既然佢話得:

　 　 林 大 輝 慈 善 基 金 會 主 席 林 大 輝 強 調 ， 反 對 以 成 績 決 定 學 校 的 辦 學 表 現 ， 他 從 來 沒 有 打 算 辦 一 所 第 一 組 別 學 校 ， 只 想 辦 具 特 色 的 學 校 ， 培 養 學 生 全 人 發 展 ， 配 合 社 會 需 要 。 ---星島

做家長既唯有聽其言,但未可"觀其行"嘛!所以咪問問你們呢的先行者囉!你地既意見真係好寶貴!Thank!

程程媽 寫道:
唔好意思！我有少少個人消息，聽到如下 ： -

我住沙田，我知很多家長擔心林大輝其是早年的實用中學的替身還魂，很多沒有自行入紙申請，也不愛它的校名，校舍外牆只有5隻字 < 林大輝中學 > 沒有將辨學團體名稱裝上校舍外牆上，太私立形象了....馬鞍山的陳震夏就是得 band two 學生的家長喜愛....

呢點我都有想過! 林大輝係半島時裝老闆,將來學生出路點好睇理大及半島有幾支援、「提攜」!!另外AL 有冇時裝 設計考呢?定d學生一樣考現行AL既Art&Design?

馬鞍山的陳震夏我都會想過,但離家比較遠,及其他馬鞍山中學都不太理想!有d猶豫....!但好多謝你的提醒及詳細資料!Many thanks ^^

[quote]
( 星 島 日 報 報 道 ) 以 體 育 、 創 新 科 技 、 時 裝 設 計 為 賣 點 的 直 資 英 中 林 大 輝 中 學 ， 明 年 九 月 在 沙 田 正 式 開 辦 ， 招 收 共 三 百 一 十 名 中 一 及 中 四 學 生 。 學 校 將 大 派 獎 學 金 ， 學 術 表 現 及 美 育 範 疇 表 現 優 異 的 學 生 皆 可 獲 得 相 等 於 一 年 學 費 的 獎 學 金 ， 最 高 二 萬 六 千 元 。 學 校 將 採 用 彈 性 學 分 制 ， 並 聘 請 外 籍 英 語 老 師 任 教 全 部 英 語 課 程 。

　 　 由 林 大 輝 慈 善 基 金 會 開 辦 、 財 政 司 長 唐 英 年 、 中 國 香 港 體 育 協 會 暨 奧 林 匹 克 委 員 會 會 長 霍 震 霆 等 出 任 建 校 委 員 會 成 員 的 林 大 輝 中 學 ， 昨 日 宣 布 招 收 中 一 及 中 四 生 詳 情 ， 學 額 分 別 為 一 百 六 十 個 及 一 百 五 十 個 ﹔ 學 費 分 別 為 每 年 一 萬 元 及 一 萬 三 千 元 ， 並 邀 得 香 港 學 界 體 育 聯 會 會 長 范 錦 平 擔 任 校 長 。

　 　 范 錦 平 指 出 ， 中 一 及 中 四 每 年 學 費 分 別 為 一 萬 元 及 一 萬 三 千 元 ， 為 免 學 生 因 經 濟 問 題 卻 步 ， 學 校 設 有 獎 學 金 ， 學 業 、 操 行 符 合 要 求 及 在 美 育 項 目 獲 獎 者 皆 可 獲 獎 學 金 ， 暫 不 設 限 額 ， 並 以 優 惠 價 為 學 生 提 供 校 巴 服 務 ， 接 載 學 生 由 觀 塘 、 深 水

anitatata

沙田柚
你真係好勤力"mic"左咁多報紙料。如果你報體藝亦可以再報多一間有派位既中學，因為體藝係自由報讀不影響再報另一間中學，但佢有優先權收學生，即係你報左體藝及abc中學，如果體藝及abc中學都收你，咁體藝就有優先權收取該學生，而abc中學就唔可以收你架啦。
我選林大輝係因為我個仔唔係死讀書果隻，又鍾意玩(比佢激鬼死)，而佢比較活動d所以會岩佢囉，而且佢既成績係中間人，出去爭英中一定爭唔到.咁見佢係新校學位比較多又係英中咁就試下。正如程媽媽所講，有好多人都唔係好鍾意佢既學校名(其實我都係囉)，鬼叫係林大輝比錢咩，是但啦，讀書姐，咩名都無所為啦，佢讀得開心就得啦。
好快又到你報啦wor，但我仲快過你呀!我 13/7放榜啦!
保持聯絡啦大家可以交流下意見
thx

較肉柱

希望佢唔會係馬鞍山德信中學既翻版啦！

沙田柚

馬鞍山德信中學??死啦蓮名都未聽過添!
發生過乜野事??

老兄好似知好多內幕野,可否指引下我地呢d中游既家長,點樣作出明智既選擇?Thank!

較肉柱

德信中學係馬鞍山錦泰苑隔離,
係直資男校,
問題就係新校而同時又係直資,
起係馬鞍山新開發區,
你都話未聽過呢！
唔洗驚你唔會係第一個同最後一個未聽過既人,
就係因為冇乜人聽過所以而家仲慘淡經營緊！

管理層係好有理想同抱負,
可惜先天不足....................

較肉柱

林大輝中學一定會好過德信,
因為佢起係威爾斯醫院對面,
日日咁多人出入醫院起碼唔會冇人識啦,
德信就慘咯！
條街一日都唔知有冇十個人經過呀！

沙田柚

德信:
http://tsss.school.net.hk/info.html
http://embhsc.hkedcity.net/sprofile/547.html

100%自行收生....好勇...!St. Paul boy都唔得啦!
仲勇過林大輝...!有冇做市場調查嫁....!佢辦唔點咁間大校舍.....係咪政府錢黎嫁..??

不過.......喂!人家兩年都收足人數喎.....都係唔好太快下結論...如果係好既,家長自會識貨既!天主教辦學一般唔會太差!

kittychow

講得啱！
我有幾個朋友的孩子在德信中學唸書，她們對此校並沒有甚麽微言。而且我本身亦住馬鞍山。 無錯，過往3年德信無論收F.1或預科生都唔需要好似其他新校在報章大賣廣告或要個校長在商塲在Roadshow，因為根本人家收生不成問題，除了德信小學部有預留部份學位之外，街外收生都不愁無人讀。據知，德信會設英文筆試，英語口試(約半小時)、英語聆聽考試及IQ Test，共要過4關。前年，以十二月自行第一次收生，都有成3百幾人申請，十個揀三個，亦有不少街坊申請失敗；上年亦有不少德信小學部學生申請都被拒，未能入讀。甚至，觀察過往兩年中一放榜所見，申請人數達300人，一個下午40幾個位已滿額。

本人亦參觀過其千禧校舍，面積及校內設施好過不少沙田區名牌中學，師資亦不差(老師達博士及碩士程度不少過沙田區名牌中學；每班F.1 -F.3有兩個英文老師，其中一位是外籍英文教師)，唔明點解有人話甚麼『先天不足』和『慘淡經營』？那方面『不足』??
唔通要間學校建在大型商場裏面，好似Ｄ大型補習社，係條街派傳單咁就叫做好？雖知人家是辦學，並不是商營公司，毋須掟錢賣廣告增加知名度，不如留番D錢增添校內資源，令學生受惠仲好。
仲有，人家有教會backup，學費F.1-F.3收HK$450，唔學得林大輝收成HK$1000，大部份學費用嚟賣廣告和做Roadshow。

沙田柚 寫道:
德信:
http://tsss.school.net.hk/info.html
http://embhsc.hkedcity.net/sprofile/547.html

100%自行收生....好勇...!St. Paul boy都唔得啦!
仲勇過林大輝...!有冇做市場調查嫁....!佢辦唔點咁間大校舍.....係咪政府錢黎嫁..??

不過.......喂!人家兩年都收足人數喎.....都係唔好太快下結論...如果係好既,家長自會識貨既!天主教辦學一般唔會太差!

HPChingchingma

較肉柱 寫道:
林大輝中學一定會好過德信,
因為佢起係威爾斯醫院對面,
日日咁多人出入醫院起碼唔會冇人識啦,
德信就慘咯！
條街一日都唔知有冇十個人經過呀！

出入醫院多是病人和家人，心情多不太好，究竟有幾多人知是學校？？？？

不過，我認識人當中均沒有說德信不好就是事實。很多家長話自己決定收生可保質素喎！咁呢樣是不是？

沙田直資中，培基和德信，我都有興趣架！！！！
麻煩較肉柱再報料，報料，參詳，參詳，多謝，多謝給意見！

anitata>>
不知你無資料，就是我在<林大輝中學>見有<唐英年題>，這4個大字，拍得住校名咁大。究竟半島老細是唐唐還是林林？